1 Timodi 4:1 - Panake Pi La: Ula: Buka pita: Kine Pieke Buka

¹ Mo Sipitidima꞉ peneme yao dupa ala꞉me. Wetepe nina꞉ta꞉ mandane wanda꞉halima꞉ mo hone tulaasa꞉ hauta꞉ mina꞉pa꞉lalimikie la꞉la꞉me. Ikana꞉ma꞉ mo yayapiki pi aleme sipitidi manuna꞉ kakena꞉ homa hata꞉ mo hoke temoko manuna꞉ wala꞉la꞉eki telimikie.

1 Timodi 4:1 Mawu Ofanana

Kini Pieke 3:13

Mo Tekehali Koda꞉ma꞉ mo wanda꞉ pa꞉ta꞉ alota꞉ Do ekita꞉ ekipeke pea pelepe leekeme. Mo wanda꞉ma꞉ hombo peaaso alota꞉ I̱ma꞉ nono yeke handa mo ketoma꞉ I̱ makeaya꞉me leekeme.

Ma꞉tiu 18:7

A꞉pei. Do kenke pa꞉ta꞉ I̱ paala꞉e. Wanda꞉halima꞉ hoke hau pina꞉yeke ula꞉ hoke haumanu ula꞉me. Dupiki haumanu a꞉pa꞉peke yolo pa꞉la꞉pate a꞉pa꞉e mo hau epena꞉ ala꞉ halita꞉ ota꞉ hoke yenki milieke.

Luku 17:1

Yesuma꞉ ipika꞉ disaipolo haliweki pa꞉ta꞉ alota꞉ Wanda꞉hali hoke hau pa꞉ta꞉ pena꞉ yeke pu tiaasa꞉ haumanu opolo epolo pa꞉la꞉pate kutu piki haumanu pina꞉ pu tiaasa꞉ someta꞉ paala꞉e. Hoke yenki milieke.

Dioni 16:13

Kutu polopate wetepe hande ota꞉ pi la wala꞉la꞉ Temoko epea꞉ka꞉na꞉ta꞉ ota꞉ pimanu paeyao opuemena꞉ iki tikitiki yao hatuku pelieke. Ipika꞉ hone wia na leke eki pi opia꞉ka꞉na꞉ta꞉ ipikana꞉ma꞉ koto pi kone la kilieke. Kutupa wetepena꞉ pulu peleme ekimanu make la kilieke.

Aposolo 13:2

Kutupa Tekehali pa꞉ta꞉ ne na neke panda꞉puniaaso haena꞉ mo Holi Sipitidima꞉ alota꞉ Banabasi Solo yaapo yaka walo polo e pokaena꞉yeketa꞉ pa nane haena꞉ lape leekeme.

Aposolo 17:18

Kutupa mandane Epikutiani Sitoiki sukulu tapake yaapona꞉ haliwekima꞉ Polo manda꞉hande pea alota꞉ Do hande pi wopu ala꞉ halima꞉ eki leliepe lemekeme. Mandaneeki manuma꞉ alota꞉ Da ma꞉nda꞉ nane koda꞉ manuna꞉ hau wala꞉la꞉ hali ya꞉ka꞉ta꞉me lemekeme. Poloma꞉ Yesu pa꞉ta꞉ make mo hande wanda꞉hali homa pa tiaalo piekeeki waleeke handa lemekeme.

Aposolo 20:23

mo Holi Sipitidima꞉ daoni paeyao pa꞉ta꞉ mo dipula pita꞉ tanda pulu pa꞉la꞉eki I̱ la ku hala꞉me lea꞉me.

Aposolo 21:11

Kutupa niki pa꞉ta꞉ a꞉pata꞉ Polona꞉ ba꞉ta꞉ido hako meaata꞉ anke kiki ipika꞉ kone tonkao alota꞉ Holi Sipitidima꞉ do ala꞉me lea꞉me. Mo Diutuseleme da nane Diu haliwekima꞉ do ba꞉ta꞉ido hako teke hali mea tonkao mo Diendaili haliweki pa꞉ta꞉ ipiki mea hatuku pelimikie ala꞉me lea꞉me.

Aposolo 28:25

Koto ekina꞉ ika꞉ kone hone ta꞉ta꞉ ta꞉ta꞉ wia pi ta꞉ta꞉ ta꞉ta꞉ alo hata꞉ poluekema꞉ haena꞉ Poloma꞉ pi homeke ma꞉nda꞉ dupa lea꞉me. Mo Holi Sipitidima꞉ hande potopede hali Aisaya pa꞉ta꞉ la halolo hata꞉ ika꞉ atekemanu pa꞉ta꞉ do leeke pita꞉ ota꞉ alo pia꞉me.

1 Kotindi 10:20

Dia꞉me. Do ekina꞉ alome. Mo pi na miki haliwekima꞉ ma꞉na꞉ lia haleme ekita꞉ koto Koda꞉ pa꞉ta꞉ na haleke pa mo hoke temokomanu pa꞉ta꞉ kone halememe. Kutupa ikita꞉ mo hoke temokomanu ame̱le̱ ta꞉ma꞉ni pea hamina꞉ I̱ta꞉ hone na pa꞉la꞉me.

1 Kotindi 11:19

Kutupa make mo mandane tekilipa ta꞉ta꞉ ta꞉ta꞉ pea halemeeki manuta꞉ ota꞉ hau piteleme wanda꞉hali peneme yaluekema꞉ pea꞉peke ya꞉la꞉ haue laa loa꞉me.

1 Kotindi 12:11

Kutu pita꞉la꞉ ekimanu paeyaota꞉ hande homeke Sipitidima꞉ kone wanda꞉hali homeke homeke pa꞉ta꞉ ipikana꞉ma꞉ ipiki hone pa꞉la꞉ tupa꞉ kone telipaaso hata꞉ peaasa꞉me.

1 Kotindi 2:10

Koto ekina꞉ koto ekimanu kone Koda꞉ma꞉ta꞉ niki pa꞉ta꞉ ipika꞉ Sipitidima꞉ peneme yaena꞉ la꞉la꞉me. Mo Sipitidima꞉ ala꞉ta꞉ ala꞉ta꞉ paeyao akolopa mu tia pominolo hata꞉ Koda꞉na꞉ ka꞉na꞉ honema꞉ a꞉mbao ula꞉ ekimanu kone handa꞉ wita꞉la꞉me.

2 Kotindi 11:3

Ika꞉ hone manuta꞉ hoeyaasa꞉eki manuma꞉ mea bepolao ika꞉ ota꞉ Ketiso pa꞉ta꞉ homeke ala꞉ta꞉ ma꞉nda꞉ na ta̱leke pukima꞉ homelemeeki hoki walimikie laata꞉ I̱ta꞉ paala꞉ pa꞉la꞉me. Mo hande ketona꞉ hone wopu lenkene piki yayapiki pima꞉ hande Ipa꞉ makeaeyeke tupa꞉ kone pilieke laa loa꞉me.

Kolosi 2:18

Ma꞉nda꞉ma꞉ ipiki ta꞉ta꞉ piki upamanu pa꞉la꞉ ekima꞉ ipikita꞉ ota꞉ handa ulu somee ala꞉ ekima꞉ iki bepolaena꞉ waleke na hala꞉pa꞉peke. Mo makeaaso homupiki hau pitolo hata꞉ enisolomanu pa꞉ta꞉ yeni pu hapa꞉peke lo hala꞉ somena꞉ loa꞉me. Dupiki someta꞉ teke na wiki ekina꞉ ipika꞉ kenke hauna꞉ hone ula꞉ ekima꞉ pa hameke pombei yaala꞉me.

2 Timodi 3:13

Hoke hau pu hala꞉ haliweki make yayapiki hau pita꞉la꞉ haliweki make ika꞉ ika꞉ kone makea alu alu pitolo hata꞉ ika꞉ hoke hau manuta꞉ ota꞉ mea daeyalimikie.

2 Timodi 4:4

Ikana꞉ma꞉ pa tindemanu homeke opuluekema꞉ mo ota꞉ pita꞉ na opiki hoki walaa kiaalimikie.

Dia꞉mesi 3:15

Dupiki hone wita꞉la꞉ ekita꞉ hepeni naneeki dia꞉me. Kenkena꞉ ula꞉ ekima꞉ kenke lokena꞉eki make hoke temokona꞉eki make kotoeki tepoma꞉ pita꞉la꞉me.

1 Pida 1:20

Koda꞉ma꞉ do kenke a̱i̱ na wepieke pita꞉ma꞉ kone Yesu amba꞉ mea hayekeme kutupa do wetepe naneta꞉ iki tamba꞉ muluekema꞉ ipiki peneme yaeyekeme.

2 Pida 2:1

Makeaaso potopede haliwekita꞉ amba꞉ hande haemeke wanda꞉hali tukiki pa꞉ta꞉ opa꞉liaemeke tupa꞉ kone yayapiki pi wala꞉la꞉ haliwekita꞉ iki tukiki pa꞉ta꞉ make opa꞉lialieke. Koto haliwekima꞉ta꞉ iki hoeyaapeke yayapiki mana꞉ pimanu mea a꞉pa make mo hande iki ka꞉la꞉pa꞉ tapaala꞉ Tekehali hoki walolo hata꞉ ika꞉ kone iki hoeyaasa꞉ haumanu mea ipilimikie.

2 Pida 3:3

Titina꞉ amba꞉la do hone wopu wia꞉peke. Mo hande paetolo nate manuna꞉ta꞉ mandane kitao hala꞉ wanda꞉hali ipilimikie. Koto wanda꞉hali ika꞉ hau manuta꞉ ika꞉ hone pa꞉la꞉ ekima꞉ handeteke haena꞉ lelimikie. Ikana꞉ma꞉ta꞉ iki kitaaso hata꞉ lota꞉ pitolo alota꞉

1 Dioni 2:18

Yaka wekiwandikio. Paetolo nateta꞉ teke pa꞉ta꞉e. Mo Ketisona꞉ a꞉nda꞉ tunkiliki hali ipilieke laata꞉ iki pa꞉ta꞉ amba꞉ ta opuaeya꞉ handa꞉e. Koto ekina꞉ ameta꞉ mo Ketisona꞉ a꞉nda꞉ tunkiliki tapake wopu amba꞉ opolo epelememe. Koto ekina꞉ ameta꞉ paetolo nateta꞉ teke pa꞉ta꞉ ya꞉ka꞉ta꞉me laa nika꞉ hone uluma꞉me.

1 Dioni 4:6

Koto pa꞉la꞉pate nikita꞉ Koda꞉na꞉eki haloma꞉me. Kutupa Koda꞉ pa꞉ta꞉ hone ula꞉ tapakema꞉ta꞉ nika꞉ pi opu halememe. Pate Koda꞉ pa꞉ta꞉ hone na ula꞉ tapakema꞉ta꞉ nika꞉ pi na opilimikie. Kota꞉ koto hau manuma꞉ta꞉ mo ota꞉ ekina꞉ Sipitidi ya꞉ka꞉ta꞉me laa make mo yayapiki ekina꞉ sipitidi ya꞉ka꞉ta꞉me laa make nikana꞉ma꞉ ana꞉na꞉ tekili pea handa꞉ u hapa꞉peke ya꞉la꞉me.

Diudi 1:18

Ikana꞉ma꞉ iki pa꞉ta꞉ alota꞉ Hande paetolo natemanu epea꞉ka꞉na꞉ta꞉ iki ki taataa pea ika꞉ Koda꞉ kiaaseme hone pa꞉la꞉ haumanu tolu haleme wanda꞉hali opolo ipilimikie laa lemekeme.

Diudi 1:4

Pa ekipeke mo mandane Koda꞉ hoki waleleme wanda꞉halita꞉ niki honditi pea niki tukiki pa꞉ta꞉ a꞉mbao honda꞉ pambelememe. Ika꞉ hoke haumanu piteleme pota꞉ manuna꞉ waleke wiaaso mo nika꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ pi ale hoeyaaluekema꞉ make Tekehali Yesu Ketiso nika꞉ you hali homeke kiaaseme wanda꞉halie. Ikita꞉ hoke hau pelememe laa ma̱leke lia wieke ekita꞉ mo Baibolo pi manuma꞉ amba꞉ kiake la꞉ wiekeme.

Peneme Yaeyekeeki 13:14

Kutupa ipikana꞉ma꞉ mo titina꞉ sayalena꞉ hau peaaso hata꞉ ipika꞉ leke popelekena꞉ hata꞉ mokoto na handeke haumanu pia꞉eki manuma꞉ta꞉ do kenke wanda꞉hali paeyao makeaaso hata꞉ yola꞉ mea pea꞉me. Ipikana꞉ma꞉ wanda꞉halima꞉ mo hande bainasima꞉ hoeyaeya꞉pate pa tiao hala꞉ titina꞉ sayale yeiya꞉ laaluekema꞉ koto ekima꞉ handekeeki ma꞉nda꞉ wepia꞉pe lea꞉me.

Peneme Yaeyekeeki 16:14

Ikita꞉ mo na handeke haumanu pu haleme hoke temokomanue. Mo hoke temoko tepoma꞉ta꞉ do kenke honiki paeyao pa꞉ta꞉ hala꞉ kinimanu pua hatuku mea a꞉pa mo Wele Wopupiki Koda꞉na꞉ Aneke natena꞉ a꞉nda꞉ pina꞉ yeke pimikime.

Peneme Yaeyekeeki 18:2

Ipikana꞉ma꞉ pi ho̱la̱꞉make tiekema꞉ e̱ wi alo alota꞉ Mo wanda꞉ta꞉ lopa꞉la꞉me. Ba꞉biloni tieketa꞉ lopa꞉la꞉me. Ipikita꞉ hoke temoko tonuma꞉ make ha̱i̱ pambeke temokomanu haleme teke dae. Ota꞉ ha̱i̱ pamba꞉papeke make handa꞉ nala꞉ na piki anemone ba manuta꞉ koto pa꞉ta꞉ pila꞉me.

Peneme Yaeyekeeki 18:23

Lamepana꞉ pa̱a̱ta꞉ neke pa꞉ta꞉ ota꞉ na handilimikie. Kutupa mo halina꞉ da panake pula꞉ wanda꞉na꞉ make wanda꞉ panake mina꞉la꞉ halina꞉ pi ho̱la̱꞉make make ota꞉ na opilimikie. Naka꞉ bisinisi haliwekita꞉ kenke honiki paeyao lu tumbao honkopu wopu haeme make naka꞉ yayapiki ha̱i̱piki ti̱o̱ haumanu pi ekima꞉ta꞉ do kenke wanda꞉hali paeyao makeaememe laa lea꞉me.

Peneme Yaeyekeeki 19:20

Mo sayale make mo sayalena꞉ leke popelekena꞉ na handeke haumanu pia꞉ makeaaso potopede hali make dipula minimime. Koto pia꞉ na handeke hau manuma꞉ta꞉ ipikana꞉ma꞉ mo sayalena꞉ tombo ika꞉ wenokona꞉ wimi wanda꞉hali make mo manda꞉ meao wepimi sayale pa꞉ta꞉ yeiya꞉ laaso hata꞉ yeni pimi wanda꞉hali make makeaeya꞉me. Mo sayale tieke hombeleke pita꞉ mo makeaaso potopede hali yaapo pa pitiki oni titipupiki lanka꞉ ma꞉nda꞉ solopa tala꞉ ti uleke kiake pa꞉ta꞉ lopaememe.

Peneme Yaeyekeeki 2:11

Haleke haemeka꞉na꞉ta꞉ mo Sipitidima꞉ siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me. Ma꞉nda꞉ epima꞉ a꞉nda꞉ pea bepolaasa꞉ halita꞉ hande hoto yaapo peao homa꞉la꞉ ekima꞉ta꞉ hoeyaapeke na yelieke.

Peneme Yaeyekeeki 2:17

Haleke haemeka꞉na꞉ta꞉ kota꞉ mo Sipitidima꞉ siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me. Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ kota꞉ I̱ma꞉ ipiki pa꞉ta꞉ mo a꞉mbao ula꞉ mandane ma꞉na halueke. Kutupa mo hake piki toopina꞉ panake biki laala꞉eki make halueke. Mo bikita꞉ ma꞉nda꞉ma꞉ make hone na ula꞉pate mo milia꞉ somema꞉ homeke hone wilieke.

Peneme Yaeyekeeki 2:29

Haleke haemeka꞉na꞉ta꞉ kota꞉ mo Sipitidima꞉ siosimanu pa꞉ta꞉ lo hala꞉ pi manuta꞉ ota꞉ opua꞉pa꞉peke ya꞉la꞉me.

Peneme Yaeyekeeki 2:7

Haleke haemeka꞉na꞉ta꞉ kota꞉ mo Sipitidima꞉ mo siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me. Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ kota꞉ I̱ma꞉ mo Koda꞉na꞉ e pa꞉ta꞉ opa꞉la꞉ da꞉ta꞉la꞉ tina꞉ kiliki nena꞉ waleke halueke.

Peneme Yaeyekeeki 20:10

Kutupa mo wanda꞉hali makeaeya꞉ Sadanita꞉ oni ti uleke kiake make titipupiki lanka꞉ ma꞉nda꞉ biki solopa pa꞉ta꞉ yola꞉ mea lopaeya꞉me. Kotota꞉ amba꞉ hande sayale tieke hombeleke make mo makeaaso potopede hali make lopala꞉ pa꞉ta꞉e. Kutupa ikita꞉ timba꞉ ala꞉eki make natepa yolao hoto paeyao puki tandama꞉ homo halimikie.

Peneme Yaeyekeeki 20:8

Ipikana꞉ma꞉ta꞉ mo kenke honiki honiki paeyao pa꞉ta꞉ hala꞉ tapake paeyao makealieke. Kotota꞉ Koko pita꞉ Meikoko leke tapakee. Sadanima꞉ta꞉ paeyao a꞉nda꞉na꞉ hatuku ipilieke. Mo tapaketa꞉ mo dawala hou manuma꞉ handilimikie.

Peneme Yaeyekeeki 3:13

Haleke haemeka꞉na꞉ta꞉ mo Sipitidima꞉ mo siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me.

Peneme Yaeyekeeki 3:22

Haleke haemeka꞉na꞉ta꞉ mo Sipitidima꞉ mo siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me.

Peneme Yaeyekeeki 3:6

Haleke haemeka꞉na꞉ta꞉ mo Sipitidima꞉ mo siosimanu pa꞉ta꞉ lo hala꞉eki manuta꞉ ota꞉ opua꞉pa꞉peke ya꞉la꞉me.

Peneme Yaeyekeeki 9:20

Do hau tepoma꞉ na lia꞉ wanda꞉halita꞉ ika꞉ wepia wia yeni pu haeme ale pa꞉ta꞉manu hoki na walememe. Ikita꞉ mo hoke temoko titi pa꞉ta꞉ make mo koloma꞉ make silipama꞉ make toopima꞉ make tima꞉ make toopi ti wepia wimiki alemanu pa꞉ta꞉ yeni pita꞉la꞉eki hoki na walememe. Mo handa꞉peke na yeke make pi na opua꞉peke make pi na lapeke ale manuna꞉ loa꞉me.