1 Timodi 1:9 - Panake Pi La: Ula: Buka pita: Kine Pieke Buka

⁹ pa dupiki hone make witoloma꞉me. Mo lo pi manuta꞉ mo epeke wanda꞉hali tikitiki yaaluekema꞉ na ula꞉pate pa mo ika꞉ you hali pa꞉ta꞉ homu na piki pa pi yambolo haleme wanda꞉hali pa꞉ta꞉ ula꞉me. Dupae. Koda꞉ hoki walaa hoke hau pu haleme wanda꞉hali pa꞉ta꞉ make Koda꞉ hone ma꞉nda꞉ na wiki kenke alemanu pa꞉ta꞉ homeke hone u haleme wanda꞉hali pa꞉ta꞉ make inkiki ateke kone lu make mandane wanda꞉hali lu homao haleme wanda꞉hali pa꞉ta꞉ make kutupa mo

1 Timodi 1:9 Mawu Ofanana

Ma꞉tiu 10:21

Haliwekima꞉ ika꞉ hamekemanu kone lia homaena꞉ mea halimikie. Ateke tonuma꞉ ika꞉ weki wandiki pa꞉ta꞉ make homeke hau kone pina꞉ lelimikie. Mo wekiwandikima꞉ make paa ateke inkiki pa꞉ta꞉ la꞉ka꞉la꞉ moneao a꞉nda꞉ litolo hata꞉ mo ateke inkiki ma꞉nda꞉ma꞉ lia homaena꞉ halimikie.

Loma꞉ 1:30

ika꞉ ika꞉ kone pi la la pu alualu pia꞉tiki pu halememe. Koda꞉ hoki wala leke pa꞉ta꞉ sa꞉take pu hambiliki hoepitolo make tanda pea hatiki pu halememe. Hakoko litolo hata꞉ Koda꞉na꞉ pi kone la꞉tiki pitolo hata꞉ hoke ekimanu puluekema꞉ panake pota꞉manu weiya꞉tiki pu halememe. Kutupa ateke inkiki yaapona꞉ pi tunkula꞉tiki pu halememe.

Loma꞉ 4:13

Koda꞉ma꞉ta꞉ Eipoloha꞉ma꞉ pa꞉ta꞉ alota꞉ Do kenke paeyaota꞉ neke pa꞉ta꞉ make naka꞉ hoki nane halo peleme wanda꞉hali pa꞉ta꞉ make kulueke laa la꞉ witolo leekeme. Koda꞉ma꞉ do pi la꞉ wieke ekita꞉ Eipoloha꞉ma꞉ma꞉ hande Lo Pimanu opua pu hayeke ekina꞉ na leekeme. Eipoloha꞉ma꞉ta꞉ hone tulao hata꞉ Koda꞉ pa꞉ta꞉ tikitiki yao hayeke ekina꞉ leekeme.

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.

Loma꞉ 6:14

Hande Lo Pi manuna꞉ dupa꞉pe laa wala꞉la꞉eki ika꞉ wenoko tikitikina꞉ na mea wikita꞉ hande Koda꞉na꞉ pa a꞉ta꞉ma꞉ homa꞉la꞉eki homeke ika꞉ wenoko tikitikina꞉ mea wina꞉ aleme ekina꞉ kota꞉ hoke hau pita꞉la꞉ ekima꞉ iki paa a꞉nda꞉ na lu tombuaena꞉ lapa꞉pekema.

Ka꞉leisia 3:19

Kutu pia꞉ka꞉na꞉ta꞉ kota꞉ mo hande Mosesina꞉ pi ula꞉ ekita꞉ eki pina꞉ la haleekepe. Koto pi ula꞉eki manuta꞉ mo amba꞉ Koda꞉na꞉ la꞉ wiekeeki taapuna꞉ apa꞉tao wiki hauta꞉ mo hoke hoke haumanu peneme yao waluekema꞉ wiekeme. Koto pi ula꞉eki manuta꞉ pa u pelia pua mo hande Eipoloha꞉ma꞉na꞉ hoki nane epolo pieke hali ipikita꞉ Koda꞉ma꞉ amba꞉ pi la꞉ wieke hali opolo ipuluta꞉ paeyaena꞉e. Mo Lo Pi ula꞉eki manuta꞉ homeke hali ka꞉pa pa꞉ta꞉ yama꞉ enisolo tonuma꞉ hala꞉niaeyekeme.

Ka꞉leisia 5:18

Koto pa꞉la꞉pate kota꞉ mo Sipitidima꞉ iki hatuku pu haya꞉ka꞉na꞉ta꞉ kota꞉ mo Lo Pi ula꞉ ekima꞉ta꞉ iki na tombuao hala꞉me.

Ka꞉leisia 5:21

o ma꞉nda꞉na꞉ epeke hauna꞉ mineke panka꞉la꞉eki make o ikali naa keaasa꞉eki make o kima꞉ na homeke hoke ikali nala꞉ haumanu make kutupiki mandane hau ma꞉nda꞉manu make hone wilimime. Amba꞉ iki kinki pua꞉ tupa꞉ ame make paa kinki pitolome. Do alo haumanu pu haleme wanda꞉hali ikita꞉ Koda꞉na꞉ Kilu Tombuao Hala꞉eki pa꞉ta꞉ pua꞉peke na yelieke.

Ka꞉leisia 5:23

kimelema꞉ hala꞉ hau make naka꞉ kone naka꞉ loke hone yaapo lu tombuao hala꞉ hau make ipikana꞉ma꞉ta꞉ koto hau paeyao peawaasa꞉me. Dupiki haumanu sa꞉sa꞉ puluekema꞉ Lo Pi ma꞉nda꞉ ota꞉ na ula꞉me.

2 Desalonaika 2:8

Kutu pilie dina꞉ta꞉ mo hande wanda꞉hali hoeyaalo pa꞉la꞉ hali opolo ipilieke. Kutupa Tekehali Yesu opolo a꞉pata꞉ ipika꞉ kake pa꞉ta꞉ pomo tapaasa꞉ ekima꞉ make ipika꞉ pa̱a̱ seliapo taapuna꞉ opolo ipilie ekima꞉ make mo hali homaalieke.

1 Timodi 4:7

Kutu pea꞉peke ya꞉la꞉pate pa mo epe na piki Koda꞉ mataake tindemanu moka꞉laa kitemeeki kiaapeke. Nakana꞉ma꞉ Koda꞉na꞉ hau puluekema꞉ moka꞉la꞉ hande hande pu hapeke.

1 Timodi 6:20

Timodio. Do Koda꞉ma꞉ neke pa꞉ta꞉ ka꞉la꞉ eta꞉ ota꞉ wopu handeteke hapeke. Mo epe na piki Koda꞉ mataake pimanu la kiteme pi manuta꞉ kiaapeke. Mandane wanda꞉halima꞉ makeaaso hata꞉ Do aloma꞉ pi manuta꞉ ota꞉ tumiki pie lo halememe.

2 Timodi 2:16

Mo wanda꞉hali Koda꞉ mina꞉pa꞉lao papate haena꞉ la꞉la꞉ epe na piki Koda꞉ mataake pimanu la kiteme pi manuta꞉ hoki wala kiao pua꞉peke.

2 Timodi 3:2

Koto paelia꞉ dina꞉ta꞉ wanda꞉halima꞉ do haumanu pu halimikie. Ikita꞉ I̱ I̱ alo hata꞉ make pasa꞉tei hau wopu pita꞉la꞉eki make hakoko liki pimanu lo make handaena꞉ honemanu u make yala꞉ peaaso hata꞉ make kikama꞉ handeke some ala꞉ hoke pimanu make lo halimikie. Kutaa make ateke inkikina꞉ kakena꞉ na homo make keiyae loluekema꞉ hone na u make yeni hau pita꞉la꞉ haumanu hone na wiki wanda꞉hali make halimikie.

Taitasi 1:10

Haliweki wopuma꞉ ota꞉ pi kiaaso hata꞉ mo ika꞉ pa hameke pi manuma꞉ mandane wanda꞉hali makeao halememe. Kutupiki pi lo haleme mandane haliwekita꞉ mo pa sekemesaisi pu haleme Diu tapake haemeke tapakema꞉ kone lo halememe.

Taitasi 1:16

Ika꞉ pima꞉ Koda꞉ta꞉ handoloma꞉me laa lo halemepate pa ika꞉ piteleme hau manuma꞉ta꞉ Koda꞉ na handelemeeki peneme yao hala꞉me. Kota꞉ wanda꞉halima꞉ta꞉ honditi honditi wopu pu make pi na opu epeke haumanu pea꞉pa꞉peketa꞉ iki ana꞉ na pa꞉la꞉me.

Taitasi 1:6

Mo handeteke halo pa꞉la꞉ halita꞉ moeki a꞉nda꞉ na pa꞉la꞉ hali make wanda꞉ homeke ma꞉la꞉ halima꞉ hapeke yelieke. Kutupa make ipika꞉ wekiwandikita꞉ mo pi miniki hata꞉ ikita꞉ ti teke yoka꞉la꞉ wekiwandikie o ateke inkikina꞉ pi yoka꞉la꞉ wekiwandikie laa ika꞉ biki na wia꞉ka꞉na꞉ta꞉ hapa꞉peke yelimikie.

Taitasi 3:3

Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.

Hibulu 11:31

Mo Isulai wanda꞉halima꞉ tapaeyeke kika ikiki hali yaapo tamba꞉ mieke hali yolo hayeke wanda꞉ Leiha꞉pema꞉ mo hande Koda꞉ pa꞉ta꞉ homu na piki wanda꞉hali ame̱le̱ na homeke ipika꞉ hone tulaeyeke ekima꞉ deteekeme.

Hibulu 12:16

Iki homeke ma꞉nda꞉ma꞉ yola꞉la꞉ hau pilimina꞉ma꞉ wopu handeteke hapa꞉peke. Amba꞉ Isoma꞉ mo hande hoto homeke napeke ne hambolo hata꞉ ipika꞉ mupeke wekima꞉ mia꞉peke anke teketa꞉ Koda꞉na꞉ hau pa꞉ta꞉ hone na witolo hata꞉ ma꞉nda꞉ pa꞉ta꞉ pa haleeke hau leke na pia꞉pa꞉peke.

1 Pida 2:7

Iki hone tulaleme wanda꞉halima꞉ Ketisota꞉ ota꞉ a꞉pa꞉la꞉me hone u halemepate mo hone na tulaleme wanda꞉hali pa꞉ta꞉ta꞉ do la꞉la꞉me. Da a꞉eta꞉la꞉ haliwekima꞉ kiaemeke toopita꞉ wetepena꞉ tumiki toopi kone wiekeme.

1 Pida 3:20

Mo temoko manuta꞉ amba꞉ hande Noama꞉ mo kawaso eiyeke pita꞉ma꞉ haemeke wanda꞉halina꞉ temokomanue. Koto pita꞉ma꞉ta꞉ kota꞉ koto wanda꞉halima꞉ta꞉ ikana꞉ma꞉ pi mina꞉ yu wia handeteke hayeke Koda꞉na꞉ pi na opimikime. Kutu pieketa꞉ mo hande kawaso tukiki pa꞉ta꞉ta꞉ wanda꞉hali hombo a꞉nda꞉ iki paeyaota꞉ ketepo hata꞉ mo ikalima꞉ peteleekeme.

1 Pida 4:18

Kota꞉ mo Baiboloma꞉ alota꞉ Epeke hau pu haleme wanda꞉hali peteluekema꞉ ka꞉nda꞉ pia꞉ka꞉na꞉ta꞉ kota꞉ mo Koda꞉ hone na wiki hoke hau pu haleme wanda꞉hali pa꞉ta꞉ta꞉ eki hau pealia꞉pe.

Diudi 1:15

wanda꞉hali paeyao pa꞉ta꞉ pi yokaalu pita꞉la꞉eki mea ipilieke. Koto natena꞉ta꞉ mo hande Koda꞉ hoki walo haleme wanda꞉halina꞉ Koda꞉ kiake haumanu pu haleme ekina꞉ ipikana꞉ma꞉ yenki haluekema꞉ ma̱leke lilieke. Koto tupa꞉ kone mo Koda꞉ hoki wala hoke hau pu haleme wanda꞉halima꞉ ipiki pa꞉ta꞉ keke pimanu lo haleme ekina꞉ homeke hau kone pilieke laa leekeme.

Peneme Yaeyekeeki 21:8

Pate hone pamboneke tapake make ba꞉sa꞉ piteleme tapake make ata꞉ka꞉ peaaseme tapake make honema꞉ kone hali lu homaaseme tapake make pake nalo loke apa꞉taaseme tapake make ti̱o̱ hau pu haleme tapake make toopi ti wepia ula꞉ ale pa꞉ta꞉ yeni pu haleme tapake make mo yayapiki pi lo haleme tapake make paeyaota꞉ ika꞉ hala꞉peke ya꞉la꞉ ekita꞉ oni ti uleke kiake make titipupiki lanka꞉ ma꞉nda꞉ biki solopa bu lo hala꞉ pa꞉ta꞉e. Koto hau pita꞉la꞉ ekita꞉ mo yaapo peao homa꞉la꞉ekie.

Peneme Yaeyekeeki 22:15

Pate mo ata꞉ka꞉ peaaseme tapake make ti̱o̱ hau pu haleme tapake make pake nalo loke apa꞉taaseme tapake make honema꞉ kone hali lu homaaseme tapake make toopi ti wepia꞉ ula꞉ ale pa꞉ta꞉ yeni hau pu haleme tapake make yayapiki ekina꞉ ta꞉na꞉ma꞉ homa pu haleme tapake make paeyao sikita꞉ mo daoni tea꞉na꞉ hama꞉ nane halememe.