2 Timodi 1:12 - Panake Pi La: Ula: Buka pita: Kine Pieke Buka

¹² Kota꞉ I̱ma꞉ koto haumanu pua꞉ ekina꞉ ame do ka꞉nda꞉manu minolopate pa I̱ma꞉ yaala꞉ma꞉ na homolome. Pa ekipeke. Mo I̱ma꞉ ya hone ti lalo halita꞉ ota꞉ hone ulume. Ya honema꞉ta꞉ mo ipikana꞉ma꞉ I̱ ka꞉la꞉ haumanu ipikana꞉ma꞉ mo hande ipika꞉ Nate tieke epena꞉yeke ana꞉na꞉ handeteke hao hapeke ya꞉la꞉me.

2 Timodi 1:12 Mawu Ofanana

Ma꞉tiu 12:21

Kutupa kenke paeyaona꞉ haleme tapake wanda꞉hali ipiki pa꞉ta꞉ hone tulao yu wia hao halieke la꞉la꞉me leekeme.

Ma꞉tiu 24:36

Kutu piliepate hande loa꞉ nate epolo pa꞉la꞉ ekita꞉ ma꞉nda꞉ma꞉ na handa꞉la꞉me. Nate handopa꞉ta꞉ haena꞉ epolo pa꞉la꞉ ekita꞉ make ma꞉nda꞉ma꞉ na handa꞉la꞉me. Oli ya nane haleme enisolomanu make Eiyekema꞉ make na handoloma꞉pate Atekema꞉ homeke handa꞉la꞉me leekeme.

Ma꞉tiu 7:22

Mo hande wanda꞉hali paeyao momba꞉lalo pa꞉la꞉ Koda꞉na꞉ nate opolo epea꞉ka꞉na꞉ta꞉ wanda꞉hali wopuma꞉ dupiki pimanu I̱ pa꞉ta꞉ lelimikie. Tekehalio. Tekehalio. Naka꞉ biki alo hata꞉ Koda꞉na꞉ pimanu walao haloma꞉me. O Naka꞉ biki loma꞉ ekima꞉ hoke temokomanu wopu tolu lu make ta꞉ta꞉ piki na handeke haumanu tonka꞉na꞉ wopu puma꞉me lelimikie.

Luku 10:12

I̱ma꞉ iki pa꞉ta꞉ ota꞉ alome. Hande pi yokaalu pulu pa꞉la꞉ nate opolo epea꞉ka꞉na꞉ta꞉ kota꞉ Koda꞉ma꞉ mo Sodomo halo pa꞉la꞉ a꞉ta꞉ma꞉ homa꞉la꞉ ekita꞉ mo hande daoni pa꞉ta꞉ halo pa꞉la꞉ ekita꞉ ota꞉ haka꞉ta꞉pao ankulao halieke alome leekeme.

Luku 23:46

Yesuma꞉ anekema꞉ e̱ wi alo alota꞉ Apa꞉o. Yaka temokota꞉ naka꞉ kikina꞉ koto witolo handa꞉e laata꞉ ota꞉ homeekeme.

Dioni 17:15

I̱ma꞉ do honke alo ekita꞉ do haliweki kenke pa꞉ta꞉ na haena꞉ yoka꞉ muelena꞉ laa na loa꞉pateta꞉ hande Hoke Halima꞉ iki hoeyaama꞉na꞉ nakana꞉ma꞉ handeteke halena꞉yeke honke alome.

Dioni 6:44

Hali ma꞉nda꞉ta꞉ I̱ pa꞉ta꞉ ipuluekema꞉ta꞉ pa hameke a꞉pa꞉peke na ya꞉la꞉me. I̱ tapaala꞉ hali yaka Apa꞉ma꞉ hali ma꞉nda꞉ I̱ pa꞉ta꞉ epena꞉ yola꞉ mea epea꞉ka꞉na꞉ta꞉ I̱ pa꞉ta꞉ ipilieke. Kutupa koto halita꞉ mo hande paelie dina꞉ I̱ma꞉ pa mea tiawaalueke.

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 13:50

Kutu piekepate hande Diu haliwekima꞉ mo Koda꞉ pa꞉ta꞉ hone wopu u haemeke wanda꞉ tieke tieke mandaneeki manuma꞉ make mo daonina꞉ you haliwekima꞉ make Polo Banabasi yaapo ame̱le̱ a꞉nda꞉ lina꞉yeke sutiaemekeme. Kutupa koto da nane mina꞉pa꞉lao pena꞉yeke tolu limikime.

Aposolo 21:13

Kutupa Poloma꞉ alota꞉ Ikita꞉ do e̱ e̱ aleme ekima꞉ ya puki hoeyaaluekema꞉ alemepe lea꞉me. I̱ma꞉ta꞉ Tekehali Yesuna꞉ bikina꞉ mo Diutuseleme da nane dipula pituluekema꞉ homeke na loa꞉me. Ota꞉ homuluekema꞉ kone tikitiki yao halome lea꞉me.

Aposolo 7:59

kutupa toopima꞉ litolo haena꞉ Sidipenima꞉ yeni pitolo alota꞉ Tekehali Yesuo. Yaka temoko nakana꞉ma꞉ handa꞉ mie leekeme.

Aposolo 9:16

I̱ma꞉ yaka hauna꞉ tanda pa꞉la꞉eki mina꞉ la waluekema꞉ pue leekeme.

Loma꞉ 1:16

Mo hande Pi Seliapoma꞉ Koda꞉ma꞉ta꞉ ipiki pa꞉ta꞉ hone tulaaseme wanda꞉halita꞉ Diu wanda꞉hali amba꞉la Diendaili wanda꞉hali wetepena꞉ paeyao ipikana꞉ma꞉ wele pitolo hata꞉ da꞉taapeke ya꞉la꞉me. Koto ekina꞉ mo Pi Seliapo pa꞉ta꞉ I̱ta꞉ ota꞉ ti lao halome.

Loma꞉ 9:33

Kota꞉ mo Baibolo bukana꞉ wape pa꞉la꞉eki ma꞉nda꞉ dupa Opua꞉pe I̱ma꞉ta꞉ Saioni pa꞉ta꞉ wanda꞉hali hala꞉mba꞉liao lopaalo pa꞉la꞉ toopi mea witolo ekita꞉ wanda꞉hali mea lopaalo pa꞉la꞉ hana꞉ mea witolome. I̱ma꞉ mea ulu polopate hali epima꞉ ipiki pa꞉ta꞉ hone tulaeya꞉ka꞉na꞉ta꞉ hone ka꞉nda꞉ma꞉ homa na halieke laa wape pa꞉la꞉me.

1 Kotindi 1:8

Kutupa ame kini pua pea pa mo paelo pa꞉la꞉ Natena꞉ epena꞉ kone Koda꞉ma꞉ iki wopu da̱o̱la haatiki puemena꞉ la꞉tiki pu halieke. Koto mo nika꞉ Tekehali Yesu Ketisona꞉ Natena꞉ iki pa꞉ta꞉ eki hau ma꞉nda꞉ na handa꞉ wilieke loa꞉me.

1 Kotindi 3:13

Kutu pilimipate pa mo hande pi yokaalu pulu pa꞉la꞉ Nate epea꞉ka꞉na꞉ta꞉ kota꞉ mo da a꞉eleme haliweki paeyaona꞉ a꞉eleme hau manuta꞉ peneme yaalieke. Koto Natena꞉ta꞉ mo ti tala꞉ ekima꞉ kone ipilieke. Kutupa haliweki paeyaoma꞉ a꞉elemeeki manuta꞉ mo hande ti tolo pa꞉la꞉ ekima꞉ kone ta handilieke.

Pilipai 1:20

Ya peawee laa hone tieke pa꞉la꞉ ekita꞉ mo I̱ma꞉ pokono Koda꞉ma꞉ ka꞉la꞉ eta꞉ ota꞉ na mina꞉pa꞉laake nate paeyao make ota꞉ ame do dipula pilu pita꞉ make ota꞉ pipita꞉ pa pua hapeke yelieke la alome. Kutaata꞉ I̱ homoa꞉ka꞉na꞉ make o pa hao haoa꞉ka꞉na꞉ make ya halo hau paeyaoma꞉ mo Ketiso yeiya꞉ lao halueke.

Pilipai 3:10

Ya hone pa꞉la꞉eki homeketa꞉ ota꞉ Ketiso handuluekema꞉ hone pa꞉la꞉me. Koto hone pa꞉la꞉ ekita꞉ Ketiso ipika꞉ tiala꞉ wele pa꞉la꞉eki muluekema꞉ make ipikana꞉ma꞉ tanda mieke tupa꞉ muluekema꞉ make kutupa Ketiso homeeke tupa꞉ I̱ make mandake tupa꞉ homuluekema꞉ hone pa꞉la꞉me.

Pilipai 3:21

Ipikana꞉ma꞉ta꞉ mo nika꞉ dete piki tande polo pa꞉la꞉ loke manuta꞉ mo ipika꞉ ota꞉ ta꞉ta꞉ piki pa̱a̱ pupapeke lokema꞉ handekeeki topo peao hawalieke. Koto hauta꞉ mo ipika꞉ ala꞉ta꞉ ala꞉ta꞉ paeyao lu tumbapeke ya꞉la꞉ welema꞉ peawalieke.

Pilipai 3:8

Koto alemanu homeke dia꞉ya꞉la꞉pate pa ya pu haowa꞉ hau paeyao tapaota꞉ ota꞉ pa alee hone witolome. Pa ekipeke. Mo ota꞉ titina꞉ hauta꞉ ya Tekehali Yesu Ketiso handuluekema꞉ yeke alome. I̱ta꞉ ipika꞉ e pokaasa꞉ hali homeke haluekema꞉ yeke ya pu haowa꞉ hau paeyao kiao baowa꞉me. Ketiso ya Tekehali haena꞉ ta꞉ma꞉ni pea haluekema꞉ yeke mo hande hau paeyaota꞉ pa mo pa tana baasa꞉ punku piki alemanue hone witolome.

1 Desalonaika 2:16

Nikana꞉ma꞉ mo Diendaili wanda꞉hali pa꞉ta꞉ hande da꞉taapeke yeeke pi waluekema꞉ puma꞉ dina꞉ mo haliwekima꞉ sa꞉sa꞉ puluekema꞉ taapememe. Kutu pu haleme ekima꞉ ika꞉ hoke hau piteleme ekimanu daeyatia pua ota꞉ tieke ya꞉la꞉me. Kutupa ameta꞉ koto peleme ekima꞉ta꞉ Koda꞉na꞉ mineke pankolo pa꞉la꞉eki ika꞉ kone netepo neleme ekina꞉ iki pa꞉ta꞉ kone a꞉pa ula꞉me.

1 Desalonaika 5:4

Kametitio. Kutu piliepate ikita꞉ timba ala꞉eki pa꞉ta꞉ na haleme ekina꞉ mo hande Nate epolo pa꞉la꞉ ekita꞉ hande pake nala꞉ halima꞉ a꞉pa penkilipaasa꞉ tupa꞉ iki pa꞉ta꞉ na ipilieke.

1 Timodi 6:20

Timodio. Do Koda꞉ma꞉ neke pa꞉ta꞉ ka꞉la꞉ eta꞉ ota꞉ wopu handeteke hapeke. Mo epe na piki Koda꞉ mataake pimanu la kiteme pi manuta꞉ kiaapeke. Mandane wanda꞉halima꞉ makeaaso hata꞉ Do aloma꞉ pi manuta꞉ ota꞉ tumiki pie lo halememe.

2 Timodi 1:14

Mo neke pa꞉ta꞉ ka꞉la꞉ epeke epeke hau manuta꞉ ota꞉ wopu handeteke ke haluekema꞉ kota꞉ nakana꞉ma꞉ mo nika꞉ puki pa꞉ta꞉ pila꞉ Holi Sipitidina꞉ wele peaasa꞉ ekina꞉ welema꞉ wopu handeteke hapeke.

2 Timodi 1:16

Mo hande hali Onesipotasima꞉ hoto paeyao I̱ ta꞉na꞉ma꞉ homa꞉ tiao hayeke handaa I̱ma꞉ mo Tekehalima꞉ ipika꞉ wekiwanda꞉ pa꞉ta꞉ a꞉ta꞉ma꞉ homena꞉ honke alome. Pa ekipeke. I̱ do dipula pilu ekina꞉ ipikana꞉ma꞉ yaala꞉ma꞉ na homea꞉me.

2 Timodi 1:18

Mo hande Nate tieke opolo epea꞉ka꞉na꞉ta꞉ Koda꞉ ipika꞉ a꞉ta꞉ma꞉ homa꞉la꞉eki koto some pa꞉ta꞉ halena꞉e. Mo hande Epesese nane haoma꞉ toma꞉na꞉ Onesipotasima꞉ tamba꞉ mu hata꞉ pia꞉ hau paeyaota꞉ nakana꞉ma꞉ ota꞉ handeleme.

2 Timodi 1:8

Mo nika꞉ Tekehalina꞉ pi walawasa꞉ ekina꞉ta꞉ nakana꞉ma꞉ yaala꞉ma꞉ na homa꞉peke. Kutaa make I̱ mo Ketisona꞉ e pokawa꞉ ekina꞉ dipula mea pitaalemeke pilu ekina꞉ neke yaala꞉ma꞉ na homa꞉peke. Kotoeki na pikita꞉ mo Koda꞉ma꞉ ka꞉la꞉ wele tapu hata꞉ mo Pi Seliapo wala꞉la꞉ ekina꞉ ka꞉nda꞉ta꞉ I̱ yaapo mandake mea tia hapana꞉e.

2 Timodi 2:9

I̱ma꞉ do Pi Seliapo walo halo ekina꞉ ka꞉nda꞉ tieke mu halome. Kutaa make I̱ta꞉ pi yamba꞉la꞉la꞉ hoke hali leke seni puma꞉ tonkao uleke halome. I̱ta꞉ koto pa꞉leke halopate pa Koda꞉na꞉ pita꞉ kutupe seni puma꞉ na tonkao ula꞉me.

2 Timodi 4:8

Koto ekina꞉ mo tikitiki pea haeme wanda꞉halima꞉ ika꞉ lombei pimiki ekina꞉ mea꞉peke yenki tieketa꞉ I̱ma꞉ putupiliki miono yeke pa ula꞉me. Do koto ya lombei polo ekina꞉ yenkita꞉ mo Tekehali nika꞉ tikitiki teli peaasa꞉ halima꞉ mo epolo pa꞉la꞉ nate tiekena꞉ I̱ pa꞉ta꞉ kilieke. Koto yenkita꞉ I̱ pa꞉ta꞉ homeke na kulu pa꞉la꞉pate pa mo mandane ipiki peneme yaena꞉ yeke pukima꞉ homolo handeteke hao haleme wanda꞉hali pa꞉ta꞉ tonka꞉na꞉ halieke.

Taitasi 3:8

Koda꞉ pa꞉ta꞉ hone tulaaseme wanda꞉halima꞉ta꞉ mo ika꞉ epeke piteme hau manuma꞉ mo mandane wanda꞉hali tamba꞉ muluekema꞉ hone witolo hata꞉ waleke hala꞉tiki pina꞉ma꞉ nakana꞉ma꞉ do wapena꞉ alo pimanu iki pa꞉ta꞉ ota꞉ wopu la꞉ moneao hapeke.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

Hibulu 2:18

Koto ekina꞉ ipiki make mo la handa꞉la꞉eki manuna꞉ ka꞉nda꞉manu mu hayeke handaata꞉ ame make mo la handa꞉la꞉eki manuma꞉ ma꞉nda꞉ epi pa꞉ta꞉ opolo epea꞉ka꞉na꞉ta꞉ ipikana꞉ma꞉ iki a̱i̱ tamba꞉ mea꞉peke ya꞉la꞉me.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

1 Pida 1:5

Koda꞉na꞉ pa꞉ta꞉la꞉la꞉ ekita꞉ mo paetolo natena꞉ peneme yao opolo epena꞉ ana꞉lao hala꞉me. Koto ekina꞉ ikana꞉ma꞉ do pa꞉ta꞉ la꞉la꞉ ekita꞉ muluekema꞉ yu wia haaso hata꞉ta꞉ ika꞉ Koda꞉ pa꞉ta꞉ hone tulaasemeke handa ipika꞉ wele pita꞉la꞉ ekima꞉ta꞉ iki handeteke hala꞉me.

1 Pida 4:16

koto ka꞉nda꞉ta꞉ mea꞉pa꞉peke na ya꞉la꞉pate mo Ketisona꞉ wanda꞉hali halemeke handa ka꞉nda꞉ mimika꞉na꞉ta꞉ koto ka꞉nda꞉ minelemeeki pa꞉ta꞉ yaala꞉ma꞉ na homeketa꞉ iki Ketisona꞉ biki miniki haleme ekina꞉ Koda꞉ pa꞉ta꞉ keiyae pi lo hapa꞉peke.

1 Pida 4:19

Koto ekina꞉ mandane wanda꞉halima꞉ta꞉ Koda꞉ma꞉ hone pa꞉leke handaa ka꞉nda꞉ mimika꞉na꞉ta꞉ ika꞉ pu haleme epeke hau manuma꞉ ika꞉ hone tulaleme ekita꞉ mo ika꞉ Wepia Ula꞉ Hali ipika꞉ pi na yambolo hala꞉ hali pa꞉ta꞉ wala꞉pa꞉peke ya꞉la꞉me.

Diudi 1:24

Koda꞉ma꞉ta꞉ iki lopaama꞉na꞉yeke ana꞉na꞉ handeteke hala꞉me. Kutupa mo ipika꞉ pa̱a̱ pu hala꞉ alena꞉ pua hamena꞉ yeke ipikana꞉ma꞉ iki ana꞉na꞉ hatuku pua꞉peke ya꞉la꞉me. Koto pa꞉ta꞉ta꞉ ikita꞉ ata꞉ka꞉ ma꞉nda꞉ na piki ta꞉na꞉ pita꞉la꞉ ekina꞉ tumbulu bao halimikie.