1 Dioni 2:3 - Panake Pi La: Ula: Buka pita: Kine Pieke Buka

³ Kutupa nikana꞉ma꞉ Koda꞉na꞉ pi ula꞉ ekimanu opua puma꞉ka꞉na꞉ta꞉ kota꞉ ipiki handoloma꞉me laa nika꞉ hone uluma꞉me.

1 Dioni 2:3 Mawu Ofanana

Luku 6:46

Pa ekipeke ikana꞉ma꞉ I̱ pa꞉ta꞉ Tekehalio. Tekehalio alo hata꞉ pu halemepe.

Dioni 14:15

I̱ pa꞉ta꞉ pukima꞉ homekena꞉ta꞉ yaka pi ula꞉ ekimanu opua pilimikie.

Dioni 15:10

I̱ma꞉ta꞉ yaka Apa꞉na꞉ pi ula꞉ ekimanu opua peata꞉ ipika꞉ pukima꞉ homa꞉la꞉eki pa꞉ta꞉ halo tupa꞉ ikana꞉ma꞉ make yaka pi ula꞉ ekimanu opua pimika꞉na꞉ta꞉ yaka pukima꞉ homoloeki pa꞉ta꞉ halimikie laa leekeme.

Dioni 15:14

Kutupa I̱ma꞉ dupa꞉pa꞉ aloeki opua pimika꞉na꞉ta꞉ ikita꞉ yaka yankeke titi halimikie.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.

1 Dioni 2:13

Yaka apa꞉titio. Iki pa꞉ta꞉ do pi laaso ekita꞉ pa mo ota꞉ titina꞉ kini pea a꞉pa pa hao hala꞉ someta꞉ ikana꞉ma꞉ hone wilimi ekina꞉ loa꞉me. Panake haliweki iki pa꞉ta꞉ do pi laasome. Paa ekipeke ikana꞉ma꞉ta꞉ mo Hoke Temoko bepolaleme ekina꞉ loa꞉me.

1 Dioni 3:14

Mo homa꞉la꞉eki mina꞉pa꞉lao da꞉ta꞉la꞉eki pa꞉ta꞉ epoloma꞉ ekita꞉ nika꞉ hone uluma꞉me. Koto mo nikana꞉ma꞉ nika꞉ kametonu pa꞉ta꞉ pukima꞉ homo haloma꞉ ekita꞉ hone ulume laa loa꞉me. Ma꞉nda꞉ epima꞉ pukima꞉ na homea꞉ka꞉na꞉ta꞉ ipikita꞉ mo homa꞉la꞉ ekina꞉ honkopu oto pa꞉ta꞉ paa hala꞉me.

1 Dioni 3:19

Kota꞉ kutu pita꞉la꞉ ekima꞉ta꞉ mo ota꞉eki pa꞉ta꞉ tunaaloma꞉me laa hone ulumeke. Kutupa dupita꞉la꞉ ekima꞉ta꞉ nikana꞉ma꞉ Koda꞉na꞉ leke popelekena꞉ puki hana꞉ nokopoloma꞉ ekie.

1 Dioni 3:6

Koto ekina꞉ ma꞉nda꞉ epi Ketiso yaapo hone homeke wia ta꞉ma꞉ni pu haya꞉ka꞉na꞉ta꞉ kota꞉ koto someta꞉ hoke hau pa na pu hala꞉me. Pate ma꞉nda꞉ epita꞉ hoke hau pa putia pea꞉ka꞉na꞉ta꞉ kota꞉ koto someta꞉ Ketiso ota꞉ na handa꞉la꞉ make hone na ula꞉me.

1 Dioni 4:13

Nikita꞉ Koda꞉ ame̱le̱ ta꞉ma꞉ni pea haloma꞉ make ipikita꞉ niki ame̱le̱ ta꞉ma꞉ni pea hala꞉ ekita꞉ nikana꞉ma꞉ hone uluma꞉me. Pa ekipeke ipikana꞉ma꞉ta꞉ niki pa꞉ta꞉ ipika꞉ Sipitidi ka꞉la꞉mee.

1 Dioni 4:7

Yaka ta꞉ma꞉ni tonuo. Nikana꞉ma꞉ta꞉ ma꞉nda꞉ ma꞉nda꞉ pa꞉ta꞉ pukima꞉ homa꞉ alualu pu hamana꞉e. Pa ekipeke mo pukima꞉ homa꞉la꞉ hauna꞉ teketa꞉ Koda꞉e. Ma꞉nda꞉ epima꞉ pukima꞉ homea꞉ka꞉na꞉ta꞉ ipikita꞉ Koda꞉na꞉ eiyeke hala꞉ make Koda꞉ handa꞉la꞉me.

1 Dioni 5:19

Do kenketa꞉ mo Hoke Temokoma꞉ kilu tombuao hala꞉pate pa nikita꞉ Koda꞉na꞉eki haloma꞉me laa hone uluma꞉me.

1 Dioni 5:2

Nikana꞉ma꞉ Koda꞉ pa꞉ta꞉ pukima꞉ homolo make ipika꞉ pi ula꞉ ekimanu opua pu haloma꞉ ekita꞉ kota꞉ kotota꞉ ipika꞉ wekiwandiki make pukima꞉ homoloma꞉me laa pa handoloma꞉me.

1 Dioni 5:3

Nika꞉ Koda꞉ pa꞉ta꞉ pukima꞉ homoloma꞉ ekima꞉ta꞉ kota꞉ ipika꞉ pi ula꞉eki opua pitoloma꞉eki konee. Kutupa ipika꞉ mana꞉ pi manuma꞉ta꞉ niki ka꞉nda꞉ na peaasa꞉me.

Peneme Yaeyekeeki 12:17

Kutu pia꞉ ekina꞉ mo popake itiki hake si tieke hombelekema꞉ta꞉ mo wanda꞉ pa꞉ta꞉ mineke tieke pankolo hata꞉ ipika꞉ wekiwandiki ame̱le̱ a꞉nda꞉ pulu pea꞉me. Koto tapaketa꞉ mo Koda꞉na꞉ pi ula꞉ ekimanu opua Yesuma꞉ peneme yaasa꞉ ota꞉eki pa꞉ta꞉ kima꞉ na homeke hone tu laeme wanda꞉halie.

Peneme Yaeyekeeki 14:12

Koto ya꞉leke handaa mo Koda꞉na꞉ pi ula꞉ ekimanu opua Yesu pa꞉ta꞉ kima꞉ na homeke hone tulao hala꞉ wanda꞉hali lopaama꞉na꞉yeke ika꞉ pa pina꞉e laa yu wia hala꞉ ekita꞉ ana꞉na꞉ pilieke.

Peneme Yaeyekeeki 22:14

Epi amedama꞉ ika꞉ aka꞉manu tanda꞉pa hake peaemeka꞉na꞉ta꞉ ta꞉na꞉ma꞉ homena꞉e. Ikita꞉ mo hande da꞉ta꞉la꞉eki hala꞉la꞉ tina꞉ kiliki nena꞉ make mo daonina꞉ pota꞉ kake pa꞉ta꞉ yama꞉ pena꞉ make waleke halieke.