3 Dioni 1:2 - Panake Pi La: Ula: Buka pita: Kine Pieke Buka

² Yaka yankekeo. I̱ma꞉ neke yeni peaaso ekita꞉ mo naka꞉ pitele haumanu paeyao epeke tupa꞉ puelena꞉ make naka꞉ loke pa꞉ta꞉ yeni ma꞉nda꞉ na hake honkopu hao halena꞉ loa꞉me. Hande naka꞉ temoko epeke tupa꞉ hala꞉ ekita꞉ I̱ma꞉ amba꞉ hone witolo loa꞉me.

3 Dioni 1:2 Mawu Ofanana

Ma꞉tiu 9:12

Yesuma꞉ koto lemeke pi opua iki pa꞉ta꞉ alota꞉ Yeni na hasa꞉ wanda꞉halima꞉ dokeda hali pa꞉ta꞉ na polo pelemepate pa yeni hasa꞉ wanda꞉halita꞉ dokeda pa꞉ta꞉ pelimikie.

Pilipai 2:27

Ota꞉e ipikita꞉ yeni tieke mea ota꞉ teke pa꞉ta꞉ homea꞉pate Koda꞉ma꞉ ipiki pa꞉ta꞉ a꞉ta꞉ma꞉ homea꞉me. Pa ipiki homeke dia꞉ya꞉pate Koda꞉ma꞉ I̱ma꞉ puki tanda ma꞉nda꞉ma꞉ na homonoyeke I̱ pa꞉ta꞉ make a꞉ta꞉ma꞉ homea꞉me.

Pilipai 2:4

Koto ekina꞉ta꞉ pa naka꞉eki homeke hone witolo ma꞉nda꞉na꞉ ekita꞉ naka꞉ leke tankema꞉ na handeke wopu hone wia handeteke ha alualu pea꞉pa꞉peke.

2 Desalonaika 1:3

Nika꞉ kametonuo. Iki pa꞉ta꞉ hone witolo hata꞉ Koda꞉ pa꞉ta꞉ keiyae pi lo hamonoe. Ota꞉ dupiki pi lo haloma꞉ ekina꞉ teketa꞉ ika꞉ hone tulaleme ekita꞉ ota꞉ anekema꞉ daela꞉me. Kutupa mo ika꞉ pukima꞉ homa꞉ alualu pelemeeki make daeya tieke ya꞉la꞉me.

2 Desalonaika 2:13

Tekehalima꞉ pukima꞉ homo hala꞉ kametonuo. Hoto paeyao ikina꞉ Koda꞉ pa꞉ta꞉ keiyae lo hamonoe. Koda꞉ma꞉ iki peteluekema꞉ titina꞉ amba꞉ ma̱leke lia mea haya꞉me. Mo Holi Sipitidima꞉ iki Koda꞉na꞉eki hamena꞉ sa̱ pa꞉la꞉ ekima꞉ make ika꞉ mo ota꞉ pi pa꞉ta꞉ hone tulaleme ekima꞉ make koto ekima꞉ta꞉ Koda꞉ma꞉ iki petelea꞉me.

Dia꞉mesi 5:12

Ya kametitio. Pi tieke doe. Ikana꞉ma꞉ pi la꞉ wimika꞉na꞉ta꞉ oli hepenina꞉ biki make do kenkena꞉ biki make ala꞉ta꞉ ma꞉nda꞉na꞉ biki make na la꞉ wia꞉pa꞉peke. Kutupa Aowe loluekema꞉ta꞉ pa Aowe pi homeke lapa꞉peke. Kutupa make Dia꞉me loluekema꞉ta꞉ pa Dia꞉me pi homeke lapa꞉peke. Tekehalima꞉ iki pa꞉ta꞉ pi yokaalu pilieke la loa꞉me.

1 Pida 4:8

Pukima꞉ homa꞉la꞉ ekima꞉ta꞉ hoke hau eleke eleke a꞉mbao haleke handa ika꞉ titina꞉ hauta꞉ pukima꞉ ota꞉ wopu homa꞉ alualu pu hapa꞉peke.

2 Pida 3:18

Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.

3 Dioni 1:1

I̱ta꞉ you halima꞉ mo yaka pukima꞉ homolo yankeke Kaiasi pa꞉ta꞉ do tameiya꞉ tapaasome.

Peneme Yaeyekeeki 2:9

Ika꞉ ka꞉nda꞉ manuta꞉ I̱ma꞉ hone ulume. Ikita꞉ nate hali halemepate ikita꞉ ota꞉ hamoko halememe hone ulume. Diu wanda꞉hali dia꞉ya꞉la꞉pate kone ikita꞉ Diu wanda꞉halie lo haleme wanda꞉halima꞉ iki pa꞉ta꞉ hoke pimanu lo haleme ekita꞉ I̱ma꞉ hone ulume. Koto wanda꞉halita꞉ Sadanina꞉ tapakee.