1 Kotindi 13:6 - Panake Pi La: Ula: Buka pita: Kine Pieke Buka

⁶ Ipikita꞉ hoke haumanu pita꞉la꞉ ekina꞉ ta꞉na꞉ma꞉ na homiliepate pa mo ota꞉ haumanu pita꞉la꞉ ekina꞉ ta꞉na꞉ma꞉ homilieke.

1 Kotindi 13:6 Mawu Ofanana

Ma꞉tiu 18:13

I̱ma꞉ iki pa꞉ta꞉ ota꞉ pi alome. Mo alupia꞉ sipisipi ma꞉na꞉ handa꞉ wia꞉ka꞉na꞉ta꞉ kota꞉ ipikana꞉ma꞉ mo na alu piki pa haleme ekimanu pa꞉ta꞉ ta꞉na꞉ma꞉ homiliepate pa mo handa꞉ wiekeeki pa꞉ta꞉ta꞉ ta꞉na꞉ ota꞉ wopu homilieke.

Luku 22:5

Mo haliwekita꞉ ta꞉na꞉ tiekema꞉ homolo hata꞉ ipiki pa꞉ta꞉ mani haluekema꞉ pi la꞉ wimikime.

Loma꞉ 1:32

Koda꞉na꞉ pi ula꞉ ekima꞉ alota꞉ Mo kutu piki haumanu pu haleme wanda꞉halita꞉ homa꞉la꞉eki mea꞉pa꞉peke ya꞉la꞉me laa la꞉la꞉me. Koto la꞉la꞉ pi mo wanda꞉halima꞉ opitelemepate ika꞉ hande hoke ekimanu paa pia꞉tiki pu hao kutupa make mandane wanda꞉halima꞉ koto hande hoke ekimanu pimika꞉na꞉ta꞉ a꞉pa꞉la꞉ma꞉ pa pipe laa lo halememe.

Loma꞉ 12:9

Wanda꞉hali pa꞉ta꞉ pukima꞉ homemeka꞉na꞉ta꞉ kota꞉ ota꞉ pukima꞉ homa꞉pa꞉peke. Ikana꞉ma꞉ hokeeki handaata꞉ linka꞉ la꞉pa lopa hapa꞉peke. Epeke ekita꞉ mea mina hapa꞉peke.

Pilipai 1:18

Koto pa꞉la꞉pateta꞉ Ketisona꞉ pita꞉ pia꞉peke ya꞉la꞉ pota꞉ ula꞉ tupa꞉ waleme ekina꞉ta꞉ I̱ma꞉ ta꞉na꞉ma꞉ homolome. Epeke hone witolo pia꞉ka꞉na꞉ make o epeke hone na witolo pia꞉ka꞉na꞉ make a꞉pa꞉la꞉me. Pina꞉e. Kutupa I̱ma꞉ ta꞉na꞉ma꞉ homolo ombu halueke.

Pilipai 1:4

Kutupa ikina꞉ Koda꞉ pa꞉ta꞉ I̱ma꞉ yeni peaaso pita꞉ma꞉ta꞉ ta꞉na꞉ pita꞉ hata꞉ peatiki pu halome.

Pilipai 3:18

Ame do lolo polo pita꞉ I̱ma꞉ amba꞉ iki pa꞉ta꞉ hoto eleke eleke wopu la ku haowa꞉pate ameta꞉ I̱ma꞉ e̱ alo alo hata꞉ paa ta la kitolo handa꞉e. Mandane wanda꞉hali ika꞉ pu haleme hauma꞉ kone mo a꞉ka꞉tei wapepiki ti manda Ketiso homa꞉la꞉eki pa꞉ta꞉ ikita꞉ a꞉nda꞉ tunkulao haena꞉ lo haleme.

2 Desalonaika 2:12

Kota꞉ koto ekina꞉ yenkita꞉ ikana꞉ma꞉ mo ota꞉ pina꞉ hone na tulake hoke haumanu pa꞉ta꞉ ta꞉na꞉ma꞉ homa pu haleme ekina꞉ iki paeyaota꞉ Koda꞉ma꞉ pi yokaalu pea hoke yenki halieke.

2 Dioni 1:4

Naka꞉ mandane weki wandikita꞉ mo hande Apa꞉ma꞉ niki pa꞉ta꞉ ota꞉ pia꞉pa꞉peke la꞉la꞉ tupa꞉ ota꞉eki pa꞉ta꞉ halemeeki handa꞉ u hao I̱ta꞉ ta꞉na꞉ tiekema꞉ homoa꞉me.