Biblia Todo Logo
Baibulo la pa intaneti

- Zotsatsa -




1 Kotindi 1:5 - Panake Pi La: Ula: Buka pita: Kine Pieke Buka

5 Ikana꞉ma꞉ Ketiso yaapo ta꞉ma꞉ni pea hata꞉ ala꞉ta꞉ ala꞉ta꞉ paeyaoma꞉ hamoko halememe. Pi alemeeki paeyao make hone witelemeeki paeyao make apa꞉taaso hata꞉ paeyaona꞉ hamoko halememe.

Onani mutuwo Koperani




1 Kotindi 1:5
27 Mawu Ofanana  

Kutupa mo Holi Sipitidima꞉ iki paeyao tumba pitina꞉ mo wanda꞉hali paeyaoma꞉ pi ta꞉ta꞉ ta꞉ta꞉ lena꞉ leekeme.


Mo Diu wanda꞉halima꞉ hoke hau pimiki handaata꞉ mandane kenke wanda꞉halima꞉ta꞉ wamo wamo pea pita꞉la꞉ ekimanu minelememe. Koda꞉na꞉ hau pu hoeyaemeke handaata꞉ Diendaili wanda꞉halima꞉ta꞉ wamo wamo pea pita꞉la꞉ ekimanu minelememe. Mo Diu da꞉ta꞉la꞉eki meleme wanda꞉hali ame̱le̱ apa꞉tao Diu wanda꞉hali paeyaoma꞉ make mimika꞉na꞉ta꞉ kota꞉ mo hande wamo wamo pea pita꞉la꞉ ekimanu daeyalieke.


Yaka kame titio. Ikana꞉ma꞉ epeke haumanu putia pulu hata꞉ mo piteleme ekimanu make wotu handelememe. Kutupa ika꞉ ika꞉ kone mana꞉ la alualu pea꞉pa꞉peke ekita꞉ I̱ma꞉ ota꞉ handa꞉ ulume.


Mo hande Baibolo bukana꞉ wape pa꞉la꞉ ekimanu paeyaota꞉ niki waluekema꞉ wape pea pelememe. Mo hande Baibolo bukana꞉ wape pa꞉la꞉eki manuma꞉ta꞉ niki sutia tia pitolo haena꞉ niki tiao hata꞉ mo hande la꞉ ula꞉ ekimanu yaena꞉yeke handeteke hao hamono ula꞉me.


Mo Sipitidima꞉ hali homeke pa꞉ta꞉ mo na handeke hau manuna꞉ pea꞉peke wele halaata꞉ hali ma꞉nda꞉ pa꞉ta꞉ make mo Koda꞉na꞉ pi walaasa꞉eki hala꞉la꞉me. Kutupa ma꞉nda꞉ pa꞉ta꞉ta꞉ mo kita꞉la꞉eki manuta꞉ Sipitidima꞉ hala꞉la꞉eki o hoke temokoma꞉ hala꞉la꞉eki tekili pea pa handena꞉yeke peaasa꞉eki hala꞉la꞉me. Hali ma꞉nda꞉ pa꞉ta꞉ mo ta꞉ta꞉ ta꞉ta꞉piki pimanu ala꞉eki halaata꞉ ma꞉nda꞉ pa꞉ta꞉ kutupiki pimanu opua pa la꞉ka꞉la꞉la꞉ ekina꞉ wele hala꞉la꞉me.


Hande Sipitidima꞉ hali homeke pa꞉ta꞉ epeke hone wiki pi ala꞉eki halolo hata꞉ mo homeke Sipitidima꞉ kone hali ma꞉nda꞉ pa꞉ta꞉ make epeke handaasa꞉eki hala꞉la꞉me.


I̱ma꞉ta꞉ mo Koda꞉na꞉ pi la꞉ mea hala꞉la꞉ hauta꞉ wotu handolo hata꞉ pa mo Koda꞉ma꞉ a꞉mbao ula꞉ ekimanu make handa꞉ witolo hata꞉ mo hau paeyaona꞉ pea꞉peke ekimanu make handaata꞉ kutupa ya Koda꞉ pa꞉ta꞉ hone tulaaso ekima꞉ta꞉ mo potemanu kone pendilaapeke ya꞉la꞉ hali hata꞉ kone pa pukima꞉ homa꞉la꞉ hau na piki haowa꞉ka꞉na꞉ta꞉ kota꞉ I̱ta꞉ pa alema꞉ handeke hali halueke.


Pukima꞉ homa꞉la꞉ hauta꞉ ota꞉ na paelieke. Mo wanda꞉hali pa꞉ta꞉ Koda꞉na꞉ pi la꞉ mea hala꞉la꞉ hauta꞉ wetepena꞉ paelieke. Kutupa da ta꞉ta꞉ ta꞉ta꞉ pi ala꞉eki make wetepena꞉ta꞉ paelieke. Kutupa mo pita꞉la꞉eki manuna꞉ handa꞉la꞉ hau make wetepena꞉ paelieke.


Ya kametitio. Eki haumanu pea꞉peke ya꞉la꞉pe. Koda꞉ pa꞉ta꞉ yeni puluekema꞉ mombelemeka꞉na꞉ta꞉ kota꞉ hali homekema꞉ emeli lelieke. Kutupa hali ma꞉nda꞉ma꞉ pi walelieke. Kutupa hali ma꞉nda꞉ma꞉ Koda꞉ma꞉ ipiki pa꞉ta꞉ la hala꞉la꞉eki iki pa꞉ta꞉ la kilieke. Kutupa hali ma꞉nda꞉ma꞉ da ta꞉ta꞉ ta꞉ta꞉ pi laa leliepate hali ma꞉nda꞉ma꞉ koto ala꞉ pi lekelieke. Kutu pea꞉peke ya꞉la꞉pate mo hau paeyaoma꞉ mo siosi wanda꞉hali epeaaluekema꞉ pimika꞉na꞉ta꞉ epelieke.


Kutupa do naka꞉ handele ekima꞉ta꞉ mo hande honkopu na hake halita꞉ hoeyaalipikie. Koto halita꞉ Ketiso ipiki pa꞉ta꞉ homa꞉la꞉ hali naka꞉ kame kone hoeyaalipikie.


Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.


Nikita꞉ puki hoeyao halemepate hoto paeyao ta꞉na꞉ma꞉ homoloma꞉me. Nikita꞉ nate hali hake nono poloma꞉pate nikana꞉ma꞉ta꞉ mandane wanda꞉hali wopu hamoko haena꞉ aloma꞉me. Nikita꞉ ala꞉ta꞉ ma꞉nda꞉ na wia hake nono poloma꞉pate nikita꞉ ala꞉ta꞉ ala꞉ta꞉ paeyao ana꞉na꞉ kone wia haloma꞉me.


Ikita꞉ ika꞉ wia halemeeki paeyao pa꞉ta꞉ta꞉ hamoko halememe. Ika꞉ hone tulaasemeeki pa꞉ta꞉ make pi aleme pa꞉ta꞉ make hone witelemeeki pa꞉ta꞉ make ika꞉ a̱i̱ koto kone tamba꞉ muluekema꞉ hone witeleme pa꞉ta꞉ make kutupa niki pa꞉ta꞉ pukima꞉ homeleme ekima꞉ make loa꞉me. Koto ekina꞉ta꞉ nika꞉ hone pa꞉la꞉ ekita꞉ ikana꞉ma꞉ do pukima꞉ homa꞉la꞉ ekina꞉ e poka꞉la꞉ pa꞉ta꞉ ta꞉na꞉ma꞉ homolo hata꞉ haka꞉ta꞉pao mandaneeki pa haloemena꞉yeke loa꞉me


Ipikana꞉ma꞉ta꞉ ikana꞉ma꞉ ta꞉na꞉ma꞉ homolo hata꞉ ika꞉ ale mandaneeki pa halo hamena꞉yeke iki hamoko hawalieke. Kutu pimika꞉na꞉ta꞉ mo ika꞉ pa halelemeeki niki pa꞉ta꞉ yama꞉ minolo hata꞉ wanda꞉hali wopuma꞉ Koda꞉ pa꞉ta꞉ keiyae la꞉limikie.


Hande nika꞉ Tekehali Yesu Ketiso ipika꞉ Koda꞉ta꞉ hande pa̱a̱ pa꞉la꞉ Atekema꞉ Sipitidi iki kina꞉yeke pu halome. Kutupa koto Sipitidima꞉ epeke hone wita꞉la꞉eki iki kiaata꞉ Koda꞉ hala꞉eki wopu handoemena꞉yeke Sipitidima꞉ la kina꞉yeke yeni pu halome.


Koto hande Koda꞉ma꞉ pieke hauta꞉ ipikana꞉ma꞉ pukima꞉ homolo hata꞉ Yesu Ketiso niki pa꞉ta꞉ ka꞉la꞉ ekima꞉ wetepena꞉ halo peleme wanda꞉halima꞉ ipikana꞉ma꞉ ota꞉ pa hameke a꞉ta꞉ma꞉ wopu homo hala꞉eki nate paeyao handa꞉tiki pina꞉ piekeme.


Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.


Kutupa yaka biki make yeni pitolo hata꞉ Koda꞉ pa꞉ta꞉ hala꞉tiki pea꞉pa꞉peke. I̱ma꞉ta꞉ tikitiki yao hata꞉ mo hande Pi Seliapo a꞉mbao ula꞉ ekimanu handa꞉ wia honkopu hao wala꞉tiki pionoyeke Koda꞉ma꞉ kotoeki kina꞉ yeni pea꞉tiki pea꞉pa꞉peke.


I̱ma꞉ iki pa꞉ta꞉ dupiki yeni peao halome. Mo yeni peao halo ekita꞉ ikana꞉ma꞉ ota꞉ epeke titina꞉ hau ma̱leke lia꞉peke ya꞉la꞉ ika꞉ pukima꞉ homa꞉la꞉eki make ika꞉ ota꞉eki homeke hone wita꞉la꞉eki make ika꞉ honema꞉ teli pita꞉la꞉eki make mandakena꞉ daeyolo daeyolo ombu haena꞉ I̱ma꞉ do yeni peaasome. Koto haumanu iki tukiki pa꞉ta꞉ daeya꞉ka꞉na꞉ta꞉ mo Ketiso ipilie natena꞉ ikita꞉ haumanu na pu hoeyao aleta꞉ na piki wanda꞉hali halimikie.


Ipikita꞉ mo Koda꞉ pa꞉ta꞉ a꞉mbao ula꞉ hone lenkena꞉ pea wita꞉la꞉ ekimanu pita꞉ hone wopu wita꞉la꞉ ekimanu paeyao hamekena꞉ ke lao wala꞉la꞉ halie.


mo panake hau mea yamelememe. Kutupa panake hau wa꞉pa꞉la꞉ hali Koda꞉ma꞉ta꞉ do panake ekita꞉ ipikima꞉ handeke nono pina꞉yeke hoto paeyao panakeeki au laatiki pita꞉la꞉me. Dupita꞉la꞉ ekita꞉ ikana꞉ma꞉ ipiki hone wopu uemena꞉yeke pita꞉la꞉me.


Iki pa꞉ta꞉ hali epi amedama꞉ hone wopu wia pita꞉la꞉ ekimanu hando halemepe. Kutu piki halima꞉ta꞉ ipika꞉ epeke hala꞉eki peneme yaaluekema꞉ hone wopu wia homu pea hata꞉ ipikana꞉ma꞉ epeke hau pu halieke.


Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.


Titsatireni:

Zotsatsa


Zotsatsa