2 Kotindi 9:5 - Panake Pi La: Ula: Buka pita: Kine Pieke Buka

⁵ Koto ekina꞉ta꞉ yaka honema꞉ta꞉ do kame tonuma꞉ amba꞉la kinki pulu ipulu mo ikana꞉ma꞉ amba꞉ la꞉ wimi pa hameke hala꞉la꞉ ekina꞉ tikitiki yamena꞉ tapaowa꞉me. Kutupa I̱ opolo epoa꞉ka꞉na꞉ta꞉ tikitiki yao wiemena꞉ loa꞉me. Kutu pimika꞉na꞉ta꞉ ikana꞉ma꞉ haleleme ekita꞉ mo ika꞉ hone pa꞉la꞉ ekima꞉ kone halelememe laa walieke. Ma꞉nda꞉ma꞉ pia꞉pa꞉peke la꞉la꞉ ekina꞉ dia꞉me loa꞉me.

2 Kotindi 9:5 Mawu Ofanana

Kini Pieke 33:11

Koto ekina꞉ pilisio. Do I̱ma꞉ mea a꞉palo pa hameke kitolo ale manuta꞉ a꞉pa꞉la꞉me laa mie laata꞉ Koda꞉ma꞉ta꞉ I̱ pa꞉ta꞉ a꞉ta꞉ma꞉ homolo hata꞉ mo I̱ma꞉ weiyua꞉ alemanu paeyao ana꞉na꞉ kia꞉me leekeme. Dieikopema꞉ta꞉ hameke honke la꞉tia puoopu haota꞉ Isoma꞉ wetepena꞉ miekeme.

1 Kotindi 16:2

Sande paeyaona꞉ iki paeyaona꞉ homeke homeke lo amba꞉ pulana꞉ melemeeki dimina handaata꞉ ana꞉na꞉ putupa pa mandaneeki ika꞉ da pa꞉ta꞉ wia꞉tiki pu hapa꞉peke. Koto ekina꞉ wetepena꞉ I̱ epoa꞉ka꞉na꞉ta꞉ ikana꞉ma꞉ mani weiyaama꞉na꞉ yeke loa꞉me.

2 Kotindi 8:6

Koto ekina꞉ nikana꞉ma꞉ do e kini pia꞉ some Taitasi pa꞉ta꞉ do ta꞉ta꞉ ma꞉nda꞉ piki pukima꞉ homa꞉la꞉ e ikana꞉ma꞉ paeyamena꞉yeke tamba꞉ mu hapeke laa honke loma꞉me.

2 Kotindi 9:3

Koto ekina꞉ ameta꞉ I̱ma꞉ do kamemanu tapaasome. Pa ekipeke mo nikana꞉ma꞉ do hauna꞉ ika꞉ pi laoma꞉ ekita꞉ pa hameke pi loma꞉me hone wiaama꞉na꞉ loa꞉me. Pate I̱ma꞉ amba꞉ loa꞉ tupa꞉ta꞉ ikita꞉ ika꞉ tamba꞉ mina꞉la꞉eki manuma꞉ tikitiki yao halememe loa꞉me.

2 Kotindi 9:6

Hone wipee. Mo hande wae alemanu wopu na noka꞉pa꞉la꞉ halima꞉ta꞉ napeke hosiki siki mu hala꞉pate mo wae ale aneke hapu noka꞉pa꞉la꞉ halima꞉ta꞉ napeke tieke mu hala꞉me.

Pilipai 4:17

Ika꞉ pa hameke kiteleme alemanu muluekema꞉ pa na weitolo pateta꞉ pa mo oli hepeni nane ika꞉ epeke haumanu pitelemeeki dimina꞉la꞉eki haka꞉ta꞉pawao wiaena꞉yeke hone pa꞉leke handa iki pa꞉ta꞉ waleke kitolo alome.