1 Kotindi 1:4 - Panake Pi La: Ula: Buka pita: Kine Pieke Buka

⁴ Koda꞉ma꞉ iki pa꞉ta꞉ mo Yesu Ketiso pa꞉ta꞉ yama꞉ pa a꞉ta꞉ma꞉ homa tamba꞉ mina꞉la꞉eki handolo hata꞉ I̱ma꞉ ipiki pa꞉ta꞉ keiyae pi lo halome.

1 Kotindi 1:4 Mawu Ofanana

Ma꞉tiu 19:11

Yesuma꞉ mo pi hombo peaaso alota꞉ Do walolo pita꞉ pa paeyaoma꞉ opua miniki hapeke na ya꞉la꞉pate pa mandaali epi Koda꞉ma꞉ kutu pina꞉ la꞉la꞉ haliwekima꞉ homeke opua miniki halimikie.

Dioni 10:30

Yaka Apa꞉ dikita꞉ homeke kone halopa꞉me leekeme.

Dioni 14:14

Ala꞉ta꞉ ma꞉nda꞉ yaka biki alo hata꞉ I̱ pa꞉ta꞉ honke lemeka꞉na꞉ta꞉ I̱ma꞉ peaalueke leekeme.

Dioni 14:16

Kutupa I̱ma꞉ yaka Apa꞉ pa꞉ta꞉ honke loa꞉ka꞉na꞉ta꞉ ipikana꞉ma꞉ mo iki ame̱le̱ hao haena꞉ lelia꞉ mo Tamba꞉ Mu Halo Pa꞉la꞉ Hali kilieke. Ipikita꞉ mo ota꞉eki pu hala꞉ Epeke Temoko konee. Kenke wanda꞉halima꞉ta꞉ ipiki na handolo hata꞉ make hone na witolo hata꞉ make ipiki handa꞉ mea꞉peke na yolo pa꞉la꞉pate iki ame̱le̱ mandake hata꞉ iki tukiki pa꞉ta꞉ hala꞉ ekina꞉ta꞉ ipiki handelememe.

Dioni 14:26

Kutu pitolopate hande iki Tamba꞉ Mulu pa꞉la꞉ Hali yaka Apa꞉ma꞉ yaka bikina꞉ tapaalo pa꞉la꞉ halita꞉ Holi Sipitidi kone ala꞉ta꞉ paeyao ipikana꞉ma꞉ walieke. Kutupa make I̱ma꞉ hande iki pa꞉ta꞉ walo ekimanu paeyaota꞉ ikana꞉ma꞉ hone uemena꞉yeke ipikana꞉ma꞉ ika꞉ hone u tiaalieke.

Dioni 15:26

Kutu pitelemepate mo Tamba꞉ Mu Hala꞉ Hali ipilieke. Ipikita꞉ Ateke yaapo hala꞉ hali kone I̱ma꞉ tapaalueke. Ipikita꞉ ota꞉ hau pu hala꞉ Temokoe. Ipikita꞉ Ateke pa꞉ta꞉ hao ipilieke. Kutupa yaka pi la꞉ mea halawaasa꞉ wekitisi hali halieke.

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

Aposolo 21:20

Kutupa mo haliwekima꞉ kotoeki opuaata꞉ Koda꞉na꞉ pi laememe. Kutupa ipiki pa꞉ta꞉ alota꞉ Kameo. Hande Diu haliweki paeyaoma꞉ pi mimiki ekita꞉ handeleme. Paeyaoma꞉ hande Lo Pimanu opuluekema꞉ hone wotu witelemepate

Loma꞉ 1:8

Do pi kini pitolo hata꞉ doeki alome. Ika꞉ Yesu Ketiso pa꞉ta꞉ hone tulaasemeeki kenke wanda꞉hali paeyaoma꞉ opiteleme ekina꞉ I̱ma꞉ iki paeyao pa꞉ta꞉ hone wia Yesu Ketisona꞉ bikina꞉ yaka Koda꞉ pa꞉ta꞉ keiyae pi alome.

Loma꞉ 6:17

Koda꞉ pa꞉ta꞉ keiyae pi lomana꞉e. Do ekina꞉yeke loa꞉me. Ikita꞉ amba꞉ hone pa꞉la꞉eki pitolo hata꞉ hoke hau pu haemeke ekina꞉ pa hameke e pokaaseme haliweki leke haemekepate ikana꞉ma꞉ hande waleekeeki opua handa꞉ wimiki ota꞉ pimanu wotu pimikime.

1 Kotindi 1:3

Nika꞉ Apa꞉ Koda꞉ma꞉ pita꞉ Tekehali Yesu Ketiso yaapoma꞉ iki pa꞉ta꞉ pa hameke a꞉ta꞉ma꞉ homolo hata꞉ ika꞉ puki lopa꞉niawaena꞉e laa alopa꞉me.

1 Timodi 1:14

Nika꞉ Tekehalima꞉ ipika꞉ a꞉ta꞉ma꞉ homa tamba꞉ mina꞉la꞉eki I̱ pa꞉ta꞉ wopu kua꞉niaeyekeme. Kutupa make mo nika꞉ Ketiso Yesu ame̱le̱ molome hone tulaasa꞉eki pita꞉ pukima꞉ homa꞉la꞉eki yaapo I̱ pa꞉ta꞉ make kia꞉me.