Biblia Todo Logo
Baibulo la pa intaneti

- Zotsatsa -




1 Timodi 4:12 - Panake Pi La: Ula: Buka pita: Kine Pieke Buka

12 Wanda꞉halima꞉ neke wekihali hale ekina꞉ handolo hata꞉ ipikita꞉ pa wekie laama꞉na꞉ nakana꞉ma꞉ ota꞉ Ketiso hau moka꞉la꞉ tiaapeke. Koto puluekema꞉ta꞉ naka꞉ pilipi hauma꞉ make naka꞉ lelipi pima꞉ make naka꞉ pukima꞉ homilipi ekima꞉ make naka꞉ hone tulalipi ekima꞉ make naka꞉ tikitiki piki hauma꞉ make koto hau paeyaota꞉ mo pi mineleme wanda꞉halima꞉ ota꞉ handena꞉ lapeke.

Onani mutuwo Koperani




1 Timodi 4:12
19 Mawu Ofanana  

Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.


Koto ekina꞉ I̱ma꞉ Ketisona꞉ hau moka꞉la hando halo tupa꞉ ikana꞉ma꞉ make I̱ma꞉ pitoloeki kone moka꞉la hando hapa꞉peke.


Ya yankeke tonuo. Ya paeyaaso pita꞉ dupa alome. Ika꞉ honema꞉ mo epeke hau pita꞉la꞉ haumanu make mo yeiya꞉ lapeke ya꞉la꞉ haumanu make kota꞉ haumanu homeke hone u moneao hapa꞉peke. Dupiki hauna꞉ loa꞉me. Ota꞉ hau pita꞉la꞉eki leke tendepiki hau pita꞉la꞉eki tikitiki hau pita꞉la꞉eki aleta꞉ ma꞉nda꞉ na ta̱leke hau pita꞉la꞉eki hau seliapo seliapo pita꞉la꞉eki yole hau pita꞉la꞉ ekimanu make koto haumanu paeyao homeke hone u hamena꞉ alome.


Nikana꞉ma꞉ puma꞉ hau make Tekehalina꞉ hau make ikana꞉ma꞉ telia꞉ mea ipulu hata꞉ pimime. Kutupa tanda tieke minolo hata꞉ kone hande Holi Sipitidima꞉ iki ta꞉na꞉ma꞉ homa tiaaso haena꞉ ikana꞉ma꞉ pi mimime.


Nikita꞉ iki hone tulaaseme wanda꞉hali ame̱le̱ haeme dina꞉ta꞉ nikana꞉ma꞉ iki pa꞉ta꞉ puma꞉ hau manuta꞉ yakopiki hau make tonda꞉pa꞉piki hau make hau ma꞉nda꞉ na piki hau make puma꞉ ekita꞉ Koda꞉ma꞉ handolo haena꞉ ikana꞉ma꞉ make handolo hamina꞉ puma꞉me.


Nika꞉ Tekehalima꞉ ipika꞉ a꞉ta꞉ma꞉ homa tamba꞉ mina꞉la꞉eki I̱ pa꞉ta꞉ wopu kua꞉niaeyekeme. Kutupa make mo nika꞉ Ketiso Yesu ame̱le̱ molome hone tulaasa꞉eki pita꞉ pukima꞉ homa꞉la꞉eki yaapo I̱ pa꞉ta꞉ make kia꞉me.


Nakana꞉ma꞉ ota꞉ epeke e poka꞉la꞉ hali haluekema꞉ta꞉ neke yala꞉ peaama꞉na꞉ naka꞉ titina꞉ honeta꞉ Koda꞉ma꞉ I̱ pa꞉ta꞉ ta꞉na꞉ma꞉ homena꞉e hone witolo hata꞉ e poko hapeke. Koda꞉na꞉ ota꞉ pi tikitiki wala꞉la꞉ hali hata꞉ta꞉ koto hau pu hapeke.


Nakana꞉ma꞉ mo wekihali hata꞉ mo wekiwandikima꞉ ika꞉ lokena꞉ hoke hone u alualu pita꞉la꞉ haumanu wendia꞉peke. Nakana꞉ma꞉ mo iki tamba꞉ mina꞉ ika꞉ yako piki pukima꞉ ika꞉ Tekehali o laa wi lo haleme wanda꞉hali ame̱le̱ hata꞉ mo tikitiki piki hau make hone tulaasa꞉eki make pukima꞉ homa꞉la꞉eki make a꞉nda꞉ peliaasa꞉eki make muluekema꞉ hone ha paleke pua꞉peke.


I̱ma꞉ alo pita꞉ hone wopu wia꞉peke. Koto pi hone uelena꞉ta꞉ Tekehalima꞉ neke tamba꞉ milieke.


Do mana꞉ pimanu walo hapeke. Kutu puluekema꞉ta꞉ naka꞉ pi opita꞉la꞉ wanda꞉halina꞉ hone u tia tia puluekema꞉ make hoke haumanu peaama꞉na꞉ sa꞉sa꞉ pulu pika꞉na꞉ make naka꞉ biki ula꞉ ekina꞉ hata꞉ pea꞉peke.


Naka꞉ kone naka꞉ pilipi hau paeyaota꞉ wanda꞉halima꞉ handaa honda꞉mea pu haena꞉ epeke hau seliapomanu pu hapeke. Naka꞉ pi wala꞉la꞉ hauna꞉ hone wopu wia mo hapeke pitiki pimanu homeke walo hapeke.


Iki pa꞉ta꞉ hali epi amedama꞉ hone wopu wia pita꞉la꞉ ekimanu hando halemepe. Kutu piki halima꞉ta꞉ ipika꞉ epeke hala꞉eki peneme yaaluekema꞉ hone wopu wia homu pea hata꞉ ipikana꞉ma꞉ epeke hau pu halieke.


Kutu pita꞉la꞉pateta꞉ oli ya nanema꞉ ipula꞉ hone epekeeki dupae. Titina꞉ amba꞉la kipabaake hone wita꞉la꞉ekie. Kutupa make puki lopa꞉niao pila꞉eki make yopu hala꞉eki make homu pea hala꞉eki make a꞉ta꞉ma꞉ wopu homolo hata꞉ epeke haumanu pita꞉la꞉eki make paeyao ya nanema꞉ ipula꞉pateta꞉ honditi pita꞉la꞉eki make yayapiki hau pita꞉la꞉eki make apa꞉tao na ipula꞉me.


Ikana꞉ma꞉ handeteke hamena꞉ ka꞉la꞉ wanda꞉halita꞉ tumbaaluekema꞉ na tapeke ikana꞉ma꞉ pu halimi epeke hau manuma꞉ mo sipisipi ma꞉na꞉manu wala tiaaso hata꞉ hapa꞉peke.


Titsatireni:

Zotsatsa


Zotsatsa