1 Pida 4:6 - Panake Pi La: Ula: Buka pita: Kine Pieke Buka

⁶ Koto ekina꞉ yeketa꞉ mo amba꞉ homeleme wanda꞉hali pa꞉ta꞉ make mo Pi Seliapo waleekeme. Wanda꞉hali paeyao ika꞉ yenkita꞉ homa꞉la꞉eki mu haleme tupa꞉ iki make ika꞉ lokena꞉ homa꞉la꞉eki mimikime. Koto pa꞉la꞉pate Koda꞉ da꞉ta hao hala꞉ tupa꞉ ika꞉ temoko make da꞉ta hao haena꞉yeke mo hande Pi Seliapo iki pa꞉ta꞉ waleekeme.

1 Pida 4:6 Mawu Ofanana

Ma꞉tiu 24:9

Koto haumanu pilia꞉ toma꞉na꞉ta꞉ mandane haliwekima꞉ iki pa꞉ta꞉ ka꞉nda꞉manu ku make lu puluekema꞉ iki da꞉ka꞉pa꞉ mina꞉ bepi pilimikie. Ikita꞉ yaeki haleme ekina꞉ wanda꞉hali wopuma꞉ iki honditi wopu pilimikie.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

Ka꞉leisia 2:19

Mo hande pi ula꞉eki hotimika꞉na꞉ta꞉ kota꞉ mo koto pi ula꞉eki pa꞉ta꞉ I̱ amba꞉ homa halome. Koto pi ula꞉ ekima꞉ kone I̱ homono lia꞉me. Kutu pieke ekita꞉ I̱ma꞉ Koda꞉ yaapo da꞉ta hanoyeke pia꞉me. I̱ta꞉ mo Ketiso homea꞉ ti manda mandake homolopa꞉me.

Ka꞉leisia 5:25

Mo Holi Sipitidima꞉ta꞉ nika꞉ da꞉ta haloma꞉ ekina꞉ teke haleke handaata꞉ kota꞉ mo do haloma꞉eki make Holi Sipitidima꞉ kone tombuao haena꞉ lomana꞉ pea꞉peke alee.

1 Pida 1:12

Do hande opimi ota꞉ pita꞉ mo potopede haliwekima꞉ amba꞉ walaaso haena꞉ta꞉ Koda꞉ma꞉ iki pa꞉ta꞉ koto pita꞉ ika꞉eki dia꞉me. Mo wetepena꞉ haleme wanda꞉hali ika꞉eki peneme yao waleekeme. Mo Pi Seliapona꞉ kinki peaasa꞉ haliwekima꞉ hepeni nanema꞉ tapaeyeke Holi Sipitidina꞉ welema꞉ do ota꞉eki manuta꞉ iki pa꞉ta꞉ la kimime. Do ota꞉eki manuta꞉ mo enisolo haliwekima꞉ kone hone uluekema꞉ hone pu halememe.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

1 Pida 3:19

Kutupa temoko hata꞉ta꞉ ipikana꞉ma꞉ mo dipula pitimiki temokomanu pa꞉ta꞉ pua (Koda꞉na꞉) pi waleekeme.

Peneme Yaeyekeeki 14:18

Kutupa mo tina꞉ handeteke haya꞉ enisolo ma꞉nda꞉ta꞉ mo oloda pa꞉ta꞉ hao epea꞉me. Ipikana꞉ma꞉ mo ne wopu hake kaiya miniki haya꞉ enisolo pa꞉ta꞉ anekema꞉ alota꞉ Naka꞉ kaiyama꞉ mo waini puna꞉ kilikimanu honda꞉ poka꞉e. Pa ekipeke mo kiliki manuta꞉ pota꞉leke loa꞉me lea꞉me.