2 Kotindi 1:10 - Panake Pi La: Ula: Buka pita: Kine Pieke Buka

¹⁰ Dupiki ota꞉ hoke paala꞉piki homa꞉la꞉ ekimanu pa꞉ta꞉ ipikana꞉ma꞉ niki tamba꞉ mia꞉ ekina꞉ta꞉ nikana꞉ma꞉ta꞉ niki paa tamba꞉ milieke laa nika꞉ honeta꞉ ipiki pa꞉ta꞉ tulaaloma꞉me.

2 Kotindi 1:10 Mawu Ofanana

Aposolo 26:21

Koto ekina꞉ta꞉ mo Diu haliwekima꞉ mo tembolo da pa꞉ta꞉ I̱ da꞉ka꞉pa꞉ mina luekema꞉ taapemepate

Loma꞉ 15:31

Doeki yaapona꞉ yeni peaapa꞉peke. Ma꞉nda꞉ta꞉ Diudia nane haleme pi na miki haliwekima꞉ I̱ hoeyaama꞉na꞉ loa꞉me. Ma꞉nda꞉ make dupa. Mo Diutuseleme da nane haleme Koda꞉na꞉ wanda꞉halima꞉ I̱ma꞉ iki tamba꞉ mulu poloeki mina꞉yeke loa꞉me.

2 Kotindi 1:9

Niki pa꞉ta꞉ homena꞉e ala꞉ pita꞉ amba꞉ la꞉ wiki nono pia꞉me. Pate doeki pia꞉ ekita꞉ nikana꞉ma꞉ nika꞉ homeke na ti lake pa mo homa꞉la꞉eki mea tiao hala꞉ Koda꞉ pa꞉ta꞉ homeke hone tulaamono pia꞉me.

2 Kotindi 6:9

Nikita꞉ hone na wiki nono pelemepate nikita꞉ paeyaoma꞉ hone wilimime. Nikita꞉ homelememe lo halemepate pa haloma꞉ ekita꞉ ika꞉ hone wilimime. Nikita꞉ panisi peao halemepate kone niki homomono na lilimime.

1 Timodi 4:10

Koda꞉ta꞉ wanda꞉hali paeyaona꞉ pa꞉ta꞉la꞉la꞉ hali hala꞉me. Koto pa꞉la꞉pate ipikita꞉ ota꞉ mo ipiki pa꞉ta꞉ hone tulaasoma꞉ wanda꞉halina꞉ da꞉taasa꞉ hali hala꞉me. Koto ekina꞉ta꞉ nikana꞉ma꞉ koto da꞉taa hao hala꞉ Koda꞉ pa꞉ta꞉ hone ti laloma꞉ ekina꞉ta꞉ bepolaluekema꞉ honkopu hao e wopu poko haloma꞉me.

2 Timodi 4:17

Kutu pimipate mo Tekehalima꞉ I̱ teke pa꞉ta꞉ hata꞉ I̱ wele peaya꞉me. Kutu pia꞉ ekima꞉ta꞉ mo pi na miki wanda꞉hali paeyaoma꞉ opina꞉ I̱ma꞉ mo Pi Seliapo epeke tupa꞉ waloa꞉me. Kutaa make mo laionima꞉ I̱ lu nena꞉ taapolo pimikieki teke pa꞉ta꞉ ya꞉na꞉ mo Tekehalima꞉ I̱ petelea꞉me.

2 Pida 2:9

Koto ekina꞉ Koda꞉ma꞉ta꞉ mo ipika꞉ hau leke piteleme wanda꞉hali ika꞉ ka꞉nda꞉ma꞉ homelemeke pa꞉ta꞉la꞉la꞉ ekita꞉ hone ula꞉me. Kutupa make mo hoke wanda꞉halita꞉ hoke yenki oto pa꞉ta꞉ haena꞉ laata꞉ mo pi yokaalu pulu pa꞉la꞉ nate yu wia haena꞉ ala꞉ ekita꞉ hone ula꞉me.