1 Pida 2:1 - Panake Pi La: Ula: Buka pita: Kine Pieke Buka

¹ Hoke hau paeyao baapa꞉peke. Yayapiki pi na lo makeaasa꞉ hau na pu ma꞉nda꞉na꞉ epeke hau pita꞉la꞉eki handa꞉peke yeke honditi pita꞉la꞉ hau na pu kutupa make kake neli pita꞉la꞉ pi na lapa꞉peke.

1 Pida 2:1 Mawu Ofanana

Ma꞉tiu 15:7

Ikita꞉ ota꞉ makeaaso hau pu haleme some hombo ya꞉ka꞉ta꞉me. Hande Aisayama꞉ ikina꞉ la꞉ witolo hata꞉ leekeeki ota꞉ pi la꞉ wia꞉ka꞉ta꞉me.

Ma꞉tiu 23:28

Koto hali lapa꞉da tupa꞉ta꞉ wanda꞉halina꞉ leke popelekena꞉ ika꞉ lokema꞉ piteme hau manuta꞉ ota꞉ epeke hau pu hala꞉ haliweki leke halemepate oni tukiki pa꞉ta꞉ta꞉ makea makea hau make hoke hoke hau manuma꞉ make tumbulu baalememe.

Ma꞉tiu 24:51

Epia꞉ka꞉na꞉ta꞉ kota꞉ mo you halima꞉ koto some mea ota꞉ hoeyaaso hata꞉ mo hande makeaasa꞉ haliweki mea tapaaleke pua haleme pa꞉ta꞉ ipiki make mea lopaalieke. Koto pa꞉ta꞉ hata꞉ta꞉ ikana꞉ma꞉ e̱ tieke laa kake lenkene latiki pu halimikie.

Ma꞉tiu 7:5

Aa yapi pi miki some. Titina꞉ mo naka꞉ leke ula꞉ ti taka꞉la꞉pake kiake amba꞉la mea baeka꞉na꞉ta꞉ kota꞉ mo naka꞉ kamena꞉ leke pa꞉ta꞉ ula꞉ dokolo siki mea waluekema꞉ta꞉ epeke handilipikie.

Maka 12:15

Koto lemeketa꞉ Yesuma꞉ ika꞉ kekeke haemekeeki handolo hata꞉ alota꞉ Ikana꞉ma꞉ ya anke ekipeke yola꞉lemepe leekeme. Toopi poeke homeke handono mea ipupe leekeme.

Luku 11:44

Ika꞉ hoke yenki tiekena꞉ I̱ paala꞉e. Ikita꞉ wanda꞉halima꞉ mo patehau na pa꞉la꞉ hali lapa꞉ma꞉ handeke nono pelemeke handa tumbao pomu haleme haliwekima꞉ lapa꞉ma꞉ handelememe leekeme.

Luku 12:1

Wanda꞉hali pisetekema꞉ ika꞉ ika꞉ kone lu tumbapeke nono pea mombololo haena꞉ Yesuma꞉ ipika꞉ disaipolo haliweki pa꞉ta꞉ amba꞉la alota꞉ Ikana꞉ma꞉ mo Pa꞉tisi haliwekina꞉ palaowa pombeiyaasa꞉ ale yisiti wotu handeteke hapa꞉peke. Doeki alo ekita꞉ ika꞉ yayapiki makeaaso hauna꞉ loa꞉me.

Luku 6:42

Mo ti taka꞉la꞉pake tieke naka꞉ leke pa꞉ta꞉ pa wina꞉ alo hata꞉ta꞉ ekipa naka꞉ kame pa꞉ta꞉ta꞉ Naka꞉ leke ula꞉ dokolo siki meanoe lelipikipe. Aa. Makeaasa꞉ hau pu hala꞉ someo. Titina꞉ mo naka꞉ leke pa꞉ta꞉ ula꞉ ti taka꞉la꞉pake kiake amba꞉la꞉ mea baeka꞉na꞉ta꞉ kota꞉ mo naka꞉ kamena꞉ leke pa꞉ta꞉ ula꞉ dokolo siki meawaluekema꞉ta꞉ epeke handilipikie leekeme.

Dioni 1:47

Nada꞉niele Yesu pa꞉ta꞉ ipulu haena꞉ kone Yesuma꞉ handa Nada꞉nielena꞉ pita꞉la꞉ ekita꞉ dupae laa ma꞉nda꞉ pa꞉ta꞉ la halolo alota꞉ Do halita꞉ ota꞉ Isulai halie laa ipiki pa꞉ta꞉ yayapiki hau ma꞉nda꞉ na ula꞉me leekeme.

Loma꞉ 1:29

Koto wanda꞉halita꞉ hoke hau manuma꞉ make pasa꞉tei hau manuma꞉ make ma꞉nda꞉ pa꞉ta꞉ hokeeki puluekema꞉ hone witelemeeki manuma꞉ make ta꞉ta꞉ ta꞉ta꞉ pikieki manuma꞉ tumbulu bao halememe. Soka꞉la꞉ pita꞉la꞉ ekima꞉ make hali luekema꞉ pita꞉la꞉ ekima꞉ make a꞉nda꞉ lita꞉la꞉ ekima꞉ make yayapiki hau pita꞉la꞉ ekima꞉ make ma꞉nda꞉ pa꞉ta꞉ hoke hone wita꞉la꞉ ekima꞉ make tumbulu bao hata꞉ pa pimanu la꞉tiki pu halo hata꞉

1 Kotindi 14:20

Kametitio. Ikana꞉ma꞉ wekisunuma꞉ witeleme hone leke wia na hapa꞉peke. Hoke hau pita꞉la꞉ ekina꞉ta꞉ wekisunu leke hapeke ya꞉la꞉pate pa ika꞉ hone witeleme ekina꞉ta꞉ keileke wanda꞉hali hata꞉ witeleme hone leke wia꞉pa꞉peke.

1 Kotindi 5:8

Koto ekina꞉ nikana꞉ma꞉ hande nika꞉ Lombei Pupa Yapeeke ekina꞉ ne pambuluekema꞉ hande amba꞉ pombei yaala꞉ hoke hau pita꞉la꞉ ekimanu pita꞉ hoeyaapeke ekimanu yaapona꞉ yisiti ula꞉ palaowa na mumana꞉ pea꞉pa꞉peke. Pate mo hande na pombei yaake palaowa mumana꞉ pea꞉pa꞉peke aleo. Koto palaowata꞉ ota꞉eki yalo hokeeki taapuna꞉ dia꞉me.

2 Kotindi 12:20

I̱ koto pa꞉ta꞉ opolo epoa꞉ka꞉na꞉ta꞉ ikita꞉ dupiki wanda꞉hali a꞉pa handulueke hone wia ipulua꞉pate pa ikita꞉ ta꞉ta꞉piki wanda꞉hali handulueke laa I̱ta꞉ paala꞉ pita꞉la꞉me. Kutupa make ikana꞉ma꞉ I̱ta꞉ dupiki some handulumeke hone wilimipate I̱ta꞉ pa ta꞉ta꞉ piki some handilimikie. I̱ paala꞉ pita꞉la꞉ ekita꞉ iki tukiki pa꞉ta꞉ta꞉ ape ala꞉ haumanu make ne tunkula꞉la꞉ haumanu make mineke tieke panka꞉la꞉ haumanu make pasa꞉tei pita꞉la꞉ haumanu make yaala꞉ peake haumanu make la la piki pimanu make manda꞉ meaasa꞉ haumanu make mamataasa꞉ haumanu make paeyao handa꞉ ulueke.

Epesese 4:31

Ikana꞉ma꞉ honema꞉ yawa꞉la꞉eki make titipu pikieki kuta kone a꞉mina꞉la꞉eki make mineke panka꞉la꞉eki make tandapiki pi alemeeki make pi la la pitelemeeki make do hande hoke hone witeleme ekimanu paeyo baota꞉

1 Desalonaika 2:3

Nikana꞉ma꞉ a꞉pa aloma꞉ pita꞉ wanda꞉hali hoeyao pamba꞉ na piki hau ma꞉nda꞉ puluekema꞉ kutu pitolo hata꞉ wanda꞉hali makealuekema꞉ na epoma꞉me.

1 Timodi 3:11

Koto haliwekina꞉ wanda꞉wekima꞉ make ika꞉ta꞉ epeke hone manuma꞉ tekele tekele pea hata꞉ pi la la na piki wanda꞉weki halimikie. Epeke hone wia hoto paeyao ika꞉ hau pita꞉ pi yaapoma꞉ ota꞉ hau homeke pu hapeke yeke wanda꞉weki halimikie.

Taitasi 2:3

Mo keileke wanda꞉weki pa꞉ta꞉ make koto tupa꞉ kone alota꞉ Iki make yako piki wanda꞉weki hapeke ya꞉la꞉ tupa꞉ hapa꞉peke la alota꞉ mo hande keileke wanda꞉weki pa꞉ta꞉ ikana꞉ma꞉ laasa꞉ hau na pu make mo waini ikalima꞉ ika꞉ hone hoeyaama꞉na꞉ wopu na neke hata꞉ make ikana꞉ma꞉ mo panake wanda꞉weki pa꞉ta꞉ epeke hau pita꞉la꞉ ekimanu wala꞉ tiaapa꞉peke la wala꞉peke.

Hibulu 12:1

Mo hande amba꞉ haeme wanda꞉halita꞉ ameta꞉ niki hopa꞉liao koa leke haleme ekima꞉ta꞉ ika꞉ hone tulaemekeeki niminaa tiaasememe. Kutu peleke handaata꞉ do ame haloma꞉ wanda꞉hali nikita꞉ pa eki pumana꞉pe. Do haumanu pumana꞉e. Mo niki miniki hata꞉ me̱i̱me̱i̱ liaasa꞉ alemanu paeyao make pa mo ta̱la꞉ pelia hasa꞉ hoke haumanu paeyao londa꞉la꞉ mipi bao pomana꞉e. Kutaata꞉ mo Koda꞉ma꞉ peomono yeke telipala꞉ a̱i̱ya꞉ pula꞉ hauna꞉ta꞉ nika꞉ puki hana꞉ noka꞉pa hao hamana꞉e.

Dia꞉mesi 1:21

Koto ekina꞉ keke loluekema꞉ hoke hone wita꞉la꞉ haumanu paeyao make daeyatia pulu hata꞉ hoke hau pita꞉la꞉ ekimanu paeyao make ota꞉ mina꞉pa꞉laota꞉ kutupa Koda꞉ pa꞉ta꞉ homu pea hata꞉ neke mea da꞉taapeke ya꞉la꞉ pi alemanu ipikana꞉ma꞉ ika꞉ puki pa꞉ta꞉ noka꞉paeya꞉ka꞉na꞉ta꞉ ota꞉ mea mendia꞉pa꞉peke.

Dia꞉mesi 3:14

Kutu piliepate honditi wotu pita꞉la꞉eki make pasa꞉tei hau puluekema꞉ taapa꞉la꞉eki make ika꞉ puki pa꞉ta꞉ pitaemeka꞉na꞉ta꞉ kota꞉ ika꞉ pi ika꞉ kone na laake yayapiki hau na pea꞉pa꞉peke.

Dia꞉mesi 4:11

Ya kametitio. Ikana꞉ma꞉ ika꞉ kame ma꞉nda꞉ pa꞉ta꞉ hoke hone witolo hata꞉ la la pita꞉la꞉ pi na lapa꞉peke. Hali epima꞉ ipika꞉ kame pa꞉ta꞉ hoke hone witolo hata꞉ pi lao pi yokaalu pita꞉la꞉ halima꞉ handa haya꞉ka꞉na꞉ta꞉ mo hali homeke pa꞉ta꞉ na pita꞉la꞉pate mo hande Lo pimanu pa꞉ta꞉ kone pita꞉la꞉me. Nakana꞉ma꞉ kutu pika꞉na꞉ta꞉ mo hande Lo Pimanu hone na wiki neketa꞉ mo Lo Pi manuna꞉ pi yokaalu pitele hali halipikie.

Dia꞉mesi 4:5

Hande Baibolo bukana꞉ wape pa꞉la꞉ ekita꞉ paekie hone witelemepe dupae. Hande Koda꞉ma꞉ niki loke tukiki pa꞉ta꞉ pitaala꞉ temokoma꞉ta꞉ ipika꞉ hone pa꞉la꞉eki puluekema꞉ wotu taapilieke wape pa꞉la꞉me.

Dia꞉mesi 5:9

Kametitio. Koda꞉ma꞉ iki pa꞉ta꞉ pi yokaalu peaapa꞉na꞉ ika꞉ kone pi la alualu na pea꞉pa꞉peke. Opua꞉pe. Hande pi yokaalu pulu pa꞉la꞉ hali Koda꞉ta꞉ pota꞉ kake pa꞉ta꞉ kone a꞉pa hala꞉me.

1 Pida 2:16

Ka꞉la꞉pa hala꞉ haliweki leke hapa꞉peke. Iki ka꞉la꞉pa haleme ekima꞉ta꞉ hoke haumanu a꞉mbaena꞉ dia꞉ya꞉la꞉pate ikita꞉ Koda꞉na꞉ pa hameke e pokaaseme wanda꞉hali hapa꞉peke.

1 Pida 2:22

Yesuma꞉ta꞉ hoke haumanu paeyao na piekeme. Kutupa ipika꞉ kake hambilikima꞉ yayapiki pi na leekeme. Wanda꞉hali paeyao ma꞉nda꞉ma꞉ a꞉nda꞉ ota꞉ na opimikime.

1 Pida 3:10

Kota꞉ Baiboloma꞉ la꞉la꞉ ekita꞉ Epima꞉ ta꞉na꞉ma꞉ homa꞉la꞉eki make epeke tupa꞉ hao hala꞉eki make handuluekema꞉ hone pia꞉ka꞉na꞉ta꞉ kota꞉ ipikana꞉ma꞉ ipika꞉ lo hala꞉ hoke hoke pi make yayapiki pi make mina꞉pa꞉laena꞉e.

1 Pida 4:2

Koto ekina꞉ ame do aneta꞉ ikana꞉ma꞉ do kenkena꞉ hata꞉ ika꞉ hone tiaaseme ekima꞉ iki na handeteke haena꞉ leketa꞉ Koda꞉na꞉ hone pa꞉la꞉ ekima꞉ iki handeteke haena꞉ lo hapa꞉peke.

1 Pida 4:4

Kutupa mo pi na opiki pa haleme wanda꞉halima꞉ta꞉ ame do ikana꞉ma꞉ iki ame̱le̱ mandakena꞉ mo hande siaka꞉ haumanu apa꞉tao na pu haleme ekina꞉ta꞉ penkilipaata꞉ iki hoke tupa꞉ laalememe.

Peneme Yaeyekeeki 14:5

Ma꞉nda꞉ma꞉ ikita꞉ yayapiki pi lelemeeki na opua make ala꞉ta꞉ ma꞉nda꞉ ata꞉ka꞉ na pealeme haliwekie.