1 Pida 3:8 - Panake Pi La: Ula: Buka pita: Kine Pieke Buka

⁸ Ya paeyaaso pita꞉ dupa alome. Iki paeyaoma꞉ hau paeyao pa꞉ta꞉ homeke hone wia a꞉ta꞉ma꞉ homa꞉ alualu pu hapa꞉peke. Iki homeke homeke paeyaoma꞉ nikita꞉ yankeke homeke hone witolo hata꞉ta꞉ pukima꞉ homa꞉ alualu pea make epeke hau pu alualu pea make homu pu alualu pea hapa꞉peke.

1 Pida 3:8 Mawu Ofanana

Ma꞉tiu 18:33

Kota꞉ I̱ma꞉ neke pa꞉ta꞉ pa a꞉ta꞉ma꞉ homoa꞉ tupa꞉ nakana꞉ma꞉ naka꞉ e mandake pokaepe some pa꞉ta꞉ make koto tupa꞉ kone a꞉ta꞉ma꞉ homa꞉peke alee laata꞉

Luku 10:33

Pate Sametia hali ma꞉nda꞉ koto pota꞉na꞉ a꞉paata꞉ mo hali hando haota꞉ ipika꞉ pukima꞉ a꞉ta꞉ma꞉ homeekeme.

Aposolo 2:1

Mo hande Pendikosi nate epeeke dina꞉ta꞉ mo pi mimiki wanda꞉hali paeyao homeke alena꞉ momba꞉la haemekeme.

Aposolo 27:3

Da kelepeeke handa mo Saidoni da opolo poma꞉me. Kutupa Diuliusima꞉ Polo pa꞉ta꞉ a꞉ta꞉ma꞉ homolo hata꞉ ipika꞉ yankeke titima꞉ handeteke haena꞉yeke handolo pena꞉ lea꞉me.

Aposolo 28:7

Koto alena꞉ tekepa꞉ta꞉ mo hokina꞉ haeme wanda꞉halina꞉ hamoko tumiki hali Pubiliusita꞉ ipika꞉ emanu pokea꞉me. Ipikana꞉ma꞉ niki handa꞉ mea nate tepona꞉ ipika꞉ da pa꞉ta꞉ niki handeteke haya꞉me.

Aposolo 4:32

Kutupa mo hande pi mimiki wanda꞉hali paeyaoma꞉ hone homeke hau homeke wia haemekeme. Kutupa hali ma꞉nda꞉ma꞉ ipika꞉ wieke ala꞉ta꞉ ala꞉ta꞉ ota꞉ yakaeki homekee lapeke na yekeme. Homekema꞉ wieke ala꞉ta꞉ pea꞉na꞉eki yekeme.

Loma꞉ 12:10

Ikana꞉ma꞉ ika꞉ Ketiso kametiti ame̱le̱ ika꞉ kone pukima꞉ homa alualu pea hapa꞉peke. Kutupa ika꞉ ika꞉ kone lu mina꞉nia alualu puluekema꞉ taapo hapa꞉peke.

Loma꞉ 15:5

Kutupa hande niki sutia tia pea handeteke hamono ala꞉ Koda꞉ma꞉ta꞉ ikana꞉ma꞉ Yesu Ketisoma꞉ pu hayekeeki telia꞉ mea pulu hata꞉ ika꞉ ika꞉ kone hone homeke u hamina꞉ lea꞉ka꞉na꞉ta꞉ epelieke.

1 Kotindi 1:10

Kametonuo. Nika꞉ Tekehali Yesu Ketisona꞉ bikina꞉ ikana꞉ma꞉ do haumanu puemena꞉ do honke alome. Ka꞉ta꞉ alualu pea na hake pi homekena꞉ kake mandakena꞉ wia hapa꞉peke. Kutupa make homeke hone wiata꞉ homeke hau puluekema꞉ iki paeyao ota꞉ tunao hapa꞉peke.

1 Kotindi 12:26

Koto ekina꞉ mo lokena꞉ tunaala꞉ ale homekema꞉ tanda mia꞉ka꞉na꞉ta꞉ kota꞉ mo tunaala꞉ mandane alemanu paeyaoma꞉ make mandakena꞉ tandama꞉ homilimikie. Kutupa ma꞉nda꞉ma꞉ mo lokena꞉ tunaala꞉ ale homeke a꞉nda꞉na꞉ biki yeiya꞉ lea꞉ka꞉na꞉ta꞉ kota꞉ mo lokena꞉ tunaala꞉ mandane alemanu paeyaoma꞉ta꞉ mandakena꞉ ta꞉na꞉ma꞉ homilimikie.

Epesese 4:2

Homu pea yopu hata꞉ta꞉ hoto paeyao handeteke hatiki pea꞉pa꞉peke. Ika꞉ kone tamba꞉ mu alu alu pilimi ekima꞉ta꞉ ika꞉ pukima꞉ homelemeeki peneme yao wala꞉pa꞉peke.

Epesese 4:31

Ikana꞉ma꞉ honema꞉ yawa꞉la꞉eki make titipu pikieki kuta kone a꞉mina꞉la꞉eki make mineke panka꞉la꞉eki make tandapiki pi alemeeki make pi la la pitelemeeki make do hande hoke hone witeleme ekimanu paeyo baota꞉

Epesese 4:32

iki paeyao homu pea hata꞉ ika꞉ kone pukima꞉ homa꞉ alu alu peata꞉ Koda꞉ma꞉ta꞉ Ketisoma꞉ peaala꞉ ekina꞉ hone witolo hata꞉ ika꞉ hoke haumanu pa paeyaala꞉ ekina꞉ ikana꞉ma꞉ make ika꞉eki kone pa peaa alu alu pea꞉pa꞉peke.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

Pilipai 3:16

Eki hau puma꞉ka꞉na꞉ta꞉ mo amba꞉ mea putia epoma꞉ hau tupa꞉ kone ame do ane make koto hau tupa꞉ kone pua꞉tiki pomana꞉e.

Kolosi 3:12

Ikita꞉ Koda꞉na꞉ wanda꞉halie. Iki pa꞉ta꞉ pukima꞉ homolo hata꞉ ipika꞉eki hamina꞉ ma̱leke lila꞉me. Koto ekina꞉ta꞉ ikana꞉ma꞉ta꞉ dupiki hau manuta꞉ dau leke yama꞉pa꞉peke. Pukima꞉ a꞉ta꞉ma꞉ homa꞉la꞉eki make yankeke pa꞉ta꞉ a꞉ta꞉ma꞉ homolo tamba꞉ mina꞉la꞉eki make kimelema꞉ homa꞉la꞉eki make homu pea hala꞉eki make homu pea yu wia hala꞉eki paeyaoma꞉ loa꞉me.

Hibulu 13:1

Ketiso tapakema꞉ ika꞉ Ketiso yankeke tonu ame̱le̱ pukima꞉ homa꞉ alualu pu hapa꞉peke.

Dia꞉mesi 2:13

Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homa꞉la꞉eki na pu haya꞉ka꞉na꞉ta꞉ wetepe mo hande pi yokaalu pulu pa꞉la꞉ teke halima꞉ mo hau pilie hali pa꞉ta꞉ make a꞉ta꞉ma꞉ na homilieke. Kutu piliepate mo a꞉ta꞉ma꞉ homa꞉la꞉ ekima꞉ta꞉ ipikana꞉ma꞉ panisi pealo pa꞉la꞉ ekita꞉ bepolalieke.

Dia꞉mesi 3:17

Kutu pita꞉la꞉pateta꞉ oli ya nanema꞉ ipula꞉ hone epekeeki dupae. Titina꞉ amba꞉la kipabaake hone wita꞉la꞉ekie. Kutupa make puki lopa꞉niao pila꞉eki make yopu hala꞉eki make homu pea hala꞉eki make a꞉ta꞉ma꞉ wopu homolo hata꞉ epeke haumanu pita꞉la꞉eki make paeyao ya nanema꞉ ipula꞉pateta꞉ honditi pita꞉la꞉eki make yayapiki hau pita꞉la꞉eki make apa꞉tao na ipula꞉me.

Dia꞉mesi 5:11

Kutupa mo hande puki hana꞉ noka꞉pa haemeke haliweki pa꞉ta꞉ nikana꞉ma꞉ta꞉ Koda꞉ma꞉ mo haliweki amba꞉ epeaala꞉me lo haloma꞉eki hone wia꞉pa꞉peke. Hande Tekehalima꞉ honkopu hao handeteke hayekeeki make mo paelo pieke dina꞉ Koda꞉ma꞉ ipiki epeaeyekeeki make amba꞉ opuelememe. Tekehalima꞉ niki pa꞉ta꞉ a꞉ta꞉ma꞉ homa꞉la꞉eki make hone wopu wita꞉la꞉eki make amba꞉ handelememe.

1 Pida 1:22

Koda꞉na꞉ ota꞉ pi opua pu haleme ekima꞉ta꞉ ika꞉ temoko yako pina꞉ lelememe. Ame ika꞉ Ketiso yankeke ota꞉ pukima꞉ homa halememe. Koto pelemepate ika꞉ puki paeyaoma꞉ pukima꞉ ota꞉ homa꞉ alualu pu hapa꞉peke.

1 Pida 2:17

Wanda꞉hali paeyao pa꞉ta꞉ epeke hone u ika꞉ Ketiso yankeke tonu pa꞉ta꞉ pukima꞉ homo kutupa Koda꞉ pa꞉ta꞉ paala꞉ma꞉ homo kutupa mo Kini you hali pa꞉ta꞉ make epeke hone u hapa꞉peke.

1 Pida 5:5

Koto mandake tupa꞉ kone iki panake panake haliwekima꞉ make mo keileke haliweki pa꞉ta꞉ homu pea hao hapa꞉peke. Kutu pa꞉ta꞉ iki paeyaoma꞉ homu pea ha alualu pita꞉la꞉ hau manuta꞉ ika꞉ aka꞉ leke yama hao hapa꞉peke. Kota꞉ Baiboloma꞉ alota꞉ Koda꞉ma꞉ mo hakoko lita꞉la꞉ wanda꞉halita꞉ kiao hala꞉pate mo homu pea hala꞉ wanda꞉hali pa꞉ta꞉ ipika꞉ a꞉ta꞉ma꞉ homa tamba꞉ mina꞉la꞉eki halo hala꞉me.

2 Pida 1:7

Kutupa ika꞉ Koda꞉na꞉ hau leke piteleme hau pa꞉ta꞉ta꞉ kame pa꞉ta꞉ ta꞉na꞉ma꞉ homelemeeki apa꞉taapa꞉peke. Kutupa kame pa꞉ta꞉ ta꞉na꞉ma꞉ homeleme hau pa꞉ta꞉ta꞉ ma꞉nda꞉ pa꞉ta꞉ pukima꞉ homelemeeki apa꞉taapa꞉peke.

1 Dioni 3:14

Mo homa꞉la꞉eki mina꞉pa꞉lao da꞉ta꞉la꞉eki pa꞉ta꞉ epoloma꞉ ekita꞉ nika꞉ hone uluma꞉me. Koto mo nikana꞉ma꞉ nika꞉ kametonu pa꞉ta꞉ pukima꞉ homo haloma꞉ ekita꞉ hone ulume laa loa꞉me. Ma꞉nda꞉ epima꞉ pukima꞉ na homea꞉ka꞉na꞉ta꞉ ipikita꞉ mo homa꞉la꞉ ekina꞉ honkopu oto pa꞉ta꞉ paa hala꞉me.