1 Pida 1:6 - Panake Pi La: Ula: Buka pita: Kine Pieke Buka

⁶ Ameta꞉ tekipuleke laaseme haumanu make handolo hata꞉ hosikima꞉ ka꞉nda꞉ homo halemepate mo hande Koda꞉ma꞉ wiawala꞉ ale manuna꞉ ta꞉na꞉ma꞉ homo hapa꞉peke.

1 Pida 1:6 Mawu Ofanana

Ma꞉tiu 11:28

Mo ka꞉nda꞉piki alemanu tia pominolo hata꞉ soka꞉la꞉ma꞉ homa haleme wanda꞉hali paeyao iki pa꞉ta꞉ ya kulu polo hoto pita꞉la꞉ pa꞉ta꞉ ula꞉ma꞉ muemena꞉ I̱ pa꞉ta꞉ a꞉pa꞉peke.

Ma꞉tiu 26:37

Koto laata꞉ ipikana꞉ma꞉ Pida make Sepedina꞉ eiyeke yaapo iki tepo hoeya꞉ nane hatuku peekeme. Kutu polo hata꞉ta꞉ ipika꞉ pukima꞉ tanda tieke minolo hata꞉ ka꞉nda꞉ tiekema꞉ homeekeme.

Ma꞉tiu 5:12

pa pina꞉ma꞉ ikana꞉ma꞉ta꞉ pa epeke puki haaso hata꞉ ta꞉na꞉ma꞉ homo hapa꞉peke. Pa ekipeke. Ika꞉ mulu peleme yenki tieketa꞉ oli hepeni nane wiawala꞉me. Do iki pa꞉ta꞉ kita꞉la꞉ tanda tupa꞉ kone mo hande amba꞉ haemeke potopede haliweki pa꞉ta꞉ make tanda halo haemekeme.

Luku 1:47

I̱ Mea Da꞉taasa꞉ Hali Koda꞉ma꞉ta꞉ I̱ta꞉ ipika꞉ e pokaaso wanda꞉siki pa꞉ta꞉ kone hone ula꞉ ekina꞉ yaka temokoma꞉ta꞉ ta꞉na꞉ma꞉ homa꞉la꞉me.

Luku 10:20

Koto pa꞉la꞉ma꞉ mo hoke temoko manuma꞉ ika꞉ pi opua pilia꞉eki pa꞉ta꞉ ta꞉na꞉ma꞉ na homa꞉pa꞉peke. Pate ika꞉ bikita꞉ amba꞉ hepeni nane wape pea ula꞉ma꞉ ta꞉na꞉ma꞉ homa꞉pa꞉peke leekeme.

Luku 2:10

mo enisoloma꞉ iki pa꞉ta꞉ alota꞉ Paala꞉ma꞉ na homa꞉pepee. Iki pa꞉ta꞉ epeke pi seliapo loluekema꞉ epolome. Koto ekima꞉ta꞉ wanda꞉hali paeyao ta꞉na꞉ma꞉ homaalieke.

Dioni 16:22

Iki make koto tupa꞉e. Ikita꞉ ame ka꞉nda꞉ma꞉ homelemepate I̱ma꞉ iki paa handulueke. Kutu pua꞉ka꞉na꞉ta꞉ ika꞉ pukima꞉ ta꞉na꞉ma꞉ homilimikie. Kutupa koto ika꞉ ta꞉na꞉ma꞉ homolo peleme ekita꞉ hali ma꞉nda꞉ma꞉ yokuluekema꞉ na bepolalieke.

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

Aposolo 14:22

Ketiso wanda꞉hali honkopu haena꞉ alo hata꞉ pi walolo alota꞉ Pi wotu miniki hao hapa꞉pekealeo laata꞉ Nikita꞉ ka꞉nda꞉ma꞉ homa꞉la꞉eki wotu meata꞉ Koda꞉ ipika꞉ Kilu Tombuao Hala꞉ ekina꞉ honda꞉ pambulumeke lepekeme.

Loma꞉ 12:12

Tekehalima꞉ pulu pa꞉la꞉ ekina꞉ handeteke hata꞉ ta꞉na꞉ma꞉ homa hapa꞉peke. Ka꞉nda꞉piki haumanu iki pa꞉ta꞉ epea꞉ka꞉na꞉ta꞉ kota꞉ honkopu hao hata꞉ handeteke hapa꞉peke. Hoto paeyao yeni pea꞉tiki pu hapa꞉peke.

Loma꞉ 5:11

Koto hau homeke dia꞉me. Nika꞉ Tekehali Yesu Ketisoma꞉ nikita꞉ Koda꞉ ipika꞉ yankekesunu hamono la꞉la꞉ ekina꞉ Koda꞉ pa꞉ta꞉ ta꞉na꞉ma꞉ homo haloma꞉me.

Loma꞉ 5:2

Nikana꞉ma꞉ Yesu Ketiso pa꞉ta꞉ hone tulaaloma꞉ ekina꞉ ipikana꞉ma꞉ Koda꞉ma꞉ niki pa꞉ta꞉ pa hameke a꞉ta꞉ma꞉ homa꞉la꞉eki handomono la꞉la꞉me. Kutupa ameta꞉ koto tupa꞉ haloma꞉me. Koto ekina꞉ Koda꞉ma꞉ ipika꞉ pa̱a̱ pa꞉la꞉eki niki pa꞉ta꞉ teli teli peaalo pa꞉la꞉eki hone ti lao hata꞉ ta꞉na꞉ma꞉ homa haloma꞉me.

Loma꞉ 9:2

I̱ma꞉ta꞉ yaka wanda꞉hali ota꞉ yaka Diu tapake wanda꞉hali pa꞉ta꞉ hone witolo hata꞉ a꞉ta꞉ tieke pu hala꞉ ekima꞉ ya puki pa꞉ta꞉ tanda pia꞉tiki pu hala꞉me.

2 Kotindi 4:17

Kutupa do hosiki pa ta꞉ka꞉li minoloma꞉ ka꞉nda꞉ manuma꞉ta꞉ koto ka꞉nda꞉ ota꞉ lombeipiki pa u halopa꞉la꞉ seliapo piki pa̱a̱ mea ipilieke.

2 Kotindi 6:10

Nikita꞉ puki hoeyao halemepate hoto paeyao ta꞉na꞉ma꞉ homoloma꞉me. Nikita꞉ nate hali hake nono poloma꞉pate nikana꞉ma꞉ta꞉ mandane wanda꞉hali wopu hamoko haena꞉ aloma꞉me. Nikita꞉ ala꞉ta꞉ ma꞉nda꞉ na wia hake nono poloma꞉pate nikita꞉ ala꞉ta꞉ ala꞉ta꞉ paeyao ana꞉na꞉ kone wia haloma꞉me.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

Pilipai 2:26

Ipikana꞉ma꞉ iki a̱i̱ handuluekema꞉ hone wotu u hala꞉me. Kutupa ipiki yeni haasa꞉me pi opelemeeki opitolo hata꞉ ipikana꞉ma꞉ puki tandama꞉ homa꞉la꞉me.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Pilipai 4:4

Ika꞉ Tekehali pa꞉ta꞉ haleme ekina꞉ta꞉ hoto paeyao ta꞉na꞉ma꞉ homu hapa꞉peke. Paa make alome. Ta꞉na꞉ma꞉ homu hapa꞉peke.

1 Desalonaika 1:6

Nikana꞉ma꞉ puma꞉ hau make Tekehalina꞉ hau make ikana꞉ma꞉ telia꞉ mea ipulu hata꞉ pimime. Kutupa tanda tieke minolo hata꞉ kone hande Holi Sipitidima꞉ iki ta꞉na꞉ma꞉ homa tiaaso haena꞉ ikana꞉ma꞉ pi mimime.

Dia꞉mesi 1:2

Ya kametitio. Iki pa꞉ta꞉ la handa꞉la꞉eki ta꞉ta꞉ ta꞉ta꞉ pieke ekimanu epemeka꞉na꞉ta꞉ ta꞉na꞉ma꞉ homolo hata꞉ mea꞉pa꞉peke.

Dia꞉mesi 1:9

Mo natehali kamema꞉ Koda꞉ma꞉ ipiki mea a꞉meiyaasa꞉ ekina꞉ ta꞉na꞉ma꞉ homa꞉peke ya꞉la꞉me.

Dia꞉mesi 4:9

Ka꞉nda꞉ma꞉ homolo hata꞉ e̱ lapa꞉peke. Ika꞉ kitalemeeki topo pea e̱ lapa꞉peke. Ika꞉ ta꞉na꞉ma꞉ homelemeeki make topo pea ka꞉nda꞉ma꞉ homa꞉pa꞉peke.

1 Pida 3:17

Nika꞉ epeke hau puluma꞉ ekina꞉ ka꞉nda꞉ muluma꞉ ekita꞉ Koda꞉ma꞉ hone pa꞉la꞉ ekina꞉ ka꞉nda꞉ muma꞉ka꞉na꞉ta꞉ kota꞉ ana꞉ pa꞉la꞉pate nika꞉ hoke hau puluma꞉ ekina꞉ ka꞉nda꞉ muluma꞉ ekita꞉ kotota꞉ ana꞉ na pa꞉la꞉me.

1 Pida 4:7

Ala꞉ta꞉ ala꞉ta꞉ paeyaona꞉ paeyolo pa꞉la꞉ nateta꞉ nuna꞉ ya꞉la꞉me. Koda꞉ pa꞉ta꞉ yeni (ana꞉na꞉) puluekema꞉ leke leke lo hata꞉ ika꞉ hone wopu wia hapa꞉peke.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.