1 Kotindi 1:10 - Panake Pi La: Ula: Buka pita: Kine Pieke Buka

¹⁰ Kametonuo. Nika꞉ Tekehali Yesu Ketisona꞉ bikina꞉ ikana꞉ma꞉ do haumanu puemena꞉ do honke alome. Ka꞉ta꞉ alualu pea na hake pi homekena꞉ kake mandakena꞉ wia hapa꞉peke. Kutupa make homeke hone wiata꞉ homeke hau puluekema꞉ iki paeyao ota꞉ tunao hapa꞉peke.

1 Kotindi 1:10 Mawu Ofanana

Ma꞉tiu 9:16

Ma꞉nda꞉ma꞉ amba꞉ dau tombulu epeaaluekema꞉ mo panake dau sinkipikieki mea talao na tombulu hala꞉me. Kutu pia꞉ka꞉na꞉ta꞉ panake dau sinkipiki talaasa꞉ ekima꞉ amba꞉ dau paa sinkipa ka꞉ka꞉na꞉ tieke wilieke.

Maka 2:21

Ma꞉nda꞉ma꞉ amba꞉ dauna꞉ panake dau sinkipiki mea talao na tumbulu hala꞉me leekeme. Kutu pia꞉ka꞉na꞉ta꞉ panake dau sinkipiki talaasa꞉ ekima꞉ amba꞉ dau sinkipa ka꞉ka꞉na꞉ tieke wilieke leekeme. Amba꞉ titina꞉ sinkipi ekita꞉ ota꞉ hoelieke leekeme.

Maka 3:24

Mo kenke homekena꞉ Kapomanima꞉ ika꞉ kone putupa alu alu pea a꞉nda꞉ lia꞉ka꞉na꞉ta꞉ kota꞉ ika꞉ wanda꞉halita꞉ epeke tupa꞉ hapeke na yelieke leekeme.

Dioni 10:19

Kutupa Yesuma꞉ do pimanu leeke ekina꞉ mo Diu haliwekima꞉ putupa ta꞉ta꞉ ta꞉ta꞉ haemekeme.

Dioni 17:23

I̱ta꞉ iki pa꞉ta꞉ haloeki make neketa꞉ I̱ pa꞉ta꞉ haleeki make ikita꞉ ota꞉ homekeeki haena꞉yeke loa꞉me. Kenke wanda꞉halima꞉ta꞉ nakana꞉ma꞉ I̱ tapaaleeki make I̱ pa꞉ta꞉ pukima꞉ homele tupa꞉ do haliweki pa꞉ta꞉ koto homeke pukima꞉ homeleeki make hone wina꞉yeke loa꞉me.

Dioni 7:43

Koto leeke ekina꞉ wanda꞉halima꞉ Yesu pa꞉ta꞉ hone ta꞉ta꞉ ta꞉ta꞉ witolo hata꞉ putupa alualu pea ta꞉ta꞉ haemekeme.

Dioni 9:16

Mandane Pa꞉tisi haliwekima꞉ alota꞉ Do hau pa꞉la꞉ halita꞉ mo Hoto Pila꞉ Natena꞉ pi ula꞉eki yamba꞉la꞉la꞉ ekina꞉ ipikita꞉ Koda꞉ma꞉ na tapaala꞉me lemekepate mandane haliwekima꞉ alota꞉ Dupiki wele pita꞉la꞉ ekita꞉ hoke hau pa꞉la꞉ halima꞉ ekipa piliepe la lemekeme. Koto ekina꞉ ika꞉ kone putupaalu pea pi ta꞉ta꞉ ta꞉ta꞉ lemekeme.

Aposolo 4:32

Kutupa mo hande pi mimiki wanda꞉hali paeyaoma꞉ hone homeke hau homeke wia haemekeme. Kutupa hali ma꞉nda꞉ma꞉ ipika꞉ wieke ala꞉ta꞉ ala꞉ta꞉ ota꞉ yakaeki homekee lapeke na yekeme. Homekema꞉ wieke ala꞉ta꞉ pea꞉na꞉eki yekeme.

Loma꞉ 1:13

Yaka kame titio doeki hone wia꞉pa꞉peke. I̱ta꞉ iki ame̱le̱ hosiki halo ipuluekema꞉ hoto elekeeleke pua꞉pate ale ma꞉nda꞉ma꞉ yaka pota꞉ sa꞉sa꞉ pu hala꞉me. Iki ame̱le̱ haleme mandane wanda꞉halima꞉ pi mina꞉ puki la꞉ka꞉laluekema꞉ mo mandane Diendaili wanda꞉hali pa꞉ta꞉ pua꞉ tupa꞉ puluekema꞉ I̱ma꞉ hone pa꞉la꞉me.

Loma꞉ 12:1

Koto pa꞉la꞉ ekina꞉ yaka kame titio. Koda꞉ma꞉ niki pa꞉ta꞉ a꞉ta꞉ma꞉ wotu homo haleke handaata꞉ I̱ma꞉ iki pa꞉ta꞉ honke aloeki ma꞉nda꞉ta꞉ dupa. Hande hotekemanu lia Koda꞉ pa꞉ta꞉ halemeke tupa꞉ ame ikana꞉ma꞉ta꞉ ika꞉ loke manuta꞉ pa da꞉ta hata꞉ kone Koda꞉ pa꞉ta꞉ hala꞉pa꞉peke. Ikana꞉ma꞉ kutu pimika꞉na꞉ta꞉ kota꞉ ikita꞉ ipika꞉eki hata꞉ta꞉ ipika꞉ e pokaaluekema꞉ make ipiki ta꞉na꞉ma꞉ homaaluekema꞉ make pilimikie. Kutu pita꞉la꞉ hauta꞉ Koda꞉ pa꞉ta꞉ panda꞉puniao ika꞉ temokoma꞉ ota꞉ yeni pita꞉la꞉eki pea꞉pa꞉peke aleo.

Loma꞉ 12:16

Ikana꞉ma꞉ ika꞉ homeke homekema꞉ ika꞉ ika꞉ kone hone witolo piteleme tupa꞉ ma꞉nda꞉ ma꞉nda꞉ pa꞉ta꞉ make mandake tupa꞉ kone pa hone wia꞉pa꞉peke. Ikana꞉ma꞉ I̱ handaena꞉ hau na piki hosiki wanda꞉halima꞉ piteleme ekimanu make handa꞉ mea pea꞉pa꞉peke. Ikana꞉ma꞉ta꞉ I̱ homeke hone wotu ulu halie laa hone na wia꞉pa꞉peke.

Loma꞉ 15:30

Ya kame titio. Nikana꞉ma꞉ Tekehali Yesu Ketiso pa꞉ta꞉ hone tulao haloma꞉ ekina꞉ make mo Holi Sipitidima꞉ hande pukima꞉ homa꞉la꞉eki niki pa꞉ta꞉ ka꞉la꞉ ekina꞉ make ikana꞉ma꞉ make I̱ma꞉ make honkopu hao mandake dina꞉ Koda꞉ pa꞉ta꞉ ya yeni peaama꞉na꞉yeke I̱ma꞉ iki sutiaaso loa꞉me.

Loma꞉ 16:17

Yaka Ketiso kame titio. I̱ma꞉ iki sutiaaso hata꞉ dupiki pi alome. Mo wanda꞉halina꞉ hone tulaasemeeki hoeyaasa꞉eki make wanda꞉hali ka꞉ta꞉ alualu peaasa꞉eki make kutupiki hau piteleme wanda꞉halima꞉ iki hoeyaama꞉na꞉ma꞉ wotu handeteke hapa꞉peke. Amba꞉ titina꞉ iki pa꞉ta꞉ walemeke handa ikana꞉ma꞉ opimiki pi manuta꞉ ame mo wanda꞉halima꞉ tombualuekema꞉ taapelememe. Koto wanda꞉halita꞉ iki ame̱le̱ mandake pa꞉ta꞉ na momba꞉la꞉pa꞉peke.

1 Kotindi 1:11

Kametitio. Iki pa꞉ta꞉ Kolauna꞉ tapakema꞉ la kimieki loa꞉me. Paeyaoma꞉ ape ape lo halememe leme ekina꞉ loa꞉me.

1 Kotindi 11:18

I̱ma꞉ mandane opitoloeki dupa. Ikana꞉ma꞉ yeni puluekema꞉ momba꞉la hata꞉ kone tekilipa ta꞉ta꞉ ta꞉ta꞉ pea halememe laa alemeeki opitolo hata꞉ mandaneeki ota꞉ ekie hone witolome.

1 Kotindi 12:25

Koto pa꞉la꞉ ekina꞉ mo hande loketa꞉ pa yoka yoka pea na hake mo hande tunaala꞉ alemanu paeyaoma꞉ta꞉ ika꞉ kone handeteke ha alualu puemena꞉yeke pa꞉la꞉me.

1 Kotindi 3:3

Ikana꞉ma꞉ ne tunkula꞉la꞉ haumanu make ape ala꞉ ekimanu make kutupiki haumanu piteleme ekita꞉ mo kenke wanda꞉halima꞉ pu haleme tupa꞉ kone pitelememe.

1 Kotindi 4:16

Koto ekina꞉ iki pa꞉ta꞉ dupa꞉pe laa I̱ma꞉ honke tieke alome. I̱ma꞉ pitoloeki moka꞉la hata꞉ kone pipe la alome.

2 Kotindi 10:1

I̱ta꞉ Poloma꞉ ya kone iki pa꞉ta꞉ honke alome. I̱ta꞉ hande iki ame̱le̱ halo dina꞉ta꞉ homu pea dete polopate iki mina꞉pa꞉lao papate halo dina꞉ta꞉ tanda pola꞉me lo hala꞉ma꞉ somema꞉ loa꞉me. Ketisona꞉ homu toloma꞉ lita꞉la꞉eki pita꞉ a꞉ta꞉ma꞉ homolo hata꞉ puki hala꞉la꞉ ekima꞉ta꞉ I̱ma꞉ iki honke alota꞉

2 Kotindi 13:11

Koto ekina꞉ ameta꞉ yaka kame tonuo iki pa꞉ta꞉ a꞉taloe alome. Eki a꞉nda꞉ ota꞉ na piki wanda꞉hali hamena꞉ iki ota꞉ honkopu hao hapa꞉peke. Yaka loa꞉ honke pimanu opu hapa꞉peke. Ma꞉nda꞉ ma꞉nda꞉ ame̱le̱ homeke hone u alualu pea꞉pa꞉peke. Puki lopaniaasa꞉eki pa꞉ta꞉ hapa꞉peke. Kutupa mo pukima꞉ homa꞉la꞉eki make puki lopaniaasa꞉ ekina꞉ Koda꞉ta꞉ iki ame̱le̱ halieke.

2 Kotindi 13:9

Niki damako poloma꞉ dina꞉ta꞉ iki honkopu hao haleme ekima꞉ nikita꞉ ta꞉na꞉ wopu pa꞉la꞉me. Koto ekina꞉ta꞉ iki ota꞉eki a꞉nda꞉ na piki wanda꞉hali hamena꞉ nikana꞉ma꞉ yeni pea꞉tiki pu haloma꞉me.

2 Kotindi 5:20

Koto ekina꞉ ameta꞉ niki do Ketisona꞉ pi lawaaso handa꞉e. Koda꞉ niki pa꞉ta꞉ yama꞉ ipika꞉ homu toluma꞉ wi la꞉la꞉eki kone peneme yaasa꞉me. Nikana꞉ma꞉ta꞉ Ketisona꞉ pi laaso hata꞉ wi aloma꞉ ekita꞉ dupae. Koda꞉ma꞉ iki a꞉nda꞉ tunkuliki wanda꞉hali halemeeki topo peao ipika꞉ yankeke au laena꞉ lapee lo haloma꞉me.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

Ka꞉leisia 4:12

Kametonuo. Ikita꞉ I̱ tupa꞉ hamena꞉yeke I̱ma꞉ iki honke alome. I̱ make ikima꞉ handeke some kone halome. Ikana꞉ma꞉ I̱ pa꞉ta꞉ hoke hau ma꞉nda꞉ na pelememe.

Pilipai 1:27

Ketisona꞉ Pi Seliapoma꞉ puemena꞉ wala꞉la꞉ tupa꞉ pu haleme hauta꞉ ota꞉ tumiki haue. Kutu pilimipate I̱ epoa꞉ka꞉na꞉ make o pa ika꞉ pilimi hauna꞉ pi lalimieki opua꞉ka꞉na꞉ make kota꞉ ikita꞉ taka꞉lao haemeka꞉ta꞉me hone ulueke. Kutupa mo wanda꞉halima꞉ Ketisona꞉ Pi Seliapo pa꞉ta꞉ hone tulaena꞉ ikana꞉ma꞉ ota꞉ homeke hone wia hata꞉ tamba꞉ mualualu pu haemeka꞉ta꞉me hone ulueke.

Pilipai 3:16

Eki hau puma꞉ka꞉na꞉ta꞉ mo amba꞉ mea putia epoma꞉ hau tupa꞉ kone ame do ane make koto hau tupa꞉ kone pua꞉tiki pomana꞉e.

1 Desalonaika 5:13

Koto e poko haleme ekina꞉ iki pa꞉ta꞉ pukima꞉ homa hata꞉ hone wopu u hapa꞉peke. Ika꞉ ika꞉ kone homu pea puki homeke wia hapa꞉peke.

2 Desalonaika 2:1

Nika꞉ kametonuo. Mo hande nika꞉ Tekehali Yesu Ketisoma꞉ paa epolo pa꞉la꞉ ekina꞉ make ipiki pa꞉ta꞉ niki momba꞉laasa꞉ ekina꞉ make hone witolo hata꞉ iki honke alo dupiki pi aloma꞉me.

1 Timodi 5:21

Mo Koda꞉ make Ketiso Yesu make mo ma̱leke lila꞉ enisolomanu make iki paeyaona꞉ leke potopoto hata꞉ I̱ma꞉ neke pa꞉ta꞉ la꞉ witolo pita꞉ dupa alome. Nakana꞉ma꞉ homeke pa꞉ta꞉ homeke puki wita꞉la꞉ hau na pu make mandane tapake homeke na petolo pikita꞉ do ya pea꞉peke alo ekita꞉ ota꞉ paeyao pa꞉ta꞉ hone witolo hata꞉ pea꞉peke.

2 Timodi 4:1

Mo pa haleme wanda꞉hali pita꞉ amba꞉ homemeke wanda꞉hali pea telipulu pa꞉la꞉ Ketiso Yesu pita꞉ Koda꞉ yaapona꞉ leke popelekena꞉ telepo pi na alopate Ketisota꞉ mo wanda꞉halina꞉ handeteke hao halo pa꞉la꞉ Kini hali ipiliekeyeke ya pukima꞉ ka꞉nda꞉ma꞉ homolo haena꞉ I̱ma꞉ neke pa꞉ta꞉ dupa꞉pekee alome.

1 Pida 2:11

Ya yankeke tonuo. Iki do kenkena꞉ta꞉ ta꞉eileke epeleme na handeke wanda꞉hali leke hamena꞉ I̱ma꞉ honke alo ekita꞉ dupa Ika꞉ temoko a꞉nda꞉ lu tiaasa꞉ lokena꞉ hone pa꞉la꞉ ekimanu pa꞉ta꞉ waleke na wiao hapa꞉peke.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.