1 Dioni 3:2 - Panake Pi La: Ula: Buka pita: Kine Pieke Buka

² Ota꞉ yaka ta꞉ma꞉ni sunuo. Nikita꞉ ameta꞉ Koda꞉na꞉ wekiwandiki ya꞉la꞉pate pa mo wetepena꞉ halo polome ekita꞉ a̱i̱ na peneme yaala꞉me. Koto pa꞉la꞉pate mo Ketiso opolo ipilia꞉ dina꞉ta꞉ nikita꞉ ipikima꞉ kone handulumeke. Pa ekipeke ipikita꞉ ota꞉ ipika꞉ hala꞉eki nika꞉ lekema꞉ handolo polome ekina꞉ loa꞉me.

1 Dioni 3:2 Mawu Ofanana

Ma꞉tiu 5:8

Ika꞉ puki pa꞉ta꞉ ala꞉ta꞉ ma꞉nda꞉ na talena꞉ leke wamo pea haleme wanda꞉halima꞉ta꞉ ta꞉na꞉ma꞉ homo halememe. Koto wanda꞉halima꞉ta꞉ Koda꞉ handilimikie.

Luku 17:30

Mo Wanda꞉halina꞉ Eiyeke peneme yao walia꞉ natena꞉ta꞉ homeke tupa꞉ kone ipilieke.

Luku 20:36

Ikita꞉ enisoloma꞉ handaa paa na homeke hao halimikie. Ikita꞉ Koda꞉na꞉ wekiwandiki halimikie. Pa ekipeke ikita꞉ homa paa tialememe.

Dioni 1:12

Kutu pimikipate mandane wanda꞉halima꞉ta꞉ ipiki handa꞉ meata꞉ ipiki pa꞉ta꞉ hone tulao hatiki pimikime. Kutu pimiki handaata꞉ koto wanda꞉halita꞉ Koda꞉na꞉ weki wandiki haena꞉ leekeme.

Dioni 11:52

Kutupa make mo Diu wanda꞉hali pa꞉ta꞉ homeke na homeke mo Koda꞉na꞉ weki wandikita꞉ pa hata꞉ pepi pea haena꞉ kone paeyao handa꞉ mea homeke tapake kone apa꞉tao haena꞉yeke Yesu homolo pa꞉la꞉eki la halolo hata꞉ leekeme.

Dioni 17:24

Apa꞉o. Do haliwekita꞉ nakana꞉ma꞉ I̱ pa꞉ta꞉ keleme. Koto pele ekina꞉ I̱ halo alena꞉ iki make koto pa꞉ta꞉ haena꞉ yaka pa̱a̱ piki biki tieke moloeki handena꞉yeke I̱ma꞉ hone pa꞉la꞉me. Koto biki tieketa꞉ nakana꞉ma꞉ keleekie. Do kenke a̱i̱ na wepieke dina꞉ kone I̱ pa꞉ta꞉ pukima꞉ homele ekina꞉ keleme.

Loma꞉ 8:16

Koda꞉ ipika꞉ Sipitidima꞉ nika꞉ temoko yaapo ta꞉ma꞉ni pea hata꞉ nikita꞉ Koda꞉ ipika꞉ wekiwandiki haloma꞉eki peneme yao waluekema꞉ pa꞉la꞉me.

Loma꞉ 8:18

I̱ma꞉ handolo ekita꞉ dupae. Wetepe mo hande kapu tieke handolo poloma꞉ ekima꞉ta꞉ ame do nikana꞉ma꞉ tanda tanda minoloma꞉ ekita꞉ ota꞉ ankulalieke.

Loma꞉ 8:19

Koda꞉ma꞉ wepia wina꞉ la꞉la꞉ alemanu paeyaoma꞉ta꞉ Koda꞉ma꞉ ipika꞉ eiyeketiti halemeeki peneme yao walena꞉yeke ta꞉na꞉ma꞉ homa hata꞉ leke wia handeteke hao halememe.

Loma꞉ 8:29

Koda꞉ma꞉ amba꞉ talopu mea haena꞉ la꞉la꞉ wanda꞉halita꞉ ipika꞉ Eiyeke leke haena꞉yeke amba꞉ handa꞉ mea ta꞉ta꞉ haena꞉ la꞉la꞉me. Koto pa꞉la꞉ ekita꞉ ipika꞉ Eiyeketa꞉ ipika꞉ kamemanu paeyao ame̱le̱ hata꞉ta꞉ ipikita꞉ titina꞉ hali haena꞉yeke pa꞉la꞉me.

1 Kotindi 13:12

Nikana꞉ma꞉ ame do hata꞉ handoloma꞉eki manuta꞉ pa mo ankupiki su̱a̱ta꞉na꞉ pa꞉ta꞉ handeke nono pitoloma꞉me. Kutu pitoloma꞉pate wetepe nina꞉ta꞉ ota꞉ leke popeleke wopu handa꞉ alualu pulumeke. Ameta꞉ hosikima꞉ handolopate wetepe nina꞉ta꞉ Koda꞉ma꞉ I̱ wopu handa꞉la꞉ tupa꞉ kone I̱ma꞉ make hau paeyao ota꞉ handulueke.

1 Kotindi 15:49

Ameta꞉ nikana꞉ma꞉ hande kenkema꞉ wepia haena꞉ leeke halima꞉ handoloma꞉ tupa꞉ kota꞉ wetepena꞉ mo hepeni nane hao epeeke halima꞉ handulumeke.

1 Kotindi 2:9

Koto pa꞉la꞉pate hande Baibolo bukana꞉ wape pa꞉la꞉ tupa꞉ta꞉ Wanda꞉hali homeke a꞉nda꞉ma꞉ na handeekeeki make na opiekeeki make honema꞉ na niminaeyekeeki make kotoeki kone Koda꞉ma꞉ mo ipiki pa꞉ta꞉ pukima꞉ homa꞉la꞉ wanda꞉hali pa꞉ta꞉ peaeyekeme laa wape pa꞉la꞉me.

2 Kotindi 3:18

Kota꞉ niki paeyaota꞉ mo Tekehalina꞉ pa̱a̱ta꞉ na a꞉mbake nika꞉ leke popelekema꞉ta꞉ ipika꞉ pa̱a̱na꞉ su̱a̱ su̱a̱ waloma꞉me. Kutupa koto homeke pa̱a̱ma꞉ kone Tekehali hande Sipitidi pa꞉ta꞉ yama꞉ ipula꞉ ekima꞉ta꞉ nikita꞉ mo hoto paeyao pa daeya꞉tiki pu hala꞉ pa̱a̱ tieke pa꞉ta꞉ ipikima꞉ handomono topo peao hala꞉me.

2 Kotindi 4:17

Kutupa do hosiki pa ta꞉ka꞉li minoloma꞉ ka꞉nda꞉ manuma꞉ta꞉ koto ka꞉nda꞉ ota꞉ lombeipiki pa u halopa꞉la꞉ seliapo piki pa̱a̱ mea ipilieke.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Ka꞉leisia 4:6

Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

Pilipai 3:21

Ipikana꞉ma꞉ta꞉ mo nika꞉ dete piki tande polo pa꞉la꞉ loke manuta꞉ mo ipika꞉ ota꞉ ta꞉ta꞉ piki pa̱a̱ pupapeke lokema꞉ handekeeki topo peao hawalieke. Koto hauta꞉ mo ipika꞉ ala꞉ta꞉ ala꞉ta꞉ paeyao lu tumbapeke ya꞉la꞉ welema꞉ peawalieke.

Kolosi 3:4

Ika꞉ ota꞉ da꞉ta꞉la꞉ ekita꞉ Ketiso yaalo ipiki opolo epea꞉ka꞉na꞉ta꞉ kota꞉ iki make ipiki ame̱le̱ mandakena꞉ opolo a꞉pa ipika꞉ pa̱a̱ pa꞉la꞉eki telipilimikie.

Hibulu 9:28

Koto tupa꞉ kone Ketisoma꞉ wanda꞉hali wopuna꞉ hoke hau yokawaluekema꞉ lia we hala꞉la꞉ hoteke tupa꞉ hoto homeke homekema꞉ homeekeme. Ipikana꞉ma꞉ hoto ma꞉nda꞉ opolo epolo pa꞉la꞉ ekita꞉ wanda꞉halina꞉ hoke hau yokawaluekema꞉ dia꞉ ya꞉la꞉pate pa mo ipiki epena꞉ yuwia haleme wanda꞉hali peteluekema꞉ homeke ipilieke.

2 Pida 1:4

Dupita꞉la꞉ hauma꞉ta꞉ ipikana꞉ma꞉ mo la꞉ ula꞉ ota꞉ aneke make seliapo piki pa hameke hala꞉la꞉ alemanu ka꞉la꞉me. Pa ekipeke. Dupiki pa hameke hala꞉la꞉ ale manuma꞉ta꞉ mo hande do kenkena꞉ ula꞉ hoeyaasa꞉ puki tiaasa꞉ hau mea paka꞉lao mo Koda꞉na꞉ ota꞉ hau pa꞉ta꞉ a꞉pa apa꞉taalimikie.

1 Dioni 2:28

Ota꞉e. Yaka wekiwandikio. Ipiki yaapo ta꞉ma꞉ni pea hapee. Pa ekipeke ipiki opolo epea꞉ka꞉na꞉ta꞉ nikita꞉ honkopu haasa꞉ ekima꞉ tumbulu pa꞉la꞉ tupa꞉ loa꞉me. Kutupa koto mo ipilia꞉ natena꞉ta꞉ ipiki handolo hata꞉ yaala꞉ma꞉ na homolo polome tupa꞉ loa꞉me.

1 Dioni 2:7

Yaka pukipiki yankeke tonuo. Iki pa꞉ta꞉ I̱ma꞉ do laaso pi ula꞉ ekita꞉ panakeeki dia꞉me. Mo kini pitolo hata꞉ hande amba꞉ wia haeme pi ula꞉eki konee. Koto amba꞉ pi ula꞉ ekita꞉ ika꞉ amba꞉ hande opeleme ekimanue.

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.

1 Dioni 3:10

Mo Koda꞉na꞉ wekiwandiki pita꞉ mo Hoke Temokona꞉ wekiwandiki yaapo ata꞉ka꞉ tieke pa꞉la꞉ ekita꞉ dupae. Ma꞉nda꞉ epima꞉ mo ota꞉ hau na pu o ipika꞉ yankeke pukima꞉ na homo pia꞉ka꞉na꞉ta꞉ ipikita꞉ Koda꞉na꞉ weki na hala꞉me.

1 Dioni 3:21

Koto ekina꞉ yaka pukipiki ta꞉ma꞉ni sunuo. Nika꞉ honema꞉ a꞉nda꞉ niki hoke hau na poloma꞉me lea꞉ka꞉na꞉ta꞉ kota꞉ nikita꞉ Koda꞉na꞉ leke popelekena꞉ puki hana꞉ nokopoloma꞉me.

1 Dioni 5:1

Ma꞉nda꞉ epima꞉ Yesuta꞉ Ketisoe laa hone tulaeya꞉ka꞉na꞉ta꞉ ipikita꞉ Koda꞉na꞉ eiyeke hala꞉me. Kutupa ma꞉nda꞉ epima꞉ ateke pa꞉ta꞉ pukima꞉ homea꞉ka꞉na꞉ta꞉ kota꞉ ipika꞉ eiyeke make pukima꞉ homa꞉la꞉me.

Peneme Yaeyekeeki 2:28

Kutupa mo da ka꞉la꞉paaso opa꞉la꞉ hombulanka꞉ make iki pa꞉ta꞉ halueke.

Peneme Yaeyekeeki 22:4

Ikana꞉ma꞉ta꞉ ipika꞉ leke popeleke handaa make ipika꞉ bikita꞉ ika꞉ wenokonina꞉ laalimikie.