Biblia Todo Logo
Baibulo la pa intaneti

- Zotsatsa -




1 Timodi 1:12 - Panake Pi La: Ula: Buka pita: Kine Pieke Buka

12 Ya e pokono wele peaasa꞉ Ketiso Yesu nika꞉ Tekehali pa꞉ta꞉ keiyae pi alome. Ipika꞉ e I̱ma꞉ ana꞉na꞉ pokaalieke hone wia I̱ ma̱leke lieke ekina꞉ keiyae alome.

Onani mutuwo Koperani




1 Timodi 1:12
26 Mawu Ofanana  

Kota꞉ ipikana꞉ma꞉ koto haliweki pa꞉ta꞉ alota꞉ Ikana꞉ma꞉ ya e pua pokaemeka꞉na꞉ta꞉ I̱ma꞉ iki pa꞉ta꞉ yenki ota꞉ ana꞉na꞉ kone kulueke leekeme.


Koto ekina꞉yeke wanda꞉hali paeyaoma꞉ Apa꞉na꞉ pi laaseme tupa꞉ Eiyekena꞉ pi make koto tupa꞉ kone laena꞉yeke la꞉la꞉me. Hali epima꞉ Eiyekena꞉ pi na laeya꞉ka꞉na꞉ta꞉ kota꞉ ipiki tapaala꞉ Apa꞉na꞉ pi kone na laasa꞉me leekeme.


Kutupa ipika꞉ tapake ame̱le̱ bapitaisi pea hata꞉ niki pa꞉ta꞉ honke alo hata꞉ alota꞉ Ikana꞉ma꞉ta꞉ I̱ta꞉ pi na tunkuliki Tekehali pa꞉ta꞉ epeke halome hone wimika꞉na꞉ta꞉ kota꞉ ya da pa꞉ta꞉ a꞉pa hao hapa꞉peke lea꞉me. Kutupa honke wopu leeke handa poma꞉me.


Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.


Kutu piekepate Soloma꞉ta꞉ pi waluekema꞉ wele wopu piekeme. Ipikana꞉ma꞉ Yesuta꞉ ota꞉ Koda꞉na꞉ Ketisoe laa ota꞉ ana꞉na꞉ peneme yao waleeke mandane pi manuta꞉ mo Damasikasi da haleme Diu haliwekima꞉ pi homeke ma꞉nda꞉ma꞉ hombo pealuekema꞉ ana꞉ na pimikime.


Kutu pua꞉pate ame pa I̱ do halo ekita꞉ Koda꞉ma꞉ ipika꞉ pa hameke a꞉ta꞉ma꞉ homa꞉la꞉ ekima꞉ peaala꞉me. Kutupa koto ipikana꞉ma꞉ I̱ pa꞉ta꞉ pa hameke a꞉ta꞉ma꞉ homa꞉la꞉ ekima꞉ta꞉ wele na piki paekie laa pi lapeke na ya꞉la꞉me. Dia꞉me. I̱ma꞉ta꞉ honkopu hao ipika꞉ e pokaaso hata꞉ mo hande aposolo haliweki paeyao kone wetepeaowa꞉me. Kutu pua꞉pate I̱ma꞉ ya kone na pua꞉me. Koda꞉na꞉ pa a꞉ta꞉ma꞉ homa꞉la꞉ ekima꞉ I̱ pa꞉ta꞉ pita꞉ peaeya꞉me.


Kota꞉ Apolosita꞉ epi ya꞉ka꞉ta꞉pe. I̱ Polo make epi ya꞉ka꞉ta꞉pe. Diki telipina꞉ Koda꞉na꞉ e pokaasopa꞉ hali yaapo hata꞉ mo pitolopa꞉ ekina꞉ta꞉ ikana꞉ma꞉ Koda꞉ pa꞉ta꞉ hone tulaalememe. Tekehalima꞉ diki pa꞉ta꞉ ta꞉ta꞉ ta꞉ta꞉piki e telipaleke handaa pokaasopa꞉me.


Hande wanda꞉ na miki o hali na peke weki wandiki pa꞉ta꞉ honke leme ekita꞉ mo Tekehalima꞉ dupa꞉pe ala꞉ pi dia꞉ya꞉la꞉pate pa mo I̱ma꞉ hone witoloeki kone alome. Kutupa Koda꞉ma꞉ I̱ pa꞉ta꞉ a꞉ta꞉ma꞉ homa꞉la꞉ ekina꞉ yeke ikana꞉ma꞉ I̱ma꞉ alo ekina꞉ hone tulaapeke ya꞉la꞉me loa꞉me.


Koda꞉ma꞉ a꞉ta꞉ma꞉ homa tamba꞉ mina꞉la꞉ hali hata꞉ niki do e pokomono ka꞉la꞉me. Koto ekina꞉ta꞉ do e pa꞉ta꞉ta꞉ ka꞉nda꞉manu ipula꞉pate niki ki hone na uluma꞉me.


Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.


Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.


Kutupa mo Ateke hala꞉ Koda꞉na꞉ biki yeiya꞉ laaluekema꞉ iki paeyaoma꞉ paeyao opina꞉ peneme yaaso hata꞉ Yesu Ketiso ipiki homeketa꞉ ota꞉ Tekehalie laa lelimikie.


Do hau paeyaota꞉ Ketisoma꞉ ka꞉la꞉ welema꞉ bepolatia a꞉pa polome.


Kutupa Koda꞉ma꞉ I̱ta꞉ siosina꞉ pa hameke e pokaaso hali hano laa ipikana꞉ma꞉ dupiki e ika꞉ epeke hauna꞉ peano la꞉la꞉me. Do eta꞉ mo hande ipika꞉ pi anekema꞉ walawano ala꞉ekie.


Polo I̱ta꞉ mo Ketiso Yesuna꞉ aposolo hali halome. Nika꞉ da꞉taasa꞉ Koda꞉ma꞉ make mo epena꞉ yu wia haloma꞉ Ketiso Yesu yaapoma꞉ do e pokono lelepeme.


Koto wala꞉peke mana꞉ pi epeketa꞉ mo pa̱a̱ pita꞉la꞉ ta꞉na꞉ piki Koda꞉ma꞉ I̱ma꞉ la halonoyeke ka꞉la꞉ Pi Seliapo pa꞉ta꞉ ula꞉me.


Do wape Timodi neke pa꞉ta꞉ wape pitolome. Mo Koda꞉ pa꞉ta꞉ hone tulaaseme ekina꞉ta꞉ neketa꞉ ota꞉ ya weki haleme. Mo Apa꞉ Koda꞉ pita꞉ Ketiso Yesu nika꞉ Tekehali ipilikana꞉ma꞉ mo tamba꞉ mina꞉la꞉eki make a꞉ta꞉ma꞉ homa꞉la꞉eki make puki lopaasa꞉eki make neke pa꞉ta꞉ kina꞉e.


Mo ala꞉ta꞉ ala꞉ta꞉ paeyao da꞉taa wina꞉ la꞉la꞉ Koda꞉na꞉ leke popelekena꞉ hata꞉ make mo hande Pontiasi Pailedi pa꞉ta꞉ ota꞉ pi leeke Ketiso Yesu ipika꞉ leke popelekena꞉ hata꞉ make I̱ma꞉ neke pa꞉ta꞉ dupa alome.


I̱ma꞉ wanda꞉hali eleke elekena꞉ leke popelekena꞉ waloeke opi mana꞉ pi manuta꞉ kota꞉ nakana꞉ma꞉ meaata꞉ mo hone epeke tupa꞉ u paleke hata꞉ mandane da wanda꞉hali ana꞉na꞉ wala꞉peke ya꞉la꞉ wanda꞉halita꞉ nakana꞉ma꞉ moka꞉la hale hale pea꞉peke.


Kutu pimipate mo Tekehalima꞉ I̱ teke pa꞉ta꞉ hata꞉ I̱ wele peaya꞉me. Kutu pia꞉ ekima꞉ta꞉ mo pi na miki wanda꞉hali paeyaoma꞉ opina꞉ I̱ma꞉ mo Pi Seliapo epeke tupa꞉ waloa꞉me. Kutaa make mo laionima꞉ I̱ lu nena꞉ taapolo pimikieki teke pa꞉ta꞉ ya꞉na꞉ mo Tekehalima꞉ I̱ petelea꞉me.


Koto ekina꞉ do wapeta꞉ mo Taitasi pa꞉ta꞉ wape tapaasome. Mo dika꞉ hone tulaalope ekina꞉ ipikita꞉ ota꞉ ya weki hala꞉me. Mo Apa꞉ hala꞉ Koda꞉ma꞉ make mo nika꞉ da꞉taasa꞉ Ketiso Yesuma꞉ make neke pa꞉ta꞉ a꞉ta꞉ma꞉ homa tamba꞉ mina꞉la꞉eki pita꞉ puki lopao haasa꞉eki yaapo kina꞉e la alome.


paa neke pa꞉ta꞉ pukima꞉ homolo ekima꞉ pa honke ala꞉eki homeke pitolome. Do honke alo ekita꞉ I̱ Polota꞉ koke hali hata꞉ kone pa Yesu Ketisona꞉ e pokoeke handaa dipula mea pitaalemeke pita꞉ kone alome.


Titsatireni:

Zotsatsa


Zotsatsa