1 Dioni 2:6 - Panake Pi La: Ula: Buka pita: Kine Pieke Buka

⁶ Ma꞉nda꞉ epima꞉ Koda꞉ yaapo ta꞉ma꞉ni pea halome lea꞉ka꞉na꞉ta꞉ kota꞉ ipikita꞉ mo Yesu Ketisoma꞉ pieke tupa꞉ kone hao pelia꞉peke ya꞉la꞉me.

1 Dioni 2:6 Mawu Ofanana

1 Pida 2:21

Koto piki hau puemena꞉ Koda꞉ma꞉ iki wi leekeme. Kota꞉ Ketiso ipikana꞉ma꞉ kone iki tamba꞉ muluekema꞉ ka꞉nda꞉ miekeme. Kutupa mo handa piekeeki ikana꞉ma꞉ telia puemena꞉ yeke walolo piekeme.

Dioni 13:15

I̱ma꞉ iki pa꞉ta꞉ peaowa꞉ ekita꞉ ikana꞉ma꞉ make puemena꞉yeke wala꞉ tiaaso pua꞉me.

1 Kotindi 11:1

Koto ekina꞉ I̱ma꞉ Ketisona꞉ hau moka꞉la hando halo tupa꞉ ikana꞉ma꞉ make I̱ma꞉ pitoloeki kone moka꞉la hando hapa꞉peke.

1 Dioni 3:6

Koto ekina꞉ ma꞉nda꞉ epi Ketiso yaapo hone homeke wia ta꞉ma꞉ni pu haya꞉ka꞉na꞉ta꞉ kota꞉ koto someta꞉ hoke hau pa na pu hala꞉me. Pate ma꞉nda꞉ epita꞉ hoke hau pa putia pea꞉ka꞉na꞉ta꞉ kota꞉ koto someta꞉ Ketiso ota꞉ na handa꞉la꞉ make hone na ula꞉me.

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.

Ma꞉tiu 11:29

I̱ma꞉ iki pa꞉ta꞉ kitolo tita꞉ mea ika꞉ peiyokona꞉ tia hata꞉ta꞉ ya hau honda꞉ mea pia꞉pa꞉peke. Pa ekipeke. I̱ta꞉ kimelema꞉ hata꞉ ya pukima꞉ homu pea halome. Koto ekima꞉ta꞉ ikana꞉ma꞉ ika꞉ pukina꞉ lopaasa꞉ ekita꞉ ana꞉na꞉ milimikie.

1 Dioni 2:4

Pate ma꞉nda꞉ma꞉ alo hata꞉ alota꞉ I̱ma꞉ta꞉ ipiki handolota alo kone ipika꞉ pi ula꞉ ekimanu na opua pia꞉ka꞉na꞉ta꞉ kota꞉ kutu pita꞉la꞉ someta꞉ yayapiki pi ala꞉ some make mo ota꞉ pi ala꞉ ekita꞉ ipiki pa꞉ta꞉ na ula꞉me.

1 Dioni 2:28

Ota꞉e. Yaka wekiwandikio. Ipiki yaapo ta꞉ma꞉ni pea hapee. Pa ekipeke ipiki opolo epea꞉ka꞉na꞉ta꞉ nikita꞉ honkopu haasa꞉ ekima꞉ tumbulu pa꞉la꞉ tupa꞉ loa꞉me. Kutupa koto mo ipilia꞉ natena꞉ta꞉ ipiki handolo hata꞉ yaala꞉ma꞉ na homolo polome tupa꞉ loa꞉me.

Dioni 15:10

I̱ma꞉ta꞉ yaka Apa꞉na꞉ pi ula꞉ ekimanu opua peata꞉ ipika꞉ pukima꞉ homa꞉la꞉eki pa꞉ta꞉ halo tupa꞉ ikana꞉ma꞉ make yaka pi ula꞉ ekimanu opua pimika꞉na꞉ta꞉ yaka pukima꞉ homoloeki pa꞉ta꞉ halimikie laa leekeme.

1 Dioni 3:24

Ma꞉nda꞉ epima꞉ Koda꞉na꞉ pi ula꞉ ekimanu opua pia꞉ka꞉na꞉ta꞉ ipikita꞉ Koda꞉ yaapo tunao hala꞉ make Koda꞉ta꞉ ipiki yaapo tunao hala꞉me. Kutupa mo Koda꞉ma꞉ niki pa꞉ta꞉ Sipitidi ka꞉leketa꞉ kota꞉ Koda꞉ta꞉ niki ame̱le̱ tunao hala꞉me hone uluma꞉me.

1 Dioni 4:17

Nikana꞉ma꞉ mo Pi Yokaalu Pilie Natena꞉ta꞉ pa honkopu hao halo poluekema꞉ yeketa꞉ mo pukima꞉ homa꞉la꞉ ekita꞉ niki pa꞉ta꞉ ankulao pitaala꞉me. Kutupa nikana꞉ma꞉ miniki halumekee. Pa ekipeke nika꞉ do kenkena꞉ hao peoloma꞉ ekita꞉ mo Ketisona꞉ ekima꞉ kone handa꞉leke loa꞉me.