1 Dioni 3:9 - Panake Pi La: Ula: Buka pita: Kine Pieke Buka

⁹ Ma꞉nda꞉ epita꞉ Koda꞉na꞉ eiyeke haya꞉ka꞉na꞉ta꞉ kota꞉ hoke hau pa na putia pu hala꞉me. Pa ekipeke Koda꞉na꞉ da꞉ta꞉la꞉eki kone ipiki pa꞉ta꞉ pila꞉me. Kutupa Koda꞉ta꞉ ipika꞉ Apa꞉ yaalo ipikana꞉ma꞉ hoke hau pa putia pua꞉peke na ya꞉la꞉me.

1 Dioni 3:9 Mawu Ofanana

Ma꞉tiu 7:18

Kutu pulu pa꞉la꞉pate ipi saosao liki tima꞉ta꞉ hoke kiliki a꞉eya꞉peke na yelieke. Kutaa make haka꞉teke tima꞉ epeke kiliki a꞉eyo pea꞉peke na ya꞉la꞉me.

Dioni 1:13

Koto ekina꞉ Koda꞉ma꞉ mo wanda꞉halita꞉ ipika꞉ weki wandiki haena꞉ leekepate kenke halima꞉ mendiaasa꞉ tupa꞉ na mendiaeyekeme. Koda꞉ kone ika꞉ apa꞉ hayekeme.

Dioni 3:3

Koto pi leeke handa Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali epima꞉ pa panake weki leke na mendia꞉ka꞉na꞉ta꞉ kota꞉ Koda꞉ ipika꞉ Kilu Tombuao Hala꞉eki na handilieke leekeme.

Aposolo 4:20

Dikana꞉ma꞉ handopa꞉eki make opupa꞉eki make pa wala꞉peke ya꞉la꞉me leekeme.

Loma꞉ 6:2

A꞉pa꞉e. Dia꞉me. Hoke hau pita꞉la꞉eki pa꞉ta꞉ nikita꞉ amba꞉ homoma꞉me. Ekipeke paa putia pua꞉tiki pumana꞉pe.

Ka꞉leisia 5:17

Pa ekipeke alo mo lokena꞉ hauma꞉ta꞉ mo Holi Sipitidi bepolaluekema꞉ taapo hala꞉me. Kutupa make mo Holi Sipitidima꞉ta꞉ mo lokena꞉ haumanu bepolaluekema꞉ taapo pu hala꞉me. Koto hau yaapoma꞉ta꞉ a꞉nda꞉ lu alu pu halepeme. Koto pitepe ekima꞉ta꞉ ikana꞉ma꞉ mo puluekema꞉ hone pa꞉la꞉ hau pia꞉peke ekita꞉ ota꞉ pea꞉peke na ya꞉la꞉me.

Taitasi 1:2

Ika꞉ mo koto hone tulalemeeki make mo ota꞉ pi miniki halemeeki make do hau yaapota꞉ mo deto hala꞉ hauna꞉ ti laasa꞉eki pa꞉ta꞉ ti lalememe. Mo yayapiki pi na lo hala꞉ Koda꞉ma꞉ amba꞉ mo ala꞉ta꞉ ala꞉ta꞉ paeyao na wepia wina꞉ leke do deto hala꞉ ekita꞉ niki pa꞉ta꞉ hone witolo hata꞉ pi la꞉ wiekeme.

1 Pida 1:23

Ikita꞉ homa꞉la꞉ apa꞉na꞉ wekiwandiki hamena꞉ dia꞉ya꞉la꞉pate da꞉ta hao hala꞉ apa꞉na꞉ wekiwandiki hamena꞉ Koda꞉na꞉ da꞉ta hao hala꞉ pima꞉ iki paa mendiaeyekeme.

1 Dioni 2:29

Ketisota꞉ tikitiki pa꞉la꞉me laata꞉ ika꞉ hone wilimime. Kota꞉ ma꞉nda꞉ epi ameda tikitiki piki hau pu haya꞉ka꞉na꞉ta꞉ Koda꞉na꞉ wekiwandikie laata꞉ ika꞉ hone witolo pelememe.

1 Dioni 3:6

Koto ekina꞉ ma꞉nda꞉ epi Ketiso yaapo hone homeke wia ta꞉ma꞉ni pu haya꞉ka꞉na꞉ta꞉ kota꞉ koto someta꞉ hoke hau pa na pu hala꞉me. Pate ma꞉nda꞉ epita꞉ hoke hau pa putia pea꞉ka꞉na꞉ta꞉ kota꞉ koto someta꞉ Ketiso ota꞉ na handa꞉la꞉ make hone na ula꞉me.

1 Dioni 4:7

Yaka ta꞉ma꞉ni tonuo. Nikana꞉ma꞉ta꞉ ma꞉nda꞉ ma꞉nda꞉ pa꞉ta꞉ pukima꞉ homa꞉ alualu pu hamana꞉e. Pa ekipeke mo pukima꞉ homa꞉la꞉ hauna꞉ teketa꞉ Koda꞉e. Ma꞉nda꞉ epima꞉ pukima꞉ homea꞉ka꞉na꞉ta꞉ ipikita꞉ Koda꞉na꞉ eiyeke hala꞉ make Koda꞉ handa꞉la꞉me.

1 Dioni 5:1

Ma꞉nda꞉ epima꞉ Yesuta꞉ Ketisoe laa hone tulaeya꞉ka꞉na꞉ta꞉ ipikita꞉ Koda꞉na꞉ eiyeke hala꞉me. Kutupa ma꞉nda꞉ epima꞉ ateke pa꞉ta꞉ pukima꞉ homea꞉ka꞉na꞉ta꞉ kota꞉ ipika꞉ eiyeke make pukima꞉ homa꞉la꞉me.

1 Dioni 5:18

Nikana꞉ma꞉ mo Koda꞉na꞉ weki wandikima꞉ta꞉ hoke hau pa na pitolo ombu hala꞉me laa hone uluma꞉me. Pa ekipeke mo Koda꞉na꞉ Eiyekema꞉ iki handeteke hala꞉me ekita꞉ mo Hoke Temokoma꞉ iki hoeyaapeke na ya꞉la꞉me.

1 Dioni 5:4

Paa ekipeke Koda꞉na꞉ wekiwandiki paeyaoma꞉ta꞉ do kenke hauta꞉ ota꞉ ana꞉na꞉ bepolapeke ya꞉la꞉me. Kutupa nika꞉ hone tulaaloma꞉ ekima꞉ta꞉ do kenkena꞉ hau bepolatia pu haloma꞉me.

3 Dioni 1:11

Yaka yankekeo. Mo hokeeki na moka꞉la handeketa꞉ mo epekeeki homeke moka꞉la handa꞉peke. Ma꞉nda꞉ epima꞉ epekeeki pia꞉ka꞉na꞉ta꞉ ipikita꞉ Koda꞉na꞉ ekie. Ma꞉nda꞉ epima꞉ hokeeki pia꞉ka꞉na꞉ta꞉ ipikita꞉ Koda꞉ na handeke some hala꞉me.