1 Timodi 6:4 - Panake Pi La: Ula: Buka pita: Kine Pieke Buka

⁴ kota꞉ koto someta꞉ hone na wiki hakoko lita꞉la꞉ hali hala꞉me. Ipiki pa꞉ta꞉ta꞉ hoke hone teke pila꞉me. Koto ekina꞉ ipikana꞉ma꞉ mo mana꞉ pi teke manuna꞉ta꞉ ape ape lo make pi yokaalu alu puluekema꞉ hone wopu u hala꞉me. Ipika꞉ kutu pita꞉la꞉ ekima꞉ta꞉ mo hone wopu epeke tupa꞉ na handeteke haleme wanda꞉hali tukiki pa꞉ta꞉ta꞉ I̱ I̱ ala꞉ hau make ape ape la alualu pitolo hata꞉ yaala꞉ peake pi la alualu pu make na handoma꞉ tiake hoke hone u alualu pita꞉la꞉eki make

1 Timodi 6:4 Mawu Ofanana

Aposolo 15:2

Koto lemeke ekina꞉ Polo Banabasi yaapoma꞉ mo haliweki ame̱le̱ ka꞉nda꞉piki pi tieke lepeketa꞉ hande A꞉ndioko Ketiso tapake haliwekima꞉ Polo Banabasi yaapo make mandane haliwekima꞉ mo Diutuseleme haemeke aposolo haliweki pa꞉ta꞉ make mo handeteke haemeke tondiki haliweki pa꞉ta꞉ make hande walemeke pi hotulu pena꞉yeke mimikime.

Aposolo 18:15

ika꞉ Lo Pi manuna꞉ lota꞉ pita꞉la꞉ ekita꞉ kota꞉ ika꞉ kone epeaapa꞉peke. Koto pi manuna꞉ta꞉ I̱ma꞉ na lalueke. Ki pa꞉la꞉me leekeme.

Aposolo 8:9

Kutu piekepate hali ma꞉nda꞉na꞉ bikita꞉ Saimonota꞉ oni da amba꞉ yopua hata꞉ ti̱o̱ haumanu moka꞉la꞉ hande hande pitolo hata꞉ mo Sametia wanda꞉halina꞉ leke mea opaaso hata꞉ta꞉ ipika꞉ kutu pita꞉la꞉ ekima꞉ Tieke halueke hone wiekeme.

Loma꞉ 12:16

Ikana꞉ma꞉ ika꞉ homeke homekema꞉ ika꞉ ika꞉ kone hone witolo piteleme tupa꞉ ma꞉nda꞉ ma꞉nda꞉ pa꞉ta꞉ make mandake tupa꞉ kone pa hone wia꞉pa꞉peke. Ikana꞉ma꞉ I̱ handaena꞉ hau na piki hosiki wanda꞉halima꞉ piteleme ekimanu make handa꞉ mea pea꞉pa꞉peke. Ikana꞉ma꞉ta꞉ I̱ homeke hone wotu ulu halie laa hone na wia꞉pa꞉peke.

Loma꞉ 13:13

Nikita꞉ natena꞉ pominoloma꞉ wanda꞉hali leke hata꞉ta꞉ popeke pa꞉la꞉ haumanu pumana꞉e. Hoke ikali naa keaaso hata꞉ yaala꞉ma꞉ na homeke haumanu make suseke haasa꞉ hau pamba na piki haumanu make a꞉nda꞉ pita꞉la꞉eki honditi pita꞉la꞉eki make kutupiki haumanu ikana꞉ma꞉ pea꞉peke na ya꞉la꞉me.

Loma꞉ 14:1

Hali ma꞉nda꞉ta꞉ ipika꞉ hone tulao hala꞉eki damako pu pa wia꞉ka꞉na꞉ta꞉ kota꞉ iki ame̱le̱ apa꞉tao haena꞉ ikana꞉ma꞉ handa꞉ mea꞉pa꞉peke. Kutu pulu pelemepate ipikana꞉ma꞉ ipika꞉ hone wia pita꞉la꞉eki manuna꞉ ikana꞉ma꞉ ipiki ame̱le̱ ape na lapa꞉peke.

Loma꞉ 2:8

Kutu piliepate mandane wanda꞉halima꞉ta꞉ ika꞉ hone pa꞉la꞉ ekimanu pu hao pa epeke hau pea꞉pa꞉pekeeki kiao hokeeki kone pu halememe. Kutu piki wanda꞉hali pa꞉ta꞉ Koda꞉ma꞉ mineke pankolo hata꞉ hoke yenki halieke.

1 Kotindi 11:16

Koto pa꞉la꞉pate pa hali ma꞉nda꞉ma꞉ do aloeki manuna꞉ ape loluekema꞉ hone wia꞉ka꞉na꞉ta꞉ kota꞉ I̱ma꞉ta꞉ dupiki pi homeke lolueke. Nikana꞉ma꞉ make mo Koda꞉na꞉ siosi tapake paeyao make hau ma꞉nda꞉ na handeke pa I̱ma꞉ do aloeki homeke pu haloma꞉me.

1 Kotindi 11:18

I̱ma꞉ mandane opitoloeki dupa. Ikana꞉ma꞉ yeni puluekema꞉ momba꞉la hata꞉ kone tekilipa ta꞉ta꞉ ta꞉ta꞉ pea halememe laa alemeeki opitolo hata꞉ mandaneeki ota꞉ ekie hone witolome.

1 Kotindi 3:18

Ikana꞉ma꞉ iki kone na makeaapa꞉peke. Iki ame̱le̱ hali homeke a꞉nda꞉ma꞉ tiaota꞉ kenke haliwekima꞉ hone witeleme tupa꞉ alota꞉ I̱ta꞉ hone wotu ulu hali halome laa lea꞉ka꞉na꞉ta꞉ kota꞉ koto halima꞉ta꞉ mo ota꞉ hone wotu wita꞉la꞉eki handa꞉ uluekema꞉ I̱ta꞉ hone na wiki hali halome laa amba꞉la lapeke aleo.

1 Kotindi 3:3

Ikana꞉ma꞉ ne tunkula꞉la꞉ haumanu make ape ala꞉ ekimanu make kutupiki haumanu piteleme ekita꞉ mo kenke wanda꞉halima꞉ pu haleme tupa꞉ kone pitelememe.

2 Kotindi 11:20

Ikana꞉ma꞉ta꞉ mo iki dupi dupi lo haleme haliweki make o iki teke puleke lao haleme haliweki make o iki hona꞉ma̱o̱ haleme o iki handa꞉niao haleme o iki kadapo ku haleme haliweki paeyao pa꞉ta꞉ ta꞉na꞉ma꞉ homolo hata꞉ ika꞉ pi opu halememe.

Ka꞉leisia 5:15

Koto la ula꞉pate ikana꞉ma꞉ ika꞉ ika꞉ kone ape a꞉nda꞉ leke yokaalu alu pu haemeka꞉na꞉ta꞉ ya some hombo koto pimika꞉na꞉ta꞉ kota꞉ ota꞉ wopu handeteke hapa꞉peke. Ika꞉ tapake ame̱le̱ kone epeke tupa꞉ pata꞉ pea na hake ota꞉ tekili tekili pu hoeyaalimikie.

Ka꞉leisia 5:26

Nikana꞉ma꞉ hakoko lita꞉la꞉ hau na pu make ma꞉nda꞉ soka꞉la꞉ homena꞉ loluekema꞉ toya꞉ toya꞉ piki haumanu na pu make I̱ mia꞉peke alee laa honema꞉ honditi pu alualu pila꞉ hau make paeyao na pumana꞉e.

Ka꞉leisia 6:3

Iki tukiki pa꞉ta꞉ ma꞉nda꞉ma꞉ ipikita꞉ biki na wilia꞉ some haliepate kone I̱ta꞉ biki ula꞉me hone wia꞉ka꞉na꞉ta꞉ koto somema꞉ ipika꞉ kone makeaasa꞉me.

Pilipai 1:15

Koto pa꞉la꞉pate mo mandane ape ape lo haleme haliwekima꞉ta꞉ I̱ pa꞉ta꞉ honditi pitolo hata꞉ Ketisona꞉ pi walo halememe. Pateta꞉ pa mo mandane haliweki ma꞉nda꞉ma꞉ta꞉ epeke hone witolo hata꞉ walo halememe.

Pilipai 2:14

Do kenkena꞉ hoihoi piki hoke hau pu haleme wanda꞉hali tukiki pa꞉ta꞉ hata꞉ ikita꞉ hoke haumanu na talo yako pea Koda꞉na꞉ tikitiki piki wekiwandiki haluekema꞉ta꞉ ika꞉ hau paeyaona꞉ la la pu ape ape na leke hao hapa꞉peke. Mo hande hoihoi piki wanda꞉hali pa꞉ta꞉ mo hande deto hala꞉ pi la halolo hata꞉ta꞉ ikita꞉ oli hande hombulanka꞉ to hala꞉ tupa꞉ hapa꞉peke alee.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

Kolosi 2:18

Ma꞉nda꞉ma꞉ ipiki ta꞉ta꞉ piki upamanu pa꞉la꞉ ekima꞉ ipikita꞉ ota꞉ handa ulu somee ala꞉ ekima꞉ iki bepolaena꞉ waleke na hala꞉pa꞉peke. Mo makeaaso homupiki hau pitolo hata꞉ enisolomanu pa꞉ta꞉ yeni pu hapa꞉peke lo hala꞉ somena꞉ loa꞉me. Dupiki someta꞉ teke na wiki ekina꞉ ipika꞉ kenke hauna꞉ hone ula꞉ ekima꞉ pa hameke pombei yaala꞉me.

2 Desalonaika 2:4

Epea꞉ka꞉na꞉ta꞉ wanda꞉halina꞉ yeni hau pu haleme alemanu paeyao make Koda꞉na꞉ alemanu hone u haleme ekimanu sa꞉sa꞉ puluekema꞉ taapilieke. Ipikita꞉ do alo alemanu paeyaota꞉ oto nane yao manda halieke. Kutupa make Koda꞉na꞉ tembolo da pa꞉ta꞉ kone pua pita꞉ I̱ta꞉ Koda꞉ halome lo halieke.

1 Timodi 1:4

Mo haliweki ika꞉ napeke na pitiki pimanu make ika꞉ apa꞉meina꞉ atekena꞉ atekena꞉ bikimanu yata꞉po hata꞉ alemeeki make paeyao mina꞉pa꞉laena꞉ lapeke. Kutu piki pi lo haleme ekima꞉ ikana꞉ma꞉ Koda꞉na꞉ epeaalo pa꞉la꞉ ekimanu mina꞉ na tamba꞉ mikita꞉ ape ape la꞉ tiaalieke. Mo epeaalo pa꞉la꞉eki manuta꞉ nika꞉ hone tulaaloma꞉ ekima꞉ homeke mia꞉peke ya꞉la꞉me.

1 Timodi 1:7

Ikana꞉ma꞉ Koda꞉na꞉ pi ula꞉eki manuna꞉ wala꞉la꞉ hali haluekee hone wia hata꞉ dupa꞉pa꞉peke dupa꞉pa꞉peke pimanu wopu alemepate pa mo ika꞉ aleme pi kone hone wopu na u make koto pina꞉ teke make hone wopu na witelememe.

1 Timodi 3:6

Handaena꞉ hau pea lopaama꞉na꞉ ipikita꞉ Tekehalina꞉ pi panake mina꞉la꞉ hali na halieke. Mo hande Sadani lopeeke tupa꞉ lopaama꞉na꞉ loa꞉me.

2 Timodi 2:14

Do ekita꞉ naka꞉ wanda꞉hali hone u tiaaso hata꞉ la halo hapeke. Kutu pika꞉na꞉ta꞉ kota꞉ Koda꞉na꞉ leke popelekena꞉ iki kinki pitolo hata꞉ta꞉ dupa lapeke. Ikana꞉ma꞉ mo pi teke manuna꞉ tekena꞉ta꞉ pi yokaalu alu pu ape ape na lapa꞉peke lapeke. Kutu piki hauma꞉ta꞉ ma꞉nda꞉ na tamba꞉ mulu pa꞉la꞉pate mo opilimi wanda꞉hali pa꞉ta꞉ta꞉ paa hoeyaasa꞉eki homeke wilieke.

2 Timodi 2:23

Mo teke na wiki o teke na handeke pi yokaalu alu pita꞉la꞉eki manuta꞉ hoki wala pua꞉peke. Pa ekipeke. Koto hau manuma꞉ta꞉ ape ape mea la꞉tialiekeyeke loa꞉me.

2 Timodi 3:4

Kutaa make ikana꞉ma꞉ yankeke kone lina꞉ ma꞉na꞉ yapa꞉ mu a꞉nda꞉ lombo make homa꞉la꞉ ale teke na hake haumanu pu make ika꞉ honema꞉ ikita꞉ tieke haloma꞉me hone witolo hata꞉ Koda꞉ pukima꞉ na homeketa꞉ pa ika꞉ loke ta꞉na꞉ peaasa꞉ alemanu pa꞉ta꞉ pukima꞉ homo halememe.

Taitasi 3:9

Kutu pulu pa꞉la꞉pate mo epe na piki ape apemanu make mo atekena꞉ ateke hatiki epeeke ekina꞉ biki eleke eleke moka꞉lao haleme ekimanu make mo pi yokaalu alu pita꞉la꞉ ekimanu make mo hande Diu wanda꞉halina꞉ lo pimanu wiekeeki dupa ula꞉me laa ape ape lo halemeeki make kota꞉ hau paeyao paka꞉lao pu hapeke. Kota꞉ hau manuma꞉ta꞉ niki epeaapeke ana꞉ na pa꞉la꞉me.

Dia꞉mesi 1:19

Ota꞉ ya kametitio. Do pimanu hone wipe. Iki paeyao pi opuluekema꞉ tikitiki yao hapeke ya꞉la꞉pate pa pi pi a̱i̱ na leke make mineke a̱i̱ na panka꞉pa꞉peke. Do alo pi manuta꞉ do ekina꞉yeke loa꞉me.

2 Pida 2:12

Koto pa꞉la꞉pate do haliwekima꞉ta꞉ ika꞉ lokema꞉ kone iki handeteke haena꞉ laa mo hona꞉ma̱o̱ lina꞉yeke mondu ula꞉ tikene hala꞉ yeti sayalema꞉ handelememe. Ikana꞉ma꞉ta꞉ iki hone wopu na wilimi pimanu kone la la pea hoeyao halememe. Ikita꞉ mo tikene hala꞉ yeti sayale pita꞉la꞉ tupa꞉ hoeyaalieke.

2 Pida 2:18

Ikana꞉ma꞉ta꞉ hakoko lia teke na wiki pimanu wepu halememe. Kutupa make mo hokeeki pa꞉ta꞉ haleme wanda꞉hali paka꞉lao poluekema꞉ kini piteleme wanda꞉hali tamuluekema꞉ta꞉ ika꞉ lokena꞉ na꞉na꞉ma꞉ homa꞉la꞉ ekima꞉ pu halememe.

Diudi 1:10

Koto pa꞉la꞉pate do wanda꞉halima꞉ta꞉ mo ikana꞉ma꞉ hone wopu na wilimi pimanu kone la la pea hoeyao halememe. Mo tikene hala꞉ yeti sayalema꞉ piteleme tupa꞉ ika꞉ lokema꞉ kone pu tiaasa꞉ hau manuma꞉ kone iki hoeyao hala꞉me.

Diudi 1:16

Do wanda꞉halita꞉ hoto paeyao hambilikima꞉ hambilikima꞉ pea ma꞉nda꞉ la꞉mea tiao halememe. Kutupa ikana꞉ma꞉ta꞉ ika꞉ lokena꞉ hone pa꞉la꞉ ekimanu tolu hata꞉ ika꞉ kone hakoko lu halememe. Kutupa ika꞉ pota꞉ pilaluekema꞉ ma꞉nda꞉ pa꞉ta꞉ pukineke pimanu lo halememe.

Peneme Yaeyekeeki 3:17

Ikana꞉ma꞉ alota꞉ I̱ta꞉ hamoko hata꞉ ala꞉ta꞉ ala꞉ta꞉ paeyao ana꞉ pa꞉la꞉me. I̱ dia꞉ya꞉la꞉ ale manuta꞉ ma꞉nda꞉ dia꞉yalo hata꞉ I̱ ana꞉ pa꞉la꞉me alememe. Pate ikita꞉ ta꞉na꞉ na pea ota꞉ a꞉ta꞉ pambeleme ekita꞉ hone na wilimime. Ikita꞉ natehali hao aka꞉ na yameke pa tia hata꞉ leke holu peleme.