1 Dioni 1:3 - Panake Pi La: Ula: Buka pita: Kine Pieke Buka

³ Nikana꞉ma꞉ handaa opoloma꞉ ekita꞉ iki paeyao pa꞉ta꞉ make opuaasoma꞉me. Pa ekipeke nikana꞉ma꞉ mo Ateke make ipika꞉ Eiyeke Yesu Ketiso ame̱le̱ hone homeke uluma꞉ ekita꞉ iki ame̱le̱ mandakena꞉ apa꞉tamena꞉yeke loma꞉me.

1 Dioni 1:3 Mawu Ofanana

Dioni 17:11

Ameta꞉ I̱ta꞉ do kenkena꞉ pa na hake neke pa꞉ta꞉ epolo polopate do haliwekita꞉ do kenkena꞉ pa ha pelia halimikie. Yako piki Apa꞉o. Nakana꞉ma꞉ I̱ pa꞉ta꞉ ki bikita꞉ koto bikina꞉ welema꞉ iki handeteke haena꞉ lapeke. Dikita꞉ homeke kone halopa꞉ tupa꞉ iki make homeke tupa꞉ haena꞉yeke loa꞉me.

Dioni 17:21

Paeyaota꞉ homekeeki haena꞉yeke yeni pitolome. Apa꞉o. Neketa꞉ I̱ yaapo haleeki make I̱ neke yaapo haloeki make iki make koto tupa꞉ diki ame̱le̱ haemeka꞉na꞉ta꞉ epelieke. Kenke wanda꞉halima꞉ nakana꞉ma꞉ I̱ tapaaleeki hone wina꞉yeke ikita꞉ homekeeki haemeka꞉na꞉ta꞉ epelieke.

Dioni 17:25

Tiki tiki piki Apa꞉o. Kenke wanda꞉halima꞉ neke na handelemepate I̱ma꞉ta꞉ neke handolome. Kutupa do haliwekima꞉ta꞉ nakana꞉ma꞉ I̱ tapaale ekita꞉ handelememe.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Dioni 19:35

Kutu pia꞉eki handea꞉ halima꞉ta꞉ ikana꞉ma꞉ pi opua miniki hamina꞉yeke kone koto amba꞉ lea꞉me. Kutupa ipikana꞉ma꞉ lea꞉ pita꞉ ota꞉eki alome laa ipika꞉ kone hone wita꞉la꞉me.

Aposolo 13:32

Kutupa dikana꞉ma꞉ make koto hande Pi Seliapo iki pa꞉ta꞉ la kuluekema꞉ a꞉pa halopa꞉me. Koda꞉ma꞉ make nika꞉ apa꞉mei ameda pa꞉ta꞉ pi la꞉ wiekeeki ameta꞉ ika꞉ wekiwandiki titi niki pa꞉ta꞉ peaowala꞉me. Yesu da꞉taala꞉ ekima꞉ta꞉ nika꞉eki peaowala꞉me. Hande hoto yaapo peao wape pieke Emeli pa꞉ta꞉ wape pa꞉la꞉ tupa꞉ dupae. Neketa꞉ yaka Wekie. Ame do natena꞉ I̱ta꞉ naka꞉ Apa꞉ halome laa wape pa꞉la꞉me.

Aposolo 13:41

Koda꞉ma꞉ la꞉la꞉ pimanu pa꞉ta꞉ pi la la pu haleme wanda꞉halio. Handa꞉pe. Kutupa handolo hata꞉ penkilipa꞉tia pomua ota꞉ homa꞉pa꞉pekee. Iki haleme dina꞉ta꞉ I̱ma꞉ pokolo polo eta꞉ ikana꞉ma꞉ hone na wilimikie. Ma꞉nda꞉ma꞉ iki pa꞉ta꞉ la kina꞉ kone opua hone na tulaalimikie laa wape pa꞉la꞉me.

Aposolo 2:42

Mo wanda꞉halima꞉ta꞉ hande aposolo haliwekima꞉ waleme pimanu opua꞉tiki peaata꞉ Ketiso wanda꞉hali ame̱le̱ momba꞉la꞉tiki peaata꞉ yeni pea ne na꞉tiki pimikime.

Aposolo 20:27

I̱ma꞉ta꞉ pi ma꞉nda꞉ na a꞉mbaake Koda꞉na꞉ hau paeyao iki pa꞉ta꞉ waloa꞉me lea꞉me.

Aposolo 4:20

Dikana꞉ma꞉ handopa꞉eki make opupa꞉eki make pa wala꞉peke ya꞉la꞉me leekeme.

Loma꞉ 15:27

Mo mani haleke hauta꞉ ikana꞉ma꞉ ika꞉ hone wia kone halo pelemepate koto hauta꞉ ikana꞉ma꞉ ota꞉ pea꞉pa꞉peke ale kone pitelememe. Mo hande Diu wanda꞉halima꞉ta꞉ Koda꞉ma꞉ ika꞉ temokomanu epeala꞉eki manuta꞉ Diendaili wanda꞉hali pa꞉ta꞉ teli teli peaalememe. Koto peleme ekina꞉ mo hande Diendaili wanda꞉halima꞉ta꞉ ika꞉ wia haleme alemanu Diu wanda꞉hali pa꞉ta꞉ teli teli peao halemeka꞉na꞉ta꞉ epelieke.

1 Kotindi 1:30

Koda꞉ma꞉ iki mea Yesu Ketiso yaapo ta꞉ma꞉ni peala꞉me. Kutupa ipikana꞉ma꞉ Ketisota꞉ nika꞉ hone wopu wita꞉la꞉eki haena꞉ la꞉la꞉me. Kutupa make Ketisoma꞉ nikita꞉ Koda꞉ yaapo tikitiki yao hamono laata꞉ nikita꞉ yakopiki wanda꞉hali hamono la꞉la꞉me. Kutupa ipikana꞉ma꞉ make niki pa ka꞉la꞉pa꞉ tapaala꞉me.

1 Kotindi 1:9

Mo Yesu Ketiso nika꞉ Tekehali yaapo ta꞉ma꞉ni puemena꞉ yeke wi la꞉la꞉ Koda꞉ma꞉ta꞉ ipika꞉ la꞉ ula꞉ pimanu na tunkuliki ota꞉ pilieke. Ipiki pa꞉ta꞉ hone tulaapa꞉peke ya꞉la꞉me.

1 Kotindi 15:1

Ya kametitio. Ame I̱ma꞉ iki pa꞉ta꞉ waloa꞉ Pi Seliapota꞉ ika꞉ hone u tiaaluekema꞉ alome. Koto pima꞉ta꞉ ikana꞉ma꞉ meata꞉ hone tulao honkopu hao hamina꞉ iki mea da꞉taala꞉me.

Epesese 3:6

Koto hande a꞉mbao u hayeke honeta꞉ dupae. Hande Pi Seliapo opueleme ekina꞉ Diendaili wanda꞉hali ikana꞉ma꞉ta꞉ Koda꞉ma꞉ epeaasa꞉ ekimanu Diu wanda꞉hali ame̱le̱ mandakena꞉ apa꞉tao mea꞉peke ya꞉la꞉me. Ikana꞉ma꞉ta꞉ apa꞉tao homeke loke ta̱la̱ hata꞉ta꞉ hande Koda꞉ma꞉ Yesu Ketisoma꞉ peaena꞉ pi la꞉ wiekeeki ikana꞉ma꞉ make minelememe.

Pilipai 1:7

Koto ta꞉na꞉ma꞉ homolo ekita꞉ ota꞉ a꞉pa꞉la꞉me. Do Koda꞉ma꞉ ka꞉leke pokolo e seliapota꞉ iki ame̱le̱ mandakena꞉ apa꞉tao pokoloma꞉me. Ame do I̱ dipula pilu pita꞉ma꞉ make amba꞉ pa pomu haowa꞉ pita꞉ma꞉ make I̱ma꞉ mo Koda꞉na꞉ Pi Seliapota꞉ honkopu haena꞉ loluekema꞉ ya pima꞉ a꞉nda꞉ litolo hombo peao halo ekita꞉ iki ame̱le̱ apa꞉tao hata꞉ pu haloma꞉me.

Pilipai 2:1

Ika꞉ Ketiso pa꞉ta꞉ haleme ekita꞉ iki honkopu hamena꞉ la꞉la꞉pe o ipika꞉ pukima꞉ homa꞉la꞉ ekima꞉ta꞉ ika꞉ hone bamena꞉ la꞉la꞉pe o ikana꞉ma꞉ mo Holi Sipitidi ame̱le̱ ta꞉ma꞉ni pea halemepe o ika꞉ kone pukima꞉ homolo epeke hau pu alualu pelemepe.

Pilipai 3:10

Ya hone pa꞉la꞉eki homeketa꞉ ota꞉ Ketiso handuluekema꞉ hone pa꞉la꞉me. Koto hone pa꞉la꞉ ekita꞉ Ketiso ipika꞉ tiala꞉ wele pa꞉la꞉eki muluekema꞉ make ipikana꞉ma꞉ tanda mieke tupa꞉ muluekema꞉ make kutupa Ketiso homeeke tupa꞉ I̱ make mandake tupa꞉ homuluekema꞉ hone pa꞉la꞉me.

Kolosi 1:13

Ipikana꞉ma꞉ niki timba꞉ leke ekina꞉ honkopu pa꞉ta꞉ haoma꞉eki pa꞉ta꞉ pa꞉ta꞉la꞉ mea a꞉pa mo ipika꞉ Eiyekena꞉ kilu tumbuao hala꞉eki pa꞉ta꞉ hatuku epea꞉me.

1 Desalonaika 1:10

ipika꞉ Eiyeke hepeni nane hao epena꞉yeke handeteke haluekema꞉ pimime. Koda꞉ma꞉ta꞉ ipika꞉ Eiyeke Yesuta꞉ ipikana꞉ma꞉ homa wieke lapa꞉ pa꞉ta꞉ mea tiaeyekeme. Kutupa Yesuma꞉ta꞉ Koda꞉ ipikana꞉ma꞉ wetepe mineke panka꞉la꞉eki niki pa꞉ta꞉ a꞉paapa꞉na꞉ niki pa꞉ta꞉la꞉ minolo pa꞉la꞉me.

1 Timodi 6:2

Mandane pa hameke e pokaaseme tapakema꞉ ika꞉ you halita꞉ Ketiso hali haya꞉ka꞉na꞉ta꞉ ipikita꞉ nika꞉ Ketiso yankeke hone witolo hata꞉ paa pa alema꞉ na handaapa꞉peke. Kotoeki na pikita꞉ ikana꞉ma꞉ dupiki hone witolo Ipikita꞉ ya Ketiso kame haleka꞉na꞉ta꞉ I̱ma꞉ ipiki hone pa꞉la꞉me. I̱ma꞉ ipika꞉ e pokawa꞉ka꞉na꞉ta꞉ ipikana꞉ma꞉ do e pa꞉ta꞉ yama꞉ epeke ale mina꞉e hone wiaata꞉ ikana꞉ma꞉ amba꞉ pokeme e tupa꞉ na pokeketa꞉ kotoeki lombei peao pokaapeke. Do alo pi manuta꞉ nate paeyao wopu sa̱꞉tiaaso hata꞉ wala꞉tiki pu hapeke.

Hibulu 2:12

Ipikana꞉ma꞉ Koda꞉ pa꞉ta꞉ alo alota꞉ Mo nakana꞉ma꞉ pieki paeyaota꞉ ya kame tonu pa꞉ta꞉ la halueke. Naka꞉ bikita꞉ ika꞉ mombilimi alena꞉ta꞉ I̱ma꞉ yeiya꞉ lawaalueke leekeme.

Hibulu 3:1

Koda꞉ma꞉ wi la꞉ mea haena꞉ la꞉la꞉ ya Ketiso kame tonuo nika꞉ hone tu lao haloma꞉ ekina꞉ yeni peao hala꞉ You hali pita꞉ Koda꞉ma꞉ tapaeyeke hali Yesu peneme yaaso hata꞉ta꞉ ipiki pa꞉ta꞉ hone wopu u hapa꞉peke.

Hibulu 3:14

Mo hande nika꞉ titina꞉ hone ti laoma꞉ ekita꞉ na mina꞉pa꞉lake homolo kia꞉naluekema꞉ honkopu hao hata꞉ miniki hao hamana꞉e. Koto hau a꞉nda꞉ puma꞉ka꞉na꞉ta꞉ kota꞉ nikita꞉ ota꞉ Ketiso ame̱le̱ apa꞉tao tunaa haloma꞉me.

1 Pida 5:1

Iki ame̱le̱ hala꞉ you hali weki pa꞉ta꞉ I̱ make you hali hata꞉ iki pa꞉ta꞉ tikitiki yaasa꞉ pi alome I̱ta꞉ Ketisona꞉ tanda miekeeki handoa꞉ halie. Kutupa mo epolo pa꞉la꞉ pa̱a̱ pita꞉la꞉ ekita꞉ I̱ma꞉ make mulueke.

2 Pida 1:16

Mo hande nika꞉ Tekehali Yesu Ketisona꞉ wele pa꞉ta꞉ ipula꞉ ekita꞉ nikana꞉ma꞉ta꞉ pa ma꞉nda꞉ma꞉ ipika꞉ hone pa꞉ta꞉ wa꞉pa꞉la꞉ tameni manuna꞉ tilao hata꞉ iki pa꞉ta꞉ walolo na loma꞉me. Ota꞉ nika꞉ lekema꞉ ipika꞉ honkopu tieke handoma꞉me.

1 Dioni 1:1

Nikana꞉ma꞉ta꞉ mo hande amba꞉ kini pitolo hata꞉ pa hao hao hala꞉ da꞉ta꞉la꞉ pina꞉ pi kone iki pa꞉ta꞉ laasoma꞉me. Nikana꞉ma꞉ opoloma꞉ make ota꞉ nika꞉ lekema꞉ handoloma꞉me. Ota꞉e. Nika꞉ lekema꞉ handoloma꞉ make nika꞉ kikima꞉ ota꞉ wataaloma꞉me.

1 Dioni 1:5

Ameta꞉ nikana꞉ma꞉ mo Koda꞉na꞉ Eiyeke pa꞉ta꞉ yama꞉ opoloma꞉ ekimanu iki paeyao pa꞉ta꞉ opuaaseme ekita꞉ doe. Koda꞉ta꞉ pa̱a̱ kone yaalo hata꞉ ipiki pa꞉ta꞉ta꞉ timba꞉ la꞉la꞉eki ota꞉ ma꞉nda꞉ dia꞉me.

1 Dioni 1:7

Pate mo ipikita꞉ pa̱a̱ pa꞉la꞉eki pa꞉ta꞉ hala꞉ tupa꞉ niki make mo pa̱a̱ pa꞉la꞉eki pa꞉ta꞉ hao poluma꞉ka꞉na꞉ta꞉ kota꞉ nikita꞉ mandakena꞉ hone homeke u alualu poloma꞉me. Kutupa ipika꞉ Eiyeke Yesuna꞉ wema꞉ta꞉ nika꞉ hokeeki paeyao wamo peaasa꞉me.