1 Pida 1:10 - Panake Pi La: Ula: Buka pita: Kine Pieke Buka

¹⁰ Mo pa꞉ta꞉ la꞉la꞉ ekina꞉ hone uluekema꞉ amba꞉ Koda꞉na꞉ pi la꞉ mea halao hayeke potopede haliwekima꞉ ekipape alo hata꞉ weiyu haemekeme. Kutupa Koda꞉ma꞉ iki pa꞉ta꞉ do pa hameke kulu pieke ekina꞉ mo potopede haliwekima꞉ la꞉ wimikime.

1 Pida 1:10 Mawu Ofanana

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Ma꞉tiu 13:17

I̱ma꞉ iki pa꞉ta꞉ ota꞉ pi alome. Amba꞉ haemeke potopede haliweki wopuma꞉ make mandane tikitiki piki haliweki wopuma꞉ make ikana꞉ma꞉ ame do handeleme haumanu handuluekema꞉ hone wopu pieke taapo haemekepate na handemekeme. Koto haliwekima꞉ta꞉ do opueleme pimanu make opuluekema꞉ hone wopu pieke taapo haemekepate na opimikime.

Ma꞉tiu 26:24

Koto pa꞉la꞉pate mo Wanda꞉halina꞉ Eiyeke pa꞉ta꞉ Baibolona꞉ wape pa꞉la꞉ tupa꞉ homilia꞉pate pa Wanda꞉halina꞉ Eiyeke mina꞉yeke a꞉nda꞉ lomba꞉la꞉ halita꞉ ota꞉ a꞉ta꞉ tiekee. Koto halita꞉ na mendia꞉ka꞉na꞉ yoluta꞉ epolo pia꞉me leekeme.

Luku 10:24

I̱ma꞉ iki pa꞉ta꞉ loa꞉ma꞉ mo amba꞉ potopede haliweki wopu make kini haliweki make ikana꞉ma꞉ handeleme alemanu handuluekema꞉ taapemekepate handa꞉peke na yaalo make ikana꞉ma꞉ opitelemeeki opuluekema꞉ pimikipate opua꞉peke ana꞉ na piekeme leekeme.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Dioni 5:39

Deto hala꞉eki handa꞉ uluekema꞉ ikana꞉ma꞉ mo hande Baibolo buka pimanu pa꞉ta꞉ teke weitelemepateta꞉ mo hande Baibolo buka pi manuma꞉ kone yaka pi lawaasa꞉me.

Dioni 7:52

Mo haliwekima꞉ ipiki lu pambaaso alota꞉ Neke make mo hande Ka꞉lili hali yekea. Mo Baibolo buka yata꞉pata꞉ mo Koda꞉na꞉ potopede hali ma꞉nda꞉ta꞉ oli Ka꞉lili nane hao epolo pa꞉la꞉eki na handilipikie lemekeme.

Aposolo 10:43

Mo hande potopede haliweki paeyaoma꞉ ipiki pa꞉ta꞉ lemeke ekita꞉ dupae. Hali epima꞉ ipika꞉ pi miniki haya꞉ka꞉na꞉ta꞉ kota꞉ ipika꞉ bikina꞉ mo hoke hau piekeeki pa tombuaasa꞉eki milieke lemekeme leekeme.

Aposolo 17:11

Mo da Diu haliwekima꞉ Desalonaika Diu haliwekima꞉ pimiki hau na piki pa epeke tupa꞉ hata꞉ homu pea mo hande pi opuaata꞉ Ota꞉ekipe la handuluekema꞉ mo Baibolo buka pa꞉ta꞉ yata꞉pa nate paeyao weiya꞉tiki pimikime.

Aposolo 28:23

Kutupa nate wiata꞉ ipika꞉ haya꞉ da pa꞉ta꞉ haliweki wopu pua mombelememe. Kutupa Poloma꞉ mo haliweki pa꞉ta꞉ mo hande Koda꞉na꞉ Kilu Tombuao Hala꞉ pimanu walo haya꞉eki da ka꞉la꞉paaso la pua timba꞉ laeya꞉me. Yesuna꞉ pi opua mina꞉yeke ipikana꞉ma꞉ hande Mosesina꞉ wape pa꞉la꞉ Lo Pimanu make mo potopede haliwekina꞉ wape pelemeeki pa꞉ta꞉ make laa walea꞉me.

Aposolo 7:52

Ika꞉ apa꞉mei amedama꞉ta꞉ potopede hali homeke pa꞉ta꞉ kone tanda na halemekepe. Hande Koda꞉ ipika꞉ tikitiki yao hala꞉ e pokaasa꞉ Hali epolo piekeeki la haleeke haliwekita꞉ Koda꞉ma꞉ tapaeyeke haliweki kone ika꞉ apa꞉mei amedama꞉ limikime. Ame make ikana꞉ma꞉ koto Hali a꞉nda꞉ lomba limime.

Hibulu 11:13

Do aloma꞉ titina꞉ haeme haliwekina꞉ Seta peaata꞉ iki paeyao hone tulaa paleke homemekeme. Ikana꞉ma꞉ mo hande Koda꞉na꞉ la꞉ wieke ekimanu na mimikipate pa papate yolo peeke handaa pa ika꞉ lekema꞉ homeke handaata꞉ mokoto ya꞉la꞉pate pila꞉mee laa ta꞉na꞉ma꞉ homeke homemekeme. Do kenkena꞉ koto tapakema꞉ alota꞉ Nika꞉ da teke do dia꞉ ya꞉la꞉pate nikita꞉ pa ta꞉ka꞉li haloma꞉me laa peneme yao lemekeme.

Hibulu 11:40

Koda꞉ma꞉ niki pa꞉ta꞉ make epeke hau ma꞉nda꞉ pealuekema꞉ hone pambao wiekeme. Koto pambao wieke honeta꞉ Koda꞉ma꞉ iki homeke dia꞉ yekepate pa niki tonka꞉na꞉ mandake epeaalueke laa hone piekeme.

1 Pida 1:11

Ketisona꞉ temokoma꞉ mo potopede haliweki tukiki pa꞉ta꞉ pita꞉ Ketiso ipika꞉ tanda mulu piekeeki make ipika꞉ pa̱a̱ma꞉ telimea epolo piekeeki make la꞉ wia waleeke pita꞉ma꞉ta꞉ ikana꞉ma꞉ koto hau manuta꞉ ekipa handima꞉ ipiliepe laa handuluekema꞉ weiyu taapo haemekeme.

1 Pida 1:13

Ika꞉ honema꞉ pea꞉peke hau hone hone u hapa꞉peke. Kutupa leke leke lo hapa꞉peke. Yesu Ketiso opolo epea꞉ka꞉na꞉ta꞉ iki pa꞉ta꞉ a꞉ta꞉ma꞉ homa tamba꞉ mina꞉la꞉eki kilieke. Kotoeki homekena꞉ ika꞉ hone ti lao hao hapa꞉peke.