1 Timodi 6:9 - Panake Pi La: Ula: Buka pita: Kine Pieke Buka

⁹ Mo hamoko haluekema꞉ hone pa꞉la꞉ wanda꞉halita꞉ ne wiaasa꞉eki muluekema꞉ pea꞉ka꞉na꞉ta꞉ ka꞉pei leke hondalieke. Ika꞉ hone wopu na wiki hoeyaapeke ya꞉la꞉ hoke hone manuma꞉ iki yola꞉ mea lopao ota꞉ hoeyaalieke.

1 Timodi 6:9 Mawu Ofanana

Ma꞉tiu 13:22

Kutupa mo hande tekeke hake pu polu pa꞉ta꞉ lopeeke wae alemanu tupa꞉ta꞉ mandane wanda꞉halima꞉ pi epeke tupa꞉ opua miniki halemepate do kenkena꞉ haumanu pa꞉ta꞉ hone tieke eleke eleke wopu witelemeeki pita꞉ mani tieke wopu amu pulueke hone witelemeeki yaapoma꞉ Koda꞉na꞉ pi tombuatiki pina꞉ lea꞉ka꞉na꞉ta꞉ epeke kilikimanu na a꞉ilimikie.

Ma꞉tiu 19:22

Mo panake halima꞉ koto pi opitolota꞉ ipikita꞉ hamoko hali tieke hayeke ekima꞉ pukima꞉ ka꞉nda꞉ma꞉ homa꞉ paleke peekeme.

Ma꞉tiu 26:15

honke alo alota꞉ Ikana꞉ma꞉ Yesu minuemena꞉yeke pota꞉ walowa꞉ka꞉na꞉ta꞉ I̱ pa꞉ta꞉ aleke kilimikipe laa leekeme. Koto leeke ikana꞉ma꞉ toopi yata꞉pa silipa mani 30 ipiki pa꞉ta꞉ halemekeme.

Ma꞉tiu 6:19

Mo maka꞉ta꞉ ikiki pu o bisapu inkikima꞉ no o haliwekima꞉ pake no kutu pulu peleme kenke pa꞉ta꞉ ika꞉ alemanu na amu pikita꞉

Maka 4:19

kenke hau hone wita꞉la꞉eki manuma꞉ hamoko alemanu pa꞉ta꞉ ta꞉na꞉ homa꞉la꞉eki manuma꞉ mandane alemanu pa꞉ta꞉ we pamba꞉la꞉eki manuma꞉ mo hande pi alemanu da꞉ka꞉pa꞉ miniki pita꞉ka꞉na꞉ta꞉ napeke na u halememe leekeme.

Luku 12:21

Kutupa Yesuma꞉ pi paeyaaso alota꞉ Hali epima꞉ Dota꞉ yakaeki homekee laa alemanu wopu mu momba꞉la꞉tiki pita꞉la꞉ dina꞉ta꞉ Koda꞉na꞉ leke popelekena꞉ta꞉ pa natehali hala꞉me. Kota꞉ dupiki some a꞉nda꞉ta꞉ mo hande titina꞉ loa꞉ haumanu pa꞉ta꞉ opolo ipilieke leekeme.

Luku 21:35

tamilieke la loa꞉me. Koto Nateta꞉ do kenke honiki paeyao pa꞉ta꞉ haleme wanda꞉hali pa꞉ta꞉ ipilieke.

Aposolo 8:20

Koto leekepate Pidama꞉ alota꞉ Koda꞉ma꞉ pa kita꞉la꞉ ale naka꞉ honema꞉ hambuluekema꞉ hone witele ekina꞉ neke tonka꞉na꞉ naka꞉ mani tonka꞉na꞉ ma꞉nda꞉ma꞉ hoeyaena꞉e.

Epesese 4:22

Do ota꞉eki manuta꞉ dupae. Ika꞉ amba꞉ hata꞉ pimi hau teketa꞉ ota꞉ baapa꞉peke. Koto ekima꞉ta꞉ iki hao hoeyaaso hata꞉ mo hande amba꞉ hau teketa꞉ ipika꞉ makeaasa꞉ hone pa꞉la꞉ haumanu pu tiaaso hata꞉ ipiki kone hao hoeyaaso make iki make hao hoeyaatiki piekeme.

1 Timodi 1:9

pa dupiki hone make witoloma꞉me. Mo lo pi manuta꞉ mo epeke wanda꞉hali tikitiki yaaluekema꞉ na ula꞉pate pa mo ika꞉ you hali pa꞉ta꞉ homu na piki pa pi yambolo haleme wanda꞉hali pa꞉ta꞉ ula꞉me. Dupae. Koda꞉ hoki walaa hoke hau pu haleme wanda꞉hali pa꞉ta꞉ make Koda꞉ hone ma꞉nda꞉ na wiki kenke alemanu pa꞉ta꞉ homeke hone u haleme wanda꞉hali pa꞉ta꞉ make inkiki ateke kone lu make mandane wanda꞉hali lu homao haleme wanda꞉hali pa꞉ta꞉ make kutupa mo

1 Timodi 3:7

Ipikita꞉ mo Ketiso na haleme wanda꞉halima꞉ kone ipika꞉ pi laalimikie. Kutu pilie ekima꞉ta꞉ ipika꞉ biki na hoeyaaso haena꞉ mo hande Sadanima꞉ hona꞉maasa꞉ ale pa꞉ta꞉ na lopilieke.

1 Timodi 6:10

Mo mani we pamba꞉la꞉ ekima꞉ta꞉ ta꞉ta꞉ ta꞉ta꞉ piki hoke haumanu pu tialo pa꞉la꞉ ekina꞉ teke ula꞉me. Mandane wanda꞉halima꞉ mani muluekema꞉ hone wopu witolo hata꞉ ika꞉ hone tulao halemeeki mina꞉pa꞉lao hoke ka꞉nda꞉ manuma꞉ ika꞉ puki tandama꞉ homo haememe.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

2 Timodi 2:26

kota꞉ ika꞉ honemanu paa epeke tupa꞉ mea lopao wilimikie. Kutu pimikina꞉ta꞉ kota꞉ ikana꞉ma꞉ Sadanina꞉ hone pa꞉la꞉eki peaena꞉ miniki hala꞉ bisale pa꞉ta꞉ pambelemeeki hola꞉pa yopua halimikie.

Taitasi 2:12

Koto a꞉ta꞉ma꞉ homo tamba꞉ mina꞉la꞉ ekima꞉ walota꞉ pa nikana꞉ma꞉ Koda꞉ hoki nane yao nika꞉ hoke hone pa꞉la꞉ haumanu pitoloma꞉eki make do kenkena꞉ hoke hone pa꞉la꞉ haumanu pitoloma꞉eki make kiaamono pa꞉la꞉me. Koto pa꞉la꞉ ekina꞉ta꞉ ame do kenkena꞉ hata꞉ta꞉ nika꞉ hone handeteke hata꞉ make tondepe pea hata꞉ make Koda꞉na꞉ hau hone witolo hata꞉ make kutu pitolo hata꞉

2 Pida 2:3

Do yayapiki pi wala꞉la꞉ haliwekima꞉ta꞉ pasa꞉tei pitolo hata꞉ ika꞉ alemanu muluekema꞉ makeaaso la꞉la꞉ tamenimanu la kilieke. Ameta꞉ amba꞉ kiake kone iki pi yokaalu pulu pa꞉la꞉ halita꞉ tikitiki yao hata꞉ iki hoeyaalo pa꞉la꞉ halita꞉ u̱ na pa꞉ela꞉me.

Diudi 1:11

A꞉pa꞉e. Iki pa꞉ta꞉ epolo pa꞉la꞉eki I̱ paala꞉e. Ikana꞉ma꞉ta꞉ mo hande Keinima꞉ mieke pota꞉ ta꞉elememe. Kutupa manina꞉ hauna꞉ mo hande Beilamema꞉ ata꞉ka꞉ peaeyeke tupa꞉ ikana꞉ma꞉ make ika꞉ kone koto pelememe. Ikana꞉ma꞉ta꞉ hande Kotaama꞉ pi na opiki ipika꞉ hone pa꞉la꞉ hau pea homeeke tupa꞉ iki make homeke hau kone pea homelememe.