1 Dioni 1:2 - Panake Pi La: Ula: Buka pita: Kine Pieke Buka

² Hande Da꞉ta꞉la꞉ ekita꞉ do kenkema꞉ handolo poloma꞉ tupa꞉ peneme yamo epeeke handa nikana꞉ma꞉ handoma꞉me. Kutupa koto mo Ateke yaapo hao hayeke niki pa꞉ta꞉ peneme yaeya꞉ Deto hala꞉ ekina꞉ pi iki pa꞉ta꞉ la kitolome.

1 Dioni 1:2 Mawu Ofanana

Dioni 1:18

Hali homeke ma꞉nda꞉ma꞉ Koda꞉ ota꞉ na handeekeme. Kutu piekepate Eiyeke homekema꞉ homeke Koda꞉ tupa꞉ hata꞉ Atekena꞉ popeke nane kikina꞉ pila꞉ halima꞉ kone ipikana꞉ma꞉ niki la ka꞉la꞉me.

Dioni 1:4

Mo hande Pi pa꞉ta꞉ta꞉ da꞉ta꞉la꞉eki pitiekeme. Kutupa mo da꞉ta꞉la꞉ ekita꞉ kenke wanda꞉halina꞉ pa̱a̱ peaasa꞉eki pitiekeme.

Dioni 10:28

Iki pa꞉ta꞉ da꞉ta hao hala꞉eki halono ikita꞉ ota꞉ na homilimikie. Kutupa ikita꞉ ya kiki pa꞉ta꞉ haena꞉ hali ma꞉nda꞉ma꞉ pa꞉ta꞉la꞉ mea꞉peke na ya꞉la꞉me.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Dioni 15:27

Kutupa iki make amba꞉ kone I̱ ame̱le̱ haleme ekina꞉ yaka pi lawaaseme wekitisi haliweki halimikie.

Dioni 16:28

I̱ta꞉ hande yaka Apa꞉ yaapo hao do kenkena꞉ a꞉pa hao ameta꞉ do kenke mina꞉pa꞉lao yaka Apa꞉ pa꞉ta꞉ polueke leekeme.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Dioni 17:5

Apa꞉o. Amba꞉ do kenke a̱i̱ na wepiki hata꞉ neke yaapo hata꞉ mua꞉ pa̱a̱ piki kapu tieketa꞉ kotoeki kone ameta꞉ naka꞉ leke popelekena꞉ hano kie.

Dioni 19:35

Kutu pia꞉eki handea꞉ halima꞉ta꞉ ikana꞉ma꞉ pi opua miniki hamina꞉yeke kone koto amba꞉ lea꞉me. Kutupa ipikana꞉ma꞉ lea꞉ pita꞉ ota꞉eki alome laa ipika꞉ kone hone wita꞉la꞉me.

Dioni 21:14

Do hau pieke ekita꞉ Yesuma꞉ homa paa tiao hata꞉ ipika꞉ disaipolo haliweki pa꞉ta꞉ hoto tepo peao ipiki peneme yao waleekeekie.

Dioni 3:13

Kutupa hali homeke a꞉nda꞉ oli hepeni nane na pa꞉la꞉pate hande Wanda꞉halina꞉ Eiyeke hepeni nane hao a꞉pa꞉la꞉ hali homekee laa leekeme.

Dioni 7:29

Koto halita꞉ ikana꞉ma꞉ na handelemepate ipiki yaapo hao epoa꞉ ekina꞉ make ipikana꞉ma꞉ I̱ tapaeya꞉ ekina꞉ make I̱ma꞉ ota꞉ handolome leekeme.

Dioni 8:38

Yaka Apa꞉ma꞉ I̱ pa꞉ta꞉ walea꞉eki kone I̱ma꞉ walolopate ikana꞉ma꞉ ika꞉ apa꞉ma꞉ walea꞉eki pitelememe leekeme.

Aposolo 10:41

Wanda꞉hali paeyaoma꞉ handena꞉ na leke pa Koda꞉ma꞉ amba꞉la talopu mieke wanda꞉halima꞉ homeke handena꞉ lea꞉me. Nikita꞉ ipika꞉ la haloloma꞉ haliweki haloma꞉me. Ipika꞉ homa paa tiao a꞉paata꞉ nikana꞉ma꞉ ipiki ame̱le̱ ne noma꞉me.

Aposolo 2:32

Do hande Yesuta꞉ Koda꞉ma꞉ paa mea tiaala꞉ ekita꞉ niki paeyaoma꞉ handoma꞉eki iki pa꞉ta꞉ la kitoloma꞉me.

Aposolo 3:15

Ikana꞉ma꞉ mo da꞉taasa꞉ hali limipate Koda꞉ma꞉ mea tiaeyekeme. Kutupa nikana꞉ma꞉ wekitisi do halualu pitoloma꞉ handa꞉e leekeme.

Aposolo 5:32

Nikana꞉ma꞉ do hande piteleme haumanu handaata꞉ la haloloma꞉ haliweki haloma꞉me. Nikana꞉ma꞉ homeke dia꞉me. Holi Sipitidima꞉ make nikana꞉ma꞉ make la haloloma꞉me. Koda꞉ma꞉ ipika꞉ pi opu hala꞉ wanda꞉hali pa꞉ta꞉ Holi Sipitidi halo hala꞉me.

Loma꞉ 8:3

Hande Lo Pi manuma꞉ta꞉ kenke wanda꞉hali ika꞉ honkopu ana꞉ na pa꞉leke handaata꞉ pea꞉peke na ya꞉la꞉ ekita꞉ Koda꞉ma꞉ peaala꞉me. Kenke wanda꞉hali paeyaona꞉ loke tukiki pa꞉ta꞉ ula꞉ hoke hau teke hoeyaaluekema꞉ Koda꞉ma꞉ ipika꞉ Eiyeke kone tapaeyekeme. Hande ipika꞉ Eiyekema꞉ta꞉ hoke hau pu haleme wanda꞉halina꞉ loke manda꞉na꞉ hao kenkena꞉ a꞉paata꞉ hoke hau paeyaaluekema꞉ epeekeme.

Ka꞉leisia 4:4

pa mo hande Koda꞉na꞉ la꞉ wieke nate ota꞉ opolo epeeke pita꞉ma꞉ta꞉ Koda꞉ma꞉ ipika꞉ weki kone tapaeyekeme. Koto wekita꞉ mo do kenke wanda꞉na꞉ weki tupa꞉ a꞉paata꞉

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

2 Timodi 1:10

Pate ameta꞉ mo nika꞉ da꞉taasa꞉ hali Ketiso Yesu ipika꞉ a꞉pa꞉la꞉eki pa꞉ta꞉ yama꞉ peneme yaala꞉me. Mo homa꞉la꞉ ekina꞉ wele ipikana꞉ma꞉ paeyaaso hata꞉ mo Koda꞉na꞉ Pi Seliapo pa꞉ta꞉ yama꞉ deto hala꞉eki peneme yaala꞉me.

Taitasi 1:2

Ika꞉ mo koto hone tulalemeeki make mo ota꞉ pi miniki halemeeki make do hau yaapota꞉ mo deto hala꞉ hauna꞉ ti laasa꞉eki pa꞉ta꞉ ti lalememe. Mo yayapiki pi na lo hala꞉ Koda꞉ma꞉ amba꞉ mo ala꞉ta꞉ ala꞉ta꞉ paeyao na wepia wina꞉ leke do deto hala꞉ ekita꞉ niki pa꞉ta꞉ hone witolo hata꞉ pi la꞉ wiekeme.

1 Pida 5:1

Iki ame̱le̱ hala꞉ you hali weki pa꞉ta꞉ I̱ make you hali hata꞉ iki pa꞉ta꞉ tikitiki yaasa꞉ pi alome I̱ta꞉ Ketisona꞉ tanda miekeeki handoa꞉ halie. Kutupa mo epolo pa꞉la꞉ pa̱a̱ pita꞉la꞉ ekita꞉ I̱ma꞉ make mulueke.

1 Dioni 1:1

Nikana꞉ma꞉ta꞉ mo hande amba꞉ kini pitolo hata꞉ pa hao hao hala꞉ da꞉ta꞉la꞉ pina꞉ pi kone iki pa꞉ta꞉ laasoma꞉me. Nikana꞉ma꞉ opoloma꞉ make ota꞉ nika꞉ lekema꞉ handoloma꞉me. Ota꞉e. Nika꞉ lekema꞉ handoloma꞉ make nika꞉ kikima꞉ ota꞉ wataaloma꞉me.

1 Dioni 2:25

Kotota꞉ mo hande Ketisoma꞉ niki pa꞉ta꞉ kulueke laa pi la꞉ wia꞉ ekita꞉ Da꞉ta꞉la꞉eki lataa.

1 Dioni 3:5

Ketiso opolo epeeke ekita꞉ nika꞉ hoke hau mea bawaluekema꞉ a꞉pa꞉la꞉me. Kutupa ipiki pa꞉ta꞉ta꞉ hokeeki ma꞉nda꞉ na ula꞉me laa hone wilimime.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

1 Dioni 4:14

Kutupa nikana꞉ma꞉ handoloma꞉ ekita꞉ pa mo Atekema꞉ ipika꞉ Eiyeketa꞉ do kenke wanda꞉halina꞉ pa꞉ta꞉la꞉la꞉ some tapaala꞉me laa ma꞉nda꞉ ma꞉nda꞉ pa꞉ta꞉ la hala꞉tiki pu haloma꞉me.

1 Dioni 4:2

Dota꞉ ota꞉ Koda꞉na꞉ Sipitidi ya꞉ka꞉ta꞉me laa handa꞉ ulu peleme tupa꞉ta꞉ dupae. Ma꞉nda꞉ epima꞉ a꞉nda꞉ Yesu Ketisota꞉ do kenke pa꞉ta꞉ ota꞉ hali a꞉pa hayekeme laa lea꞉ka꞉na꞉ta꞉ kota꞉ ipikita꞉ mo Koda꞉ pa꞉ta꞉ yama꞉ ipula꞉ Sipitidi pila꞉mee.

1 Dioni 5:11

Mo peneme yao ala꞉ pita꞉ doe. Koda꞉ma꞉ta꞉ niki pa꞉ta꞉ da꞉taa hao hala꞉eki ka꞉la꞉me. Kutupa do da꞉ta꞉la꞉ ekina꞉ teketa꞉ ipika꞉ Eiyekee.

1 Dioni 5:13

I̱ma꞉ iki pa꞉ta꞉ do laaso ekita꞉ mo da꞉ta꞉la꞉eki ikana꞉ma꞉ amba꞉ melememe laa hone uemena꞉yeke pitolome. Koto mo Koda꞉na꞉ Eiyeke pa꞉ta꞉ hone tulaaseme wanda꞉hali iki pa꞉ta꞉ loa꞉me

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.