1 Kotindi 1:13 - Panake Pi La: Ula: Buka pita: Kine Pieke Buka

¹³ Ketisota꞉ tunkula꞉ alualu pea halemekea. Mo hande a꞉ka꞉tei wape piki tina꞉ iki pa꞉ta꞉ Polo mea pua endiaemekepe. Polona꞉ bikina꞉ bapitaisi pimipe.

1 Kotindi 1:13 Mawu Ofanana

Epesese 4:5

Tekehali homeke make hone tulaasoma꞉eki homeke make bapitaisi pita꞉la꞉eki make homekee.

2 Kotindi 11:4

Pa ekipeke ikana꞉ma꞉ta꞉ iki pa꞉ta꞉ ma꞉nda꞉ epima꞉ a꞉pa mo Yesu ma꞉nda꞉na꞉ wala꞉la꞉ pita꞉ pa ta꞉na꞉ma꞉ homaa opu halememe. Mo nikana꞉ma꞉ waloma꞉ Yesuna꞉ dia꞉me. Ikana꞉ma꞉ mimi sipitidi pita꞉ pi seliapo yaapota꞉ ota꞉ ta꞉ta꞉ pa꞉la꞉me. Mo hande nikana꞉ma꞉ mea epoma꞉ Sipitidi pita꞉ Pi Seliapo yaapo ota꞉ dia꞉me.

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

1 Kotindi 10:2

Kutupa mo wanda꞉halita꞉ hande ya hapi pa꞉ta꞉ make mo dawala ikali pa꞉ta꞉ make Mosesina꞉ anke telia꞉ mea pominolo haena꞉ iki paeyaota꞉ bapitaisi hau pimikime.

Aposolo 19:5

Koto pi opuata꞉ Tekehali Yesuna꞉ bikina꞉ bapitaisi pimikime.

Aposolo 10:48

Kutupa Pidama꞉ koto wanda꞉hali Yesu Ketisona꞉ bikina꞉ bapitaisi peaapa꞉pekee leekeme. Kutupa ikana꞉ma꞉ Pida pa꞉ta꞉ nate mandaneeki do pa꞉ta꞉ hamana꞉e laa honke lemekeme.

Ka꞉leisia 1:7

Koto pimika꞉ta꞉ pateta꞉ I̱ma꞉ta꞉ pi seliapota꞉ ma꞉nda꞉ ota꞉ dia꞉me hone witolome. Koto alo ekita꞉ mandane wanda꞉halima꞉ mo Ketisona꞉ ota꞉ pi seliapo topo topo puluekema꞉ taapelememe.

Ma꞉tiu 28:19

Koto ekina꞉ta꞉ wanda꞉hali paeyao ya disaipolo haena꞉ mea hamena꞉ kenke honiki honiki paeyao pa꞉ta꞉ wala꞉tia pu hapa꞉peke. Koto ya disaipolo halimi wanda꞉halita꞉ Koda꞉na꞉ bikina꞉ make Ya bikina꞉ make mo Holi Sipitidina꞉ bikina꞉ make bapitaisi hau peao hapa꞉peke.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

1 Kotindi 1:15

Kutu pua꞉ ekita꞉ ma꞉nda꞉ma꞉ Polona꞉ bikina꞉ I̱ bapitaisi peaeya꞉me laama꞉na꞉yeke loa꞉me.

Loma꞉ 14:9

Ketiso homa paa tiao hala꞉ ekita꞉ ame do pa haloma꞉ wanda꞉hali make amba꞉ homemeke wanda꞉hali make niki paeyaona꞉ Tekehali haluekema꞉ pa꞉la꞉me.

Aposolo 8:16

Pa ekipeke mo Holi Sipitidita꞉ mo wanda꞉halina꞉ weleke pa꞉ta꞉ a̱i̱ na a꞉pa pitiekeme. Mo ika꞉ bapitaisi pimiki hau make Tekehali Yesuna꞉ bikina꞉ homeke bapitaisi pimikime.

Ma꞉tiu 3:6

Kutupata꞉ mo wanda꞉halima꞉ ika꞉ hoke haumanu ka꞉la꞉polo liaena꞉ ikita꞉ Dionima꞉ mo Diodani ikali pa꞉ta꞉ bapitaisi peayekeme.