1 Dioni 1:1 - Panake Pi La: Ula: Buka pita: Kine Pieke Buka

¹ Nikana꞉ma꞉ta꞉ mo hande amba꞉ kini pitolo hata꞉ pa hao hao hala꞉ da꞉ta꞉la꞉ pina꞉ pi kone iki pa꞉ta꞉ laasoma꞉me. Nikana꞉ma꞉ opoloma꞉ make ota꞉ nika꞉ lekema꞉ handoloma꞉me. Ota꞉e. Nika꞉ lekema꞉ handoloma꞉ make nika꞉ kikima꞉ ota꞉ wataaloma꞉me.

1 Dioni 1:1 Mawu Ofanana

Luku 1:2

Mo amba꞉ hande pieke ekimanu paeyaota꞉ ota꞉ kini pea handaa walemeke haliwekima꞉ niki pa꞉ta꞉ la kimi tupa꞉ kone ikana꞉ma꞉ make ika꞉ wapemanu pa꞉ta꞉ laemekeme.

Luku 24:39

Yaka kiki anke handolota꞉ ota꞉ I̱ ya꞉ka꞉ta꞉me lapa꞉peke. I̱ wataemeka꞉na꞉ta꞉ ota꞉ I̱e hone wilimikie. Watae. I̱ta꞉ temoko yoluta꞉ loke make holiki make na halo pua꞉pate ikana꞉ma꞉ta꞉ I̱ta꞉ holiki hao loke haloeki handa꞉pe laa leekeme.

Dioni 19:35

Kutu pia꞉eki handea꞉ halima꞉ta꞉ ikana꞉ma꞉ pi opua miniki hamina꞉yeke kone koto amba꞉ lea꞉me. Kutupa ipikana꞉ma꞉ lea꞉ pita꞉ ota꞉eki alome laa ipika꞉ kone hone wita꞉la꞉me.

Dioni 20:27

Mo Tomasi pa꞉ta꞉ alota꞉ Naka꞉ kiki ma̱lekema꞉ yaka kiki yaapo pa꞉ta꞉ a꞉pa puae. Kutupa naka꞉ kikima꞉ ya pa꞉ta꞉liki pa꞉ta꞉ make a꞉pa puae. Koto ekina꞉ naka꞉ pi na opitele hau paa na piki ota꞉ opua꞉peke leekeme.

Dioni 5:26

Hande Apa꞉ma꞉ ipiki kone da꞉ta꞉la꞉ teke hali hala꞉ tupa꞉ ipika꞉ Eiyeke make ipiki kone da꞉ta꞉la꞉ teke hali haena꞉ la꞉la꞉me.

Dioni 8:58

Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Eipoloha꞉ma꞉ a̱i̱ na mendieke natena꞉ kone I̱ta꞉ pa halome leekeme.

Aposolo 1:3

Yesuma꞉ ipiki homa hoki nane mo aposolo haliwekima꞉ ipiki ota꞉ wotu handena꞉yeke peneme yao hali tieke yaapo natena꞉ hata꞉ ipika꞉ kone tiaeyekeeki walaata꞉ Koda꞉na꞉ Kilu Tombuao Hala꞉eki iki pa꞉ta꞉ walo hayekeme.

Aposolo 4:20

Dikana꞉ma꞉ handopa꞉eki make opupa꞉eki make pa wala꞉peke ya꞉la꞉me leekeme.

Hibulu 2:3

Kutu pimiki ekina꞉ta꞉ pa niki make mo Koda꞉ma꞉ niki pa꞉ta꞉ lolo ka꞉la꞉ da꞉ta꞉la꞉eki tiekena꞉ hone wopu na uma꞉ka꞉na꞉ta꞉ kota꞉ ekipa mo niki pa꞉ta꞉ kulu pa꞉la꞉ hoke yenki wenduluma꞉pe. Tekehalima꞉ kone do ka꞉la꞉ da꞉ta꞉la꞉eki peneme yaeyekeme. Koto ekita꞉ mo amba꞉ ipikana꞉ma꞉ leeke pi opimiki wanda꞉halima꞉ do pita꞉ ota꞉ la꞉la꞉ pie laa niki pa꞉ta꞉ wopu la kimime.

1 Dioni 4:14

Kutupa nikana꞉ma꞉ handoloma꞉ ekita꞉ pa mo Atekema꞉ ipika꞉ Eiyeketa꞉ do kenke wanda꞉halina꞉ pa꞉ta꞉la꞉la꞉ some tapaala꞉me laa ma꞉nda꞉ ma꞉nda꞉ pa꞉ta꞉ la hala꞉tiki pu haloma꞉me.

1 Dioni 5:7

Do ekina꞉ wekitisi haasa꞉eki manuta꞉ tepoe.

Peneme Yaeyekeeki 1:11

Dupa lea꞉me. Nakana꞉ma꞉ do handolo peleeki manuta꞉ wape laaniao kutupa mo bukata꞉ mo watake hata꞉ daoni manuna꞉ siosi pa꞉ta꞉ tapaapeke. Epesese Semena Pekamamo Daetaeda Sadisi Pila꞉delepia make Leiodisiamanu pa꞉ta꞉ loa꞉me lea꞉me.

Peneme Yaeyekeeki 1:8

Mo Aneke Tekehali Koda꞉ma꞉ alota꞉ I̱ta꞉ ota꞉ titina꞉ ota꞉ wetepe sale nane makee laa I̱ta꞉ ame do halo make amba꞉ haowa꞉ make wetepena꞉ make epolo polo halie ala꞉me lea꞉me.

Peneme Yaeyekeeki 19:13

Ipika꞉ pambaeyeke aka꞉ hokuluta꞉ wema꞉ tote pia꞉me. Ipika꞉ bikita꞉ Koda꞉na꞉ Pie.

Peneme Yaeyekeeki 2:8

Mo Semena siosina꞉ enisolo pa꞉ta꞉ dupa lae. Do pita꞉ mo hande titina꞉ make wetepena꞉ make hala꞉ halima꞉ ala꞉me. I̱ta꞉ homaaka꞉na꞉ paa da꞉taa halo somee ala꞉me.