1 Pida 1:8 - Panake Pi La: Ula: Buka pita: Kine Pieke Buka

^8-9 Ipikita꞉ lekema꞉ na handemepate kone ipiki pa꞉ta꞉ ikana꞉ma꞉ pukima꞉ homelememe. Ameta꞉ ipiki lekema꞉ na handelemepate kone ikana꞉ma꞉ ipiki pa꞉ta꞉ hone tulao halememe. Ika꞉ temokona꞉ pa꞉ta꞉ la꞉la꞉ ekina꞉ muluekema꞉ hone tulaememe. Kutupa ameta꞉ minelemeke handa ikana꞉ma꞉ ta꞉na꞉ma꞉ homa꞉la꞉eki paeyao lombei pu pa pua ota꞉ pima꞉ make lapeke na yeke ta꞉na꞉ homo halememe.

1 Pida 1:8 Mawu Ofanana

Ma꞉tiu 10:37

Ma꞉nda꞉ hali epima꞉ I̱ pa꞉ta꞉ puki wilia꞉pate pa ipika꞉ pukima꞉ homa꞉la꞉ ekita꞉ ipika꞉ apa꞉ ama꞉ pa꞉ta꞉ titina꞉ amba꞉la wia꞉ka꞉na꞉ta꞉ kota꞉ koto someta꞉ ya disaipolo hali haena꞉ lapeketa꞉ ana꞉ na pa꞉la꞉me. Hali epima꞉ I̱ pa꞉ta꞉ puki wilia꞉pate kone pa ipika꞉ pukima꞉ homa꞉la꞉ ekita꞉ titina꞉ amba꞉la ipika꞉ wekiwandiki pa꞉ta꞉ u haya꞉ka꞉na꞉ta꞉ kota꞉ koto someta꞉ ya disaipolo hali haena꞉ lapeketa꞉ ana꞉ na pa꞉la꞉me.

Dioni 14:15

I̱ pa꞉ta꞉ pukima꞉ homekena꞉ta꞉ yaka pi ula꞉ ekimanu opua pilimikie.

Dioni 14:21

Hali epima꞉ yaka pi ulu ekimanu opua pia꞉ka꞉na꞉ta꞉ kota꞉ koto halima꞉ I̱ pa꞉ta꞉ pukima꞉ homa꞉la꞉me. Kutupa I̱ pa꞉ta꞉ pukima꞉ homilie halita꞉ yaka Apa꞉ma꞉ ipiki pa꞉ta꞉ pukima꞉ homilieke. Kutupa make I̱ma꞉ ipiki pa꞉ta꞉ pukima꞉ homolo hata꞉ I̱ halo ekita꞉ peneme yaalueke laa leekeme.

Dioni 14:24

Pate hali epima꞉ I̱ pa꞉ta꞉ pukima꞉ na homea꞉ka꞉na꞉ta꞉ I̱ma꞉ alo pi manuta꞉ na opilieke. Ikana꞉ma꞉ do opueleme pita꞉ yakaeki dia꞉me pa I̱ tapaala꞉ hali yaka Apa꞉ pa꞉ta꞉ ipula꞉me leekeme.

Dioni 16:22

Iki make koto tupa꞉e. Ikita꞉ ame ka꞉nda꞉ma꞉ homelemepate I̱ma꞉ iki paa handulueke. Kutu pua꞉ka꞉na꞉ta꞉ ika꞉ pukima꞉ ta꞉na꞉ma꞉ homilimikie. Kutupa koto ika꞉ ta꞉na꞉ma꞉ homolo peleme ekita꞉ hali ma꞉nda꞉ma꞉ yokuluekema꞉ na bepolalieke.

Dioni 20:29

Yesuma꞉ ipiki pa꞉ta꞉ alota꞉ I̱ handele ekima꞉ pi opitele laa I̱ na handeke hata꞉ kone pi mineleme wanda꞉halima꞉ ta꞉na꞉ma꞉ homa halimikie leekeme.

Dioni 8:42

Yesuma꞉ iki pa꞉ta꞉ alota꞉ Koda꞉ta꞉ ika꞉ Apa꞉ haya꞉ka꞉na꞉ yoluta꞉ I̱ pa꞉ta꞉ pukima꞉ homolo pimime. I̱ta꞉ Koda꞉ pa꞉ta꞉ hao a꞉pa ame do halo ekina꞉ loa꞉me. Ya hone wia na epeke ipikana꞉ma꞉ I̱ tapaeyeke a꞉pa halo ekina꞉ loa꞉me.

Aposolo 16:34

Kutupa ipika꞉ da pa꞉ta꞉ mo hali yaapo hatuku a꞉pa ipilika꞉ ne haleekeme. Kutupa ipika꞉ weki wanda꞉ ame̱le̱ hata꞉ Koda꞉na꞉ pi mimiki ekina꞉ ta꞉na꞉ma꞉ wotu homemekeme.

Loma꞉ 14:17

Mo hande Koda꞉ ipika꞉ Kilu Tombuao Hala꞉ ekita꞉ kota꞉ ne ikali nala꞉ ekima꞉ na pa꞉la꞉me. Mo hande Holi Sipitidima꞉ kita꞉la꞉eki manuta꞉ tikitiki yao hala꞉eki puki lopa꞉niaasa꞉eki ta꞉na꞉ma꞉ homa꞉la꞉eki koto ekimanu kita꞉la꞉ ekima꞉ pa꞉la꞉me.

Loma꞉ 15:13

Mo hande ti lao haasa꞉ ekina꞉ teke hali Koda꞉ma꞉ta꞉ ikana꞉ma꞉ ipiki pa꞉ta꞉ hone tulaaseme ekina꞉ ta꞉na꞉ tiekema꞉ homelemeeki make puki lopa꞉niao halemeeki make iki pa꞉ta꞉ tumbao pitaeya꞉ka꞉na꞉ta꞉ epelieke. Kutupa ikana꞉ma꞉ ipikina꞉ ti lao hata꞉ hando haleme ekita꞉ mo Holi Sipitidina꞉ welema꞉ mea daeyatiki pina꞉ lea꞉ka꞉na꞉ta꞉ kota꞉ kotota꞉ epelieke.

1 Kotindi 16:22

Tekehali pa꞉ta꞉ pukima꞉ na homeke pa kiaasa꞉ hali epita꞉ ota꞉ hoeyaena꞉e. Nika꞉ Tekehalio. Epoe.

2 Kotindi 1:22

Koda꞉ma꞉ kone niki ma̱leke lila꞉me. Ipikana꞉ma꞉ ombu nikita꞉ ipika꞉ ekie laata꞉ ipika꞉ tombo niki pa꞉ta꞉ ula꞉me. Koda꞉ma꞉ mo niki pa꞉ta꞉ ka꞉la꞉ Holi Sipitidita꞉ ipika꞉ wetepena꞉ kulu pa꞉la꞉ ale paeyaona꞉ titina꞉ tombo ka꞉la꞉mee.

2 Kotindi 4:18

Nikana꞉ma꞉ta꞉ nika꞉ leke wia haloma꞉eki manuta꞉ mo lekema꞉ handa꞉peke ale manuna꞉ dia꞉ya꞉la꞉pate pa mo lekema꞉ na handa꞉peke ya꞉la꞉ ale manuna꞉ pu haloma꞉me. Mo lekema꞉ handa꞉peke ale manuta꞉ nate leke hosiki sikina꞉ ulu pa꞉la꞉pate pa mo lekema꞉ na handa꞉peke ya꞉la꞉ ale manuta꞉ hoto paeyao ota꞉ pa u halieke.

2 Kotindi 5:7

Pa ekipeke nika꞉ da꞉ta꞉la꞉ ekita꞉ lekema꞉ handa꞉la꞉ ekima꞉ dia꞉ya꞉la꞉pate hone tulaasa꞉ ekima꞉ homekee.

2 Kotindi 9:15

Niki paeyaoma꞉ Koda꞉ ipika꞉ ota꞉ au lapeke na yeke pa kita꞉la꞉ ekina꞉ ipiki pa꞉ta꞉ keiyae lomana꞉e.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Epesese 3:19

Ketiso ipika꞉ pukima꞉ homa꞉la꞉ ekita꞉ hando paeyaapeke na ya꞉la꞉eki kone ikana꞉ma꞉ handemeka꞉na꞉ta꞉ epelieke. Kutupa mo hande epeke epeke ale paeyao Koda꞉ ipiki pa꞉ta꞉ tumbulu bao hala꞉eki kone iki pa꞉ta꞉ make tumbulu bao halieke.

Epesese 6:24

Kutupa Tekehali Yesu Ketiso pa꞉ta꞉ hoto paeyao pukima꞉ homo haleme wanda꞉hali pa꞉ta꞉ Koda꞉ma꞉ ipika꞉ pa a꞉ta꞉ma꞉ homa꞉la꞉eki kia꞉ka꞉na꞉ta꞉ epelieke.

Pilipai 1:25

I̱ma꞉ ota꞉ koto hone witolo hata꞉ pa hao halueke hone witolome. Ika꞉ Koda꞉ pa꞉ta꞉ ta꞉na꞉ma꞉ homo hone tulaalemeeki daeyao honkopu hao hamena꞉ tamba꞉ muluekema꞉ I̱ta꞉ iki ame̱le̱ paa halueke.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Pilipai 4:4

Ika꞉ Tekehali pa꞉ta꞉ haleme ekina꞉ta꞉ hoto paeyao ta꞉na꞉ma꞉ homu hapa꞉peke. Paa make alome. Ta꞉na꞉ma꞉ homu hapa꞉peke.

Hibulu 11:1

Mo hone tulaaluekema꞉ pita꞉la꞉eki manuta꞉ dupae. Hali homekema꞉ mo mulueke hone wita꞉la꞉ ekita꞉ ipika꞉ hone tukiki pa꞉ta꞉ ota꞉ mea miniki hata꞉ make ipika꞉ lekema꞉ handa꞉peke na ya꞉la꞉ ale manuta꞉ honema꞉ hone witolota꞉ ota꞉ ula꞉me alo hata꞉ ipika꞉ hone tulao handeteke hala꞉me.

Hibulu 11:27

Mosesima꞉ ipika꞉ hone tulao hayeke ekima꞉ta꞉ mo kini halina꞉ mineke pankekeeki pa꞉ta꞉ paala꞉ma꞉ na homeke Idiepi kenke mina꞉pa꞉layekeme. Ipikana꞉ma꞉ mo handa꞉peke na yeke Koda꞉ handeke nono pea pa hone ma꞉nda꞉ na wiki da̱o̱la hayekeme.

1 Pida 1:6

Ameta꞉ tekipuleke laaseme haumanu make handolo hata꞉ hosikima꞉ ka꞉nda꞉ homo halemepate mo hande Koda꞉ma꞉ wiawala꞉ ale manuna꞉ ta꞉na꞉ma꞉ homo hapa꞉peke.

1 Pida 2:7

Iki hone tulaleme wanda꞉halima꞉ Ketisota꞉ ota꞉ a꞉pa꞉la꞉me hone u halemepate mo hone na tulaleme wanda꞉hali pa꞉ta꞉ta꞉ do la꞉la꞉me. Da a꞉eta꞉la꞉ haliwekima꞉ kiaemeke toopita꞉ wetepena꞉ tumiki toopi kone wiekeme.

1 Pida 5:4

Kutupa mo sipisipi ma꞉na꞉ handeteke hala꞉ Titina꞉ Hali opolo epea꞉ka꞉na꞉ta꞉ ipikana꞉ma꞉ iki pa꞉ta꞉ mo pa̱a̱ na alu pulu pa꞉la꞉ namba ota꞉ seliapo pikieki kia꞉ka꞉na꞉ milimikie.