1 Timodi 5:3 - Panake Pi La: Ula: Buka pita: Kine Pieke Buka

³ Kosa꞉piki wanda꞉ ma꞉nda꞉ ota꞉ ipika꞉ honumake siki hala꞉eki handeka꞉na꞉ta꞉ kota꞉ ipiki tamba꞉ muluekema꞉ hone epeke u hapeke.

1 Timodi 5:3 Mawu Ofanana

Ma꞉tiu 15:6

ikana꞉ma꞉ta꞉ koto halima꞉ ipika꞉ apa꞉ ama꞉ta꞉ tamba꞉ mia꞉peke laa la꞉ ula꞉ pi pea꞉peke ekita꞉ Pina꞉ma꞉ pea꞉peke na ya꞉ka꞉ta꞉me laa lo halememe. Kutupa koto piteme hau manuta꞉ kota꞉ ikana꞉ma꞉ ika꞉ waleme pimanu kone teli mea pu haluekema꞉ yeke Koda꞉na꞉ pi ula꞉ ekimanu hoki walo halememe.

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

Luku 2:37

Ipikita꞉ koke wanda꞉ hata꞉ ipika꞉ bapita꞉ 84 yeekeme. Kutupa ipikana꞉ma꞉ mo tembolo da na mina꞉pa꞉lake timba make natena꞉ make Koda꞉ pa꞉ta꞉ panda꞉puniao hata꞉ ne pi wia꞉tiki pea yeni pu hatiki pu hayekeme.

Luku 7:12

Ipiki pua mo teke da anekena꞉ wieke daoni pota꞉ kake pa꞉ta꞉ opolo polueke alo pulu haena꞉ mandane haliwekima꞉ mo homeeke hali toko mea hoilu poluekema꞉ yeke tia ipulu pitimikime. Mo homeeke halita꞉ kineke wanda꞉ siki ma꞉nda꞉na꞉ ota꞉ homeke weki siki yeekeme. Mo teke da aneke pa꞉ta꞉ haemeke wanda꞉hali woputa꞉ mo kineke wanda꞉ siki ame̱le̱ ipulu pitimikime.

Dioni 1:47

Nada꞉niele Yesu pa꞉ta꞉ ipulu haena꞉ kone Yesuma꞉ handa Nada꞉nielena꞉ pita꞉la꞉ ekita꞉ dupae laa ma꞉nda꞉ pa꞉ta꞉ la halolo alota꞉ Do halita꞉ ota꞉ Isulai halie laa ipiki pa꞉ta꞉ yayapiki hau ma꞉nda꞉ na ula꞉me leekeme.

Aposolo 6:1

Koto natena꞉ta꞉ mo Yesuna꞉ disaipolo haliweki daeyaeyekeme. Mo Kitiki pi lo haemeke Diu wanda꞉halima꞉ mo teke da pa꞉ta꞉ haemeke Diu wanda꞉halima꞉ ika꞉ kosa꞉piki wanda꞉sunu ne ana꞉na꞉ na telipitolo hata꞉ honditi pitelememe laa pi lemekeme.

Aposolo 9:39

Koto ekina꞉ Pida tiaota꞉ mo hali yaapo ame̱le̱ mandakena꞉ pemekeme. Da opolo peeketa꞉ oli manda da panda꞉ pa꞉ta꞉ ipiki hatuku a꞉meimikime. Koto pa꞉ta꞉ta꞉ mo kosa꞉piki wanda꞉sunu paeyaoma꞉ta꞉ mombololo hata꞉ e̱ a꞉pa lemekeme. Hande Dokasima꞉ na homeke pa hayeke pita꞉na꞉ tumbulieke sedisunu make kosa꞉ aka꞉manu make Pida pa꞉ta꞉ walemekeme.

Aposolo 9:41

Pidama꞉ panda꞉puniao ipika꞉ kiki yola꞉ mea tiaeyekeme. Kutu pieketa꞉ Pidama꞉ mo Ketiso wanda꞉hali make mo kosa꞉piki wanda꞉sunu make ipupe laata꞉ hande wanda꞉ta꞉ do tiao hala꞉ handa꞉pe laa leekeme.

1 Desalonaika 2:6

Kota꞉ ikana꞉ma꞉ make mo mandane wanda꞉halima꞉ make nika꞉ biki a꞉meiyamena꞉yeke weiya na puma꞉pate

1 Timodi 5:2

Koke wanda꞉weki make naka꞉ ama꞉ tupa꞉ kone handeteke hata꞉ta꞉ panake wanda꞉weki make naka꞉ ana꞉ leke tikitiki piki hauma꞉ homeke handeteke hapeke.

Dia꞉mesi 1:27

Hoe ma꞉nda꞉ na piki ota꞉ Ketiso tikitiki hauta꞉ nika꞉ Apa꞉ Koda꞉ma꞉ta꞉ dupae ala꞉me. Pa haleme weki wandiki make kineke wanda꞉sunu make ika꞉ ka꞉nda꞉ma꞉ homelemeeki handaata꞉ tamba꞉ mina꞉la꞉eki mea꞉peke ya꞉la꞉me. Kutupa make mo kenke hauma꞉ na hoeyaena꞉ aloma꞉ ekina꞉ ala꞉me.

1 Pida 2:17

Wanda꞉hali paeyao pa꞉ta꞉ epeke hone u ika꞉ Ketiso yankeke tonu pa꞉ta꞉ pukima꞉ homo kutupa Koda꞉ pa꞉ta꞉ paala꞉ma꞉ homo kutupa mo Kini you hali pa꞉ta꞉ make epeke hone u hapa꞉peke.

1 Pida 3:7

Haliki tonu iki make haliki hata꞉ta꞉ ika꞉ wanda꞉ta꞉ iki tupa꞉ honkopu na halememe hone wia꞉pa꞉peke. Koto ekina꞉ta꞉ ikana꞉ma꞉ iki pa꞉ta꞉ epeke tupa꞉ hone witolo hata꞉ handeteke hapa꞉peke. Kota꞉ kotota꞉ mo wanda꞉weki iki make iki ame̱le̱ mandakena꞉ Koda꞉na꞉ pa hameke kita꞉la꞉ da꞉ta꞉la꞉ ekita꞉ milimikie. Ala꞉ta꞉ ma꞉nda꞉ma꞉ ika꞉ yeni pu haleme ekimanu sa꞉sa꞉ na pina꞉ koto hau pu hapa꞉peke.