2 Kotindi 10:6 - Panake Pi La: Ula: Buka pita: Kine Pieke Buka

⁶ Kutupa ikana꞉ma꞉ pi opua oto pa꞉ta꞉ halimieki handa꞉ wia paeyaalimi dina꞉ta꞉ kota꞉ mo pi opua oto pa꞉ta꞉ na hao halimieki panisi pealuekema꞉ nikita꞉ tikitiki yao halumeke.

2 Kotindi 10:6 Mawu Ofanana

Loma꞉ 2:23

Nakana꞉ma꞉ta꞉ hakoko litolo alota꞉ Hande Lo Pimanu Koda꞉ma꞉ niki pa꞉ta꞉ kiekeme alepate nakana꞉ma꞉ hande Lo Pimanu yambelele ekina꞉ wanda꞉halima꞉ Koda꞉na꞉ biki hoeyaena꞉ alepe.

1 Kotindi 4:21

Do hone pa꞉la꞉eki yaapota꞉ handoeki hone pelemepe. Iki tikitiki yaluekema꞉ tolo mea mina eponope o yopu hata꞉ta꞉ pukima꞉ homolo hata꞉ eponope.

2 Kotindi 13:10

Koto ekina꞉ yeketa꞉ I̱ma꞉ papate hata꞉ doeki laasome. Pa ekipeke I̱ opolo epoa꞉ka꞉na꞉ta꞉ mo Koda꞉ma꞉ I̱ ka꞉la꞉ honkopu pita꞉ hata꞉ iki tandapiki tupa꞉ na a꞉pa lolo polo tupa꞉ loa꞉me. Do honkoputa꞉ iki mea londa꞉laalo polo tupa꞉ dia꞉ya꞉la꞉pate iki mea daeyaluekema꞉ yeke loa꞉me.

2 Kotindi 13:2

Amba꞉ hande hoto yaapo peao epoa꞉ dina꞉ la kua꞉ ekita꞉ ame papate halo dina꞉ta꞉ paa lolueke. Iki ame̱le̱ amba꞉ hoke hau pimi wanda꞉hali make pa iki paeyao pa꞉ta꞉ make I̱ma꞉ alo pi dupa. I̱ paa ipulua꞉ dina꞉ta꞉ ma꞉nda꞉ epi a꞉nda꞉ ipika꞉ panisi mea꞉peke ekita꞉ ota꞉ paka꞉lao pua꞉peke na yelieke alome.

2 Kotindi 2:9

I̱ma꞉ iki pa꞉ta꞉ koto tameiya꞉ tapaowa꞉ ekita꞉ I̱ma꞉ mo hande la handa꞉la꞉eki kua꞉ ekita꞉ ikana꞉ma꞉ ekipa bepolaalimipe la handuluekema꞉ pua꞉me. Kutupa ikana꞉ma꞉ta꞉ hoto paeyao yaka alo ekimanu koto kone opua pilimio la handuluekema꞉ pua꞉me.

2 Kotindi 7:15

Koto ekina꞉ta꞉ ipikana꞉ma꞉ iki pa꞉ta꞉ pukima꞉ homa꞉la꞉ ekita꞉ honkopu hao daeyatia pula꞉me. Mo ikana꞉ma꞉ ipika꞉ walea꞉ ekimanu koto kone opua pimime. Kutupa make ikana꞉ma꞉ ipiki paala꞉ma꞉ make pututuma꞉ make homolo hata꞉ handa꞉ mimi ekina꞉ make loa꞉me.

1 Timodi 1:20

Mo haliweki ame̱le̱ haepeke hali yaapo ipilika꞉ biki Haimeniasi pita꞉ A꞉lekesa꞉nda yaapota꞉ koto hau pipikime. Ipiliki tanda mina꞉ mo Sadanina꞉ kiki pa꞉ta꞉ pa꞉na꞉ tapaowa꞉me. Kutu pu ekima꞉ta꞉ ipilikana꞉ma꞉ mo hande Koda꞉na꞉ biki laasepeeki mina꞉pa꞉laena꞉ tamba꞉ milieke.

3 Dioni 1:10

I̱ epoa꞉ka꞉na꞉ta꞉ kota꞉ I̱ma꞉ta꞉ ipika꞉ pa꞉la꞉ haumanu paeyao lo kelalueke. Ipikana꞉ma꞉ niki pa꞉ta꞉ keke pi la꞉la꞉ ekimanu make mo ipika꞉ yayapiki pimanu lo hala꞉eki paeyao tonka꞉na꞉ loa꞉me. Do hande haumanu homeke ana꞉e hone na u hala꞉pate ipikana꞉ma꞉ta꞉ mo kimisu ipilimi Ketiso kamemanu epemeka꞉na꞉ta꞉ na handa꞉ milieke. Kutupa handa꞉ muluekema꞉ taapo haleme wanda꞉hali make sa꞉sa꞉ pea mo yeni da mina꞉pa꞉lao hama pena꞉ lena꞉ loluekema꞉ taapo hala꞉me.