1 Timodi 5:10 - Panake Pi La: Ula: Buka pita: Kine Pieke Buka

¹⁰ wanda꞉halima꞉ epeke hau pia꞉ wanda꞉e aleme wanda꞉ make ipika꞉ wekiwandiki epeke tupa꞉ handeteke haya꞉ wanda꞉ make na handeke da ma꞉nda꞉ wanda꞉hali epemeke handa꞉mea wamo pia꞉tiki pieke wanda꞉ make Ketiso yankeketonu oto nane hata꞉ tamba꞉ mieke wanda꞉ make ka꞉nda꞉ mina꞉la꞉ wanda꞉hali petelea꞉ wanda꞉ make epeke haumanu puluekema꞉ hone wopu u hayeke wanda꞉ make kosa꞉piki wanda꞉ homekema꞉ koto hau paeyao tonka꞉na꞉ apa꞉tao pea꞉tiki pieki handemeka꞉na꞉ta꞉ kota꞉ ipika꞉ biki wape pea꞉peke.

1 Timodi 5:10 Mawu Ofanana

Kini Pieke 18:4

Koto ekina꞉ ika꞉ ankemanu tanda꞉pa do ti teke pa꞉ta꞉ hoto pitomena꞉ ikali mealo ponoe.

Kini Pieke 19:2

alota꞉ Hali yaapoo. I̱ta꞉ ipiliki tamba꞉ muluekema꞉ haloma꞉ pilisi ya da nane pomana꞉ ipupe. Ipilika꞉ anke tandepo peliaata꞉ da ka꞉la꞉paasota꞉ timba tiao ipilika꞉ polo pelepe nane poepena꞉ loa꞉me leekeme. Pate ipilikana꞉ma꞉ hombo peaaso alota꞉ Dia꞉me. Dikita꞉ ame do timbata꞉ do daoni wanda꞉halina꞉ mombolo haleme alena꞉ polupekee lepekeme.

Kini Pieke 24:32

Koto leeke mo halita꞉ oni da pa꞉ta꞉ peekeme. Kutupa Leibenima꞉ta꞉ mo kemelona꞉ hokina꞉ wieke alemanu mu wia napeke ambumanu make halaa ambu sa̱manu make wiaeyekeme. Kutupa mo Eipoloha꞉ma꞉na꞉ e pokaasa꞉ hali make ipika꞉ haliweki make ika꞉ anke tandepena꞉yeke ikali honke pea haleekeme.

Kini Pieke 43:24

Mo e pokaeyeke somema꞉ta꞉ mo hama̱la̱꞉ hama̱la̱꞉ da tukiki pa꞉ta꞉ hatuku mea epeekeme. Ipikana꞉ma꞉ta꞉ mo ika꞉ ankemanu tandepolo pimiki tupa꞉ ikali halaata꞉ ika꞉ donkimanu make ne haleekeme.

Ma꞉tiu 25:17

Koto mandake tupa꞉ kone mo 2 daoseni mieke e pokaasa꞉ halima꞉ koto manima꞉ e pokaata꞉ 2 daoseni ma꞉nda꞉ apa꞉tao wiekeme.

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Luku 7:38

Kutupa mo wanda꞉ma꞉ Yesuna꞉ hoki nane a꞉pa ipika꞉ anke teke pa꞉ta꞉ tiao hata꞉ ipika꞉ e̱ tonda꞉pa꞉ta꞉ Yesuna꞉ ankena꞉ lopena꞉ leekeme. Kutupa ipika꞉ itikima꞉ Yesuna꞉ ankena꞉ mo hande e̱ tonda꞉pa꞉ honia nunu peata꞉ mo totopo wotu piki oetata꞉ Yesuna꞉ ankena꞉ holayekeme.

Luku 7:44

Kutaata꞉ Yesuma꞉ pa mo wanda꞉ handolo hata꞉ Saimono pa꞉ta꞉ alota꞉ Nakana꞉ma꞉ta꞉ do wanda꞉ta꞉ handelepe. I̱ta꞉ naka꞉ da pa꞉ta꞉ a꞉pa honda꞉ pamboa꞉pate nakana꞉ma꞉ ya anke tanda꞉pa꞉peke ikali ma꞉nda꞉ na kipate do wanda꞉ma꞉ta꞉ ipika꞉ e̱ tonda꞉pa꞉ma꞉ kone ya anke tanda꞉pao ipika꞉ itikima꞉ pa mea honiaeya꞉me leekeme.

Aposolo 10:22

Mo haliwekima꞉ alota꞉ Koniliesita꞉ ami opisa epeke halima꞉ tapaeya꞉me laa ipikana꞉ma꞉ Koda꞉ pa꞉ta꞉ paala꞉ma꞉ homa꞉la꞉ halie laata꞉ Diu wanda꞉hali paeyaoma꞉ epeke pi lo hala꞉ halie. Kutupa Koda꞉na꞉ yako piki enisolo homekema꞉ leeke handa naka꞉ pimanu tonka꞉na꞉ opuluekema꞉ neke handa꞉ mulu pupe leeke handa ipuluma꞉me lemekeme.

Aposolo 22:12

Kutupa hali ma꞉nda꞉ A꞉na꞉naisita꞉ hande Lo Pimanu wotu opu hayeke hali make koto pa꞉ta꞉ haemeke Diu haliweki paeyaoma꞉ ipika꞉ pi lao hatiki pimiki hali I̱ pa꞉ta꞉ epoa꞉me.

Aposolo 6:3

Koto ekina꞉ kame titio. Hali paeyao watake hata꞉ hali Holi Sipitidima꞉ tumbula꞉ hali hone wopu u hala꞉ hali kutupa koto hali manuma꞉ do ne telipatiki pina꞉ mimika꞉na꞉ta꞉ nikana꞉ma꞉ mea haena꞉ lolumeke lemekeme.

Aposolo 9:36

Mo Diopa da pa꞉ta꞉ta꞉ disaipolo wanda꞉ homeke Ta꞉bida hayekeme. Koto bikita꞉ pa mo Kitiki pi laata꞉ Dokasi laa la꞉la꞉me. Koto wanda꞉ma꞉ta꞉ hoto paeyao epeke hau pu hata꞉ mo ala꞉ta꞉ ma꞉nda꞉ dia꞉yeke mesiolo hali wanda꞉hali tamba꞉ mu hayekeme.

Aposolo 9:39

Koto ekina꞉ Pida tiaota꞉ mo hali yaapo ame̱le̱ mandakena꞉ pemekeme. Da opolo peeketa꞉ oli manda da panda꞉ pa꞉ta꞉ ipiki hatuku a꞉meimikime. Koto pa꞉ta꞉ta꞉ mo kosa꞉piki wanda꞉sunu paeyaoma꞉ta꞉ mombololo hata꞉ e̱ a꞉pa lemekeme. Hande Dokasima꞉ na homeke pa hayeke pita꞉na꞉ tumbulieke sedisunu make kosa꞉ aka꞉manu make Pida pa꞉ta꞉ walemekeme.

Loma꞉ 12:13

Mandane Ketiso yankeke manuma꞉ ota꞉ mea꞉peke yelia꞉ alemanu mea꞉peke na ya꞉ka꞉na꞉ta꞉ kota꞉ ikana꞉ma꞉ ika꞉ wia haleme ekimanu kone telipa ma꞉nda꞉ hala꞉pa꞉peke. Da ma꞉nda꞉ nane haleme Ketiso wanda꞉hali kimisu a꞉pa pitimika꞉na꞉ta꞉ kota꞉ ika꞉ da pa꞉ta꞉ handa꞉ mea peliaapa꞉peke.

Epesese 2:10

Koda꞉ta꞉ niki wepia hamono la꞉la꞉ Halie. Ipikana꞉ma꞉ta꞉ nikita꞉ Yesu Ketiso yaapo ta꞉ma꞉ni pea hata꞉ epeke haumanu pu hamonoyeke nikita꞉ panake wanda꞉hali wepia hamono la꞉la꞉me. Nikana꞉ma꞉ kutupiki hau peomonoyeke Koda꞉ma꞉ amba꞉ kone pota꞉ pilao pa꞉la꞉me.

Kolosi 1:10

Kutu pia꞉ka꞉na꞉ta꞉ ikita꞉ mo Koda꞉ ipika꞉ hone pa꞉la꞉ tupa꞉ hata꞉ hoto paeyao ipiki ta꞉na꞉ma꞉ homa꞉tiaasa꞉ hau homeke pu halimikie. Ika꞉ halimi pa꞉ta꞉ta꞉ epeke haumanu opolo ipulu hata꞉ ikita꞉ Koda꞉ hone wopu witelemeeki pa꞉ta꞉ daelimikie.

1 Timodi 2:10

Koto hau na pikita꞉ ikana꞉ma꞉ Koda꞉na꞉ wandiki haluekema꞉ hone wimika꞉na꞉ta꞉ kota꞉ ikana꞉ma꞉ ota꞉ epeke haumanu pu hapa꞉peke. Kutu piteleme hauta꞉ ota꞉ ika꞉ au seliapoe.

1 Timodi 3:2

Ketiso wanda꞉hali hatuku pula꞉ halita꞉ eki a꞉nda꞉ na piki hali yelieke. Ipikita꞉ wanda꞉ homeke ma꞉la꞉ halie. Ipikita꞉ hone wotu lenkene pea ula꞉ halie. Ipika꞉ lokena꞉ handeteke hata꞉ e na kapa꞉lake epeke tupa꞉ pita꞉la꞉ halie. Mo na handeke wanda꞉hali make ipika꞉ da pa꞉ta꞉ mea peliaasa꞉ hali yelieke. Ipikita꞉ pi epeke tupa꞉ wala꞉la꞉ halie.

1 Timodi 3:7

Ipikita꞉ mo Ketiso na haleme wanda꞉halima꞉ kone ipika꞉ pi laalimikie. Kutu pilie ekima꞉ta꞉ ipika꞉ biki na hoeyaaso haena꞉ mo hande Sadanima꞉ hona꞉maasa꞉ ale pa꞉ta꞉ na lopilieke.

1 Timodi 5:16

Kutu pu halemepate Ketiso wanda꞉ ma꞉nda꞉ ipika꞉ tapake kosa꞉piki wanda꞉manu ma꞉nda꞉ haya꞉ka꞉na꞉ta꞉ kota꞉ mo Siosi tapake pa꞉ta꞉ ka꞉nda꞉ wiaama꞉na꞉ ikita꞉ ipikana꞉ma꞉ handeteke hapeke ya꞉la꞉me. Kutu pia꞉ka꞉na꞉ta꞉ mo siosi tapakema꞉ ota꞉ mo honumake siki haleme kosa꞉piki wanda꞉weki ota꞉ epeke tupa꞉ handeteke haena꞉ waleke wilieke.

1 Timodi 5:25

Mandane epeke haumanu make koto tupa꞉ kone peneme peneme yao ula꞉me. Kutaata꞉ mo ota꞉ peneme na ula꞉ epeke hau mandane ekimanu maketa꞉ a꞉mbao wia꞉peke na ya꞉la꞉me.

1 Timodi 6:18

Koto wanda꞉hali ikana꞉ma꞉ mandane wanda꞉hali pa꞉ta꞉ epeke hau pipe laata꞉ mo ika꞉ tamba꞉ mina꞉la꞉ hau piteme ekima꞉ hamoko hapa꞉peke laa lapeke. Ikana꞉ma꞉ epeke moke pita꞉la꞉ wanda꞉hali hata꞉ ika꞉ hamoko ale manuta꞉ mandane wanda꞉hali pa꞉ta꞉ pa teli pealuekema꞉ tikitiki yao hapa꞉peke lapeke.

2 Timodi 1:5

Mo naka꞉ ota꞉ hone tulale ekita꞉ I̱ma꞉ niminao halome. Naka꞉ aeya꞉ Loisi pita꞉ naka꞉ ama꞉ Yunisi yaapoma꞉ make do mandake hone tulaepe ekita꞉ ya honema꞉ta꞉ neke pa꞉ta꞉ make taa ula꞉me.

2 Timodi 2:21

Hali ma꞉nda꞉ epima꞉ mo hoke hau paeyaona꞉ ha̱i̱ a꞉nda꞉ ipiki pa꞉ta꞉ na ta̱le̱na꞉ lea꞉ka꞉na꞉ta꞉ kota꞉ ipikita꞉ ipika꞉ Tekehalima꞉ ta꞉ta꞉ piki hau tieke ma꞉nda꞉ peaena꞉ mea haena꞉ lelieke. Pa ekipeke. Mo somema꞉ ipika꞉ Tekehalima꞉ hala꞉la꞉ epeke emanu pokaaluekema꞉ tikitiki yao ula꞉ ale manuma꞉ handa hala꞉me.

2 Timodi 3:15

Kutaa make mo hande Yakopiki Baibolona꞉ wape pea ula꞉ pi manuta꞉ neke wekisiki hata꞉ kone kini pea opua꞉tiki a꞉pa ame make paa opuolo haleme. Nakana꞉ma꞉ mo Ketiso Yesu pa꞉ta꞉ hone tulaaseeki pa꞉ta꞉ yama꞉ mea꞉peke da꞉taasa꞉eki muelena꞉ u tiaasa꞉ honeta꞉ do Baibolona꞉ wape pea ula꞉ pi manuma꞉ ka꞉la꞉me.

2 Timodi 3:17

Kutu peaapeke ya꞉la꞉ ekima꞉ta꞉ mo Koda꞉na꞉ e pokaasa꞉ somema꞉ epeke hau paeyao ana꞉na꞉ peaena꞉ tikitiki yao haena꞉ lelieke.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Taitasi 2:7

Naka꞉ kone naka꞉ pilipi hau paeyaota꞉ wanda꞉halima꞉ handaa honda꞉mea pu haena꞉ epeke hau seliapomanu pu hapeke. Naka꞉ pi wala꞉la꞉ hauna꞉ hone wopu wia mo hapeke pitiki pimanu homeke walo hapeke.

Taitasi 3:1

Nakana꞉ma꞉ mo naka꞉ wanda꞉halina꞉ hone u tiatiki pika꞉na꞉ta꞉ ikana꞉ma꞉ mo ika꞉ kapomani haliweki oto nane make ikana꞉ma꞉ telipaala꞉ e handeteke haleme haliweki oto nane make hao hapa꞉peke lapeke. Mo haliwekina꞉ kakema꞉ homo hata꞉ hau paeyao epeke tupa꞉ puluekema꞉ tikitiki yao hapa꞉peke lapeke.

Taitasi 3:14

Nika꞉ Ketiso tapakema꞉ a꞉pa꞉la꞉ haumanu puluekema꞉ ikana꞉ma꞉ mo ika꞉ nate leke epeke tupa꞉ handeteke hata꞉ pina꞉ moka꞉la꞉ tiatiki pea꞉pa꞉peke alee. Kutupa make mo wanda꞉halina꞉ ka꞉nda꞉ma꞉ homa꞉la꞉eki handa꞉ peteluekema꞉ ikana꞉ma꞉ mo napeke na pitiki epe na piki haumanu leke na pea꞉peke ya꞉la꞉me.

Taitasi 3:8

Koda꞉ pa꞉ta꞉ hone tulaaseme wanda꞉halima꞉ta꞉ mo ika꞉ epeke piteme hau manuma꞉ mo mandane wanda꞉hali tamba꞉ muluekema꞉ hone witolo hata꞉ waleke hala꞉tiki pina꞉ma꞉ nakana꞉ma꞉ do wapena꞉ alo pimanu iki pa꞉ta꞉ ota꞉ wopu la꞉ moneao hapeke.

Hibulu 10:24

Niki paeyaoma꞉ nika꞉ nika꞉ kone pukima꞉ homa꞉ alualu pita꞉la꞉eki puluekema꞉ make epeke tamba꞉ mina꞉la꞉ hau pu alualu puluekema꞉ make ekipa sa꞉tia alualu pea hata꞉ pea꞉peke ya꞉la꞉pe hone umana꞉e.

Hibulu 13:2

Hande leke mineke na handeke wanda꞉hali kone ika꞉ da pa꞉ta꞉ epena꞉ ala꞉ hauta꞉ hone na yonka꞉lapa꞉peke. Kutu pitolo haena꞉ta꞉ pa mandane wanda꞉halima꞉ enisolo halie hone na wiki handa꞉ mea pitao tapaeyekeme.

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.

1 Pida 4:9

Tulu tulu na leke ika꞉ da pa꞉ta꞉manu ane pitulu endi mone pitulu endi pu hapa꞉peke.

3 Dioni 1:12

Paeyaoma꞉ta꞉ Dimiditiasita꞉ a꞉pa꞉la꞉me lo halememe. Ipikita꞉ Koda꞉na꞉ ota꞉ pima꞉ kone a꞉pa꞉la꞉me lo hala꞉me. Kutupa nikana꞉ma꞉ make homeke pi kone lo haloma꞉me. Kutupa nakana꞉ma꞉ta꞉ nikana꞉ma꞉ aloma꞉ ekita꞉ ota꞉ ekie hone wilime.