Yowane 13:18 - Yaubada wasana: Buka Hauhauna tupwana

¹⁸ Yau nige komiu maudoimiu ta ya hetahetalagomiu. Kaiteyadi ya kaisunuwaidi meta kabimiu ya kata. Na teina ta meta bena kulikuli tabuna ye hemamohoiyei, doha ye wane, ‘Na kaiteya maiyagu pwalawa kesega ka kai, meta kabo ye hemala kagu waiunu.’ (Same 41:9)

Youbada wasana: Buka Houhauna tupwana

¹⁸ Yau nige komiu maudoimiu ta ya hetahetalagomiu. Kaiteyadi ya kaisunuwaidi meta kabimiu ya kata. Na teina ta meta bena kulikuli tabuna ye hemamohoiyei, doha ye wane, ‘Na kaiteya maiyagu pwalawa kesega ka kai, meta kabo ye hemala kagu waiunu.’ (Same 41:9)

Yowane 13:18 Mawu Ofanana

Mataiyo 10:36

Tamowai kana waiunu ede kabo yona numakalo tamowaidiyao.’ (Maika 7:6)

Mataiyo 26:21

Yodi kaikai wa unai Yesu ye hededelau udiyedi ye wane, “Ya hededemamohoi kalimiuyena, bodamiu ta unai kabo hesau kagu ye walohai.”

Mataiyo 26:23

Yesu ye hededebui ye wane, “Yoda kaikaigogo ta unai luwamiuyena kaiteya nimanaena pwalawa ye hai na ye hedakwadobiyei kada gaeba ta unai meta iya kabo kagu ye walohai.”

Maleko 14:17

Meimeilahina ne unai Yesu maiyana Saudoudoi-labui wa se lagelau numa wa unai.

Maleko 14:18

Siya sola ma kaikaidi na Yesu ye hededelau udiyedi ye wane, “Ya hededemamohoi! Luwamiu ta unai hesau maiyagu ka kaikaikesega, iya kabo kagu ye walohai.”

Maleko 14:20

Na ye hededelau udiyedi ye wane, “Iya meta Saudoudoi-labui ta luwamiu ne unai. Tamowaina ede maiyagu kama pwalawa ka hedakwadobiyei gaeba kesega unai.

Yowane 13:21

Yesu teina ye hedede na mulinawai nuwana ye pilipili, ede ye hedede ye wane, “Ya hededemamohoi kalimiuwai meta kami kaha hesau kabo kagu ye walohai.”

Yowane 13:22

Yona hekahekatao wa se haibaibaiwaiꞌuyoidi yo nuwadi se dagugu teina meta kaiteya kana hedehedede.

Yowane 13:26

Yesu ye hededebui ye wane, “Teina pwalawa ta kabo ya hedakwa disi ne unai na ya mosei kaiteya unai meta iya tamowaina ede.” Na kabo pwalawa tehana wa ye hedakwa na ye mosei Yudasi Isakaliyota, Simona natuna wa unai.

Yowane 15:16

Komiu nige kwa kaisunuwaigau, na yau ya kaisunuwaigomiu, bena kwa lau kaniyomiu kwa toledi, na kaniyomiu ne kabo se miyahai. Yo ya kaisunuwaigomiu bena saha kwa kaibwadai yau hesaguwai ne, Tamagu kabo ye leyawa.

Yowane 15:19

Ena taba komiu tanoubu ta yona, kabo ye gadosisiyegomiu doha iya yona mamohoidi. Na komiu meta nige tanoubu ta yona, na tanoubu ta unai ya kaisunuwaigomiu. Debanawai tanoubu ta ye subugomiu.

Yowane 15:25

Na se subugau, ede Dawida saha ye kuli yodi kulikuli tabudi udiyedi wa meta se hemamohoiyei, doha ye wane, ‘Siya yodi subugau ne meta nige kaniyona.’ (Same 35:19; Same 69:4)

Yowane 17:12

Huyana yau maiyadi meta yababa udiyedi ya tolotaunidi yo ya kitahetetenamwanamwaedi hesa ku leyama wa unai. Nige hesau ye tauwadam, na iya hekamkamna tauhekalona ne ye bom mo. Teina unai kabo kulikuli tabuna wa ye hemamohoiyei.

Yowane 18:32

Teina ye tubu ta meta Yesu yona boita kana kao ye hededehemasalahayako wa ye laoma ye hemamohoiyei.

Yowane 19:24

Ede tauꞌiyala wa se bom se hedehedede se wane, “Tabu kwama ta ta igaꞌigali. Ta tole na ta kaiheyai kabo kaiteya ye hai.” Teina ye tubu ta meta kulikuli tabuna ye hemamohoiyei doha ye wane, “Yogu kwama se soiyeidi kalidiwai, yo yogu likwaguni kwamana daisi unai se kaiheyai.” (Same 22:18) Na teina laulau ta ede tauꞌiyala tamowaidi wa se ginaulidi.

Yowane 19:36

Teina saha se tubu ta bena kulikuli tabuna se hemamohoiyei, doha ye wane, “Nige siyadana hesau kabo se yatugodu.” (Esodo 12:46; Numela 9:12; Same 34:20)

Yowane 21:17

Hehaiyonana unai Yesu ye wane, “Simona, Yowane natuna, kowa ku gadosisiyeigau?” Petelo nuwana ye kamkamna matawuwuna ma haiyona meta Yesu iya ye henamaiyei ye wane, “Kowa ku gadosisiyeigau?”, na ye wane, “Guiyau! Ginauli maudoidi kabidi ku kata; yo kabina ku katakalili meta ya gadosisiyeigo.” Yesu ye wane, “Yogu mamoe ku hekaidi.

Yowane 6:70

Na Yesu ye hededebui ye wane, “Komiu saudoudoi-labui ta ya kaisunuwaigomiu, na iyamo luwamiu ne unai meta kesega iya Satani yona taupaisowa.”

Apostolo 1:16

ye wane, “Kagu kahao, huyana ye lohakalili na Yaluwa Tabuna nuwatu ye mosei Dawida unai na ye hedede meta Yudasi kabo Yesu tauhaina ye woyaidi. Na Yudasi hedehedede wa ye ginauli.

Apostolo 1:2

ye lau ee mayadaina Yaubada iya ye hai na ye sae galewa. Sola nige ye sae galewa, na Yaluwa Tabuna yona gigibwaliyena hededehesanapu ye mosedi yona kaisunuwa tamowaidiyao udiyedi, siya ede yona apostolo.

Hebelu 4:13

Yaubada matanawai ginauli maudoidi nige hesau wadawadamna, na se masalahakalili matanawai. Laulau sahasahadi ta ginaulidi meta bena ta hededehemasalahadi iya kalinawai.