1 Pida 1:1 - Panake Pi La: Ula: Buka pita: Kine Pieke Buka

¹ I̱ Pida Yesu Ketisona꞉ Aposoloma꞉ iki Koda꞉ma꞉ ma̱leke lia mea hala꞉ wanda꞉hali mo a꞉nda꞉ma꞉ ta꞉la꞉leke da yoka tankulupu mea pua iki ta Pondasi kenke o Ka꞉leisia kenke o Ka꞉padosia kenke o Eisia kenke kutupa make mo Bidinia do kenke paeyao pa꞉ta꞉ panka꞉ halo peleme wanda꞉hali iki pa꞉ta꞉ do wape pitolome.

1 Pida 1:1 Mawu Ofanana

Ma꞉tiu 10:2

Koto 12 Aposolo haliwekina꞉ biki manuta꞉ doe. Titina꞉ta꞉ Saimono biki ma꞉nda꞉ta꞉ Pida kutupata꞉ Pida ipika꞉ hameke A꞉ndutu make Sepedina꞉ eiyeke Dia꞉mesi Dioni hama̱la̱꞉ make

Ma꞉tiu 24:22

Koto natena꞉ wanda꞉hali paeyao homolo poloma꞉pate Koda꞉ma꞉ koto nate mandane ekimanu tunkulina꞉ la꞉la꞉me. Pa ekipeke ipika꞉ talopu ma꞉la꞉ wanda꞉hali pa꞉ta꞉ hone wiaata꞉ koto natemanu tunkulina꞉ la꞉la꞉me.

Ma꞉tiu 4:18

Yesuma꞉ mo hande Ka꞉lili ikali leke houna꞉ pulu hata꞉ta꞉ ta꞉peli mu haepeke hama̱la̱꞉ yaapo Saimono biki ma꞉nda꞉ta꞉ Pida make hameke A꞉ndutu yaapoma꞉ mo hande ikali leke pa꞉ta꞉ tenki nuna꞉ ta꞉peli minolo haepekeeki handeekeme.

Luku 18:7

Kota꞉ Koda꞉na꞉ wanda꞉halima꞉ iki tamba꞉ mina꞉ alo timba natena꞉ wi alo honke la꞉tiki pu haleme wanda꞉halina꞉ pota꞉ta꞉ Koda꞉ma꞉ tikitiki na yaalia꞉pe. Tamba꞉ muluekema꞉ kese kese pilia꞉pe. Dia꞉me.

Dioni 11:52

Kutupa make mo Diu wanda꞉hali pa꞉ta꞉ homeke na homeke mo Koda꞉na꞉ weki wandikita꞉ pa hata꞉ pepi pea haena꞉ kone paeyao handa꞉ mea homeke tapake kone apa꞉tao haena꞉yeke Yesu homolo pa꞉la꞉eki la halolo hata꞉ leekeme.

Dioni 7:35

Mo Diu haliwekima꞉ ika꞉ ika꞉ kone pi la꞉ alu alu pitolo hata꞉ alota꞉ Ipikita꞉ mo nikana꞉ma꞉ na handolo poloma꞉ tupa꞉ hane poluekema꞉ ala꞉pe. Ipikita꞉ mo nika꞉ wanda꞉hali haleme Kitiki daoni pa꞉ta꞉manu mo Kitiki wanda꞉hali walo peliekepe.

Aposolo 18:2

Diu hali homeke Akuila mo Pondasi da nane hali kone pua handeekeme. Koto halita꞉ ipika꞉ weteke Pisila yaapo mo Ideli nane mina꞉pa꞉lao panake a꞉pa haepekeme. Mo Sisa Kolodiusima꞉ Diu wanda꞉hali paeyaota꞉ Loma꞉ da mina꞉pa꞉lao pupe leeke handa epepekeme. Poloma꞉ta꞉ ipiliki handuluekema꞉ ipilika꞉ da pa꞉ta꞉ peekepate

Aposolo 18:23

Koto pa꞉ta꞉ hosiki hao hao peaata꞉ mina꞉pa꞉lao mo Ka꞉leisia Pitikia yaapo nane hone tulaasa꞉ wanda꞉halima꞉ honkopu haena꞉ titipu peaaso hata꞉ pomu lopo hayekeme.

Aposolo 19:10

Koto hau pitolo haena꞉ bapi yaapo yaapeekeme. Koto ekina꞉ mo Eisia wanda꞉hali paeyaoma꞉ Kitiki wanda꞉hali make Diu wanda꞉hali make Tekehalina꞉ pi alemanu opimikime.

Aposolo 6:9

Kutu piekepate mo ka꞉nda꞉ pikieki mina꞉pa꞉lao pi hotu haemeke da pa꞉ta꞉ haemeke haliweki mandaneeki make kutupa Saitini haliweki make A꞉lekesa꞉ndia haliweki make kutupa mandane Silisia haliweki make Eisia haliweki make mandake pa꞉ta꞉ momba꞉la hata꞉ Sidipeni ame̱le̱ pi yoka꞉ alu pimikime.

Aposolo 8:4

Koto ekina꞉ mo hande pindipa ta꞉ta꞉ ta꞉ta꞉ pea pemeke wanda꞉halima꞉ mo hande Koda꞉na꞉ Pi Seliapo latia tia pomimikime.

1 Kotindi 16:19

Mo Eisia Potobinisi nane haleme siosi manuma꞉ iki pa꞉ta꞉ mo keiyae pi la꞉niaasememe. Hande Akuila Pisila toolima꞉ make ipilika꞉ da pa꞉ta꞉ mombolo haleme siosi ikana꞉ma꞉ tonka꞉na꞉ ika꞉ keiyae pi make la꞉niaasememe.

2 Kotindi 1:8

Kame tonuo nikana꞉ma꞉ mo hande Eisia kenke pa꞉ta꞉ muma꞉ ka꞉nda꞉manu iki pa꞉ta꞉ pa hone u tiaaluekema꞉ hone pa꞉la꞉me. Mo niki manda wia꞉ ka꞉nda꞉ manuta꞉ tieke hombeleke make ka꞉nda꞉ tieke pia꞉ ekima꞉ nikita꞉ do kenkena꞉ hana̱la̱꞉ na pia꞉me hone uma꞉me.

Ka꞉leisia 1:2

Do mandake haloma꞉ kame tonuma꞉ I̱ ame̱le̱ apa꞉tao mo iki Ka꞉leisia kenke pa꞉ta꞉ haleme siosimanu pa꞉ta꞉ nika꞉ a꞉ta꞉pa꞉la꞉ pi la꞉neaasoma꞉me.

Epesese 2:12

Koto pita꞉ta꞉ ikita꞉ Ketiso teke pa꞉ta꞉ na hake ika꞉ ta꞉ta꞉ papate haemekeme. Ikita꞉ Koda꞉ma꞉ talopu mea haena꞉ la꞉la꞉ wanda꞉hali apa꞉tao na hake tapake ta꞉ta꞉ wanda꞉hali haemekeme. Koda꞉ma꞉ ipika꞉ wanda꞉hali pa꞉ta꞉ pimanu la꞉ wiekeeki manuta꞉ iki pa꞉ta꞉ na leekeme. Ikita꞉ amba꞉ do kenkena꞉ haemeke dina꞉ta꞉ Koda꞉ ame̱le̱ na hake ipiki pa꞉ta꞉ epekeeki muluekema꞉ hone na wiki pa hao haemekeme.

Epesese 2:19

Koto ekina꞉ Diendaili wanda꞉halio ame ikita꞉ kenke ma꞉nda꞉ nanema꞉ hao epeleme wanda꞉hali leke make da ma꞉nda꞉ wanda꞉hali leke make na hake ikita꞉ Koda꞉na꞉ wanda꞉hali ame̱le̱ ota꞉ ipika꞉ da wanda꞉hali hata꞉ ipika꞉ tapake wanda꞉hali kone halememe.

2 Timodi 1:15

Mo Eisia potopinisi haleme wanda꞉hali paeyao make mo hande Paidia꞉lisi pita꞉ Hemodionisi koto hali yaapo tonka꞉na꞉ I̱ mina꞉pa꞉lao peleme ekita꞉ neke hone wotu witeleme.

Hibulu 11:13

Do aloma꞉ titina꞉ haeme haliwekina꞉ Seta peaata꞉ iki paeyao hone tulaa paleke homemekeme. Ikana꞉ma꞉ mo hande Koda꞉na꞉ la꞉ wieke ekimanu na mimikipate pa papate yolo peeke handaa pa ika꞉ lekema꞉ homeke handaata꞉ mokoto ya꞉la꞉pate pila꞉mee laa ta꞉na꞉ma꞉ homeke homemekeme. Do kenkena꞉ koto tapakema꞉ alota꞉ Nika꞉ da teke do dia꞉ ya꞉la꞉pate nikita꞉ pa ta꞉ka꞉li haloma꞉me laa peneme yao lemekeme.

Dia꞉mesi 1:1

I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.

1 Pida 2:11

Ya yankeke tonuo. Iki do kenkena꞉ta꞉ ta꞉eileke epeleme na handeke wanda꞉hali leke hamena꞉ I̱ma꞉ honke alo ekita꞉ dupa Ika꞉ temoko a꞉nda꞉ lu tiaasa꞉ lokena꞉ hone pa꞉la꞉ ekimanu pa꞉ta꞉ waleke na wiao hapa꞉peke.

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

Peneme Yaeyekeeki 1:11

Dupa lea꞉me. Nakana꞉ma꞉ do handolo peleeki manuta꞉ wape laaniao kutupa mo bukata꞉ mo watake hata꞉ daoni manuna꞉ siosi pa꞉ta꞉ tapaapeke. Epesese Semena Pekamamo Daetaeda Sadisi Pila꞉delepia make Leiodisiamanu pa꞉ta꞉ loa꞉me lea꞉me.