1 Timodi 1:16 - Panake Pi La: Ula: Buka pita: Kine Pieke Buka

¹⁶ Koda꞉ma꞉ I̱ pa꞉ta꞉ a꞉ta꞉ma꞉ homeekeme. Ipikana꞉ma꞉ koto I̱ pa꞉ta꞉ a꞉ta꞉ma꞉ homeeke ekina꞉ teketa꞉ Ketiso Yesuma꞉ mo wetepe hone tulao da꞉ta꞉la꞉eki mulu peleme wanda꞉halima꞉ ipika꞉ a꞉ta꞉ma꞉ homa꞉la꞉eki I̱ pa꞉ta꞉ pieketa꞉ iki pa꞉ta꞉ make pina꞉ I̱ pa꞉ta꞉ amba꞉la wala꞉la꞉me.

1 Timodi 1:16 Mawu Ofanana

Luku 15:10

Koto tupa꞉ kone hoke hali homekema꞉ Koda꞉ pa꞉ta꞉ hone ma꞉nda꞉ la꞉ka꞉lea꞉ka꞉na꞉ta꞉ kota꞉ oli Koda꞉na꞉ enisolo manuma꞉ koto ekina꞉ta꞉ ta꞉na꞉ tiekema꞉ homilimikie laa leekeme.

Luku 23:43

Kutupa Yesuma꞉ ipiki pa꞉ta꞉ alota꞉ I̱ma꞉ neke pa꞉ta꞉ ota꞉ pi la꞉ witolome. Ame do natena꞉ kone I̱ yaapo oli Pa꞉ta꞉daisi nane mandakena꞉ halupeke leekeme.

Luku 7:47

I̱ma꞉ neke pa꞉ta꞉ alome. Ipika꞉ pukima꞉ homa꞉la꞉eki tieke I̱ pa꞉ta꞉ peneme yaala꞉ ekima꞉ta꞉ ipika꞉ wopu pa꞉la꞉ hoke hauta꞉ do paeta꞉la꞉ handa꞉e laa wala꞉la꞉me. Koto pa꞉la꞉pate ma꞉nda꞉ma꞉ ipika꞉ hoke hau hosikale siki kone Koda꞉ma꞉ paeyaowaya꞉ka꞉na꞉ta꞉ kota꞉ ipikana꞉ma꞉ Koda꞉ pa꞉ta꞉ta꞉ puki hosikale siki halieke leekeme.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Dioni 3:36

Hali epima꞉ hande Eiyeke pa꞉ta꞉ hone tulao haya꞉ka꞉na꞉ta꞉ kota꞉ koto halima꞉ da꞉ta꞉ hao halo pa꞉la꞉pate hali epima꞉ hande Eiyekena꞉ kakena꞉ na homea꞉ka꞉na꞉ta꞉ deto hala꞉eki na miki haena꞉ Koda꞉ ipika꞉ mineke panka꞉la꞉eki koto hali pa꞉ta꞉ ula꞉me.

Dioni 5:24

Iki pa꞉ta꞉ ota꞉ pi alome. Hali epima꞉ I̱ma꞉ alo pimanu opuaata꞉ I̱ tapaala꞉ hali pa꞉ta꞉ make hone tulaeya꞉ka꞉na꞉ta꞉ kota꞉ koto halita꞉ deto hala꞉eki miniki hala꞉me. Kutu pita꞉la꞉ halita꞉ homa꞉la꞉eki mina꞉pa꞉lao da꞉ta꞉la꞉eki amba꞉ miniki hala꞉eki yolo hata꞉ pi yokaalu pulu pa꞉la꞉ pa꞉ta꞉ na pelieke.

Dioni 6:37

Yaka Apa꞉ma꞉ I̱ pa꞉ta꞉ kita꞉la꞉ wanda꞉hali paeyao I̱ pa꞉ta꞉ ipilieke. Koto ekina꞉ hali epima꞉ I̱ pa꞉ta꞉ epea꞉ka꞉na꞉ta꞉ I̱ma꞉ ota꞉ na tolu lueke.

Dioni 6:40

Yaka Apa꞉na꞉ hone pa꞉la꞉eki dupae. Eiyeke handaa ipiki pa꞉ta꞉ hone tulaaseme wanda꞉hali paeyaota꞉ deto hala꞉eki mina꞉yeke hone pa꞉la꞉me. Kutupa mo hande paelie dina꞉ make I̱ma꞉ mo wanda꞉hali pa mea tiawaalueke leekeme.

Dioni 6:54

Hali epima꞉ yaka loke mindiki make yaka we make nea꞉ka꞉na꞉ta꞉ da꞉ta hao hala꞉me. Kutupa mo hande paelie dina꞉ koto halita꞉ I̱ma꞉ pa mea tiawaalueke.

Loma꞉ 15:4

Mo hande Baibolo bukana꞉ wape pa꞉la꞉ ekimanu paeyaota꞉ niki waluekema꞉ wape pea pelememe. Mo hande Baibolo bukana꞉ wape pa꞉la꞉eki manuma꞉ta꞉ niki sutia tia pitolo haena꞉ niki tiao hata꞉ mo hande la꞉ ula꞉ ekimanu yaena꞉yeke handeteke hao hamono ula꞉me.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

1 Kotindi 7:25

Hande wanda꞉ na miki o hali na peke weki wandiki pa꞉ta꞉ honke leme ekita꞉ mo Tekehalima꞉ dupa꞉pe ala꞉ pi dia꞉ya꞉la꞉pate pa mo I̱ma꞉ hone witoloeki kone alome. Kutupa Koda꞉ma꞉ I̱ pa꞉ta꞉ a꞉ta꞉ma꞉ homa꞉la꞉ ekina꞉ yeke ikana꞉ma꞉ I̱ma꞉ alo ekina꞉ hone tulaapeke ya꞉la꞉me loa꞉me.

2 Kotindi 4:1

Koda꞉ma꞉ a꞉ta꞉ma꞉ homa tamba꞉ mina꞉la꞉ hali hata꞉ niki do e pokomono ka꞉la꞉me. Koto ekina꞉ta꞉ do e pa꞉ta꞉ta꞉ ka꞉nda꞉manu ipula꞉pate niki ki hone na uluma꞉me.

Epesese 1:12

Koto pa꞉la꞉ ekina꞉ titina꞉ Ketiso pa꞉ta꞉ hone tulaaloma꞉ wanda꞉hali nikana꞉ma꞉ amba꞉la꞉ hande pa̱a̱ pa꞉la꞉ Koda꞉ ipika꞉ pi laamana꞉e.

Epesese 1:6

Koda꞉ma꞉ niki pa꞉ta꞉ pa hameke a꞉ta꞉ma꞉ wotu homa꞉la꞉ ekina꞉ make ipika꞉ hone pieke Eiyeke niki kitolo pa hameke kita꞉la꞉ ale tonka꞉na꞉ ka꞉la꞉ ekina꞉ make Koda꞉na꞉ pi laamana꞉e.

Epesese 2:7

Koto hande Koda꞉ma꞉ pieke hauta꞉ ipikana꞉ma꞉ pukima꞉ homolo hata꞉ Yesu Ketiso niki pa꞉ta꞉ ka꞉la꞉ ekima꞉ wetepena꞉ halo peleme wanda꞉halima꞉ ipikana꞉ma꞉ ota꞉ pa hameke a꞉ta꞉ma꞉ wopu homo hala꞉eki nate paeyao handa꞉tiki pina꞉ piekeme.

2 Desalonaika 1:10

Mo ponka꞉di pilu wieke nate opolo epea꞉ka꞉na꞉ta꞉ Tekehalina꞉ wanda꞉hali paeyaoma꞉ ipiki biki yeiya꞉ laena꞉ make ipiki pa꞉ta꞉ hone tulaaseme wanda꞉halima꞉ ipiki pa꞉ta꞉ ta꞉na꞉ma꞉ homena꞉yeke Tekehali ipilieke. Nikana꞉ma꞉ iki pa꞉ta꞉ waloma꞉ opua꞉ hone tulao haeme ekina꞉ iki make mo hande wanda꞉hali ame̱le̱ mandakena꞉ mombilimikie.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

1 Pida 3:20

Mo temoko manuta꞉ amba꞉ hande Noama꞉ mo kawaso eiyeke pita꞉ma꞉ haemeke wanda꞉halina꞉ temokomanue. Koto pita꞉ma꞉ta꞉ kota꞉ koto wanda꞉halima꞉ta꞉ ikana꞉ma꞉ pi mina꞉ yu wia handeteke hayeke Koda꞉na꞉ pi na opimikime. Kutu pieketa꞉ mo hande kawaso tukiki pa꞉ta꞉ta꞉ wanda꞉hali hombo a꞉nda꞉ iki paeyaota꞉ ketepo hata꞉ mo ikalima꞉ peteleekeme.

2 Pida 3:15

Nika꞉ kame seliapo Poloma꞉ Koda꞉ma꞉ haleeke epeke hone wita꞉la꞉eki miniki hata꞉ iki pa꞉ta꞉ tameiya꞉ tapaaso leekeme. Koto tupa꞉ mo nika꞉ Tekehalina꞉ a꞉ta꞉ma꞉ homolo yu wia hala꞉ ekita꞉ iki da꞉ta꞉la꞉eki miomena꞉ waleke wiaaso pita꞉la꞉me hone wopu u hapa꞉peke.

2 Pida 3:9

Mandane wanda꞉halima꞉ hone witolota꞉ Tekehalita꞉ ipika꞉ pi la꞉ ula꞉eki puluekema꞉ta꞉ kesema꞉ pu hala꞉me lo halememe. Kotoeki na piki ipikana꞉ma꞉ta꞉ ikina꞉ a꞉ta꞉ma꞉ homolo yu wia hala꞉me. Pa ekipeke ipikana꞉ma꞉ta꞉ homeke a꞉nda꞉ hoeyaapa꞉na꞉e laata꞉ wanda꞉hali paeyao ika꞉ hoke hau mina꞉pa꞉laena꞉e hone u̱ hala꞉me.