1 Timodi 4:16 - Panake Pi La: Ula: Buka pita: Kine Pieke Buka

¹⁶ Naka꞉ walele ekimanu make naka꞉ pu hale hau make wopu handeteke hapeke. Do haumanu paeyao epeke tupa꞉ putia peka꞉na꞉ta꞉ kota꞉ koto pilipi ekima꞉ta꞉ neke make mo nakana꞉ma꞉ walele pi opua ipu haleme wanda꞉hali make detelimikie.

1 Timodi 4:16 Mawu Ofanana

Maka 13:9

Koto ekina꞉ta꞉ ika꞉ kone wotu handeteke hapa꞉peke. Pa ekipeke wanda꞉halima꞉ iki mo pi yokaalu pulu pa꞉la꞉ haliweki pa꞉ta꞉ mea hatuku pelimikie. Pi hotu hala꞉ damanu tukiki pa꞉ta꞉ iki yombu mea baalimikie. Kutupa yaka bikina꞉ kapomani you halimanu pa꞉ta꞉ make Kini haliweki pa꞉ta꞉ make hata꞉ ika꞉ pu halemekeeki la halimikie leekeme.

Luku 21:34

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

Aposolo 26:22

Koda꞉ma꞉ I̱ pa tamba꞉ mina꞉la꞉eki mu hata꞉ ame make do pa꞉ta꞉ hata꞉ hali tieke pa꞉ta꞉manu make hosiki halisunu pa꞉ta꞉ make la hala꞉tiki pitolome. Hande Mosesima꞉ make mo potopede haliwekima꞉ make pulu pa꞉la꞉ ekimanu lemeke tupa꞉ I̱ma꞉ make do la halo halome.

Aposolo 6:4

Kutupa nikana꞉ma꞉ta꞉ Koda꞉na꞉ pi paa walolo ombu halumeke lemekeme.

Loma꞉ 11:14

Pa mata꞉la꞉me. Mandane ya tapake wanda꞉hali I̱ma꞉ honditi peaaso hata꞉ da꞉ta꞉la꞉eki mina꞉ lolua꞉pe mata꞉la꞉me.

Loma꞉ 16:17

Yaka Ketiso kame titio. I̱ma꞉ iki sutiaaso hata꞉ dupiki pi alome. Mo wanda꞉halina꞉ hone tulaasemeeki hoeyaasa꞉eki make wanda꞉hali ka꞉ta꞉ alualu peaasa꞉eki make kutupiki hau piteleme wanda꞉halima꞉ iki hoeyaama꞉na꞉ma꞉ wotu handeteke hapa꞉peke. Amba꞉ titina꞉ iki pa꞉ta꞉ walemeke handa ikana꞉ma꞉ opimiki pi manuta꞉ ame mo wanda꞉halima꞉ tombualuekema꞉ taapelememe. Koto wanda꞉halita꞉ iki ame̱le̱ mandake pa꞉ta꞉ na momba꞉la꞉pa꞉peke.

Loma꞉ 2:7

Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

1 Kotindi 1:21

Koda꞉ma꞉ ipika꞉ hone wotu wita꞉la꞉ ekima꞉ta꞉ do kenkena꞉ hone wotu witeleme wanda꞉halima꞉ ipiki handaapa꞉na꞉ yeke sa꞉sa꞉ piekeme. Kutupa mo wanda꞉halima꞉ do nikana꞉ma꞉ walo haloma꞉ pi pa꞉ta꞉ Pa ekie alemepate pa mo opiteleme wanda꞉halita꞉ Koda꞉ma꞉ mea da꞉taasa꞉me.

1 Kotindi 9:22

Mandane detepiki hone tulaaseme wanda꞉hali ame̱le̱ hata꞉ I̱ma꞉ta꞉ iki muluekema꞉ pa detepiki hali leke halome. Koto ekina꞉ wanda꞉hali paeyao pa꞉ta꞉ hau paeyaoma꞉ iki muluekema꞉ iki haleme tupa꞉ kone I̱ make hatiki pu halome.

1 Kotindi 9:27

Yaka loketa꞉ homu peaaluekema꞉ yaka kone yumbitolo hata꞉ pitolome. Do ekina꞉yeke loa꞉me. I̱ma꞉ta꞉ wanda꞉hali wi la꞉la꞉ pi walaaso hali halopate pa wetepena꞉ I̱ kone halu peaapa꞉na꞉ pitolome.

Epesese 4:14

Koto tupa꞉ haoma꞉ka꞉na꞉ta꞉ nikita꞉ weki wandikisunu leke na halumeke. Hande poma꞉ dawala mea pominolo pita꞉la꞉ tupa꞉ mandane yayapiki pi aleme haliwekima꞉ ika꞉ ta꞉ta꞉ piki pi make ika꞉ hone wia makeaaseme ekimanu make wanda꞉hali walolo hata꞉ hao hoeyaena꞉ alememe.

Kolosi 4:17

Kutupa Akipasi pa꞉ta꞉ta꞉ Hande Koda꞉na꞉ e pa꞉ta꞉ kia꞉ eta꞉ ota꞉ pu paeyapekee lapa꞉peke.

1 Desalonaika 2:16

Nikana꞉ma꞉ mo Diendaili wanda꞉hali pa꞉ta꞉ hande da꞉taapeke yeeke pi waluekema꞉ puma꞉ dina꞉ mo haliwekima꞉ sa꞉sa꞉ puluekema꞉ taapememe. Kutu pu haleme ekima꞉ ika꞉ hoke hau piteleme ekimanu daeyatia pua ota꞉ tieke ya꞉la꞉me. Kutupa ameta꞉ koto peleme ekima꞉ta꞉ Koda꞉na꞉ mineke pankolo pa꞉la꞉eki ika꞉ kone netepo neleme ekina꞉ iki pa꞉ta꞉ kone a꞉pa ula꞉me.

1 Timodi 1:3

I̱ma꞉ mo hande Ma꞉sedonia nane pulu hata꞉ loa꞉ tupa꞉ ame make neketa꞉ mo Epesese nane pa hao hapeke alome. Koto pa꞉ta꞉ haleme mandane haliwekima꞉ iki makeaasa꞉ haumanu walo halemeeki na walepepee loelena꞉yeke loa꞉me.

1 Timodi 4:15

Paeyaoma꞉ naka꞉ Ketiso hau daeyaaso piteleeki handena꞉ do I̱ma꞉ la kitolo ekimanu nakana꞉ma꞉ hone wopu wia moka꞉la꞉ hande hande pu hapeke.

1 Timodi 4:6

Nakana꞉ma꞉ do mana꞉ pimanu a꞉nda꞉ epeke tupa꞉ mo Ketiso kametonu pa꞉ta꞉ la halo haeka꞉na꞉ta꞉ kota꞉ neketa꞉ Ketiso Yesuna꞉ epeke e pokaasa꞉ hali halipikie. Kota꞉ koto nakana꞉ma꞉ teliele hone tulaasa꞉ pi pita꞉ mo walea꞉ ota꞉ pi yaapo a꞉nda꞉ ota꞉ wopu miniki hao haeka꞉na꞉ta꞉ kota꞉ kutu pilipi ekima꞉ta꞉ neke wele pealieke.

2 Timodi 2:10

I̱ma꞉ mo Koda꞉ma꞉ ma̱leke lila꞉ wanda꞉hali tamba꞉ muluekema꞉ do ka꞉nda꞉ paeyaota꞉ na kiake mea tu halome. Mo wanda꞉halita꞉ Ketiso Yesu pa꞉ta꞉ yama꞉ a꞉pa꞉la꞉ na paelo pa꞉la꞉ pa̱a̱ tiekema꞉ wina꞉ la꞉la꞉ da꞉taasa꞉eki mina꞉yeke I̱ma꞉ do ka꞉nda꞉ tu moneao halome.

2 Timodi 3:14

Kutu pu halimipate neketa꞉ hande waleeke opi ota꞉ pimanu wopu miniki hale ekita꞉ na mina꞉pa꞉lapeke. Hande neke walea꞉ tapaketa꞉ naka꞉ hone wilime.

2 Timodi 4:2

Koda꞉na꞉ pi walo hapeke. Kutu polo halena꞉ wanda꞉halima꞉ opuluekema꞉ ta꞉na꞉ma꞉ na homolo haena꞉ make o ta꞉na꞉ma꞉ homa opitolo haena꞉ make na kiaake pa walolo walolo ombu hapeke. Nakana꞉ma꞉ mo puki nala꞉ pima꞉ make mineke pima꞉ make kutupa mo hone u tiaasa꞉ pima꞉ make koto pi manuma꞉ ikana꞉ma꞉ epeke honemanu wina꞉ loluekema꞉ ta꞉na꞉ma꞉ homa꞉ tiaaso handeteke hao hapeke.

Taitasi 1:9

Kuta make ipikita꞉ mo hande ti lao hapeke ya꞉la꞉ ota꞉ pi wala꞉la꞉eki da̱o̱la miniki hapeke yelieke. Kutu pilie ekima꞉ta꞉ mandane wanda꞉hali pa꞉ta꞉ ota꞉ tupa꞉ walolo hata꞉ tamba꞉ mea꞉peke yelieke. Kutupa make mo hande ota꞉ tupa꞉ wala꞉la꞉ pimanu pa tupa꞉ alo hata꞉ kiaaseme wanda꞉hali tikitiki yaasa꞉ hali hapeke yelieke.

Taitasi 2:15

Do mana꞉ pimanu walo hapeke. Kutu puluekema꞉ta꞉ naka꞉ pi opita꞉la꞉ wanda꞉halina꞉ hone u tia tia puluekema꞉ make hoke haumanu peaama꞉na꞉ sa꞉sa꞉ pulu pika꞉na꞉ make naka꞉ biki ula꞉ ekina꞉ hata꞉ pea꞉peke.

Taitasi 2:7

Naka꞉ kone naka꞉ pilipi hau paeyaota꞉ wanda꞉halima꞉ handaa honda꞉mea pu haena꞉ epeke hau seliapomanu pu hapeke. Naka꞉ pi wala꞉la꞉ hauna꞉ hone wopu wia mo hapeke pitiki pimanu homeke walo hapeke.

Pailimono 1:19

Ya kikima꞉ kone wape pitolo hata꞉ alota꞉ I̱ Poloma꞉ naka꞉ yenkita꞉ ana꞉na꞉ kulueke laa do wape pitolo handa꞉e. Paa naka꞉ Ketiso pa꞉ta꞉ haleeki I̱ pa꞉ta꞉ yama꞉ mele ekina꞉ na alopate.

Hibulu 12:15

Koda꞉na꞉ a꞉ta꞉ma꞉ homa tamba꞉ mina꞉la꞉ hau pa꞉ta꞉ hoki walaapa꞉na꞉ma꞉ wopu handeteke hapa꞉peke. Iki homeke ma꞉nda꞉ma꞉ ipika꞉ puki pa꞉ta꞉ ka꞉ta꞉pa wilie titi peaasa꞉ ale ma꞉nda꞉ pa opa daeyaena꞉ alo hata꞉ iki paeyao hoeyaapa꞉na꞉ma꞉ wopu handa꞉ paleke hapa꞉peke.

Hibulu 13:9

Amba꞉ na opimi pa ta꞉ta꞉ ta꞉ta꞉ piki pi walimieki manuma꞉ mo ika꞉ epeke pota꞉na꞉ pulimieki na yola꞉ mea pa꞉na꞉ lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki homekema꞉ ika꞉ puki hana꞉ noka꞉paena꞉ lemeka꞉na꞉ta꞉ a꞉pa꞉la꞉pate paa mo ne na nape laa pi ula꞉ hau manuma꞉ dia꞉me. Koto hau tolu haleme wanda꞉halita꞉ mo hauma꞉ iki na tamba꞉ mu hala꞉me.

Dia꞉mesi 5:20

Hali epima꞉ hoke hau pita꞉la꞉ some ma꞉nda꞉ ipika꞉ hokeeki yonka꞉lao epena꞉ lea꞉ka꞉na꞉ta꞉ mo halima꞉ta꞉ Koda꞉ma꞉ mo hoke hau pita꞉la꞉ some na homeke mea da꞉taena꞉ lata꞉ ipika꞉ hoke hau pa꞉la꞉ ekimanu paeyao make pa paeyaena꞉ lelieke.