1 Timodi 2:5 - Panake Pi La: Ula: Buka pita: Kine Pieke Buka

⁵ Ipikita꞉ ota꞉ Koda꞉ homeke hala꞉me. Kutupa Koda꞉ pita꞉ wanda꞉hali nika꞉ ka꞉pa hali homeketa꞉ Ketiso Yesu hala꞉me.

1 Timodi 2:5 Mawu Ofanana

Ma꞉tiu 1:1

Dota꞉ mo hande Yesu Ketisona꞉ apa꞉meina꞉ bikimanu wape pa꞉la꞉ekie. Deipidita꞉ Yesuna꞉ meiyeke hayekeme. Kutupa Eipoloha꞉ma꞉ta꞉ Deipidina꞉ meiyeke hayekeme.

Ma꞉tiu 1:23

Mo potopede halima꞉ta꞉ dupa leekeme. Mo halima꞉ na watake wandikina꞉ weleke pa꞉ta꞉ta꞉ weki weleke lombaata꞉ hali weki mendilieke. Koto wekina꞉ bikita꞉ Imanua꞉le lelieke leekeme. Koto bikina꞉ teketa꞉ Koda꞉ niki ame̱le̱ a꞉pa hala꞉me.

Luku 14:22

Kutupa mo e pokao hayeke halima꞉ kotoeki pea a꞉pa alota꞉ Tekehalio. Naka꞉ hande le ekita꞉ pua꞉pate naka꞉ da tukiki pa꞉ta꞉ta꞉ waleke pa ula꞉me leekeme.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Aposolo 4:12

Kutupa niki mea detemono pa꞉ta꞉la꞉la꞉ hali ma꞉nda꞉ na hala꞉me. Oli ya oto pa꞉ta꞉ta꞉ mo wanda꞉hali mea da꞉taasa꞉ halina꞉ biki ma꞉nda꞉ dia꞉ya꞉leke loa꞉me leekeme.

Loma꞉ 1:3

Do Pi Seliapota꞉ ipika꞉ Eiyeke hande nika꞉ Tekehali Yesu Ketisoma꞉ pulu pieke ekina꞉ eki loa꞉me. Ipikita꞉ kenke hali leke hayeke ekita꞉ Deipidina꞉ tapake hali hayekeme.

Loma꞉ 10:12

Koto wape pa꞉la꞉ ekita꞉ wanda꞉hali paeyao pa꞉ta꞉ la꞉la꞉me. Diu wanda꞉hali make Diendaili wanda꞉hali make paeyaota꞉ homeke tupa꞉ da꞉ta hapa꞉peke ekina꞉ loa꞉me. Wanda꞉hali paeya tapaona꞉ Tekehali homeke kone hala꞉me. Kutupa make epi ameda paeyaoma꞉ ipika꞉ biki laa honke lemeka꞉na꞉ta꞉ kota꞉ ipikana꞉ma꞉ iki wotu epeaalieke.

1 Kotindi 8:4

Kutupa mo toopi tima꞉ wepia ula꞉ ale pa꞉ta꞉ halea꞉ nemanu pa naleme ekita꞉ nikana꞉ma꞉ handoloma꞉ ekita꞉ dupa. Mo homeke Koda꞉ homeke hala꞉ ekina꞉ hande toopi tima꞉ wepia ula꞉ aleta꞉ ota꞉eki dia꞉me hone witoloma꞉me.

1 Kotindi 8:6

nikana꞉ma꞉ nika꞉ Koda꞉ homeke kone nika꞉ Apa꞉ hata꞉ ipikita꞉ ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ hala꞉me laata꞉ Nikita꞉ ipiki pa꞉ta꞉ ti lao haloma꞉me. Kutupa make mo Tekehali homeke homeketa꞉ Yesu Ketiso hala꞉me. Ipikana꞉ma꞉ ala꞉ta꞉ ala꞉ta꞉ paeyao wepia wina꞉ laata꞉ niki make amba꞉ da꞉taala꞉me.

Ka꞉leisia 3:20

Pate homekena꞉ pi laluekema꞉ ka꞉pa hali hata꞉ e pokaapeke na ya꞉la꞉me. Kutupa Koda꞉ ipikita꞉ ota꞉ homeke hala꞉me.

Epesese 4:6

Kutupa Koda꞉ make homeke hata꞉ niki paeyaona꞉ Apa꞉ Tekehali hata꞉ ala꞉ta꞉ ala꞉ta꞉ paeyao tukiki pa꞉ta꞉ hata꞉ hau paeyao pa꞉ta꞉ ipikana꞉ma꞉ peao hala꞉me.

1 Timodi 6:13

Mo ala꞉ta꞉ ala꞉ta꞉ paeyao da꞉taa wina꞉ la꞉la꞉ Koda꞉na꞉ leke popelekena꞉ hata꞉ make mo hande Pontiasi Pailedi pa꞉ta꞉ ota꞉ pi leeke Ketiso Yesu ipika꞉ leke popelekena꞉ hata꞉ make I̱ma꞉ neke pa꞉ta꞉ dupa alome.

Hibulu 12:24

Kutaa make ikita꞉ mo panake pi la꞉ ula꞉ ekina꞉ ka꞉pa hali Yesu pa꞉ta꞉ make ipika꞉ tunkula꞉ pa pa pu lopeeke wema꞉ta꞉ mo hande Eipolona꞉ we ota꞉ lombei piki la꞉ wita꞉la꞉ we pa꞉ta꞉ make opolo epelememe.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

Hibulu 8:6

Koto haumanu pimikipate ameta꞉ Yesu pa꞉ta꞉ haleeke yeni peaasa꞉ eta꞉ mo amba꞉ yeni peaasa꞉ haliwekina꞉eki ota꞉ lombei pikieki haleekeme. Pa ekipeke. Ipikita꞉ Koda꞉ma꞉ mo wanda꞉hali ame̱le̱ ika꞉ pi la꞉ witeleme ekina꞉ ka꞉pa hali hala꞉me. Do Koda꞉ma꞉ ipika꞉ wanda꞉hali ame̱le̱ la꞉ u alualu pa꞉la꞉ pima꞉ta꞉ mo hande amba꞉ la꞉ wimiki ekita꞉ ota꞉ lombei pa꞉la꞉me. Kota꞉ koto pa꞉la꞉ ekima꞉ta꞉ do la ula꞉eki pea꞉peke ekina꞉ la꞉ ula꞉ pima꞉ta꞉ mo hande amba꞉ pi la꞉ wiekeeki ota꞉ lombei pa꞉la꞉me.

Hibulu 9:15

Koto ekina꞉ta꞉ Ketisoma꞉ mo hande panake la꞉ ula꞉ pina꞉ honkopu hawaasa꞉ ka꞉pa hali hata꞉ta꞉ wanda꞉halima꞉ mo hande amba꞉ pi wiekeeki oto pa꞉ta꞉ hata꞉ pimiki hoke haumanu bepolao ka꞉la꞉pa꞉ tapaaluekema꞉ yeke ikina꞉ homeekeme. Kutu pieke ekita꞉ ipikana꞉ma꞉ mo hande Koda꞉ma꞉ wi la꞉la꞉ wanda꞉halima꞉ Koda꞉ ipika꞉ pi la꞉ wieke na paeta꞉la꞉ epeaasa꞉ ekimanu mina꞉yeke piekeme.

1 Dioni 2:1

Yaka wekiwandiki ikana꞉ma꞉ hokeeki na pulu peleme tupa꞉ I̱ma꞉ doeki iki pa꞉ta꞉ laasome. Pate ma꞉nda꞉ epima꞉ hokeeki pia꞉ka꞉na꞉ta꞉ kota꞉ nika꞉ hau peaaso hata꞉ Apa꞉ pa꞉ta꞉ honke lawaasa꞉ some ma꞉nda꞉ hala꞉me. Ipikita꞉ tikitiki piki some Yesu Ketiso hala꞉me.

Peneme Yaeyekeeki 1:13

Kutupa koto alemanu anka꞉lopuna꞉ta꞉ halima꞉ handeke nono piki alema꞉ hake piki dau hokulu oni ipika꞉ anke ana꞉na꞉ wataapekeeki yameekeme. Kutupa make koloma꞉ wepiki beleke ipika꞉ hakokona꞉ adoto pia꞉me.