1 Pida 5:3 - Panake Pi La: Ula: Buka pita: Kine Pieke Buka

³ Ikana꞉ma꞉ handeteke hamena꞉ ka꞉la꞉ wanda꞉halita꞉ tumbaaluekema꞉ na tapeke ikana꞉ma꞉ pu halimi epeke hau manuma꞉ mo sipisipi ma꞉na꞉manu wala tiaaso hata꞉ hapa꞉peke.

1 Pida 5:3 Mawu Ofanana

Dioni 13:15

I̱ma꞉ iki pa꞉ta꞉ peaowa꞉ ekita꞉ ikana꞉ma꞉ make puemena꞉yeke wala꞉ tiaaso pua꞉me.

Aposolo 20:28

Holi Sipitidima꞉ ikita꞉ handeteke halo peleme haliweki mea hamina꞉ leeke handa ika꞉ kone handeteke hao mo ma꞉na꞉titi paeyao make handeteke hapa꞉peke lea꞉me. Tekehalima꞉ ipika꞉ Eiyekena꞉ wema꞉ kone mieke tapake wanda꞉halita꞉ ikana꞉ma꞉ handeteke hapa꞉peke lea꞉me.

1 Kotindi 11:11

Do pimanu alopate pa ameta꞉ niki paeyao Tekehali ame̱le̱ ta꞉ma꞉ni pea hata꞉ta꞉ wanda꞉ hali yaapoma꞉ tamba꞉ mu alualu pitolo hata꞉ hapeke ya꞉la꞉me.

1 Kotindi 3:5

Kota꞉ Apolosita꞉ epi ya꞉ka꞉ta꞉pe. I̱ Polo make epi ya꞉ka꞉ta꞉pe. Diki telipina꞉ Koda꞉na꞉ e pokaasopa꞉ hali yaapo hata꞉ mo pitolopa꞉ ekina꞉ta꞉ ikana꞉ma꞉ Koda꞉ pa꞉ta꞉ hone tulaalememe. Tekehalima꞉ diki pa꞉ta꞉ ta꞉ta꞉ ta꞉ta꞉piki e telipaleke handaa pokaasopa꞉me.

1 Kotindi 3:9

Dikita꞉ mandake pa꞉ta꞉ hata꞉ Koda꞉na꞉ e pokaasoma꞉ haliweki halopa꞉me. Kutupa ikita꞉ Koda꞉na꞉ e kone halememe. Kutupa ikita꞉ Koda꞉na꞉ da make halememe.

2 Kotindi 1:24

Nikana꞉ma꞉ta꞉ ika꞉ hone tulaalemeeki manuta꞉ dupi dupi alo dia꞉me. Ikana꞉ma꞉ hone tulaaseme ekita꞉ amba꞉ koto honkopu hao wia haleme handa꞉e. Koto ekina꞉ nikana꞉ma꞉ta꞉ iki ta꞉na꞉ma꞉ homelemeeki mea a꞉paaluekema꞉ iki ame̱le̱ apa꞉tao e pokoloma꞉me.

2 Kotindi 4:5

Nikana꞉ma꞉ta꞉ nikina꞉ na waloloma꞉pate pa Yesu Ketisota꞉ Tekehalie laa nikita꞉ waloloma꞉me. Kutupa Yesuna꞉ hone pa꞉la꞉ ekina꞉ ika꞉ pa hameke e pokaasoma꞉ haliwekie laa waloloma꞉me.

Pilipai 3:17

Ya yankeke tonuo. Ikana꞉ma꞉ I̱ma꞉ pitolo hau hondo hapa꞉peke. Mo hande puemena꞉ waloma꞉ tikitiki haumanu pu haleme wanda꞉halina꞉ epeke haumanu ikana꞉ma꞉ handa honduluekema꞉ta꞉ hone wopu u hapa꞉peke.

Pilipai 4:9

Mo hande I̱ma꞉ la kueke opua mimi mana꞉ pi manuta꞉ ota꞉ pu hapa꞉peke. Ya pima꞉ loeke opimi tupa꞉ make ya hauma꞉ pueke handeme tupa꞉ make ota꞉ pu hapa꞉peke. Koto ekina꞉ mo nika꞉ puki lopao hamono lo hala꞉ Koda꞉ta꞉ iki ame̱le̱ hao halieke.

1 Desalonaika 1:7

Kutu pimiki ekina꞉ mo Ma꞉sedonia Akaya potopinisi yaapo nane pi mea haleme wanda꞉hali paeyaoma꞉ handena꞉ pu tiaememe.

2 Desalonaika 3:9

Nikana꞉ma꞉ ne kipa꞉ lapeke na yeke dia꞉me. Kipa꞉ lapeke yea꞉pate kone ikana꞉ma꞉ nika꞉ hau handa puemena꞉ yeke kipa꞉ pi na loma꞉me.

1 Timodi 4:12

Wanda꞉halima꞉ neke wekihali hale ekina꞉ handolo hata꞉ ipikita꞉ pa wekie laama꞉na꞉ nakana꞉ma꞉ ota꞉ Ketiso hau moka꞉la꞉ tiaapeke. Koto puluekema꞉ta꞉ naka꞉ pilipi hauma꞉ make naka꞉ lelipi pima꞉ make naka꞉ pukima꞉ homilipi ekima꞉ make naka꞉ hone tulalipi ekima꞉ make naka꞉ tikitiki piki hauma꞉ make koto hau paeyaota꞉ mo pi mineleme wanda꞉halima꞉ ota꞉ handena꞉ lapeke.

Taitasi 2:7

Naka꞉ kone naka꞉ pilipi hau paeyaota꞉ wanda꞉halima꞉ handaa honda꞉mea pu haena꞉ epeke hau seliapomanu pu hapeke. Naka꞉ pi wala꞉la꞉ hauna꞉ hone wopu wia mo hapeke pitiki pimanu homeke walo hapeke.

1 Pida 2:9

Koto pa꞉la꞉pate ikita꞉ Koda꞉na꞉ ma̱leke lila꞉ tapake halememe. Ikita꞉ mo Kini halina꞉ yeni peao haleme wanda꞉halie. Ikita꞉ mo yakopiki tapakee. Koda꞉na꞉ wanda꞉hali homeke halememe. Ikita꞉ mo timba꞉la꞉ pambeke pa꞉ta꞉ haapa꞉na꞉ ipika꞉ pa̱a̱ pita꞉la꞉eki ota꞉ seliapo pa꞉ta꞉ epoemena꞉ wi lea꞉ Koda꞉ma꞉ ipika꞉ ota꞉ epeke pita꞉la꞉ ekimanu la halamena꞉ iki ma̱leke lila꞉me.