1 Timodi 4:6 - Panake Pi La: Ula: Buka pita: Kine Pieke Buka

⁶ Nakana꞉ma꞉ do mana꞉ pimanu a꞉nda꞉ epeke tupa꞉ mo Ketiso kametonu pa꞉ta꞉ la halo haeka꞉na꞉ta꞉ kota꞉ neketa꞉ Ketiso Yesuna꞉ epeke e pokaasa꞉ hali halipikie. Kota꞉ koto nakana꞉ma꞉ teliele hone tulaasa꞉ pi pita꞉ mo walea꞉ ota꞉ pi yaapo a꞉nda꞉ ota꞉ wopu miniki hao haeka꞉na꞉ta꞉ kota꞉ kutu pilipi ekima꞉ta꞉ neke wele pealieke.

1 Timodi 4:6 Mawu Ofanana

Ma꞉tiu 13:52

Koto lemeke opitolo Yesuma꞉ alota꞉ Hali ma꞉nda꞉ epi a꞉nda꞉ma꞉ta꞉ mo amba꞉ la꞉ wieke Lo Pimanu walo hala꞉ hali hata꞉ta꞉ pa mo hepenina꞉ Kilu Tombuao Hala꞉ ekina꞉ hau paeyao miniki hala꞉ hali make haya꞉ka꞉na꞉ta꞉ kota꞉ koto someta꞉ mo da tiekena꞉ tekehali tupa꞉ hata꞉ ipika꞉ momba꞉la nu pindu hao u hala꞉ da panda꞉ pa꞉ta꞉ pua amba꞉ epeke alemanu make panake epeke alemanu make apa꞉tao mea a꞉pa peneme yaasa꞉ somema꞉ handilieke leekeme.

Luku 1:3

Koto ekina꞉ epeke some Diopilusio. I̱ma꞉ do hau manuna꞉ kini pa꞉la꞉ tupa꞉ sembepela hone na u pita꞉ handa꞉ wiaata꞉ naka꞉eki make tikitiki yao wape lao wiaasota꞉ epolo pia꞉me laa loa꞉me.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 20:31

Koto ekina꞉ ikita꞉ handeteke hao hapa꞉peke. Kutupa I̱ma꞉ta꞉ bapi tepona꞉ u pelia꞉la꞉eki yolao da ka꞉la꞉pa꞉la꞉eki yolao iki paeyao pa꞉ta꞉ e̱ alo hata꞉ pi walo haowa꞉ ekita꞉ hone wia꞉pa꞉peke lea꞉me.

Aposolo 20:35

Koto pua꞉ ekima꞉ nikana꞉ma꞉ e wopu pokolo hata꞉ honkopu na hake hali tamba꞉ mumana꞉yeke waloa꞉me lea꞉me. Tekehali Yesuma꞉ la꞉la꞉ pi hone wia꞉pa꞉peke dupae. Aleta꞉ aleta꞉ halolo hata꞉ ota꞉ ta꞉na꞉ma꞉ homaasa꞉ekie. Minolo hata꞉ta꞉ ota꞉ wopu dia꞉me la꞉la꞉me lea꞉me.

Loma꞉ 15:15

Koto pa꞉la꞉pate I̱ma꞉ do wape poloeki pa꞉ta꞉ ika꞉ hone u tiaaso hata꞉ taka꞉lake pi mandane ekimanu laa wape polome. Koda꞉ma꞉ e tieke I̱ pa꞉ta꞉ ka꞉leke handaata꞉ I̱ma꞉ na kita꞉ yokake hata꞉ wape pea polome.

1 Kotindi 4:17

Koto ekina꞉yeke hande Timodita꞉ iki pa꞉ta꞉ tapaasome. Ipikita꞉ yaka pukima꞉ homolo weki hata꞉ta꞉ ipika꞉ Ketiso hala꞉eki make ota꞉eki hala꞉me. I̱ma꞉ Ketiso hata꞉ hau pu haloeki make mo siosi paeyaona꞉ wanda꞉hali paeyao pa꞉ta꞉ walo haloeki make Timodima꞉ ika꞉ hone paa u tiaalieke.

2 Kotindi 11:23

Ikita꞉ Ketisona꞉ e pokaaseme haliweki ya꞉ka꞉ta꞉pe kota꞉ I̱ta꞉ you hoke halima꞉ leke nono pitolopate I̱ta꞉ e pokaaso hali hata꞉ iki lombei peaalome. I̱ma꞉ta꞉ lombei peaaso hata꞉ oto honkopu hao e wopu pokolome. I̱ta꞉ dipula da pa꞉ta꞉manu ota꞉ lombei piki hoto eleke eleke mea pitaalememe. I̱ta꞉ ota꞉ lombei peake tupa꞉ dopitama꞉ yombelememe. Kutupa I̱ta꞉ homa꞉la꞉eki tombona꞉ teke pa꞉ta꞉ ota꞉ lombei piki natemanu mea꞉tiki polome.

2 Kotindi 3:6

Ipikana꞉ma꞉ta꞉ nikana꞉ma꞉ do panake la꞉ ula꞉ pi pa꞉ta꞉ e pokomono niki wele peaasa꞉me. Do panake la꞉ ula꞉ pita꞉ mo wape pea ula꞉ Lo Pi dia꞉ya꞉la꞉pate pa mo Sipitidima꞉ peaasa꞉ekie. Mo wape pea ula꞉ Lo pima꞉ta꞉ homa꞉la꞉eki mea ipula꞉pate pa mo Sipitidima꞉ta꞉ da꞉ta꞉la꞉eki kita꞉la꞉me.

2 Kotindi 6:4

Kotoeki na pikita꞉ nika꞉ pitoloma꞉ hau paeyao pa꞉ta꞉ta꞉ nikita꞉ Koda꞉na꞉ e pokaasoma꞉ haliwekie laa dupa peneme yao haloma꞉me. Mo walolo hata꞉ ka꞉nda꞉ma꞉ homa꞉la꞉ ekimanu make tanda tieke pa꞉la꞉ ekimanu make mamatala꞉ ekimanu pa꞉ta꞉ make ki hone na wiki homu pea yu wia hao haloma꞉me.

Epesese 6:21

Nika꞉ kame hande Tekehalina꞉ e epeke tupa꞉ pokaasa꞉ hali Tikikasima꞉ta꞉ I̱ haloeki make I̱ma꞉ pitoloeki iki pa꞉ta꞉ la kilieke.

Pilipai 2:20

Mandane wanda꞉hali paeyaoma꞉ta꞉ ika꞉ honumake honumake hone homeke u halemepate pa mo Yesu Ketisoma꞉ pulu pa꞉la꞉ ekita꞉ hone na u halememe. Kutu pu halemepate Timodima꞉ homeke homeketa꞉ I̱ma꞉ witolo hone mandake witolo hata꞉ iki pa꞉ta꞉ a꞉ta꞉ma꞉ homa hao hala꞉me.

Pilipai 2:22

Ikana꞉ma꞉ make Timodita꞉ handolota꞉ ota꞉ epeke halie la handelememe. Kutupa make a꞉tala꞉ leke hata꞉ Timodi dikana꞉ma꞉ Koda꞉na꞉ Pi Seliapo daeyaena꞉ poko hapa꞉ eta꞉ hone wilimime.

Pilipai 3:16

Eki hau puma꞉ka꞉na꞉ta꞉ mo amba꞉ mea putia epoma꞉ hau tupa꞉ kone ame do ane make koto hau tupa꞉ kone pua꞉tiki pomana꞉e.

Kolosi 2:19

Ipikita꞉ mo lokena꞉ you hali Ketisota꞉ pa na miniki hala꞉me. Pa ekipeke Ketisona꞉ handeteke hala꞉eki oto pa꞉ta꞉ta꞉ mo loke ipika꞉ ne ana꞉na꞉ minolo hata꞉ ipika꞉ kilikadu pita꞉ honkopu manuta꞉ tuna tuna pa꞉leke loa꞉me. Kutupa Koda꞉ma꞉ hone pa꞉la꞉ tupa꞉ daeyo hala꞉me.

Kolosi 3:16

Ketisona꞉ pi ipika꞉ ota꞉ epeke ta꞉ta꞉ ma꞉nda꞉ piki pi paeyaota꞉ ika꞉ puki pa꞉ta꞉ wina꞉ lapa꞉peke. Ika꞉ ika꞉ kone hone lenkene pea wita꞉la꞉eki paeyaoma꞉ walolo make tikitiki yatiki pu alualu pu hapa꞉peke. Mo Baibolona꞉ emelimanu make Tekehali yeiya꞉ laasa꞉ emelimanu make Sipitidima꞉ wala꞉la꞉ emelimanu make paeyaota꞉ ika꞉ puki nane Koda꞉ pa꞉ta꞉ keiyae alo lo hapa꞉peke.

Kolosi 4:7

Nika꞉ kame Tikikasi ipikita꞉ kima꞉ na homeke e poko hala꞉ hali make Tekehalina꞉ ena꞉ pa hameke e pokaasa꞉ yankekema꞉ I̱ma꞉ pitoloeki paeyao la kilieke.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

1 Timodi 1:10

yola꞉la꞉ hau pu haleme wanda꞉hali pa꞉ta꞉ make mo wanda꞉ pa꞉ta꞉ pita꞉la꞉ hauta꞉ pa hali yankeke pa꞉ta꞉ kone pita꞉la꞉ wanda꞉hali pa꞉ta꞉ make mandane wanda꞉hali pake mina꞉la꞉ wanda꞉hali pa꞉ta꞉ make yayapiki pi lo haleme wanda꞉hali pa꞉ta꞉ make ya pi alo kone Tekehalina꞉ biki lo haleme wanda꞉hali pa꞉ta꞉ make kutu piki hau piteleme wanda꞉hali paeyao pa꞉ta꞉ hone witolo hata꞉ koto lo pimanu wia pa꞉la꞉me. Do lo pimanu ula꞉ ekita꞉ mo epeke tikitiki piki mana꞉ pimanu a꞉mbaasa꞉ hoke haumanu sa꞉sa꞉ puluekema꞉ ula꞉me.

1 Timodi 4:16

Naka꞉ walele ekimanu make naka꞉ pu hale hau make wopu handeteke hapeke. Do haumanu paeyao epeke tupa꞉ putia peka꞉na꞉ta꞉ kota꞉ koto pilipi ekima꞉ta꞉ neke make mo nakana꞉ma꞉ walele pi opua ipu haleme wanda꞉hali make detelimikie.

1 Timodi 6:3

Ma꞉nda꞉ epima꞉ mo hande nika꞉ Tekehali Yesu Ketisona꞉ ota꞉ pi make mo nika꞉ hone tulao yeni pita꞉la꞉ hauna꞉ mana꞉ pimanu make kota꞉ waloma꞉ pi yaapo mandake na piki pa ta꞉ta꞉ piki mana꞉ pimanu a꞉pa walea꞉ka꞉na꞉ta꞉

2 Timodi 1:6

Koto hone ua꞉eki tekena꞉ta꞉ I̱ma꞉ naka꞉ youna꞉ ya kiki ua꞉ pa꞉ta꞉ yama꞉ Koda꞉ma꞉ neke pa꞉ta꞉ pa hameke ka꞉la꞉ hauta꞉ alupaama꞉na꞉ halima꞉ ti honiaama꞉na꞉ po lo hala꞉ tupa꞉ kone do hauta꞉ pa mea tiaaso tiaaso halena꞉ hone u tiaasome.

2 Timodi 3:10

Pate nakana꞉ma꞉ I̱ yaapo neke mandake pomi pita꞉ma꞉ta꞉ mo hande wanda꞉hali pa꞉ta꞉ waloa꞉ pi manuta꞉ nakana꞉ma꞉ amba꞉ opua hone wilime. Kutaa ya hau pita꞉ ya pua꞉eki yaapota꞉ nakana꞉ma꞉ hone wilime. Kutaa I̱ma꞉ ya hone tulaaloeki make wanda꞉halima꞉ pi mina꞉ soka꞉la꞉ma꞉ homa na kiake pa handeteke haloeki make ya a꞉ta꞉ma꞉ homa pukima꞉ homoloeki make ka꞉nda꞉manu epena꞉ kone I̱ma꞉ honkopu hao da̱o̱la haloeki make nakana꞉ma꞉ handeleme.

2 Timodi 4:3

Wanda꞉halima꞉ mo epeke mana꞉ pi wopu na opulu pa꞉la꞉ nate make ipilieke. Kutaa make wanda꞉halima꞉ ika꞉ hone pa꞉la꞉ ekimanu pitolo hata꞉ ika꞉ opulueke hone peleme pimanu la hala꞉peke yolo pa꞉la꞉ haliwekima꞉ iki handeteke haena꞉ handa꞉ mea꞉tiki pilimikie.

Taitasi 2:1

Koto pa꞉la꞉pate nakana꞉ma꞉ ota꞉ mo mana꞉ pi ula꞉ tupa꞉ tolu walo hapeke.

1 Pida 2:2

Panake mendia꞉la꞉ wekiwandikima꞉ andu na꞉na꞉ma꞉ homa꞉la꞉ tupa꞉ ikana꞉ma꞉ ika꞉ temoko tamba꞉ mulu pa꞉la꞉ yako piki andu na꞉na꞉ lo hapa꞉peke. Koto ekina꞉ mo andu no haemeka꞉na꞉ta꞉ epeke tupa꞉ daeya hata꞉ Koda꞉na꞉ pa꞉ta꞉ la꞉la꞉eki milimikie.

2 Dioni 1:9

Ma꞉nda꞉ epima꞉ Ketisoma꞉ waleekeeki pa꞉ta꞉ na hake pa ankulao mo pate leke pea꞉ka꞉na꞉ta꞉ kota꞉ Koda꞉ta꞉ koto some yaapo na hala꞉me. Pate epima꞉ mo wala꞉la꞉eki pa꞉ta꞉ haya꞉ka꞉na꞉ta꞉ kota꞉ Koda꞉ A꞉taala꞉ta꞉ koto some pa꞉ta꞉ halepeme.

Diudi 1:5

Do handeeki manuta꞉ ika꞉ hone wilimipate I̱ma꞉ iki paa hone u tiaaso ekita꞉ Koda꞉ma꞉ hande Isulai wanda꞉hali mo Idiepi kenke pa꞉ta꞉ pa꞉ta꞉la꞉ mea tapao kone paa wetepena꞉ ipiki pa꞉ta꞉ hone na tulaemeke wanda꞉hali hoeyaeyeke ekina꞉ loa꞉me.