1 Kotindi 16:2 - Panake Pi La: Ula: Buka pita: Kine Pieke Buka

² Sande paeyaona꞉ iki paeyaona꞉ homeke homeke lo amba꞉ pulana꞉ melemeeki dimina handaata꞉ ana꞉na꞉ putupa pa mandaneeki ika꞉ da pa꞉ta꞉ wia꞉tiki pu hapa꞉peke. Koto ekina꞉ wetepena꞉ I̱ epoa꞉ka꞉na꞉ta꞉ ikana꞉ma꞉ mani weiyaama꞉na꞉ yeke loa꞉me.

1 Kotindi 16:2 Mawu Ofanana

Kini Pieke 26:12

Kutupa Koda꞉ma꞉ Aisa꞉ke epeayeke ekiyalo hata꞉ ipikana꞉ma꞉ koto kenke pa꞉ta꞉ wae alemanu nokopeeketa꞉ mo nokopeeke bapina꞉ta꞉ ota꞉ anekema꞉ haka꞉ta꞉pake napeke tieke mia꞉tiki piekeme.

Kini Pieke 30:27

Koto leeke Leibenima꞉ ipiki pa꞉ta꞉ alota꞉ I̱ma꞉ doeki lono lae. Mo ale paeyao molo ekita꞉ I̱ma꞉ handeau opao handa꞉ witolo Koda꞉ma꞉ I̱ epeala꞉ ekita꞉ neke pa꞉ta꞉ yama꞉ pa꞉la꞉me laa hone ulume.

Kini Pieke 30:30

Mo I̱ a̱i̱ na epeke hano hosiki siki wia hae ekita꞉ ameta꞉ tieke kiake sa꞉mba꞉la꞉pa ula꞉me. Kutupa mo Tekehalima꞉ta꞉ I̱na꞉ yeke neke epeaala꞉me. Koto ekina꞉ ameta꞉ I̱ma꞉ yaka ekimanu handeteke halo polo natee leekeme.

Kini Pieke 32:10

I̱ta꞉ naka꞉ e pokaaso hali hata꞉ nakana꞉ma꞉ I̱ pa꞉ta꞉ a꞉ta꞉ma꞉ homa tamba꞉ mina꞉la꞉eki make kima꞉ na homa꞉la꞉eki make ki ekita꞉ I̱ta꞉ ana꞉ na pa꞉la꞉me. I̱ma꞉ta꞉ mone yopuluta꞉ mo hande Diodani ikalita꞉ ala꞉ta꞉ ma꞉nda꞉ na miniki pa tumapu piti homeke yumua꞉pate pa ame ipuluta꞉ do tapake yaapo ame̱le̱ ipulume.

Kini Pieke 33:11

Koto ekina꞉ pilisio. Do I̱ma꞉ mea a꞉palo pa hameke kitolo ale manuta꞉ a꞉pa꞉la꞉me laa mie laata꞉ Koda꞉ma꞉ta꞉ I̱ pa꞉ta꞉ a꞉ta꞉ma꞉ homolo hata꞉ mo I̱ma꞉ weiyua꞉ alemanu paeyao ana꞉na꞉ kia꞉me leekeme. Dieikopema꞉ta꞉ hameke honke la꞉tia puoopu haota꞉ Isoma꞉ wetepena꞉ miekeme.

Maka 14:8

Do wanda꞉ma꞉ ipika꞉ pia꞉peke ya꞉la꞉eki pia꞉me. Yaka loke a̱i̱ na hoitelemepate ipikana꞉ma꞉ senisi amba꞉la꞉ holaeya꞉me leekeme.

Luku 16:10

Kutupa hali epima꞉ hosiki e sunu epeke tupa꞉ tikitikina꞉ handeteke haya꞉ka꞉na꞉ta꞉ kota꞉ aneke emanu make epeke tupa꞉ tikitikina꞉ handeteke halieke. Kutupa make hali epima꞉ hosiki e sunu a꞉mba a꞉mba pea poko pu hoeyaeya꞉ka꞉na꞉ta꞉ kota꞉ aneke e make a꞉mba a꞉mba pea poko pu hoeyaalieke.

Luku 24:1

Sande da panake ka꞉la꞉ polo nate epolo haena꞉ta꞉ mo wanda꞉ sunuma꞉ Yesuna꞉ lapa꞉ nane mo hande tiki tiki yaemeke totopo wopu piki honkumanu miniki pemekeme.

Dioni 20:19

Koto Sande timbaata꞉ mo hande disaipolo ame̱le̱ pomu haemeke haliwekima꞉ mo Diu haliweki pa꞉ta꞉ paala꞉ma꞉ homolo hata꞉ da pota꞉manu poka loka꞉ hao da tukiki pa꞉ta꞉ momba꞉la pitimikipate Yesuma꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopa꞉niaape leekeme.

Dioni 20:26

Kutupa pula homeke paeyeketa꞉ hande disaipolo haliweki Tomasi ame̱le̱ mo da tukiki pa꞉ta꞉ pa momba꞉la haemekeme. Mo pota꞉manu loka꞉ hao haemekepate Yesu a꞉paata꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopao pita꞉pe laata꞉

Aposolo 20:7

Mo Sande natena꞉ nikita꞉ palaowa pindi pindi puluekema꞉ momba꞉la hamono Poloma꞉ mo wanda꞉hali pa꞉ta꞉ pi walea꞉me. Ipikana꞉ma꞉ da ka꞉la꞉paaso polueke hone wiaata꞉ timba buta꞉hokina꞉ make pi ombu walea꞉me.

2 Kotindi 8:10

Ya honema꞉ta꞉ mo hande paeya꞉ bapina꞉ kini pimi ekita꞉ ame do paeyaasota꞉ a꞉pa꞉la꞉me hone witolome. Tamba꞉ muluekema꞉ homeke dia꞉ya꞉la꞉pate pa puluekema꞉ hone witelemeeki make ikita꞉ titina꞉ amba꞉la꞉e.

Peneme Yaeyekeeki 1:10

Mo Tekehalina꞉ natena꞉ta꞉ hande Sipitidima꞉ I̱ handeteke hata꞉ e pokea꞉me. Kutupa bu kanakena꞉ e̱ma꞉ handeke pi ho̱la̱꞉make tiekema꞉ yaka hoki nane pi lea꞉eki opua꞉me.