1 Dioni 3:5 - Panake Pi La: Ula: Buka pita: Kine Pieke Buka

⁵ Ketiso opolo epeeke ekita꞉ nika꞉ hoke hau mea bawaluekema꞉ a꞉pa꞉la꞉me. Kutupa ipiki pa꞉ta꞉ta꞉ hokeeki ma꞉nda꞉ na ula꞉me laa hone wilimime.

1 Dioni 3:5 Mawu Ofanana

Ma꞉tiu 1:21

Mo wekita꞉ hali weki mendilieke. Kutu pia꞉ka꞉na꞉ ipika꞉ wanda꞉hali mea da꞉taalo pa꞉la꞉ ekina꞉ yeketa꞉ ipika꞉ biki Yesue lelipipikie leekeme.

Luku 23:41

Dikita꞉ dika꞉ pupa꞉ ekina꞉ yenki ana꞉na꞉ minolopa꞉pate ipiki homeke hau ma꞉nda꞉ na pa꞉la꞉me laa

Luku 23:47

Mo hande ami haliwekina꞉ you halima꞉ mo piekeeki hando haota꞉ Koda꞉na꞉ biki mea miniliaaso hata꞉ alota꞉ Ipikita꞉ ota꞉ epeke hali yekeme leekeme.

Dioni 1:29

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

Dioni 1:31

Hande halita꞉ epipe laa hone na ua꞉pate I̱ma꞉ Isulai wanda꞉hali paeyao pa꞉ta꞉ waluekema꞉ ikalima꞉ wanda꞉hali bapitaisi peaalo epoa꞉me leekeme.

Dioni 14:30

Do kenkena꞉ you hali epolo pa꞉la꞉ ekina꞉ I̱ma꞉ta꞉ iki pa꞉ta꞉ pi wotu na lolueke. Ipikana꞉ma꞉ta꞉ I̱ pa꞉ta꞉ hau ma꞉nda꞉ pea꞉peke na ya꞉la꞉pate

Dioni 8:46

Iki pa꞉ta꞉ hala꞉ hali epima꞉ I̱ma꞉ hoke hau pua꞉eki ma꞉nda꞉ peneme yaaliepe. I̱ma꞉ ota꞉ pi loa꞉ka꞉na꞉ta꞉ pa ekipeke na opitelemepe.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

1 Timodi 1:15

Ota꞉ opua hone tulaapeke ya꞉la꞉ ota꞉ pi ma꞉nda꞉ta꞉ dupa. Ketiso Yesuma꞉ hoke hau pu haloma꞉ wanda꞉hali da꞉taaluekema꞉ yeke do kenkena꞉ epeekeme. Koto ekina꞉ mo hoke hau wopu pita꞉la꞉ halita꞉ I̱ ya꞉pate

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Hibulu 1:3

Ipikita꞉ Koda꞉na꞉ pa̱a̱ tieke nikina꞉ pa̱a̱ peaasa꞉ hali hata꞉ make Koda꞉ma꞉ handeke kone make hata꞉ ipika꞉ wele wotu piki pima꞉ do kenke ya paeyao miniliao hala꞉me.

Hibulu 4:15

Nika꞉ Yeni peao hala꞉ You halima꞉ta꞉ nika꞉ honkopu na hake dete piki haumanu handaa a꞉ta꞉ma꞉ na homolo pa꞉la꞉ hali dia꞉me. Kotoeki na pikita꞉ nika꞉ Yeni peao hala꞉ You halita꞉ mo niki la handa꞉peke ya꞉la꞉ ekimanu paeyaoma꞉ ipiki make la handetiki piekepate hoke hau homeke siki ma꞉nda꞉ a꞉nda꞉ ota꞉ na piekeme.

Hibulu 7:26

Koto ekina꞉ Yesuta꞉ Yeni Peao Hala꞉ You Hali hata꞉ nika꞉ ka꞉nda꞉manu ana꞉na꞉ tamba꞉ mea꞉peke ya꞉la꞉me. Ipikita꞉ yako piki hali hala꞉me. Kutupata꞉ ipiki pa꞉ta꞉ eki a꞉nda꞉ ma꞉nda꞉ o hoke hau ma꞉nda꞉ ota꞉ na ula꞉me. Ipika꞉ hauta꞉ hoke hau pu haleme wanda꞉halina꞉ hau leke na pieke handaa Koda꞉ma꞉ Neketa꞉ ota꞉ ta꞉ta꞉ pa꞉la꞉ halie laa ota꞉ oli hepeni manda nane mini liao haena꞉ la꞉la꞉me.

Hibulu 9:26

Kota꞉ a꞉nda꞉ tana꞉ eleke eleke pua꞉tiki pia꞉ka꞉na꞉ yoluta꞉ kota꞉ Koda꞉ma꞉ mo kenke kini pea wepia꞉ dina꞉ kone kini pea pua ame do make Ketisoma꞉ tanda tieke wopu mia꞉tiki mia꞉tiki pu halo pia꞉me. Kutu na pikita꞉ ame do paetolo naneta꞉ Ketisoma꞉ ipika꞉ homeeke ekima꞉ kone mo hoke hau yokawaluekema꞉ tana꞉ homeke homeke opolo epeekeme.

Hibulu 9:28

Koto tupa꞉ kone Ketisoma꞉ wanda꞉hali wopuna꞉ hoke hau yokawaluekema꞉ lia we hala꞉la꞉ hoteke tupa꞉ hoto homeke homekema꞉ homeekeme. Ipikana꞉ma꞉ hoto ma꞉nda꞉ opolo epolo pa꞉la꞉ ekita꞉ wanda꞉halina꞉ hoke hau yokawaluekema꞉ dia꞉ ya꞉la꞉pate pa mo ipiki epena꞉ yuwia haleme wanda꞉hali peteluekema꞉ homeke ipilieke.

1 Pida 1:18

Ika꞉ atekena꞉ atekema꞉ kieke mimi napeke na pitu epe na piki hau manuna꞉ta꞉ Koda꞉ma꞉ iki ka꞉la꞉pa꞉ tapaala꞉ yenki haleeke ekita꞉ iki hone wilimime. Mo yenkita꞉ manimanu silipa o kolo hoeyaapeke ya꞉la꞉ mani ula꞉ tupa꞉ta꞉ dia꞉me.

1 Pida 1:20

Koda꞉ma꞉ do kenke a̱i̱ na wepieke pita꞉ma꞉ kone Yesu amba꞉ mea hayekeme kutupa do wetepe naneta꞉ iki tamba꞉ muluekema꞉ ipiki peneme yaeyekeme.

1 Pida 2:22

Yesuma꞉ta꞉ hoke haumanu paeyao na piekeme. Kutupa ipika꞉ kake hambilikima꞉ yayapiki pi na leekeme. Wanda꞉hali paeyao ma꞉nda꞉ma꞉ a꞉nda꞉ ota꞉ na opimikime.

1 Pida 2:24

Nikana꞉ma꞉ hoke hau pa꞉ta꞉ homomono kutupa tikitiki hau pa꞉ta꞉ da꞉ta hamono Ketisoma꞉ kone ipika꞉ lokema꞉ nika꞉ hoke hau mea tia a꞉ka꞉tei wape ti manda peekeme. Ipika꞉ loke lieke ekima꞉ta꞉ iki da꞉taala꞉me.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

1 Dioni 1:2

Hande Da꞉ta꞉la꞉ ekita꞉ do kenkema꞉ handolo poloma꞉ tupa꞉ peneme yamo epeeke handa nikana꞉ma꞉ handoma꞉me. Kutupa koto mo Ateke yaapo hao hayeke niki pa꞉ta꞉ peneme yaeya꞉ Deto hala꞉ ekina꞉ pi iki pa꞉ta꞉ la kitolome.

1 Dioni 1:7

Pate mo ipikita꞉ pa̱a̱ pa꞉la꞉eki pa꞉ta꞉ hala꞉ tupa꞉ niki make mo pa̱a̱ pa꞉la꞉eki pa꞉ta꞉ hao poluma꞉ka꞉na꞉ta꞉ kota꞉ nikita꞉ mandakena꞉ hone homeke u alualu poloma꞉me. Kutupa ipika꞉ Eiyeke Yesuna꞉ wema꞉ta꞉ nika꞉ hokeeki paeyao wamo peaasa꞉me.

1 Dioni 2:1

Yaka wekiwandiki ikana꞉ma꞉ hokeeki na pulu peleme tupa꞉ I̱ma꞉ doeki iki pa꞉ta꞉ laasome. Pate ma꞉nda꞉ epima꞉ hokeeki pia꞉ka꞉na꞉ta꞉ kota꞉ nika꞉ hau peaaso hata꞉ Apa꞉ pa꞉ta꞉ honke lawaasa꞉ some ma꞉nda꞉ hala꞉me. Ipikita꞉ tikitiki piki some Yesu Ketiso hala꞉me.

1 Dioni 2:2

Kutupa Ketisota꞉ nika꞉ hoke hau paeyawala꞉ ekina꞉ tekee. Nika꞉ hoke hau homeke dia꞉ya꞉la꞉pate pa paeyao sikina꞉ hoke hau make loa꞉me.

1 Dioni 2:29

Ketisota꞉ tikitiki pa꞉la꞉me laata꞉ ika꞉ hone wilimime. Kota꞉ ma꞉nda꞉ epi ameda tikitiki piki hau pu haya꞉ka꞉na꞉ta꞉ Koda꞉na꞉ wekiwandikie laata꞉ ika꞉ hone witolo pelememe.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.