1 Pida 4:7 - Panake Pi La: Ula: Buka pita: Kine Pieke Buka

⁷ Ala꞉ta꞉ ala꞉ta꞉ paeyaona꞉ paeyolo pa꞉la꞉ nateta꞉ nuna꞉ ya꞉la꞉me. Koda꞉ pa꞉ta꞉ yeni (ana꞉na꞉) puluekema꞉ leke leke lo hata꞉ ika꞉ hone wopu wia hapa꞉peke.

1 Pida 4:7 Mawu Ofanana

Kini Pieke 19:35

Koto ekina꞉ koto timbata꞉ ipilika꞉ ateke ikali nena꞉ laa mo wetepe nane wandiki ateke yaapo pelipipikime. Kutupa ateketa꞉ ikali tieke ombu neekeeki yalo hone na wiekeme.

Kini Pieke 6:13

Koda꞉ma꞉ Noa pa꞉ta꞉ alota꞉ I̱ma꞉ wanda꞉hali paeyao ota꞉ hoeyaalueke hone witolome laata꞉ Do kenkena꞉ta꞉ ika꞉ haku na piki hau manuma꞉ tumba꞉la꞉ ekina꞉ iki paeyao siki hoeyaalueke.

Ma꞉tiu 24:42

Koto ekina꞉ta꞉ ikana꞉ma꞉ta꞉ u na polu pitiki yu wia hapa꞉peke. Pa ekipeke mo ika꞉ Tekehalina꞉ epolo pa꞉la꞉ dita꞉ iki matelememe.

Ma꞉tiu 25:13

Yesuma꞉ koto pi lo a꞉mbolo hata꞉ alota꞉ Mo ika꞉ Tekehalina꞉ epolo pa꞉la꞉ nate di yaapo iki mateleke handaa loa꞉ma꞉ wopu handeteke hao hapa꞉peke leekeme.

Luku 21:34

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

Luku 21:36

Koto ekina꞉ leke leke lo hata꞉ hoto paeyao yeni pu hapa꞉peke. Pa ekipeke ikana꞉ma꞉ dupiki haumanu tukiki pa꞉ta꞉ kone honkopu hau epeke tupa꞉ opolo pua mo Wanda꞉halina꞉ Eiyekena꞉ leke popelekena꞉ hamena꞉yeke loa꞉me leekeme.

Luku 22:46

Kutupa mo haliweki pa꞉ta꞉ alota꞉ Ekipeke u pa꞉liake wilimipe. Tiao. La handa꞉la꞉ ekima꞉ iki mea lopaama꞉na꞉ yeni wopu pu hapa꞉peke leekeme.

Loma꞉ 12:12

Tekehalima꞉ pulu pa꞉la꞉ ekina꞉ handeteke hata꞉ ta꞉na꞉ma꞉ homa hapa꞉peke. Ka꞉nda꞉piki haumanu iki pa꞉ta꞉ epea꞉ka꞉na꞉ta꞉ kota꞉ honkopu hao hata꞉ handeteke hapa꞉peke. Hoto paeyao yeni pea꞉tiki pu hapa꞉peke.

1 Kotindi 15:24

Kutu pilie dina꞉ta꞉ mo paeyaalo pa꞉la꞉eki pilieke. Ketisoma꞉ta꞉ mo handeteke haleme haliweki paeyaoma꞉ piteleme ekimanu make mo you haliweki paeyaoma꞉ piteleme ekimanu make wele piteleme ekimanu paeyao make ipikana꞉ma꞉ paeyao bepolaota꞉ hande Kilu Tumbuao Hala꞉ ekita꞉ ipika꞉ Ateke Koda꞉ pa꞉ta꞉ mea halieke.

1 Kotindi 7:29

Kametitio. Koto aloeki manuta꞉ do ekina꞉yeke loa꞉me. Nate wopu dia꞉yalo haena꞉ta꞉ ameta꞉ wanda꞉ miki haliwekita꞉ wanda꞉ na miki haleme haliweki tupa꞉ hapa꞉peke.

Epesese 6:18

Do haumanu paeyaota꞉ Koda꞉ma꞉ tamba꞉ mina꞉yeke pitolo hata꞉ yeni pea꞉tiki pu hapa꞉peke. Koto mo Sipitidima꞉ walolo haena꞉ hoto paeyao yeni pea꞉pa꞉peke. Koto ekina꞉ wotu handeteke hata꞉ soka꞉la꞉ma꞉ na homeke Koda꞉na꞉ wanda꞉hali paeyao pa꞉ta꞉ hone witolo hata꞉ hoto paeyao yeni pea꞉tiki pu hapa꞉peke.

Pilipai 4:5

Wanda꞉hali paeyao pa꞉ta꞉ ika꞉ pilimi hau manuma꞉ta꞉ ika꞉ homu piki hau walo hapa꞉peke. Mo Tekehalita꞉ niki teke pa꞉ta꞉ hala꞉me.

Kolosi 4:2

Hoto paeyao yeni putia pulu ombu hapa꞉peke. Kutupa Koda꞉ pa꞉ta꞉ keiyae laa yeni pitolo hata꞉ wopu handeteke hapa꞉peke.

2 Timodi 4:5

Kutu pina꞉ kone neke pa꞉ta꞉ ekipiki haumanu epena꞉ kone kota꞉ koto ekima꞉ neke hoeyaama꞉na꞉ naka꞉ hone lu tombua tombua pitolo hata꞉ hapeke. Ka꞉nda꞉manu epena꞉ kone da̱o̱la hata꞉ka꞉na꞉ mo Pi Seliapo wala꞉la꞉ hali hata꞉ e poko hapeke. Kutupa neketa꞉ Koda꞉na꞉ e pokaasa꞉ hali hata꞉ naka꞉ ka꞉la꞉ e poko hapeke.

Taitasi 2:12

Koto a꞉ta꞉ma꞉ homo tamba꞉ mina꞉la꞉ ekima꞉ walota꞉ pa nikana꞉ma꞉ Koda꞉ hoki nane yao nika꞉ hoke hone pa꞉la꞉ haumanu pitoloma꞉eki make do kenkena꞉ hoke hone pa꞉la꞉ haumanu pitoloma꞉eki make kiaamono pa꞉la꞉me. Koto pa꞉la꞉ ekina꞉ta꞉ ame do kenkena꞉ hata꞉ta꞉ nika꞉ hone handeteke hata꞉ make tondepe pea hata꞉ make Koda꞉na꞉ hau hone witolo hata꞉ make kutu pitolo hata꞉

Hibulu 10:25

Mo nika꞉ Ketiso kametonu ame̱le̱ mombolo haloma꞉eki manuta꞉ mandane wanda꞉halima꞉ mina꞉pa꞉lao haleme tupa꞉ nikana꞉ma꞉ na mina꞉pa꞉lamana꞉e. Kotoeki na pikita꞉ mo Tekehalina꞉ epolo pa꞉la꞉ nate teke pa꞉ta꞉ yoma꞉ a꞉pa꞉la꞉ ekina꞉ta꞉ nikana꞉ma꞉ nika꞉ nika꞉ kone hone utia alualu pumana꞉e.

Hibulu 9:26

Kota꞉ a꞉nda꞉ tana꞉ eleke eleke pua꞉tiki pia꞉ka꞉na꞉ yoluta꞉ kota꞉ Koda꞉ma꞉ mo kenke kini pea wepia꞉ dina꞉ kone kini pea pua ame do make Ketisoma꞉ tanda tieke wopu mia꞉tiki mia꞉tiki pu halo pia꞉me. Kutu na pikita꞉ ame do paetolo naneta꞉ Ketisoma꞉ ipika꞉ homeeke ekima꞉ kone mo hoke hau yokawaluekema꞉ tana꞉ homeke homeke opolo epeekeme.

1 Pida 1:13

Ika꞉ honema꞉ pea꞉peke hau hone hone u hapa꞉peke. Kutupa leke leke lo hapa꞉peke. Yesu Ketiso opolo epea꞉ka꞉na꞉ta꞉ iki pa꞉ta꞉ a꞉ta꞉ma꞉ homa tamba꞉ mina꞉la꞉eki kilieke. Kotoeki homekena꞉ ika꞉ hone ti lao hao hapa꞉peke.

1 Pida 3:7

Haliki tonu iki make haliki hata꞉ta꞉ ika꞉ wanda꞉ta꞉ iki tupa꞉ honkopu na halememe hone wia꞉pa꞉peke. Koto ekina꞉ta꞉ ikana꞉ma꞉ iki pa꞉ta꞉ epeke tupa꞉ hone witolo hata꞉ handeteke hapa꞉peke. Kota꞉ kotota꞉ mo wanda꞉weki iki make iki ame̱le̱ mandakena꞉ Koda꞉na꞉ pa hameke kita꞉la꞉ da꞉ta꞉la꞉ ekita꞉ milimikie. Ala꞉ta꞉ ma꞉nda꞉ma꞉ ika꞉ yeni pu haleme ekimanu sa꞉sa꞉ na pina꞉ koto hau pu hapa꞉peke.

1 Pida 5:8

Leke leke lo hata꞉ a꞉nda꞉ ipula꞉eki handoemena꞉ pota꞉ pua tunkulu hapa꞉peke. Ika꞉ a꞉nda꞉ tunkiliki hali Sadanima꞉ mo sayale hali ma꞉na꞉ tiekema꞉ handa wanda꞉hali lia noluekema꞉ wei mea pomu hala꞉me.

Peneme Yaeyekeeki 16:15

Opie. I̱ta꞉ pake nala꞉ hali leke ipulueke. U̱ na peliki hata꞉ ipika꞉ aka꞉manu wopu handeteke hao hale someta꞉ ta꞉na꞉ma꞉ homilieke. Ipikita꞉ paa tia pominolo hata꞉ wanda꞉hali leke popelekena꞉ yaala꞉ meaapa꞉na꞉yeke pita꞉la꞉me.