1 Kotindi 3:1 - Panake Pi La: Ula: Buka pita: Kine Pieke Buka

¹ Koto pa꞉la꞉pate ya kametitio. I̱ma꞉ ikita꞉ mo Holi Sipitidi meleme wanda꞉hali pa꞉ta꞉ lo haloma꞉ tupa꞉ ana꞉ na pa꞉leke handaa pa mo kenke wanda꞉hali haememe o mo Ketisona꞉ panake weki wandikisunu haememe laa hone witolo hata꞉ I̱ma꞉ iki pa꞉ta꞉ pi waloa꞉me.

1 Kotindi 3:1 Mawu Ofanana

Ma꞉tiu 16:23

Yesuma꞉ la꞉ka꞉la mina Pida handolo hata꞉ alota꞉ Sadani. Neke puma. Neketa꞉ ya pota꞉ a꞉mbaluekema꞉ taapeleme. Pa ekipeke. Do naka꞉ wili hone manuta꞉ Koda꞉ pa꞉ta꞉ yama꞉ na ipula꞉pate pa hali pa꞉ta꞉ yama꞉ ipula꞉me leekeme.

Loma꞉ 7:14

Mo hande Lo Pi manuta꞉ Koda꞉ pa꞉ta꞉ kone epeekepate I̱ta꞉ homa꞉peke ya꞉la꞉ halie. I̱ma꞉ta꞉ pa hameke e pokaatiki pomina꞉la꞉ hali leke hata꞉ hoke hau pu halome.

1 Kotindi 14:20

Kametitio. Ikana꞉ma꞉ wekisunuma꞉ witeleme hone leke wia na hapa꞉peke. Hoke hau pita꞉la꞉ ekina꞉ta꞉ wekisunu leke hapeke ya꞉la꞉pate pa ika꞉ hone witeleme ekina꞉ta꞉ keileke wanda꞉hali hata꞉ witeleme hone leke wia꞉pa꞉peke.

1 Kotindi 14:37

Hali ma꞉nda꞉ma꞉ta꞉ I̱ta꞉ Koda꞉na꞉ pi walolo hali hata꞉ mo Holi Sipitidima꞉ kita꞉la꞉eki ma꞉nda꞉ make amba꞉ molome hone wia꞉ka꞉na꞉ta꞉ kota꞉ koto somema꞉ta꞉ do I̱ma꞉ iki pa꞉ta꞉ wape polo ekita꞉ mo Tekehalima꞉ dupa꞉pe laa la꞉la꞉ ekie laa hone wina꞉ loa꞉me.

1 Kotindi 2:6

Koto pa꞉la꞉pate pa mo Koda꞉na꞉ pina꞉ keileke haleme wanda꞉hali pa꞉ta꞉ I̱ma꞉ta꞉ hone wotu witolo hata꞉ pi walo halopate pa do kenkena꞉ hone wotu wita꞉la꞉ ekimanu na lo halome. Do kenkena꞉ kilu tombuao haleme haliwekina꞉eki pa꞉ta꞉ make loa꞉me. Koto haliwekina꞉ kilu tombuaasa꞉ ekina꞉ natemanu paelieke.

Ka꞉leisia 6:1

Ya kametonuo. Ma꞉nda꞉ma꞉ hoke hau pitolo haena꞉ handemeka꞉na꞉ta꞉ kota꞉ iki epita꞉ mo Holi Sipitidima꞉ tumbiki some hombo ikana꞉ma꞉ mo some mea tiao haena꞉ alota꞉ ota꞉ yopu siki pia꞉pa꞉peke. Kuta make mo hande ipiki mea lopaeya꞉ hauma꞉ iki make yola꞉ mea lopaama꞉na꞉ wopu handeteke hata꞉ pia꞉pa꞉peke.

Hibulu 5:13

Wanda꞉hali epima꞉ andu homeke napeke ya꞉la꞉ some haya꞉ka꞉na꞉ta꞉ kota꞉ mo someta꞉ mo hande hoke hau epeke hau yaapo telipea haluekema꞉ hone na wiki pa pu haleme wekiwandiki leke halememe.

1 Dioni 2:12

Yaka wekiwandikio. Mo Ketisona꞉ bikina꞉ ika꞉ hoke hauta꞉ amba꞉ paeyawala꞉ ekina꞉ I̱ma꞉ iki pa꞉ta꞉ do pi laasome.