1 Dioni 1:10 - Panake Pi La: Ula: Buka pita: Kine Pieke Buka

¹⁰ Kota꞉ a꞉nda꞉ nikana꞉ma꞉ alo hata꞉ Nikita꞉ hoke hau na poloma꞉me la loma꞉ka꞉na꞉ta꞉ nikana꞉ma꞉ Koda꞉ta꞉ yayapiki pi lo hala꞉ hali au laasoma꞉me. Kutupa ipika꞉ pita꞉ niki pa꞉ta꞉ na ula꞉me.

1 Dioni 1:10 Mawu Ofanana

Dioni 3:33

Hali epima꞉ ipika꞉ pi opua miniki haya꞉ka꞉na꞉ta꞉ Koda꞉ma꞉ ota꞉eki ala꞉me laa lelieke.

Kolosi 3:16

Ketisona꞉ pi ipika꞉ ota꞉ epeke ta꞉ta꞉ ma꞉nda꞉ piki pi paeyaota꞉ ika꞉ puki pa꞉ta꞉ wina꞉ lapa꞉peke. Ika꞉ ika꞉ kone hone lenkene pea wita꞉la꞉eki paeyaoma꞉ walolo make tikitiki yatiki pu alualu pu hapa꞉peke. Mo Baibolona꞉ emelimanu make Tekehali yeiya꞉ laasa꞉ emelimanu make Sipitidima꞉ wala꞉la꞉ emelimanu make paeyaota꞉ ika꞉ puki nane Koda꞉ pa꞉ta꞉ keiyae alo lo hapa꞉peke.

1 Dioni 1:8

Nikana꞉ma꞉ alo hata꞉ Nikita꞉ hokeeki na ula꞉me loma꞉ka꞉na꞉ta꞉ kota꞉ nikana꞉ma꞉ta꞉ nika꞉ kone makeaasoma꞉me. Kutupa niki pa꞉ta꞉ta꞉ ota꞉eki na ula꞉me.

1 Dioni 2:14

Yaka wekiwandikio. Iki pa꞉ta꞉ do pi laaso ekita꞉ ikana꞉ma꞉ Apa꞉ Koda꞉ handa hone wilimi ekina꞉ loa꞉me. Yaka apa꞉titio. Iki pa꞉ta꞉ do pi laaso ekita꞉ pa mo ota꞉ titina꞉ kini pea a꞉pa paa hao hala꞉ someta꞉ ikana꞉ma꞉ hone wilimi ekina꞉ loa꞉me. Panake haliweki iki pa꞉ta꞉ do pi laaso ekita꞉ pa mo Koda꞉na꞉ pi iki pa꞉ta꞉ e pokolo haena꞉ iki honkopu hasememe. Kutupa ikana꞉ma꞉ta꞉ mo Hoke Temoko bepolaleme ekina꞉ loa꞉me.

1 Dioni 2:4

Pate ma꞉nda꞉ma꞉ alo hata꞉ alota꞉ I̱ma꞉ta꞉ ipiki handolota alo kone ipika꞉ pi ula꞉ ekimanu na opua pia꞉ka꞉na꞉ta꞉ kota꞉ kutu pita꞉la꞉ someta꞉ yayapiki pi ala꞉ some make mo ota꞉ pi ala꞉ ekita꞉ ipiki pa꞉ta꞉ na ula꞉me.

1 Dioni 4:4

Pate yaka wekiwandikio. Ikita꞉ Koda꞉na꞉ ekie. Kutupa mo makeaaso potopede manuta꞉ amba꞉ bepolalememe. Pa ekipeke mo iki pa꞉ta꞉ pila꞉ Sipitidita꞉ do kenkena꞉ wanda꞉hali tukiki pa꞉ta꞉ pila꞉ sipitidi tupa꞉ dia꞉me. Iki pa꞉ta꞉ pila꞉ Sipitidita꞉ wele wopu pikieki pileke loa꞉me.

1 Dioni 5:10

Koto ekina꞉ ma꞉nda꞉ epima꞉ mo Koda꞉na꞉ Eiyeke pa꞉ta꞉ hone tulaeya꞉ka꞉na꞉ta꞉ kota꞉ koto mo Eiyekena꞉ alo hata꞉ peneme yaasa꞉ pita꞉ ipika꞉ puki pa꞉ta꞉ ula꞉me. Pate ma꞉nda꞉ epima꞉ a꞉nda꞉ Koda꞉ma꞉ leeke ekimanu pa꞉ta꞉ hone na tulaeya꞉ka꞉na꞉ta꞉ kota꞉ ipikana꞉ma꞉ Koda꞉ta꞉ yayapiki pi ala꞉ somee ala꞉me. Pa ekipeke koto somema꞉ta꞉ mo Koda꞉ma꞉ ipika꞉ Eiyekena꞉ alo hata꞉ la꞉la꞉eki hone na tulaala꞉me loa꞉me.

2 Dioni 1:2

Pa ekipeke mo hande ota꞉ ekita꞉ niki pa꞉ta꞉ u pelia hala꞉ ekina꞉ wetepe nina꞉ make niki ame̱le̱ pa u halieke.