1 Timodi 5:11 - Panake Pi La: Ula: Buka pita: Kine Pieke Buka

¹¹ Kutu pulu pa꞉la꞉pate mandane moputali kosa꞉piki wanda꞉manu ika꞉ bikimanu wape pea na apa꞉taapeke. Pa ekipeke. Ikana꞉ma꞉ ika꞉ lokena꞉ hone pelemeeki hone witolo hata꞉ hali ma꞉nda꞉na꞉ da puluekema꞉ Ketiso hoki walaa pelimikie.

1 Timodi 5:11 Mawu Ofanana

1 Timodi 5:14

Mo a꞉nda꞉ piteleme wanda꞉halima꞉ niki pa꞉ta꞉ hoke pi loluekema꞉ waleke wiaama꞉na꞉ mo Ketiso hala꞉ moputali kosa꞉piki wanda꞉wekita꞉ pa hali ma꞉nda꞉na꞉ da pua wekiwandiki mendia ika꞉ da handeteke haena꞉e hone witolome.

Dia꞉mesi 5:5

Ikita꞉ nate paeyao kenkena꞉ hata꞉ epeke epeke alemanu minolo hata꞉ta꞉ ta꞉na꞉ma꞉ homa ne wopu no halememe. Kutupu halemepate ika꞉ imeke wopu pa꞉la꞉ ekima꞉ta꞉ iki lia꞉peke nate ipula꞉me.

Peneme Yaeyekeeki 18:7

Ipika꞉ kone mo pa̱a̱ pa꞉la꞉eki make ta꞉na꞉ tieke pa꞉la꞉eki make halolo pia꞉ tupa꞉ kone paa mo tanda tiekemanu make homena꞉ tupa꞉ tanda mina꞉la꞉eki make hala꞉pe. Pa ekipeke ipika꞉ kone alota꞉ Kini wanda꞉ do pilu handa꞉e. I̱ta꞉ kineke wanda꞉ dia꞉me. I̱ma꞉ta꞉ hamono tupa꞉ tanda mina꞉la꞉ ekita꞉ ota꞉ na handulueke laa ala꞉me.

2 Pida 2:18

Ikana꞉ma꞉ta꞉ hakoko lia teke na wiki pimanu wepu halememe. Kutupa make mo hokeeki pa꞉ta꞉ haleme wanda꞉hali paka꞉lao poluekema꞉ kini piteleme wanda꞉hali tamuluekema꞉ta꞉ ika꞉ lokena꞉ na꞉na꞉ma꞉ homa꞉la꞉ ekima꞉ pu halememe.

1 Timodi 5:9

Mo kosa꞉piki wanda꞉wekina꞉ biki ula꞉ wapena꞉ta꞉ dupiki wanda꞉na꞉ biki homeke wia꞉peke. Wanda꞉ ma꞉nda꞉ ipika꞉ bapi hali tieke tepo paeya꞉ka꞉na꞉ make ipikita꞉ hali homekena꞉ da peeke wanda꞉ make

1 Timodi 4:3

Kutu pu haleme haliwekima꞉ pi walolo hata꞉ alota꞉ Wanda꞉ mina꞉la꞉eki make mandane nemanu hala꞉eki make hoke haue laa wahapa꞉ peao halememe. Pate do ne manuta꞉ nikana꞉ma꞉ nomono yeke Koda꞉ma꞉ wepiayekeme laa ipika꞉ pi mina꞉la꞉ wanda꞉halima꞉ mo ota꞉ hau homeke hone witolo hata꞉ koto ne manuna꞉ Koda꞉ pa꞉ta꞉ keiyae pi alo hata꞉ napeke ya꞉la꞉me.

1 Timodi 5:12

Kutu pimikina꞉ta꞉ ika꞉ Ketiso pa꞉ta꞉ amba꞉la la꞉ wimiki pimanu yambilimikie.

Peneme Yaeyekeeki 18:3

Pa ekipeke mo kapomani ta꞉ta꞉ ta꞉ta꞉ma꞉ handeteke hala꞉ tapake paeyaoma꞉ta꞉ ipika꞉ waini ikali nememe. Mo honkopu wopu hake waini ikali ipika꞉ loke hoeyaasa꞉ na꞉na꞉ pa꞉la꞉ hauna꞉ loa꞉me. Do kenkena꞉ kini manuma꞉ta꞉ mo wanda꞉ ame̱le̱ loke hoeyaasa꞉ hau pu ombu haememe. Kutupa do kenkena꞉ bisinisi haliwekita꞉ mo wanda꞉na꞉ kikana꞉ hau leke pia꞉ hoke hau pa꞉ta꞉ yama꞉ hamoko haememe lea꞉me.

Peneme Yaeyekeeki 18:9

Do kenkena꞉ haleme kinimanu mo wanda꞉ ame̱le̱ loke apa꞉tao hoke na꞉na꞉ pa꞉la꞉ haumanu mandakena꞉ pimi tapakema꞉ta꞉ mo daoni tiekena꞉ e̱ lelimikie. Mo yanko paeyaasa꞉ ti ulekena꞉ lumu handolo hata꞉ loa꞉me.