1 Timodi 6:2 - Panake Pi La: Ula: Buka pita: Kine Pieke Buka

² Mandane pa hameke e pokaaseme tapakema꞉ ika꞉ you halita꞉ Ketiso hali haya꞉ka꞉na꞉ta꞉ ipikita꞉ nika꞉ Ketiso yankeke hone witolo hata꞉ paa pa alema꞉ na handaapa꞉peke. Kotoeki na pikita꞉ ikana꞉ma꞉ dupiki hone witolo Ipikita꞉ ya Ketiso kame haleka꞉na꞉ta꞉ I̱ma꞉ ipiki hone pa꞉la꞉me. I̱ma꞉ ipika꞉ e pokawa꞉ka꞉na꞉ta꞉ ipikana꞉ma꞉ do e pa꞉ta꞉ yama꞉ epeke ale mina꞉e hone wiaata꞉ ikana꞉ma꞉ amba꞉ pokeme e tupa꞉ na pokeketa꞉ kotoeki lombei peao pokaapeke. Do alo pi manuta꞉ nate paeyao wopu sa̱꞉tiaaso hata꞉ wala꞉tiki pu hapeke.

1 Timodi 6:2 Mawu Ofanana

Ma꞉tiu 23:8

Mo haliwekima꞉ta꞉ kutu pu halemepate pa ikana꞉ma꞉ta꞉ wanda꞉halima꞉ iki pa꞉ta꞉ Disao pi na lena꞉ lapa꞉peke. Pa ekipeke. Ika꞉ Disata꞉ homeke haena꞉ iki paeyaota꞉ hama̱la̱꞉ hama̱la̱꞉ halememe loa꞉me.

Ma꞉tiu 25:40

Koto lemeka꞉na꞉ta꞉ mo hande Kini Halima꞉ ika꞉ pita꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ mo hande ya biki na wiki kame homeke ma꞉nda꞉ siki pa꞉ta꞉ pimiki epeke hau paeyaota꞉ kota꞉ ota꞉ paeyao pa I̱ pa꞉ta꞉ kone pimime laa lelieke.

Ma꞉tiu 6:24

Homeke ma꞉nda꞉ma꞉ mo you hali yaapona꞉ e pokaasa꞉ hali hapeke na ya꞉la꞉me. Puluekema꞉ taapo haya꞉ka꞉na꞉ta꞉ kota꞉ ma꞉nda꞉ pa꞉ta꞉ pukima꞉ homolota꞉ ma꞉nda꞉ta꞉ honditi pilieke o ma꞉nda꞉ pa꞉ta꞉ta꞉ hone wopu pitolo hata꞉ta꞉ ma꞉nda꞉ta꞉ kiaalieke. Kutaa ikana꞉ma꞉ make mo mani pita꞉ Koda꞉ yaapoma꞉ ika꞉ you hali yaapo haena꞉ laa ipilika꞉ e homeke dina꞉ pokaapa꞉peke na ya꞉la꞉me.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Loma꞉ 11:17

Ambu sa̱ lopao wata꞉lao hala꞉ olipi tina꞉ palekemanu mandaneeki tonda꞉pa꞉ mepi pea mea pa opa pa hala꞉ olipi ti ma꞉nda꞉na꞉ paleke tonda꞉pa꞉ mea mo hande wata꞉laala꞉ ekina꞉ palekena꞉ mea tunaala꞉me. Diendaili wanda꞉hali ikita꞉ mo hande pa opa hala꞉ olipi tima꞉ handelemepate mo Diu wanda꞉hali pa꞉ta꞉ a꞉pa꞉la꞉ epeke epeke haumanu ikana꞉ma꞉ minelememe.

Loma꞉ 8:29

Koda꞉ma꞉ amba꞉ talopu mea haena꞉ la꞉la꞉ wanda꞉halita꞉ ipika꞉ Eiyeke leke haena꞉yeke amba꞉ handa꞉ mea ta꞉ta꞉ haena꞉ la꞉la꞉me. Koto pa꞉la꞉ ekita꞉ ipika꞉ Eiyeketa꞉ ipika꞉ kamemanu paeyao ame̱le̱ hata꞉ta꞉ ipikita꞉ titina꞉ hali haena꞉yeke pa꞉la꞉me.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Epesese 1:15

Ikana꞉ma꞉ Tekehali Yesu pa꞉ta꞉ hone tulaalemeeki make Koda꞉na꞉ wanda꞉hali paeyao pa꞉ta꞉ pukima꞉ homelemeeki make I̱ma꞉ opu haota꞉

Epesese 3:6

Koto hande a꞉mbao u hayeke honeta꞉ dupae. Hande Pi Seliapo opueleme ekina꞉ Diendaili wanda꞉hali ikana꞉ma꞉ta꞉ Koda꞉ma꞉ epeaasa꞉ ekimanu Diu wanda꞉hali ame̱le̱ mandakena꞉ apa꞉tao mea꞉peke ya꞉la꞉me. Ikana꞉ma꞉ta꞉ apa꞉tao homeke loke ta̱la̱ hata꞉ta꞉ hande Koda꞉ma꞉ Yesu Ketisoma꞉ peaena꞉ pi la꞉ wiekeeki ikana꞉ma꞉ make minelememe.

Kolosi 1:2

Mo Kolosi nane haleme Koda꞉na꞉ wanda꞉hali Ketiso pa꞉ta꞉ hata꞉ ki hone na wiki pa putia pu haleme kametonu iki pa꞉ta꞉ tapaasopa꞉me. Nika꞉ Apa꞉ Koda꞉ma꞉ iki pa꞉ta꞉ a꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make kina꞉e.

Kolosi 1:4

Pa ekipeke. Ikana꞉ma꞉ Yesu Ketiso pa꞉ta꞉ hone tulalemeeki make mo Koda꞉na꞉ wanda꞉hali paeyao pa꞉ta꞉ pukima꞉ homo halemeeki opu hao loma꞉me.

Kolosi 4:1

Handeteke haleme haliwekio. Ika꞉ pa hameke e pokaasa꞉ haliweki ana꞉na꞉ kone tikitiki yao handeteke hapa꞉peke. Hone wipe. Iki make ika꞉ handeteke hala꞉ halita꞉ oli hepeni hala꞉me.

2 Desalonaika 1:3

Nika꞉ kametonuo. Iki pa꞉ta꞉ hone witolo hata꞉ Koda꞉ pa꞉ta꞉ keiyae pi lo hamonoe. Ota꞉ dupiki pi lo haloma꞉ ekina꞉ teketa꞉ ika꞉ hone tulaleme ekita꞉ ota꞉ anekema꞉ daela꞉me. Kutupa mo ika꞉ pukima꞉ homa꞉ alualu pelemeeki make daeya tieke ya꞉la꞉me.

1 Timodi 4:11

Do mana꞉manu make do wala꞉la꞉ ekimanu make ikana꞉ma꞉ opua ota꞉ pea꞉tiki pu haena꞉ nakana꞉ma꞉ iki pa꞉ta꞉ wopu walo hapeke.

1 Timodi 5:1

Mo koke haliweki na tolu lu pelepateta꞉ naka꞉ apa꞉ pa꞉ta꞉ ale tupa꞉ homu piki pimanu lapeke. Panake haliweki make naka꞉ kame tupa꞉ kone epeaapeke.

Taitasi 2:1

Koto pa꞉la꞉pate nakana꞉ma꞉ ota꞉ mo mana꞉ pi ula꞉ tupa꞉ tolu walo hapeke.

Taitasi 2:15

Do mana꞉ pimanu walo hapeke. Kutu puluekema꞉ta꞉ naka꞉ pi opita꞉la꞉ wanda꞉halina꞉ hone u tia tia puluekema꞉ make hoke haumanu peaama꞉na꞉ sa꞉sa꞉ pulu pika꞉na꞉ make naka꞉ biki ula꞉ ekina꞉ hata꞉ pea꞉peke.

Taitasi 3:8

Koda꞉ pa꞉ta꞉ hone tulaaseme wanda꞉halima꞉ta꞉ mo ika꞉ epeke piteme hau manuma꞉ mo mandane wanda꞉hali tamba꞉ muluekema꞉ hone witolo hata꞉ waleke hala꞉tiki pina꞉ma꞉ nakana꞉ma꞉ do wapena꞉ alo pimanu iki pa꞉ta꞉ ota꞉ wopu la꞉ moneao hapeke.

Hibulu 3:1

Koda꞉ma꞉ wi la꞉ mea haena꞉ la꞉la꞉ ya Ketiso kame tonuo nika꞉ hone tu lao haloma꞉ ekina꞉ yeni peao hala꞉ You hali pita꞉ Koda꞉ma꞉ tapaeyeke hali Yesu peneme yaaso hata꞉ta꞉ ipiki pa꞉ta꞉ hone wopu u hapa꞉peke.

Hibulu 3:14

Mo hande nika꞉ titina꞉ hone ti laoma꞉ ekita꞉ na mina꞉pa꞉lake homolo kia꞉naluekema꞉ honkopu hao hata꞉ miniki hao hamana꞉e. Koto hau a꞉nda꞉ puma꞉ka꞉na꞉ta꞉ kota꞉ nikita꞉ ota꞉ Ketiso ame̱le̱ apa꞉tao tunaa haloma꞉me.

1 Pida 5:1

Iki ame̱le̱ hala꞉ you hali weki pa꞉ta꞉ I̱ make you hali hata꞉ iki pa꞉ta꞉ tikitiki yaasa꞉ pi alome I̱ta꞉ Ketisona꞉ tanda miekeeki handoa꞉ halie. Kutupa mo epolo pa꞉la꞉ pa̱a̱ pita꞉la꞉ ekita꞉ I̱ma꞉ make mulueke.

2 Pida 2:10

Ota꞉ mo ika꞉ ha̱i̱ piki lokena꞉ na꞉na꞉ma꞉ homa꞉la꞉eki pita꞉ Koda꞉na꞉ handeteke hala꞉ ekita꞉ pa pina꞉ma꞉ hone u haleme wanda꞉hali pa꞉ta꞉ loa꞉me. Do yayapikieki wala꞉la꞉ haliwekima꞉ta꞉ ma꞉nda꞉ pa꞉ta꞉ homu na piki ika꞉ homeke hone u hata꞉ oli manda hala꞉ seliapo piki enisolo titita꞉ na handomo tiao halememe. Kotoeki na pikita꞉ pa iki kitao halememe.

Diudi 1:8

Homeke tupa꞉ kone do niki tukiki pa꞉ta꞉ honditi pea honda꞉ pambeleme wanda꞉halima꞉ta꞉ ika꞉ upama꞉ wala꞉la꞉eki teliolo hata꞉ ika꞉ loke pa꞉ta꞉ kone hoke hau pu halememe. Ikana꞉ma꞉ta꞉ Koda꞉na꞉ handeteke hala꞉ ekita꞉ pa pina꞉ma꞉ hone witolo hata꞉ oli manda hala꞉ seliapo piki enisolo titita꞉ la la pu halememe.