Yamesi 2:19 - Yaubada wasana: Buka Hauhauna tupwana

¹⁹ Ku kawamamohoi meta Yaubada ne kesega mo. Ye namwa! Teina hedehedede ta unai hinage yaluwa yabayababadi se kawamamohoi, yo se tabutabubu na se matausikalili. Iyamo nige saha hesau se ginauli.

Youbada wasana: Buka Houhauna tupwana

¹⁹ Ku kawamamohoi meta Yaubada ne kesega mo. Ye namwa! Teina hedehedede ta unai hinage yaluwa yabayababadi se kawamamohoi, na se tabutabubu yo se matausikalili. [Iyamo Yaubada yona nuwatu nige se ginauli.]

Yamesi 2:19 Mawu Ofanana

Mataiyo 8:29

Se yogalau unai se wane, “Yaubada natuna, ku laoma kabo saha ku ginauli kalimaiyena? Yaubada yona kaisunuwa mayadaina meta sola nige ye lage, na ku laoma ta bena ku hekamkamnanonohaigai?”

Maleko 1:24

ye wane, “Yesu Nasaleta tamowaina! Ku laoma inai kam paisowa saha? Bena ku hetatagwaligwaligai! Kabim ya kata kowa tabuna Yaubada unai ku laoma ede.”

Maleko 12:29

Yesu ye wane, “Teina laugagayo saesaekalilina ede: ‘Isalaela tamowaidiyao, kwa lapulapui! Guiyau yoda Yaubada, iya Guiyau kesega mo.

Maleko 5:7

Ye yogahilakilaki ye wane, “Yesu, Yaubada saesaekalilina natuna, idohagi to ku laoma kaliguwai? Yaubada hesana unai ku kaigwala meta taba nige ku hekamkamnagau.”

Maleko 7:9

Na kabo ye wane, “Komiu laugagayo tolebuina unai kwa katakalili ede Yaubada yona laugagayo kwa tolehesuwala na komiu kami kulutubu kabikabidiyao mo kwa lauwatanidi.

Yowane 17:3

Teina meta mauli nige kana siga ede: Kowa ku bom Yaubada mamohoina yo yau, Yesu Keliso, yom hetahetamali tamowaina, bena kabida se kata.

Apostolo 16:17

Waihiu wa ye hemuhemuliwatanigai na ye heyoheyoga ma kalina lakilakina ye wane, “Teina tamowai ta Yaubada saesaekalilina yona taupaisowa. Siya kabo se hedehededelaowa kalimiuyena idohagi na kabo mauli kwa lobai.”

Apostolo 19:15

Na huya hesau yaluwa yabayababana ye hededelau udiyedi ye wane, “Yesu kabina ya kata, yo hinage Paulo kabina ya kata, na komiu meta kaiteyadi?”

Apostolo 24:25

Na Paulo ye hedehedede meta yoda miyamiya bena se dudulai Yaubada matanaena, yo tabu gadosisi yababadiyao yo nuwatu yabayababadiyao ta hemuhemuliwatanidi, yo ye hededehemasalaha meta lauhetala lakilakina sola kabo ye laoma. Peliki hedehedede wa ye lapuidi meta ye siliyata yo ye matausikalili, unai ye wane, “Paulo, nabada, na ku lau. Na ena solasola hesau ya lobai kabo ya hedede ku uyoma.”

Galatiya 3:20

Ena tamowai labui bena yodi talam se ginauli, meta tautoloduwaduwali se henuwa. Na huyana Yaubada hededehesunuma ye mosei Abelahama, meta iya ye bom ye ginauli.

Yamesi 2:8

Kulikuli tabuna unai laugagayo saesaekalilina se kuliyako se wane, “Helem taumiya ku gadosisiyei doha ku bom ku gadosisiꞌuyoigo.” (Lewitikasi 19:18) Ena komiu mamohoi laugagayo ne kwa miyawatani meta yomi laulau ne se dudulai.

Yuda 1:4

Na tamowai hekadi meta se hedede bena siya tausunuma na se lulaowako Ekalesiya bodana luwamiuwai. Huya bagubagunana unai kabahekamkamnadi wasana meta kulikuli tabuna unai se kuli hemasalahayako. Siya meta Yaubada yona nuwatu nige taumiyawatanina. Na se hedede meta Yaubada kabo ye katekamkamnaedi, unai ede laulau bikibikidi gonowana se ginaulidi. Yo hinage Yesu Keliso, iya ye bom kada Tanuwaga yo yoda Guiyau wa, se uhalaei.

Yuda 1:6

Yo anelu hekadi yodi kabaloina kana sigasiga Yaubada ye toledi wa nige se henuwa unai se miya, na yodi kabapaisowa maudoidi wa se laugabaedi. Ede Yaubada ye toledi teha masigili unai, na seni miyamiyahaidi udiyedi ye paidi. Na hekasa mayadaina se nayanayai.