1 Kotindi 13:8 - Panake Pi La: Ula: Buka pita: Kine Pieke Buka

⁸ Pukima꞉ homa꞉la꞉ hauta꞉ ota꞉ na paelieke. Mo wanda꞉hali pa꞉ta꞉ Koda꞉na꞉ pi la꞉ mea hala꞉la꞉ hauta꞉ wetepena꞉ paelieke. Kutupa da ta꞉ta꞉ ta꞉ta꞉ pi ala꞉eki make wetepena꞉ta꞉ paelieke. Kutupa mo pita꞉la꞉eki manuna꞉ handa꞉la꞉ hau make wetepena꞉ paelieke.

1 Kotindi 13:8 Mawu Ofanana

Luku 22:32

Koto pa꞉la꞉pate I̱ma꞉ Saimono neke pa꞉ta꞉ yeni pealo ekita꞉ naka꞉ hone tulale ekita꞉ na lopena꞉yeke polome. Kutupa nakana꞉ma꞉ I̱ pa꞉ta꞉ paa la꞉ka꞉la epeka꞉na꞉ta꞉ kota꞉ naka꞉ kametonu wele pu tiaapeke leekeme.

Aposolo 13:1

Mo A꞉ndioko siosi tapake pa꞉ta꞉ mandane potopede haliweki make pi walo haemeke haliweki make haemekeme. Koda꞉na꞉ pi lao hayeke Banabasi make Simioni biki ma꞉nda꞉ Naidia make Saitini hali Lusiasi make hande you hali Hetodina꞉ yankeke hali homeke Maneini make Solo make haemekeme.

Aposolo 19:6

Kutupa Poloma꞉ ipika꞉ kiki yaapo ika꞉ youna꞉ wieketa꞉ mo Holi Sipitidi iki pa꞉ta꞉ epeekeme. Kutupa pi ta꞉ta꞉ ta꞉ta꞉ kone laaka꞉na꞉ta꞉ Koda꞉na꞉ pimanu lemekeme.

Aposolo 2:4

Kutupa mo Holi Sipitidima꞉ iki paeyao tumba pitina꞉ mo wanda꞉hali paeyaoma꞉ pi ta꞉ta꞉ ta꞉ta꞉ lena꞉ leekeme.

1 Kotindi 12:10

Mo Sipitidima꞉ hali homeke pa꞉ta꞉ mo na handeke hau manuna꞉ pea꞉peke wele halaata꞉ hali ma꞉nda꞉ pa꞉ta꞉ make mo Koda꞉na꞉ pi walaasa꞉eki hala꞉la꞉me. Kutupa ma꞉nda꞉ pa꞉ta꞉ta꞉ mo kita꞉la꞉eki manuta꞉ Sipitidima꞉ hala꞉la꞉eki o hoke temokoma꞉ hala꞉la꞉eki tekili pea pa handena꞉yeke peaasa꞉eki hala꞉la꞉me. Hali ma꞉nda꞉ pa꞉ta꞉ mo ta꞉ta꞉ ta꞉ta꞉piki pimanu ala꞉eki halaata꞉ ma꞉nda꞉ pa꞉ta꞉ kutupiki pimanu opua pa la꞉ka꞉la꞉la꞉ ekina꞉ wele hala꞉la꞉me.

1 Kotindi 13:10

pa wetepe hande ana꞉ pulu pa꞉la꞉ ota꞉ hau tieke epea꞉ka꞉na꞉ta꞉ kota꞉ ame do hosikima꞉ pitoloma꞉ ekita꞉ paelieke.

1 Kotindi 13:13

Kutu pulu pa꞉la꞉ natemanu epena꞉ yu wia hata꞉ ame do hande hau tepota꞉ pa pu hapeke ya꞉la꞉me. Dupa. Hone tulaasa꞉eki make ta꞉na꞉ma꞉ homa Koda꞉ pa꞉ta꞉ handeteke hala꞉eki make pukima꞉ homa꞉la꞉eki make do hau tepota꞉ pa pu hapeke ya꞉la꞉pate ota꞉ titina꞉ tumiki hau homeketa꞉ pukima꞉ homa꞉la꞉ekie.

1 Kotindi 14:39

Koto ekina꞉ ya kametitio. Ikana꞉ma꞉ ota꞉ Koda꞉na꞉ pi waluekema꞉ honkopu hao hata꞉ kone pa mo da ta꞉ta꞉ ta꞉ta꞉ pimanu ala꞉ ekita꞉ ikana꞉ma꞉ sa꞉sa꞉ na pea꞉pa꞉peke.

1 Kotindi 8:2

Hali ma꞉nda꞉ epima꞉ I̱ma꞉ ota꞉ handa ulume laa hone wia꞉ka꞉na꞉ta꞉ kota꞉ koto halina꞉ handa꞉la꞉ ekita꞉ ana꞉ na pa꞉la꞉me.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Hibulu 8:13

Koda꞉ma꞉ mo panake pi la꞉ wita꞉la꞉ pi la꞉ wieke pita꞉ma꞉ta꞉ mo hande titina꞉ wieke pita꞉ amba꞉eki ya꞉na꞉ leekeme. Ala꞉ta꞉ ma꞉nda꞉ a꞉nda꞉ pitiki yaalo kukutu pia꞉ka꞉na꞉ta꞉ kota꞉ hosiki wetepena꞉ta꞉ ota꞉ alupilieke.