1 Dioni 1:6 - Panake Pi La: Ula: Buka pita: Kine Pieke Buka

⁶ Kota꞉ koto ya꞉ka꞉na꞉ta꞉ nikana꞉ma꞉ alota꞉ Ipiki ame̱le̱ homeke hone uluma꞉me la alo hata꞉ pa homeke dina꞉ kone timba꞉ ala꞉eki pa꞉ta꞉ haoma꞉ka꞉na꞉ta꞉ nikana꞉ma꞉ta꞉ mo nika꞉ pi aloma꞉ ekita꞉ makeaasa꞉ hau pitoloma꞉ make yayapikieki pitoloma꞉me.

1 Dioni 1:6 Mawu Ofanana

Ma꞉tiu 7:22

Mo hande wanda꞉hali paeyao momba꞉lalo pa꞉la꞉ Koda꞉na꞉ nate opolo epea꞉ka꞉na꞉ta꞉ wanda꞉hali wopuma꞉ dupiki pimanu I̱ pa꞉ta꞉ lelimikie. Tekehalio. Tekehalio. Naka꞉ biki alo hata꞉ Koda꞉na꞉ pimanu walao haloma꞉me. O Naka꞉ biki loma꞉ ekima꞉ hoke temokomanu wopu tolu lu make ta꞉ta꞉ piki na handeke haumanu tonka꞉na꞉ wopu puma꞉me lelimikie.

Dioni 11:10

Kutu pulu pa꞉la꞉pateta꞉ timba꞉ alo haena꞉ pomia꞉ka꞉na꞉ta꞉ ipiki pa꞉ta꞉ pa̱a̱ na peaasa꞉ ekima꞉ ipikita꞉ lopuluekema꞉ taapa꞉tia pelieke leekeme.

Dioni 12:35

Yesuma꞉ iki pa꞉ta꞉ alota꞉ Mo hande pa̱a̱ pa꞉la꞉ ekita꞉ iki ame̱le̱ hosiki halimikie. Timba꞉ la꞉la꞉ ekima꞉ iki mea tombuaama꞉na꞉ pa̱a̱ pa꞉la꞉ pita꞉ kone pua꞉pa꞉peke. Timba꞉ la꞉pa pa꞉la꞉ pa꞉ta꞉ pula꞉ halima꞉ta꞉ Dota꞉ hando pa꞉ta꞉ pulupe lelieke.

Dioni 12:46

I̱ta꞉ do kenkena꞉ pa̱a̱ pa꞉la꞉eki tupa꞉ a꞉pa halome. I̱ pa꞉ta꞉ hone tulaaseme wanda꞉halita꞉ timba꞉ la꞉ pamba꞉la꞉ pa꞉ta꞉ na haena꞉yeke epoa꞉me.

Dioni 8:12

Yesuma꞉ iki pa꞉ta꞉ paa alota꞉ I̱ta꞉ do kenkena꞉ pa̱a̱e. Hali epima꞉ ya hoki nane telia꞉ mea epea꞉ka꞉na꞉ta꞉ timba꞉ lo pamba꞉la꞉eki pa꞉ta꞉ na pomiki pa̱a̱ pa꞉la꞉eki pa꞉ta꞉ hata꞉ da꞉ta halieke. Mo da꞉ta꞉la꞉ ekina꞉ pa̱a̱ pa꞉la꞉eki pa꞉ta꞉ halieke.

Dioni 8:55

Ipikita꞉ ikana꞉ma꞉ na handelemepate I̱ma꞉ta꞉ ipiki hala꞉eki handolome. Ipikita꞉ I̱ma꞉ na handolome loa꞉ka꞉na꞉ yoluta꞉ kota꞉ iki tupa꞉ yayapiki hali halo pua꞉me. Kutu pulu pua꞉pate I̱ma꞉ ipiki handaata꞉ ipika꞉ pi make opu halome.

1 Timodi 4:2

Koto wala꞉la꞉eki manuta꞉ mo makeaaso yayapiki pi lo haleme wanda꞉halima꞉ peo lalememe. Mo talo talo hake toopi wepikima꞉ ala꞉ta꞉ ma꞉nda꞉ to tokula꞉la꞉ tupa꞉ koto wanda꞉halina꞉ ika꞉ hone teketa꞉ to tokula꞉la꞉me.

Dia꞉mesi 2:14

Ya kametitio. Hali ma꞉nda꞉ma꞉ alota꞉ I̱ta꞉ Ketiso pa꞉ta꞉ hone tulao halome ala꞉pate ipikana꞉ma꞉ ota꞉ hau na pia꞉ka꞉na꞉ta꞉ ota꞉ ekita꞉ ekipape. Koto tupa꞉ hone tulaasa꞉ ekima꞉ta꞉ da꞉ta꞉la꞉eki mea꞉peke ya꞉la꞉pe.

Dia꞉mesi 2:16

kutupa nakana꞉ma꞉ ipiki pa꞉ta꞉ pi alo hata꞉ Keiyae. A꞉pa꞉la꞉me. Naka꞉ loke titipu pina꞉ dau yama ne make naa da polena꞉e leka꞉na꞉ta꞉ ipika꞉ mea꞉peke ya꞉la꞉ ekimanu na haleke pa pi homeke leka꞉na꞉ta꞉ kota꞉ epeke ekita꞉ ekipa pilipikipe.

Dia꞉mesi 2:18

Kutu piliepate hali ma꞉nda꞉ma꞉ dupa lelieke. Nakana꞉ma꞉ naka꞉ hone tulao hale ekina꞉ hone witelepate I̱ma꞉ta꞉ ya hau pitolo ekina꞉ hone witolome laa lelieke. I̱ma꞉ta꞉ hombo peaaso hata꞉ ipiki pa꞉ta꞉ dupa lolueke. Yaka hau pitolo ekima꞉ ya hone tulaalo ekita꞉ waluepate nakana꞉ma꞉ ota꞉ hau na piki naka꞉ hone tulao hale ekita꞉ ekipa walipikipe laa lolueke.

1 Dioni 1:10

Kota꞉ a꞉nda꞉ nikana꞉ma꞉ alo hata꞉ Nikita꞉ hoke hau na poloma꞉me la loma꞉ka꞉na꞉ta꞉ nikana꞉ma꞉ Koda꞉ta꞉ yayapiki pi lo hala꞉ hali au laasoma꞉me. Kutupa ipika꞉ pita꞉ niki pa꞉ta꞉ na ula꞉me.

1 Dioni 1:3

Nikana꞉ma꞉ handaa opoloma꞉ ekita꞉ iki paeyao pa꞉ta꞉ make opuaasoma꞉me. Pa ekipeke nikana꞉ma꞉ mo Ateke make ipika꞉ Eiyeke Yesu Ketiso ame̱le̱ hone homeke uluma꞉ ekita꞉ iki ame̱le̱ mandakena꞉ apa꞉tamena꞉yeke loma꞉me.

1 Dioni 1:8

Nikana꞉ma꞉ alo hata꞉ Nikita꞉ hokeeki na ula꞉me loma꞉ka꞉na꞉ta꞉ kota꞉ nikana꞉ma꞉ta꞉ nika꞉ kone makeaasoma꞉me. Kutupa niki pa꞉ta꞉ta꞉ ota꞉eki na ula꞉me.

1 Dioni 2:4

Pate ma꞉nda꞉ma꞉ alo hata꞉ alota꞉ I̱ma꞉ta꞉ ipiki handolota alo kone ipika꞉ pi ula꞉ ekimanu na opua pia꞉ka꞉na꞉ta꞉ kota꞉ kutu pita꞉la꞉ someta꞉ yayapiki pi ala꞉ some make mo ota꞉ pi ala꞉ ekita꞉ ipiki pa꞉ta꞉ na ula꞉me.

1 Dioni 4:20

Kota꞉ ma꞉nda꞉ epima꞉ Koda꞉ pa꞉ta꞉ pukima꞉ homolome alo hata꞉ kone ipika꞉ kame honditi pia꞉ka꞉na꞉ta꞉ kota꞉ ipikita꞉ yayapiki pi ala꞉ somee. Pa ekipeke mo ipika꞉ lekema꞉ handa꞉la꞉ kameta꞉ pukima꞉ na homolo haya꞉ka꞉na꞉ta꞉ kota꞉ mo ipika꞉ lekema꞉ na handa꞉la꞉ Koda꞉ pa꞉ta꞉ make pukima꞉ homa꞉peke na ya꞉la꞉me.