1 Kotindi 8:12 - Panake Pi La: Ula: Buka pita: Kine Pieke Buka

¹² Kutu pitele hauma꞉ta꞉ mo ika꞉ hone wotu na lumba wilimi yankekemanu hoeyaeka꞉na꞉ta꞉ kota꞉ neketa꞉ Ketiso pa꞉ta꞉ make hoke hau pilipikie.

1 Kotindi 8:12 Mawu Ofanana

Ma꞉tiu 18:6

Hali epima꞉ do I̱ pa꞉ta꞉ hone tulaaseme wekiwandiki sunu homeke ma꞉nda꞉ma꞉ hoke hau pina꞉yeke pu tiaena꞉ lea꞉ka꞉na꞉ta꞉ kota꞉ koto halina꞉ make pa꞉ta꞉ toopi hombeleke mea endiata꞉ homena꞉ mo dawala noka꞉ pa꞉ta꞉ mea lopaena꞉ lea꞉ka꞉na꞉ yoluta꞉ epolo pia꞉me.

Ma꞉tiu 25:45

kota꞉ ika꞉ pita꞉ mo Kini Halima꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ do biki na wiki kame homeke ma꞉nda꞉ siki tamba꞉ muluekema꞉ kiaemeketa꞉ kota꞉ I̱ kone tamba꞉ na miki kiaememe laa lelieke.

1 Kotindi 12:12

Ketisota꞉ loke homeke tupa꞉ kiki ankemanu tuna tuna pea hala꞉me. Hande kiki anke lokena꞉ tunaala꞉ alemanu ta꞉ta꞉ ta꞉ta꞉ ya꞉la꞉pate loketa꞉ homeke kone hala꞉me.

Ma꞉tiu 25:40

Koto lemeka꞉na꞉ta꞉ mo hande Kini Halima꞉ ika꞉ pita꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ mo hande ya biki na wiki kame homeke ma꞉nda꞉ siki pa꞉ta꞉ pimiki epeke hau paeyaota꞉ kota꞉ ota꞉ paeyao pa I̱ pa꞉ta꞉ kone pimime laa lelieke.

Ma꞉tiu 18:21

Koto toma꞉na꞉ta꞉ Pidama꞉ Yesu pa꞉ta꞉ a꞉pa lota꞉ pitolo alota꞉ Tekehalio. Yaka kamema꞉ I̱ pa꞉ta꞉ hoke hau pea꞉tiki pu haya꞉ka꞉na꞉ta꞉ kota꞉ I̱ma꞉ tana꞉ ekipu paeyaaluepe. Tana꞉ wataake hata꞉ ana꞉ pa꞉la꞉pe laa lota꞉ piekepate

Ma꞉tiu 18:10

Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.

Kini Pieke 42:22

Lubenima꞉ alota꞉ Kota꞉ I̱ma꞉ iki pa꞉ta꞉ta꞉ mo weki na lia꞉pa꞉pee loa꞉pate ikana꞉ma꞉ta꞉ yaka pi na opimime. Koto ekina꞉ ameta꞉ ipika꞉ homa꞉la꞉ ekina꞉ yenkita꞉ niki pa꞉ta꞉ a꞉pa꞉la꞉me leekeme.

Kini Pieke 20:9

Kutupa Abimelekema꞉ Eipoloha꞉ma꞉ wi la꞉ mea alota꞉ Nakana꞉ma꞉ niki pa꞉ta꞉ dota꞉ ekipiki hau pea pelepe. Nakana꞉ma꞉ I̱ pa꞉ta꞉ make yaka kilu tombuao halo pa꞉ta꞉ do hoeyaapekeeki epena꞉ leke hauta꞉ I̱ma꞉ neke pa꞉ta꞉ ekipiki ata꞉ka꞉ poleke pelepe. Nakana꞉ma꞉ do I̱ pa꞉ta꞉ pele ekita꞉ ota꞉ ma꞉nda꞉ma꞉ na pea꞉peke hau peleme.

Maka 9:42

Hali epima꞉ do I̱ pa꞉ta꞉ hone tulaaseme weki wandiki sunu homeke ma꞉nda꞉ma꞉ hoke hau pina꞉ pu tiaena꞉ lea꞉ka꞉na꞉ta꞉ kota꞉ koto halina꞉ make pa꞉ta꞉ toopi hombeleke mea tonkao oni dawala pa꞉ta꞉ mo hali mea lopaeya꞉ka꞉na꞉ yoluta꞉ epolo pia꞉me leekeme.

Luku 17:2

Kutu pita꞉la꞉ someta꞉ ipika꞉ make pa꞉ta꞉ toopi tieke aneke mea endiao oni dawala ikali pa꞉ta꞉ lopaaso yoluta꞉ epolo pia꞉me. Ekipeke. Ipiki pa hata꞉ta꞉ do hosiki wekiwandiki sunu ma꞉nda꞉ hondo hoke hau pina꞉ pu tialieke.

Loma꞉ 14:20

Nakana꞉ma꞉ nemanu paeyao noluekema꞉ hone witele ekima꞉ Koda꞉ma꞉ pa꞉la꞉eki na hoeyaena꞉ lapeke. Nemanu paeyao pa napeke ya꞉la꞉pate nakana꞉ma꞉ ne ma꞉nda꞉ nale ekima꞉ hali ma꞉nda꞉ma꞉ hala꞉mba꞉liao lopa hoke hau pia꞉ka꞉na꞉ta꞉ kota꞉ nakana꞉ma꞉ pu hoeyaaseme.