Diu hali ma꞉nda꞉ Apolosita꞉ A꞉lekesa꞉ndia da hali mo Epesese da pa꞉ta꞉ epeekeme. Ipikita꞉ Baibolo buka pi hone wotu wia pi wotu yoka la꞉tiki pieke halie.
Apolosi mo Kotindi da pa꞉ta꞉ haena꞉ Polota꞉ mo hande potopinisi tukikina꞉ yopu yopu pea Epesese da opolo epeekeme. Koto da pa꞉ta꞉ mandane disaipolo haliweki handeekeme.
Kutupa Poloma꞉ keiyae pi laa ipikana꞉ma꞉ amba꞉ pi wala꞉ tia pomieke pita꞉ Koda꞉ma꞉ mo Diendaili wanda꞉hali pa꞉ta꞉ pieke ekimanu homeke homeke lo la hala꞉tiki pia꞉me.
I̱ma꞉ta꞉ do ekina꞉ alome. Iki paeyao homeke homekema꞉ la la pu alota꞉ I̱ta꞉ Polona꞉ halie o I̱ta꞉ Apolosina꞉ halie o I̱ta꞉ Pidana꞉ halie o I̱ta꞉ Ketisona꞉ halie laa la alualu pitelememe.
Polo make Apolosi make Pida make do kenke paeyao make mo da꞉ta꞉la꞉eki pita꞉ homa꞉la꞉eki yaapo make ame do pita꞉la꞉eki make wetepe pulu pa꞉la꞉eki make do ekimanu paeyao ika꞉eki ya꞉la꞉pate
Wae noka꞉pa꞉la꞉ hali make ikali naa hala꞉la꞉ hali make ipilikita꞉ biki dia꞉ya꞉la꞉pate hande wae ale opaake hauta꞉ Koda꞉ma꞉ peaasa꞉ ekina꞉ ipika꞉ biki tieke ula꞉me.
I̱ta꞉ ka꞉la꞉pa꞉ ta꞉pao halo hali na halope. I̱ta꞉ aposolo hali na halope. Nika꞉ Tekehali Yesu na handoa꞉pe. Ikita꞉ mo I̱ma꞉ Tekehalina꞉ e pokaaso ekina꞉ na halemepe.
Hande Pi Seliapota꞉ nikana꞉ma꞉ iki pa꞉ta꞉ mea epoma꞉pate pa pahameke ala꞉ pimanu na mea epeketa꞉ ota꞉ wele tonka꞉na꞉ Holi Sipitidi tonka꞉na꞉ do pita꞉ ota꞉eki laa hone wotu wia mea epoma꞉me. Iki ame̱le̱ hata꞉ pia꞉tiki puma꞉ haumanu make ikana꞉ma꞉ handememe. Iki epeaalo pieki pitolo puma꞉me.